شيك بدون رصيد؟؟؟

[الدوحه1]

اتمنى من الاخوان افادتنا عن تجاربهم والاجراءات المتبعه في حالة اكتشاف ان الشيك لم يصرف والسبب "عدم وجود رصيد" في الحساب؟؟؟؟
وهل الاجراءات طويله ومعقده؟؟

[الملا]

اول شيء تاخذ كتاب من بنكك يفيد سبب ارجاع الشيك وترفق صورة الشيك وصورة من بطاقته الشخصية وصورة من هالكتاب وتروح على شرطة الصناعية قسم الشيكات هم يعطونك نموذجين اتعبيهم واتقدم المعاملة .. اهم شيء يكون عندك الاسم الثلاثي للشخص مع رقم جواله ورقم بطاقته وفي الغالب رقم البطاقة اتكون موجوده في الكتاب الصادر من البنك .. والشرطة يتصلون فيه

[الخزرجي قطر]

الأجرات سابقا للشيكات بدون رصيد قويه وفوريه
بس الحين الأجرات يبيلها طولة البال ومحاكم وغيره
الله يعينك على اجراءت الشرطه والمحاكم

[na7ees]

الله يعينك على النيابة
بتلوع كبدك

[BO.ABDULLA]

انسى فلوسك ولا تعور راسك اخوك من سنة 2006 وماشفت شي

[barod]

بعد ما تخلص كل الاجراءات المطلوبه من محاكم ونيابه ومركز العاصمه بيقولون لك انطر وطبعا المده سنين طووييييييييييله

[البدع]

الله يعينك

التوقيع/
واحد تبهدل مع الشيكات بدون رصيد

[خليفـة]

والله ما ودي احطمك ولا اضايقك بكلامي
بس للأمانة
حقك بيكون ضايع
عندي شيك بمبلغ كبير
على واحد
من سنة 2008
اتبعت كل الاجراءات القانونية ضده
ولين اليوم ما خذت لا حق ولا باطل

الله يعوضك خير اخوي ان شاء الله

خليفــة

[MAZEN37]

الأجرات سابقا للشيكات بدون رصيد قويه وفوريه
بس الحين الأجرات يبيلها طولة البال ومحاكم وغيره
الله يعينك على اجراءت الشرطه والمحاكم
واخرتها متعفف عن الدفع
:)
شنو يعني متعفف احد يشرحها لي

[الهاجري_قطر]

نصيحه لحد ياخذ شيك من قطري او مقيم لان حقك ضايع للاسف بلدنا تساعد النصابين والحراميه على النصب انا اطالب هندي مليون ونص من ٢٠٠٧ وماشفت شي وعليه حكم غيابي وحاطله محامي واطلب قطري بكذا مليون وصارلي سنتين وهو في السجن وعنده فلوس بس مسجلها باسم اخوانه والموضوع شكله مطول مااقول الا حسبي الله ونعم الوكيل في القضاه اللي بعضهم مايخاف الله ويتعاطف مع هالنصابين
نصيحه يااخواني لحد ياخذ شيك لو تاخذ نص فلوسك كاش احسن من مليون شيك

[البدع]

الحق ينقال

أخذت حقي بس بعد طولة بال

[الدوحه1]

الأجرات سابقا للشيكات بدون رصيد قويه وفوريه
بس الحين الأجرات يبيلها طولة البال ومحاكم وغيره
الله يعينك على اجراءت الشرطه والمحاكم
ليش الاجراءات الطويله؟؟ التهمه ثابته على راع الشيك المفرض يانه يدفع ولا السجن..


اول شيء تاخذ كتاب من بنكك يفيد سبب ارجاع الشيك وترفق صورة الشيك وصورة من بطاقته الشخصية وصورة من هالكتاب وتروح على شرطة الصناعية قسم الشيكات هم يعطونك نموذجين اتعبيهم واتقدم المعاملة .. اهم شيء يكون عندك الاسم الثلاثي للشخص مع رقم جواله ورقم بطاقته وفي الغالب رقم البطاقة اتكون موجوده في الكتاب الصادر من البنك .. والشرطة يتصلون فيه
مشكور اخوي الملا على الشرح.. لكن لو استدعو راعي الشيك وقعد يماطل شنهو الحل في هالحاله؟؟وبعدين لازم شرطة الصناعيه ولا ممكن اي مركز شرطه؟؟


انسى فلوسك ولا تعور راسك اخوك من سنة 2006 وماشفت شي
معقوله من 2006 ومااستلمت حقك!!!

