تبي مكتب تصميم و اشراف؟ / ادخل شوف تجارب الاعضاء/ متجدد

[khaldoon]

السلام عليكم و رحمة الله و بركاته

صديق لي طلب مني ارشح له مكتب استشارات هندسية علشان يبني بيت العمر ....يعني يبي تصميم و اشراف....اخبرته انه ما عندي فكرة عن المكاتب الاستشارية اللي بتبي فلل و بيوت بحكم اني ما اتعامل معها و انه مجال عملي بعيد عنها و اخبرته اني راح ابحثله عن مكتب من خلال ردودكم السابقه في المنتدى... ولما جمعت الردود اللي توفرت عندي من عدة مواضيع في المنتدى فكرت اني اضعها امامكم ايضا في موضوع واحد علشان الكل يستفيد منه ان شاء الله لانه كثير من الاعضاء للاسف الشديد ما يحاولون يبحثون عن التجارب السابقه و بيطرحون موضوع متكرر و هو نبي مكتب يصمم خرايط او نبي مكتب يشرف على البنيان و يكون امين

على العموم الردود التاليه هي ردود الاعضاء و ليست ردودي انا و اتمنى انه نبتعد عن التجريح و الالفاظ النابية عن المكاتب اللي ما ننصح و لنا تجارب سيئه فيها قدر الامكان

ارجو قراءة الملاحظات بشكل جيد لانها فيها اشياء مهمة جدا

تحياتي :nice:

[khaldoon]

مكتب سكتش


أخوي انا كنت نفس مشكلتك وجلست اتخبط يمين ويسار عند كذا مهندس بين قطر والسعودية واطلعت على كذا تصميم وبدون مبالغه يمكن اكثر من 100 تصميم درستهم دراسة وسويت تصميمين ولا حسيت براحه نفسيه

في النهاية أخوي استخرت ربي وجبت ورقه وقلم وسجلت فيها احتياجاتي الحالية واحتياجاتي المستقبليه
ووفقني ربي لمهندس الله يجزيه عني كل خير وهو المهندس أشرف في مكتب سكتش واللي نصحني باكثر من نصيحة وغير لي بمخطط كنت مسويته عند مهندس في السعوديه والحمد لله باقي لي هالحين الواجهات واخلص

_____________

سكتش طالبين مني 2% من قيمة المبنى .. يعني لو كلفني البنيان مليون ونص ..راح ياخذون ثلاثين الف ..

_____________

سكتش خرايطهم غالية.. لكن شغلهم نظيف من حيث جودة التصميم وابتكار أفكار جديدة والمتابعة

والله يوفقك ويوفق الجميع

_____________

سكتش رحت له من سنه شغله تمام ولكن سعره غالي

_____________

اذا جيبك عامر وتبي شي عدل ومحترم ومرتب عندك مكتب اعتقد اسمه اسكتش في بن عمران مهندس وجدي او مجدي

_____________

سكيتش راح تدفع فيه اكثر من 20 الف ويوصل لل30 الف
لكن شغله ممتاز
غالي وممتاز

_____________

اخوي بخصوص سكيتش اسعار غاليه ولكن على الفاضي
خصوصا اذا واحد بيبني على بنك التنميه
اي تصميم بيكون عليه مبلغ اضافي
الواحد يسوي له بيت بحدود ال550 متر بنيان
كثر الاقواس او التصاميم فالنهايه بتنقلب على صاحب البيت لان ياخذ له مساحه كبيره
خصوصا الاقواس علاوة عن ارتفاع التكلفه
ف انا خذيت موقف اسوي بيت مربع واستغل المساحات فالاخير طلعت باربع غرف فالدور الاول مساحاتهم بين ال 4 ونص في 5 و 5 وفي 5 ونص
والماستر 5 في 10

والبنت هاوس سويته غرفه 5 في 6 بحمامها الله يكرمك

والدور الارضي سويت فيه غرفه سادسه 5 في 5 ونص
والصالات والمجلس مفتوحين بمسحاة تقريبا فوق ال110 متر

_____________

عندك مكتب سكتش للاستشارات الهندسيه شغلهم حلو ويعدلون في الخرايط
اذا فيها اخطاء والاشراف عندهم ماعليه كلام عندهم استشاري اسمه عاطف شديد مع المقاول ويفتش على كل شي ياخذون كل شهر 1500 ريال مكتبهم في بن عمران الدور الاول العماره الي جنب معصرة السنافر

_____________

توني بديت مع
Sketch
اللي في بن عمران

عطيته جميع احتياجاتي درسها وسوى لي رسم كروكي

أو ما شفت الرسمة استناست عليها

لأن عندي مشكلة، أرضي مساحتها 1200 (30 * 40) لكنها في زاوية فريج

تحيط بها البيوت من أربع جهات وفي الجهة الرابعة فتحة 10 أمتار لا أكثر ع الشارع

من ضمن احتياجاتي:

(1) المجلس (مجلس ومطعم ومغاسل وحمام وانتوا بكرامة) وغرفة السايق مع الحمام يكون لهم باب خارجي ومنفصل عن البيت.
(2) حوش البيت اللي بيلعبون فيه اليهال يكون بعيد عن كشف مدخل البيت وكذلك عن دخول وخروج السيارات.
(3) مساحات كبيرة للغرف مع متطلبات دقيقة تحتاج لتفاصيل.
(4) الحصول على الخصوصية في ظل محاوط البيوت من 4 جهات.

أي مصمم صعب يلاقي طريقة تجمع بين: (1) حل متطابق مع ستايل حياتنا احنا القطريين. (2) مواصفات البلدية. (3) طريقة ابداعية تجمع جميع هالمتطلبات.

لكني لقيتها في sketch وشكلي بستمر معاهم على الرغم من السعر العالي: 30 ألف لمساحة 1070 متر بنيان.