[الزلزال]

اهم شي مايكون الشيك فات اكثر من ثلاث شهو من تاريخة

[بوحنان]

اخوي عندك شكوتين جنائيه ومدنيه الشكوه الجنائيه تحكم على الشخص بالسجن بسبب انه وقع على شيك من غير رصيد وما تلزم الشخص بالدفع بس متى ما دفع الشخص تنقضي الدعوه بالتصالح وبعدين عندك الشكوه المدنيه هي الي تلزم الشخص بالدفع او الحبس

[محمد الأول]

اتمنى من الاخوان افادتنا عن تجاربهم والاجراءات المتبعه في حالة اكتشاف ان الشيك لم يصرف والسبب "عدم وجود رصيد" في الحساب؟؟؟؟
وهل الاجراءات طويله ومعقده؟؟

الله يعينك ,وأرى الذهاب إلى القضاء المدني بعد أخذ افادة من البنك ,فإذا كان المبلغ أقل من المئة ألف تسجل الدعوى في المحكمة الجزيئة,وألا في المحكمة الكلية إذا كان أكثر مع المطالبة بالتعويض ..,فهو أسرع من الجنائي .

[الشاااهين]

غني ياليــــــــــل مطولك

الله يعينك أوصيك اولا بذكرالله ثم الصبر ثم شوف حد من جماعته ولا ربعه حتى لو عطوك نص فلوسك لا تردد

الاجراءات طويله ياخوي والمشكله العطله جايه وثلاث شهور ويجيك الجلسه ولا مايجيك اشرايك تعطي محامي وتفتك والله يكون في عونك.

[qatari 111]

قدم شكوى وبلاغ بمنعه من السفر .. هذا اول حل

[SULTAN1]

اخي الفاضل ،هل أبلغت صاحب الشيك بارتجاع الشيك ، ترا تحصل في بعض الأوقات ان الشيك يرجع لسبب او لآخر ، لا تقدم عليه شكوى الا في حال ان الرجال يتهرب منك ، في هذي الحالة لا حول ولا قوة الا بالله ،مالك الا القضاء

[بني أميه]

قدم شكوى وانصحك توصي أحفادك ( اللي بيستلمون حقك بعد عمر طويل ) يسوون في جزء منها عمل خيري

حق صاحب الحق ضايع للأسف



الله يعينك

[الدوحه1]

للتوضيح : الشيك صادر من "معرض للسيارات"..
تاريخ الاستحقاق 10/2011.
رحت البنك بتاريخ الاستحقاق وبلغوني ان الحساب بدون رصيد.
ومن هالتاريخ وانا احاول مع "المعرض"..

[boalia]

اخوي عند كاش ماتبيهم عطنياهم وانا بعطيك دفاتر شيكات اذا قدر اطلع حقك
انااطالب اشخاص من سنة 2007 للحين ماشفت ولا ريال من المحكمة المدنية ولا العاصمة
حسبوا من الشيكات مثل ماقالوا الشباب

[قطريه ماركه]

الله يكون بعونك ....

[qatari 111]

اي معرض اخوي خل العالم تعارف علشان العالم تحذر منه ؟؟؟

وعطني اسم المعرض عالخاص ممكن لعل وعسى اقدر اجيب حقك منهم .. لان عندي ناس اعرفهم فالمعارض

[مزعله النساء]

السلام عليكم
والله عندنا واحد ساكن بفيلا صار له سنه ومعطينا شيكات من غير رصيد لا مب قادرين نطلعه ومحاكمنا الله يسامحها حبلها طويل
يعني لو واحد غيرنا ماعنده الا هذي الفيلا ويسترزق منها شيكون مصيره ينحرم من الإجارة لمده فوق السنه