هاذي تجربتي اللي بديتها والله يوفقك ويوفقنا جميع

_____________

كذا واحد ما مدحه سكيتش

وغير ذلك يحط كميات كبيرة وضخمة من الحديد في الخريطة

وعلى ضوء ذلك بتزيد قيمة البناء بنسبة كبيرة

فيه مكاتب كثيرة أحسن منه

_____________

سكيتش عيبهم ان يحطون كمية حديد تقوم برج هذا الشي خلاني اتوهق مع المقاول بعد
التعديل لان زاد علي المبلغ 102000 ريال

مثل ما قال الاخ يحطون كميه حديد تبني برج وحديد 25 مم

الشكل الخارجي للفله من شبابيك عند التنفيذ سوف يختلف لعدم حساب اماكن البيمات

_____________

عندك سكتش في فريج بن عمران عندهم استشاري اسمه عاطف خبره في السعوديه وعنده ذمه
_____________

[khaldoon]

العلي للاستشارات الهندسية

توكل على الله من أحسن مكاتب الاستشارات كاشراف ،يمكن سعرة اعلى بس متابعين للعمل وحسب المواصفات المتفق مع المقاول

_____________

انا الاستشاري عندي هو العلي للاستشارات الهندسية المهندس سيد والاستشاري فلبيني مضبوط توكل على الله

_____________

العلي لاستشارات الهندسيه مانصح فيه الخرائط غير والواقع غير حسب تجربه شخصيه معاه

_____________

العلي للاستشارات الهندسيه , المهندس محمود الشرقاوي ,وان شاء الله بيراعيك , استشاري محترم وعارف شغله واسعاره ممتازه
_____________

روحي مكتب العلي للاستشارات الهندسيه وبتدعين لي

_____________

انا عملت خرايط بيتي عند مكتب العلي للاستشارات الهندسيه خلف كنتاكي السد بسعر 9000 ريال

_____________

[khaldoon]

شعاع للاستشارات الهندسية

اذا فيه حد من الاخوان ايعرف نقال المهندس المسؤول عندهم يعطيني اياه لاني جربت اتصل على مكتبهم اكثر من مره ومحد ايرد علي ومشكورين مقدما

ما نصحك اختي تسوين معاهم انا مثلج رحت علشان السمعة بس للاسف شغلهم مثل غيرهم كوبي بيست وعانيت من اخطاء التصميم وما يهتمون بالزبون الا اللي عنده واسطه

عموما هذ رقمهم :
44448623

وهذا رقم مهندس المسئول واسمه الامين رحمه :
55814204

^^^^^

نصيحه لوجه الله ابتعدي عن شعاع عن تجربه

_____________

أنا جربت شعاع
أخطاء بسيطة مالاحظتها إلا بعد التنفيذ

أيضا مهم تختار مقاول يعرف ومستعد لتفادى أخطاء المهندسين

_____________

هلا

اخوووي : المكتب هو اللي يخلص لك هالشغلة
مب حضرتك

عن نفسي تعاملت مع مكتب شعاع
مندوبهم خلص كل هالاجراءات

حبيت أقولكم بس

_____________

شعاع


والله يوفقكم


جربتهم

_____________

شعاع
بشارع الامير
وبعد لفة النصر

مووفقيين

_____________

شعاع بعد عنهم اشرافهم وتصميمهم نفس .....

^^^^^

اكد كلامك اخوي مكتب شعاع كلمة تعبان اشوي عليهم
والله دخلت بيت واحد من الشاب و كان شعاع المشرف
ماصدقت الي صاير عمدان مايله و كمرات (بيم) على جنب
طابوق مب سيده بلاستر مب سيده
مدري على شنو كانوا يشرفون
لان راعي البيت كان كله مسافر

_____________

مكتب شعاع

بشارع الأمير

موووفقين

_____________

شعاع للاستشارات الهندسية

سودانيين معاملتهم طيبة و مايقصرون

مكانهم بعد دوار مدماك و انت رايح صوب النصر على اليمين

^^^^^^
اخوي معاك حق طيبين ولكن

الواحد يحتاج استشاري يتابع المشروع ويريحك لأنك دافع مبلغ مقابل الخدمة

والي لاحظته على الاستشاريين في شعاع انهم ما يتابعون المشروع اول باول ولا يبدون ملاحظاتهم الا في امور معينه مثل كمية الحديد ووضع الدعامات لسقف الدور الارضي

ولكن انه يكون موجود وقت الصب او متابعة الأمور الثانية مثل البلاستر او نصايح في الخريطه في حالة وجود أخطاء للأسف

^^^^^^
صادق اخوي انا جربتهم للاسف لازم الواحد يراكض وراهم تخيل خريطة فلتين اخذت فوق ال
4 شهور

_____________

[khaldoon]

المكتب القطري للأستشارات الهندسية

نصيحة لك : روح المكتب القطري للأستشارات الهندسية
عندهم مهندسين محترفين وشغلهم دقيق لكل صغيرة وكبيرة

أنا مسوي عندهم خرايط وطلب مني المحاسب 11000 ريال
وكلمت صاحب المكتب ( للأمانه : الرجل في قمة الأخلاق ومتعاون جداً )
ونزل لي السعر لين 8000 ريال .

^^^^^^
انا اشهد انه رجال طيب
عندهم مهندس هندي اسمه نعيم شغلة زين

___________

المكتب القطري للأستشارات الهندسية
عندهم مصري اسمه محمد لا انصح بالتعامل معه

_____________________

اخوي المكتب القطري للاستشارات الهندسيه يعطيك 50 تصميم على حسب المساحه الي تبيها وتروح البيت وتشوفهم على راحتك وتعدل وتضيف وتسوي وتكبر وتصغر وتوسع ويخلصون لك الكهرباء والماي والبلدية ورخصة البنا كله 7000 اريال ارخص سعر شفته في قطر .

والله يوفقنا وياكم

_____________________

في مكتب القطري الي في الريان يمدحونه بس ماجربته

_____________________

المكتب القطري للاستشارات الهندسية

خرايط البيت وتوزيع الكهرباء من عندة

_____________________

انصحك بالمكتب القطري اللي في الريان لاني سويت تصاميمي عندهم ولا يعلى عليهم

وهذا من تجربة

وبالتوفيق ان شاء الله

_____________________

[khaldoon]

النهضة للاستشارات الهندسية

مرحبا اخوي

عند النهضة للاستشارات الهندسية

المدير العام
م / سعود

صاحب المكتب قطري

_____________________

روح مكتب النهضه في الغرافه
يديره شاب مهندس قطري بنفسه
وعنده مهندسين ذو كفاءة عاليه و سعره معقول جدا
رقم المكتب مب عندي الحين
بس ممكن تاخذه من استعلامات الدليل

_____________________

مرحبا اخوى

انا صاحب شركة مقاولات وعندي مشاريعي ولله الحمد

وتعاملت مع اكثر من شركة استشارات هندسية

وافضلهم
شركة النهضة للاستشارات الهندسية

ادارة قطرية 100%

وتحت اشراف مهندسين على اعلا مستوي ويتابع مع الملاك في المسجات اول باول من اخطاء بناء وغيره من الامور .

وانا احب هالنوعية من الشركات هذي لانهاا تحميني كمقاول ولاتضيع سمعت شركتي

^^^^^^
أنا متعامل مع هالمكتب وأنصحك فيه من واقع تجربه امينين جداً وكفايه المسجات الي اول ب اول توصلك من عندهم ومريحيني والله

مع العلم أني جربت مكتبين قبلهم على نفس المشروع وهم الي ارتحت معاهم

والله يوفقك

_____________________

أنا متعامل مع هالمكتب النهضه وأنصحك فيه من واقع تجربه امينين جداً وكفايه المسجات الي اول ب اول توصلك من عندهم ومريحيني والله

مع العلم أني جربت مكتبين قبلهم على نفس المشروع وهم الي ارتحت معاهم

والله يوفقك
_____________________

عندك شركة النهضة للاستشارات الهندسية

يطلعون على بيتك مرتين او ثلاث مرات في الاسبوع

وعندهم تقاريرهم مع صور عن كل مرحله للموقع

وموقعهم في الغرافة

_____________________

[khaldoon]

مكتب الفن والهندسه


هلا اخوي عندك مكتب الفن والهندسه ممتازين صراحه ومحترمين ... وعندهم مهندسين اشرافيين للموقع يصراحه ذمه وضمير ..
وعندي خريطه لفيلا مساحتها اعتقد 560 بس مسكته فيها غرفتين تحت واربع فوق كل غرفه بحمام وغرفه ملابس وفيها بنت هاوس.. يعني معقوله جدا .. ولو تبي رقم المهندس اللي في مكتب الفن والهندسه حاضرين وايذا تبي مقاول بعد حاضرين ................
والله يوفق الجميع

____________________

من واقع تجربة وتعامل

انا تعاملت مع مكتب الفن والهندسة لصاحبة
القطري المهندس عبدالله المنصوري وموقعهم
شارع الهندسة فوق معرض سانيو

سويت عندهم اكثر من خمس مخططات لمشاريع مختلفة
شغل نظيف وسعر وسط يتناسب مع الجهد المبذول
والمهندس اسامة اخلاق والتزام بالمواعيد قبل كل شي
واذا صار عندك تعديل وانت في وسط المشروع بيعدل لك
وماراح يلزمك بشي مثل باقي المهندسين انت قوله شتبي
وهو راح يسوي ويعدل لك مرة ومرتين وثلاث لين توصل للحل
المناسب اللي يريحك .

بالتوفيق ان شاء الله

____________________


مكتب الفن والهندسة

شارع الهندسة فوق معرض سانيو

اتصل بالمهندس أسامة

وبالتوفيق في مشروعك

____________________

[khaldoon]

مكتب / الفجر للاستشارات الهندسيه

روح مكتب / الفجر للاستشارات الهندسيه مقابل مسجد الاصمخ المهندس اسمه محمد نوار اسعارهم زينه
_______________________________

مكتب الفجر الجديد للاستشارات الهندسيه عند اشارات النجمه خلف المسجد
ونصيحه المكتب الاستشاري الي يسوي لك الخرايط خله هو الي يشرف على المقاول هذا المكتب (الفجر الجديد للاستشارات الهندسيه) هو مصنف درجه ثالثه بس احسن من مكاتب وايد درجه اولى الي كلها لعب ونصب واتفاقيات بين المقاولين ،،
انا مقاول و هذا المكتب هو الاستشاري للمالك و مب راحمني جنني!!! بس احترمه لانه عنده ضمير و ما يرحم بالشغل واعتدى عليه كذا مقاول و كسروا مكتبه السابق بالتاون سنتر لسرقة شيك ضمان لمقاول.!!! وكان يقول لهم سوري هذي امانه للمالك خلصوا الي عليكم ومهما سويتوا ماراح اتحصلوا الشيك كان خاشه بالخزنه ببيته.. يوم سمعت بسالفته من ناس تعاملوا معاه ضحكت .. واسعاره طيبه وعنده شغل وايد ومن خرايطه في سوق بام صلال هو الي مسوي الخرايط وعليه ضغط بالطلب.

_______________________________

انا عندي رقم واحد تعاملت معه هو فهمان .. بس المكتب اللي تبعه شقولك يعني فاشل .. هوو كشخص فاهم وجيد .. ويستحمل منك كل اللي تطلبه لو تقول له اطلع لي فالاسبوع مره مرتين عادي يطلع .. اسم المكتب الفجر والاستشاري اسمه عبد المعبود واستشارتهم 1500 فالشهر إلا إذا تغيرت الاسعار شي ثاني

خرائط ومخططات لا تسوي عندهم نصيحه تبي إشراف هذا الشخص جيـد والا غيره من الاشياء اللي تبيها من المكتب سووو عند غيره

_______________________________

مكتب الفجر. الخريطه 9000 ريال

شغل محترم ونظيف ويوفر كل طلباتك

_______________________________

شركة الفجر للاستشارات الهندسية اسم المهندس محمد رقمه 55039463

_______________________________

[هدوء العاصفة]

اخوي خلدون هذي ردود خبط ولزق ومجرد اراء لا قيمة لها مع احترامي لموضوعك ..

على سبيل المثال أحد احد الردود هي نتيجة لعمل المقاول السيئ وليس للتصميم .. عدا عن الإشراف ..

واعتقد انك تعرف بأن لو مليون مهندس مشرف على المشروع والمقاول تعبان وسيئ فما في فايدة كأنك تأذن بخرابة ..

هذا لا يمنع بأن للإشراف دور مهم في متابعة العمل ورفع جودته ..


الحين اذا قلت لك مكتب شعاع انا جربته ولقيته زين .. ممكن ترد علي وتقول وانت شعرفك انت غير مختص ومش مهندس .. وهالشي ممكن تطبيقه على الكثير من الاراء الموجودة لعدم حياديتها وموضوعيتها ..

كنت اتمنى تتطرق في هذا الموضوع بأمور تكون مفيدة بشكل أكبر قد يجد فيها من يبحث عن مكتب استشاري جيد نقاط مفيدة يستطيع بناء عليها اختيار المكتب الصحيح.

وسلامتك :)

[khaldoon]

اخوي خلدون هذي ردود خبط ولزق ومجرد اراء لا قيمة لها مع احترامي لموضوعك ..