[OREO]

من شهرين قدمت شيك و ارتجع و خليت البنك يختم ع الشيك و خذت ورقه بأن الشيك مرتجع و بالاضافه ورقه ثانيه فيها بيانات صاحب الشيك مع رقمه الشخصي و توقيعه المعتمد في البنك ،،

و بعدها اشتكيت عليه في العاصمه ،، و الاسبوع اللي فات تفاجأت ان صاحب الشيك اتصل فيني و يترجاني اجي العاصمه لان طلع عليه امر قبض + منع سفر ،،

الحمدلله موضوعي خلص ،،


و بكره ان شاءالله رايح اقدم على شيك ثاني لان صاحب الشيك مسفه و ما يرد على تلفونات خلق الله و ان شاءالله نصيبه من نصيب الشخص اللي قبله ،،


موفق ان شاءالله ،،

[R 7 A L]

من شهرين قدمت شيك و ارتجع و خليت البنك يختم ع الشيك و خذت ورقه بأن الشيك مرتجع و بالاضافه ورقه ثانيه فيها بيانات صاحب الشيك مع رقمه الشخصي و توقيعه المعتمد في البنك ،،

و بعدها اشتكيت عليه في العاصمه ،، و الاسبوع اللي فات تفاجأت ان صاحب الشيك اتصل فيني و يترجاني اجي العاصمه لان طلع عليه امر قبض + منع سفر ،،

الحمدلله موضوعي خلص ،،


و بكره ان شاءالله رايح اقدم على شيك ثاني لان صاحب الشيك مسفه و ما يرد على تلفونات خلق الله و ان شاءالله نصيبه من نصيب الشخص اللي قبله ،،


موفق ان شاءالله ،،



قرار سليم
لو كل من مر بمشكلة الشيكات الى بدون رصيد عمل مثل ماسويت كان الناس ماستهانت

وياكثرهم الى شردوا من قطر بعد ما اكتبوا شيكات بدون رصيد ( حسابهم عند الله )

[بوسلمان 2010]

الله يعينك سوالف الجيكات طويلة والله يعوضك خير

[بوحمد111]

الله يصبرك ويقويك

انا عندي مع مشكلة الشيك بدون رصيد وصاحب الشيك عطاني اياها كاش ( ما اقصد الفلوس ) اقصد كلمته وقال لي بالحرف روح اشتك علي يعني بتحصل فلوسك لو اشتكيت مستحيل تحصل على فلوسك والحين صار لي سنه وشهرين مع المحاكم وحطيت لي محامي يتابع الموضوع ووصلنا الى ان الشخص ممنوع من السفر ولا عنده شي بإسمه ولا حظر اي جلسه من الجلسات اللي استدعى لها وفي هذه الايام ان شاء الله سيتم التوصل الى استقطاب مبلغ من راتبه الشهري الى حساب المحكمه والى ان يكتمل المبلغ ممكن استلمه شهري او دفعة واحده والمبلغ ٤٠ الف ريال

وللأسف ان الشخص قطري وموظف في الداخليه ويعرف اشلون ينصب على الناس مثل ما نصب علي

والله المستعان

[eXpert*]

للتوضيح : الشيك صادر من "معرض للسيارات"..
تاريخ الاستحقاق 10/2011.
رحت البنك بتاريخ الاستحقاق وبلغوني ان الحساب بدون رصيد.
ومن هالتاريخ وانا احاول مع "المعرض"..



روح للبنك المصدر للشيك ، وأطلب منهم إفادة بأن الحساب بدون رصيد .

وبعد ما تاخذها أتجه لمركز شرطة العاصمة وفي طلب تعبيه هناك وترفق معاه الشيك مع الأيصال (الإفادة) اللي عطوك البنك.

هم بيتصلون فيه يطلبون منه يدفع الفلوس ودياً وبدون محاكم ولا وجع راس (أغلب المحلات والشركات) تستجيب علشان ما يمس سمعتها شئ . لكن الأفراد أهنيه المشكلة.

الله يعينك ويوفقك .