اخي العزيز...هذه الردود التي تقول انه لا قيمة لها هي ردود تعبر عن تجارب الاعضاء خلال بنائهم لبيوتهم و هي التي يقدمونها بشكل مستمر كلما طرح احد الاعضاء موضوع يطلب فيه المساعده في ايجاد افضل مكتب تصميم و اشراف لبناء بيت العمر ...فكيف لا قيمة لها؟!......اليس هذا طعن في شهادتهم؟!!

على سبيل المثال أحد احد الردود هي نتيجة لعمل المقاول السيئ وليس للتصميم .. عدا عن الإشراف ..

اخي الكريم ايش علاقة المقاول السيئ بالتصميم ....المقاول سواء سيء او جيد ينفذ التصميم اللي بين ايديه....

واعتقد انك تعرف بأن لو مليون مهندس مشرف على المشروع والمقاول تعبان وسيئ فما في فايدة كأنك تأذن بخرابة ..

يظهر مدى كفاءة المقاول من خلال جودة العمل و الحال نفسه بالنسبة للاشراف....لو ما كان المقاول متجاوب مع مكتب الاشراف و بيشتغل بطريقه سيئه و اقل من المواصفات المطلوبه فمطلوب من المكتب تثبيت الحاله عند المالك و نصحه بتغيير المقاول او اعلامه اول بأول ان المقاول لا يتجاوب معه نهائيا و ان لا يقوم بالموافقه على الاعمال المنفذه و لا يقبل ان يتم صرف دفعات للمقاول....يعني هو كاستشاري اشار على المالك بالنصح و الارشاد و اعلمه بكل شيء فلو ابقاه المالك فالمالك هو مسؤول عن قرارته ...اما الشغل سيء و المشرف نايم فهذه مسألة اخرى و هذا اللي حبيت اظهره عن المكاتب من خلال الردود


هذا لا يمنع بأن للإشراف دور مهم في متابعة العمل ورفع جودته ..


الحين اذا قلت لك مكتب شعاع انا جربته ولقيته زين .. ممكن ترد علي وتقول وانت شعرفك انت غير مختص ومش مهندس .. وهالشي ممكن تطبيقه على الكثير من الاراء الموجودة لعدم حياديتها وموضوعيتها ..

انا احتسب انه الاخوان و الاخوات اللي ردوا في هذه المواضيع صادقين ان شاء الله و ليس عندهم نوايا اخرى و كل واحد مسؤول ومحاسب امام الله لو انه كتم شهادة حق او انه بهت في احد المكاتب من غير وجه حق

كنت اتمنى تتطرق في هذا الموضوع بأمور تكون مفيدة بشكل أكبر قد يجد فيها من يبحث عن مكتب استشاري جيد نقاط مفيدة يستطيع بناء عليها اختيار المكتب الصحيح.

مثل ايش يا اخوي....اعطيني مثال عن الشي اللي تبيه و لو اقدر فان شاء الله ما أتأخر

وسلامتك :)

حياك الله اخوي شرفني مرورك :nice:

[khaldoon]

البيت القطري للاستشارات الهندسيه


ارشح لك

البيت القطري للاستشارات الهندسيه

موقعهم قريب اشارات العاصمه ..

وعن تجربه عندهم مهندس فلبيني فنان يستغل المساحات ويعطيك افكار حلوه ويصور لك البيت كامل 3d

والخرايط على حسب المساحه والشغل انا سويت عنده اكثر من 6 فلل وعيال عمي وانسابي كل ربعي عنده واقل سعر كان 16 الف وسوينا عنده فله مساحتها 1600 بــ 25 الف ..

بالتوفيق

______________________

اخوي عندك البيت القطري للاستشارات الهندسيه .. ومكانه بالقرب من مركز العاصمه ..

عندهم مهندس فلبيني خطيرررر .. ويستغل المساحات وعنده افكار حلوه ..

وبالتوفيق ان شاء الله

______________________

جربت البيت القطري واسعارهم مبالغ فيها بشكل كبير , والشباب ماقصرو طلعو عيوب وايد في الخريطه الااولى وغير عن السعر الي مبالغ فيه , وحاليا انا مع العلي للاستشارات الهندسيه وبكره باستلم خريطتي , هذا كل الي اعرفه .

______________________

اختي بالنسبه للبيت القطري فيه مهندس فلبيني اعتقد اسمه ري

واستقرب من اخوي الي يقول اسعارهم غاليه اعتقد خرايط البيت تكلفج عندهم من 15 الى 17 الف واعتقد هذا السعر معقول وتعاملهم جدا ممتاز
وباالنسبه للاسعار انا رحت استكش وقالي من 27 الى 30 الف ريال
والبيت القطر يعملج 3d للخرايط هذا الي عندي واي استفسار انا حاضر

^^^^^^
انا الخريطه الي امسويها تدري كم قالي !! قالي 30 الف تخيل , خريطه عاديه 5 غرف نوم وملحق عادي وبينت هاوس بثلاثين الف , وعقب طق ومطاقق ومكاسر قالي خلاص بنزل لك 8 الالاف , يعني صارت الخريطه بـ 22 الف !! ليش انا مسوي قصر , تراها فيلا !!

______________________

الاسعار تتفاوت في الرخيص وفيه الغالي ..

وعلى حسب مساحه الفله وتوزيعاتها والديزاينات اذا زادت زاد السعر

بالنسبه لي عملت اكثر من 7 خرايط عند البيت القطري للاستشارات الهندسيه وكلها متفاوته طبعا . مثل فلتين و عماره وكل شي وله سعر ..

تقدر تقول الاسعار المتوسطه تقريبا من 16 الف الى 25 للفلل وممكن توصل 30

غير العمارة من 40 وطالع على حسب المساحات والشغل فيها .

______________________

انا جربت كذا مكتب وبصراحه ماعندهم ابداع .. ولكن انصح في مكتب اسمه البيت القطري للاستشارات الهندسيه

وعندهم مهندس فلبيني ممتاز ابداع في التوزيع والواجهات

______________________

[khaldoon]

الاقصى للاستشارات الهندسية

الاقصى للاستشارات الهندسية

حمدي ماسك عين خالد - مجدي ماسك الوكرة

بس كل يومين دق عليهم وحسسهم انك متابع ومهتم بأقل شي فالبنيان حزتها ورص عليهم

اسعارهم اقل من 500 متر 1200 ريال / فوق الـ 500 متر 1500 ريال

_____________

الاقصى للاستشارات الهندسية

لو الفيلا مساحتها 500 متر بياخذ عليك 1200

ولو اكبر يمكن اتوصل معاك لين 1500

بس متابعين ويحكرون للمقاول

اما بالنسبة للعلي في ناس تمدحة بس عمري ماجربتة

في ناس تحت قالت ابتعد عنه نهائيا

_____________

الأقصى للاستشارات الهندسية شغله كتصميم اعطيه 70% واغل شغله للمكاتب الاستشارات الهندسيه الصغيره واسعاره خفيفة بالاشراف هذي ميزته،، البيت القطري افضل منه بوايد ونصيحه بالأشراف روح للمكاتب الصغيره افضل لانها تبي تثبت وجودها وبامكانك اخوي تزور موقع وزارة التخطيط العمراني و عندك رابط المكاتب الاستشارية الهندسيه قائمة طويله بتصنيفاتها باسماء المدراء و ارقامهم وايميلاتهم...
اتمنى اكون قدرت افيدك.

_____________

نصيحة لوجه الله ابعد عن الاقصى ... الخرايط عندي وكلها اخطاء عند التنفيذ ... لو حاب تتأكد باوريك الخرايط والاخطاء الفادحة

^^^^^^^

ابعد عن الاقصى نهائي

_____________

مــرحبا اخوي ,,, انا سويت خريطة بيتي عندي الاقصى ونقعني قريب السنه وكانت تصاميمه فاشله وكل مانستقر على خريطه يجينا بعد كم يوم ويقول ماتناسب شروط البلديه ... سواها لي ب 16000 .. عقب ماقدمتها للاسكان حسيت انها خرابيط ههههههههه وبصراحه غيرتها ورحت مكتب الحصباء سواها لي ب9000 لاكن قمه ف الترتيب وشغلهم نظيف ومايعطلونك كلش خلال شهرين خلصت الخريطه وطلعت موافقة البدليه.

انصحك بالحصباء اسعاره حلوة وتعامل احلى ويخلصونك بسرعه

_____________

سبق وسمعت نصايح الربع ورحت الاقصى
وفالاخير تهاوشت وياه من اول مقابله
اتكلم معاه جني داش على وزير

_____________

[khaldoon]

الاندلس للاستشارات الهندسيه

انا مسوي خريطة بيتي في الاندلس للاستشارات الهندسيه

______________________________

الحين قاعد اصممها عند مكتب الاندلس وهي تصميمي الخاص
لان قلت له ابي كذا وكذا وحطيت المساحت اللي ابيها وخليت عليه الباقي
طلب مني 7000 ريال

______________________________

انا مع الاندلس للاستشارات الهندسيه في العزيزيه
بصراحه تعامله فوق الممتاز
وبيسوي لي الخريطه ب 7000 ريال
والخريطه انا اللي محدد في المساحات وموزعها من نفسي
يعني مب كوبي بيست
______________________________

[سهم عتيج]

آفاق للاستشارات الهندسية

بصراحة سويت الخرايط عند شعاع واتفقت مع آفاق للاشراف على البناء

بصراحة طلعوا لي الكثير من الاخطاء اللي كانت في التصميم

وهي يمكن غير مرئية على الخرائط ولكن على ارض الواقع راح تكون مصيبة لو لم يتم تعديلها

لذلك من خلال تجربتي معاهم اجد انهم خايفين ربهم وامينين في شغلهم

موقعهم شارع السد بالقرب من شبستان سابقا في عمارة الكواري

ويعطيك العافية اخوي خلدون على هالمجهود

[حسن]

جزاك الله خير اخوي خلدون خليتنا ناخذ افكار الشباب وعرفتنا على مكاتب هندسيه اول مره اسمع عنها
بس اتوقع اي عمل مهما كان ومن اي مكتب تطلع بعض الاخطاء وقت التنفيذ ويتم تلافيها صح ولا لا ياخلدون

[khaldoon]

آفاق للاستشارات الهندسية

بصراحة سويت الخرايط عند شعاع واتفقت مع آفاق للاشراف على البناء

بصراحة طلعوا لي الكثير من الاخطاء اللي كانت في التصميم

وهي يمكن غير مرئية على الخرائط ولكن على ارض الواقع راح تكون مصيبة لو لم يتم تعديلها

لذلك من خلال تجربتي معاهم اجد انهم خايفين ربهم وامينين في شغلهم

موقعهم شارع السد بالقرب من شبستان سابقا في عمارة الكواري

ويعطيك العافية اخوي خلدون على هالمجهود


الله يعافيك و يبارك فيك يا الغالي

من خلال تجميعي لهذه الملاحظات لما سويت بحث لمدة سنة كاملة لقيت ملاحظه رائعة اذكر انها لك شخصيا تقول فيها:


الأفضل أن يكون الاستشاري غير اللي صمم الخارطة لعدة أسباب منها..

أن الاستشاري اذا كان نفسه المصمم فصعب انه يقر ببعض أخطاء التصميم بينما الاستشاري الآخر ممكن يطلع المالك على بعض الأخطاء التصميمية وممكن يوفر عليه تكاليف زيادة من دون داعي..

هذا رأيي والله يوفقك..

[سهم عتيج]

الله يعافيك و يبارك فيك يا الغالي

من خلال تجميعي لهذه الملاحظات لما سويت بحث لمدة سنة كاملة لقيت ملاحظه رائعة اذكر انها لك شخصيا تقول فيها:


الأفضل أن يكون الاستشاري غير اللي صمم الخارطة لعدة أسباب منها..

أن الاستشاري اذا كان نفسه المصمم فصعب انه يقر ببعض أخطاء التصميم بينما الاستشاري الآخر ممكن يطلع المالك على بعض الأخطاء التصميمية وممكن يوفر عليه تكاليف زيادة من دون داعي..

هذا رأيي والله يوفقك..

نعم اذكر هالكلام وهو كان نابعا من قلبي عندما كنت انوي ان اوكل نفس المصمم للاشراف على الخرائط ولكن ولله الحمد اني ما اتخذت هالقرار وبناء على جلوسي مع مكتب الاستشاري الاخر صدمت من كثرة الاخطاء التي تبدو صغيرة ولكنها راح تكون كارثية في حالة التنفيذ وغير قابلة للتعديل

لذلك لازلت مصمم على ان يكون الاستشاري غير عن مصمم الخرائط لتفادي اخطاء التصميم

والله الموفق

[khaldoon]

جزاك الله خير اخوي خلدون خليتنا ناخذ افكار الشباب وعرفتنا على مكاتب هندسيه اول مره اسمع عنها
بس اتوقع اي عمل مهما كان ومن اي مكتب تطلع بعض الاخطاء وقت التنفيذ ويتم تلافيها صح ولا لا ياخلدون

جيمعا ان شاء الله...حيا الله بالغالي حسن...صحيح المكاتب كلها تغلط سواء كبيره و مشهوره و عالمية و الا صغيره و محلية و الغلط يكون في عدم التنسيق بين اللوحات يعني ما في تنسيق بين اللوحات المعماريه و اللوحات الانشائيه و لوحات الاعمال الميكانيكيه من صرف صحي و تمديدات مياه و غاز و تكييف و .... ولوحات كهربائيه من تمديدات كهربائيه و خطوط تليفونات و انتركم و انترنت و اضاءه و .....

فتلاقي كلها تتعارض مع بعض...و لا يمكن تحقيقها و تكتشف هالمشاكل هذه خلال التنفيذ

طبعا كل ما زاد الخطأ و كان فادح كل ما ظهر انه هالمكتب تعبان وما يشتغل بضمير او بدون تنسيق حقيقي بين الخرايط و في كثير مكاتب تشتغل بمبدأ انه يعطيك على قد فلوسك اللي دفعتها له يعني شوف عاد كم ساعه قضاها في التصميمات و انجاز الخرائط و كل ما كان يلجأ للكوبي بيست معناته كان يغشك و ياخذ فلوس لا يستحقها

لهذا السبب فعلا انا افضل انك تخلي المكتب المشرف غير المكتب المصمم علشان يطلع لك الفضايح و يكشفها اول بأول وما يخبيها و لا يداري عليها

انتبه انه وقتها المقاول الذكي اللي يفهم و يتابع شغله عدل راح يصير يرسل للاستشاري مراسلات اسمها site clarification requests يعني طلب توضحي للخرايط من اجل التنفيذ و وقتها بيصير يحط المشكله و التعارض بين اللوحات و يطلب من الاستشاري انه يفسر التعارض و يحل المشكله و يشير على المقاول ايش يسوي و احيانا المقاول بيطرح المشكله و بيقترح الحل ليسرع من انجاز العمل

على فكره المفروض هالشي اللي يسويه المقاول يتم من البداية و قبل تنفيذ المشروع هذا لو المقاول قوي و بيفهم و ذكي جدا لانه خلال التسعير المفروض انه يكتشف الاخطاء و يطلب تفسير لها لانها من مسؤوليته و كل ما تأخر كل ما ضعف موقفه لاحقا ليش انه ما شيك الخرايط عدل قبل بدء المشروع ....المقاول مسؤول تماما عن كل ما يخص المشروع و ارض المشروع بمجرد قبوله للتنفيذ و بدء العمل و اي معلومات خاطئة بالخرايط و تعارض فيها او حتى بالكميات لا يعفي المقاول من مسؤوليته بس طبعا وقتها المكتب المصمم بيكون شريك بالغلط

[khaldoon]

المركز القطري للإستشارات الهندسية


انا سويت عند المركز القطري
في شارع السلام
عند المهندس وليد الصراحه بدعلي في الخرايط
وسعره 10,000 ومساحة البناء عندي 857

_______________________________

عني أنصحك بالمركز القطري للإستشارات الهندسية
مركز ماعليه كلام وخرايطه جيده ويتابعون شغلك عدل ومايمشون الدفعات إلا بعد إنتهاء المراحل
بالتوفيق

_______________________________

موفق اخوي

المركز القطري للاستشارات الهندسية جيد وسعره معقول خذ رقمه من الاستعلامات
_______________________________

اسمع اخوي انا تعاملت مع مكاتب وايد الصراحة احسن مكتب تعاملت معه المركز القطري للاستشارات الهندسية في معيذر مكتب سريع وشغلهم نظيف اذا رحت لهم قول بغيت المهندس محمد (مصري) مكتبه في الدور الاول اذا عندك فكرة معينة مستعد يرسم لك الخارطة كامله في نفس اليوم واذا اعجبتك تدفع لهم عربون وعلى طول بيحولها حق البلدية وبتاخذ كم يوم علشان يسون لك خارطة الكهرباء والماي والحديد . روح له وراح تدعيلي انشا الله

_______________________________

مرحبا اخوي
من تعاملنا أفضل مركز إستشاري هندسي يفيد المالك ويقدم له النصائح ويوقف في صفه ضد الشركة ولايوقع الدفعات لين تخلص المراحل هو المركز الإستشاري القطري ببداية شارع السلام بعد شارع آل شافي بمعيذر وياخذون بحدود 1500 ريال شهريا تقريبا

تحياتي لك

_______________________________

المركز القطري للاستشارات الهندسية مجرب وصاحبه مهندس قطري يشرف بنفسه

بالتوفيق

_______________________________

هلا
من خلال تعاملنا افضل مكتب استشاري للمالك هو المركز الإستشاري القطري بشارع السلام بمعيذر يتابع مع المالك ومتشدد في التوقيع الا بعد انتهاء المراحل وهذا ممتاز للمالك

بحدود 1500 ريال شهريا

بالتوفيق

_______________________________

انا سمعت انه القطري الي في معيذر تصاميم واشكال ممتازه وسعره مناسب


^^^^
القطري الي بمعيذر جربته وشغله كله كوبي بست

_______________________________


القطري في المعيذر

تعاملهم قمه وشغلهم نظيف

بس المشكله دايما زحمه
_______________________________

[khaldoon]

نعم اذكر هالكلام وهو كان نابعا من قلبي عندما كنت انوي ان اوكل نفس المصمم للاشراف على الخرائط ولكن ولله الحمد اني ما اتخذت هالقرار وبناء على جلوسي مع مكتب الاستشاري الاخر صدمت من كثرة الاخطاء التي تبدو صغيرة ولكنها راح تكون كارثية في حالة التنفيذ وغير قابلة للتعديل

لذلك لازلت مصمم على ان يكون الاستشاري غير عن مصمم الخرائط لتفادي اخطاء التصميم

والله الموفق


بارك الله فيك و الله يكثر من امثالك يا رب

انا ذكرت هالشي فوق علشان انت قول و فعل ...يعني اللي تنصح فيه اخوانك تطبقه اولا على نفسك لانك تحب الخير لهم مثل حبك الخير لنفسك و طبعا انت مب محتاج شهادتي هذه و لا الاثبات اللي قولته لما اقتبست ردك لانه افعالك الطيبه الكثيره من قبل سبقت هذا الموضوع


:nice::nice:

[khaldoon]

الرشيد للإستشارات الهندسية


الرشيد للإستشارات الهندسية
موقعهم عند دوار مدماك
أنا أعرف صاحب الشركة و هو قطري معة دكتوارة في الهندسة و يتابع العمل بنفسة
بالتوفيق


_______________________________

عندك مكتب الاستشاري عبدالرؤوف الرشيد

عنده موريتاني وفلبينيين وهنود

طب وتخير ،،،

بس الجنسية مب كل شي

وافضل حل اسال المقاول قوله مين احسن استشاري ومين اسوء استشاري

واختار الاسوء حسب وجهة نظر للمقاول

وبعد ما تتاكد وتستفسر عنه عند الناس اللي مجربينه يمكن تشوفة الافضل


_______________________________

من واقع تجربه أنصحك بمكتب الرشيد للاستشارات الهندسيه
صاحب المكتب القطري هو المشرف الفعلي على المكتب هو اصلا مهندس وحاصل على درجه الدكتوراه ( بو محمد ) وموظفينه اغلبهم أجانب ( فلبينيون )
أنا معاهم الان اكثر من 4 اشهر واستفدت منه وساعدني كثيرا افضل من غيره الى مسلم المكتب لاجنبي وهو جالس في البيت


_______________________________


السلام عليكم

أنا متعاقد مع الرشيد للاستشارات الهندسية

والله مريحني راعي المكتب في صياغه العقود يطلع عينهم

المهم انه قطري وهو اصلا مهندس وهو الى يشرف على الشغل والمكتب واغلب الموظفين عنده فلبينيين

وكل شهر 1200 ريال وتقرير شهري بالصور


_______________________________

[المنصوري62]

مشكور أخوي خلدون على الجهد الرائع ... جعله الله في ميزان حسناتك

[khaldoon]

مشكور أخوي خلدون على الجهد الرائع ... جعله الله في ميزان حسناتك

الشكر و التقدير لك على تواجدك بالموضوع و الجهد يهون لاجل خاطر عيونكم

بارك الله فيك ما قصرت :nice:

[khaldoon]

اخر تحديث للبيت القطري للاستشارات الهندسيه



البيت القطري للاستشارات الهندسيه


ارشح لك

البيت القطري للاستشارات الهندسيه

موقعهم قريب اشارات العاصمه ..

وعن تجربه عندهم مهندس فلبيني فنان يستغل المساحات ويعطيك افكار حلوه ويصور لك البيت كامل 3d

والخرايط على حسب المساحه والشغل انا سويت عنده اكثر من 6 فلل وعيال عمي وانسابي كل ربعي عنده واقل سعر كان 16 الف وسوينا عنده فله مساحتها 1600 بــ 25 الف ..

بالتوفيق

______________________

اخوي عندك البيت القطري للاستشارات الهندسيه .. ومكانه بالقرب من مركز العاصمه ..

عندهم مهندس فلبيني خطيرررر .. ويستغل المساحات وعنده افكار حلوه ..

وبالتوفيق ان شاء الله

______________________

جربت البيت القطري واسعارهم مبالغ فيها بشكل كبير , والشباب ماقصرو طلعو عيوب وايد في الخريطه الااولى وغير عن السعر الي مبالغ فيه , وحاليا انا مع العلي للاستشارات الهندسيه وبكره باستلم خريطتي , هذا كل الي اعرفه .

______________________

اختي بالنسبه للبيت القطري فيه مهندس فلبيني اعتقد اسمه ري

واستقرب من اخوي الي يقول اسعارهم غاليه اعتقد خرايط البيت تكلفج عندهم من 15 الى 17 الف واعتقد هذا السعر معقول وتعاملهم جدا ممتاز
وباالنسبه للاسعار انا رحت استكش وقالي من 27 الى 30 الف ريال
والبيت القطر يعملج 3d للخرايط هذا الي عندي واي استفسار انا حاضر

^^^^^^
انا الخريطه الي امسويها تدري كم قالي !! قالي 30 الف تخيل , خريطه عاديه 5 غرف نوم وملحق عادي وبينت هاوس بثلاثين الف , وعقب طق ومطاقق ومكاسر قالي خلاص بنزل لك 8 الالاف , يعني صارت الخريطه بـ 22 الف !! ليش انا مسوي قصر , تراها فيلا !!

______________________

الاسعار تتفاوت في الرخيص وفيه الغالي ..

وعلى حسب مساحه الفله وتوزيعاتها والديزاينات اذا زادت زاد السعر

بالنسبه لي عملت اكثر من 7 خرايط عند البيت القطري للاستشارات الهندسيه وكلها متفاوته طبعا . مثل فلتين و عماره وكل شي وله سعر ..

تقدر تقول الاسعار المتوسطه تقريبا من 16 الف الى 25 للفلل وممكن توصل 30

غير العمارة من 40 وطالع على حسب المساحات والشغل فيها .

______________________

انا جربت كذا مكتب وبصراحه ماعندهم ابداع .. ولكن انصح في مكتب اسمه البيت القطري للاستشارات الهندسيه

وعندهم مهندس فلبيني ممتاز ابداع في التوزيع والواجهات

______________________


البيت القطري للاستشارات الهندسيه قريب اشارات العاصمه حاليا ..

شغل ممتاز ومواعيد دقيقه وسعر مناسب

______________________

اختي عليج بالبيت القطري للاستشارات الهندسيه مري عليهم

وبالنسبه للاسعار انا اشوف اسعارهم معقوله واي استفسار انا حاضر

[khaldoon]

اخر تحديث لمكتب شعاع للاستشارات الهندسية


شعاع للاستشارات الهندسية

اذا فيه حد من الاخوان ايعرف نقال المهندس المسؤول عندهم يعطيني اياه لاني جربت اتصل على مكتبهم اكثر من مره ومحد ايرد علي ومشكورين مقدما

ما نصحك اختي تسوين معاهم انا مثلج رحت علشان السمعة بس للاسف شغلهم مثل غيرهم كوبي بيست وعانيت من اخطاء التصميم وما يهتمون بالزبون الا اللي عنده واسطه

عموما هذ رقمهم :
44448623

وهذا رقم مهندس المسئول واسمه الامين رحمه :
55814204

^^^^^

نصيحه لوجه الله ابتعدي عن شعاع عن تجربه

_____________

أنا جربت شعاع
أخطاء بسيطة مالاحظتها إلا بعد التنفيذ

أيضا مهم تختار مقاول يعرف ومستعد لتفادى أخطاء المهندسين

_____________

هلا

اخوووي : المكتب هو اللي يخلص لك هالشغلة
مب حضرتك

عن نفسي تعاملت مع مكتب شعاع
مندوبهم خلص كل هالاجراءات

حبيت أقولكم بس

_____________

شعاع


والله يوفقكم


جربتهم

_____________

شعاع
بشارع الامير
وبعد لفة النصر

مووفقيين

_____________

شعاع بعد عنهم اشرافهم وتصميمهم نفس .....

^^^^^

اكد كلامك اخوي مكتب شعاع كلمة تعبان اشوي عليهم
والله دخلت بيت واحد من الشاب و كان شعاع المشرف
ماصدقت الي صاير عمدان مايله و كمرات (بيم) على جنب
طابوق مب سيده بلاستر مب سيده
مدري على شنو كانوا يشرفون
لان راعي البيت كان كله مسافر

_____________

مكتب شعاع

بشارع الأمير

موووفقين

_____________

شعاع للاستشارات الهندسية

سودانيين معاملتهم طيبة و مايقصرون

مكانهم بعد دوار مدماك و انت رايح صوب النصر على اليمين

^^^^^^
اخوي معاك حق طيبين ولكن

الواحد يحتاج استشاري يتابع المشروع ويريحك لأنك دافع مبلغ مقابل الخدمة

والي لاحظته على الاستشاريين في شعاع انهم ما يتابعون المشروع اول باول ولا يبدون ملاحظاتهم الا في امور معينه مثل كمية الحديد ووضع الدعامات لسقف الدور الارضي

ولكن انه يكون موجود وقت الصب او متابعة الأمور الثانية مثل البلاستر او نصايح في الخريطه في حالة وجود أخطاء للأسف

^^^^^^
صادق اخوي انا جربتهم للاسف لازم الواحد يراكض وراهم تخيل خريطة فلتين اخذت فوق ال
4 شهور

_____________





آفاق للاستشارات الهندسية

بصراحة سويت الخرايط عند شعاع واتفقت مع آفاق للاشراف على البناء

بصراحة طلعوا لي الكثير من الاخطاء اللي كانت في التصميم

وهي يمكن غير مرئية على الخرائط ولكن على ارض الواقع راح تكون مصيبة لو لم يتم تعديلها

لذلك من خلال تجربتي معاهم اجد انهم خايفين ربهم وامينين في شغلهم

موقعهم شارع السد بالقرب من شبستان سابقا في عمارة الكواري





مكتب شعاع للأستشارات الهندسية .. وأنت طالع من نفق مدماك بأتجاه الشمال قبل مسجد الأنصاري .. شغلهم أوكي بس بينقعونك تقريباً من شهرين إلى الثلاث شهور


_____________

شعاع ــ مجربينه وابوي للحين معصب عليه هههههه

جربناهم ومايصلحون بصراحه ..

[khaldoon]

اخر تحديث للمركز القطري للاستشارات الهندسية


المركز القطري للإستشارات الهندسية


انا سويت عند المركز القطري
في شارع السلام
عند المهندس وليد الصراحه بدعلي في الخرايط
وسعره 10,000 ومساحة البناء عندي 857

_______________________________

عني أنصحك بالمركز القطري للإستشارات الهندسية
مركز ماعليه كلام وخرايطه جيده ويتابعون شغلك عدل ومايمشون الدفعات إلا بعد إنتهاء المراحل
بالتوفيق

_______________________________

موفق اخوي

المركز القطري للاستشارات الهندسية جيد وسعره معقول خذ رقمه من الاستعلامات
_______________________________

اسمع اخوي انا تعاملت مع مكاتب وايد الصراحة احسن مكتب تعاملت معه المركز القطري للاستشارات الهندسية في معيذر مكتب سريع وشغلهم نظيف اذا رحت لهم قول بغيت المهندس محمد (مصري) مكتبه في الدور الاول اذا عندك فكرة معينة مستعد يرسم لك الخارطة كامله في نفس اليوم واذا اعجبتك تدفع لهم عربون وعلى طول بيحولها حق البلدية وبتاخذ كم يوم علشان يسون لك خارطة الكهرباء والماي والحديد . روح له وراح تدعيلي انشا الله

_______________________________

مرحبا اخوي
من تعاملنا أفضل مركز إستشاري هندسي يفيد المالك ويقدم له النصائح ويوقف في صفه ضد الشركة ولايوقع الدفعات لين تخلص المراحل هو المركز الإستشاري القطري ببداية شارع السلام بعد شارع آل شافي بمعيذر وياخذون بحدود 1500 ريال شهريا تقريبا

تحياتي لك

_______________________________

المركز القطري للاستشارات الهندسية مجرب وصاحبه مهندس قطري يشرف بنفسه

بالتوفيق

_______________________________

هلا
من خلال تعاملنا افضل مكتب استشاري للمالك هو المركز الإستشاري القطري بشارع السلام بمعيذر يتابع مع المالك ومتشدد في التوقيع الا بعد انتهاء المراحل وهذا ممتاز للمالك

بحدود 1500 ريال شهريا

بالتوفيق

_______________________________

انا سمعت انه القطري الي في معيذر تصاميم واشكال ممتازه وسعره مناسب


^^^^
القطري الي بمعيذر جربته وشغله كله كوبي بست

_______________________________


القطري في المعيذر

تعاملهم قمه وشغلهم نظيف

بس المشكله دايما زحمه
_______________________________


جعله منزل مبارك ان شاءالله اختي انا عن تجربة افضل المركز القطري للاستشارات
الهندسية .

_______________________________

02 المركز القطري - معيذر - شارع ام التجارى - بعد سوبرماركت السعودية .
_
______________________________

[khaldoon]

متفرقات


مرحبا اخوي عندك مكتب الريم للاستشارات الهندسيه مكتبهم في العزيزيه شغلهم نظيف من واقع تجربه بصراحه واسعارهم مناسبه جدااا جدااا والله يوفقك في منزل العمر انشاء الله .


_______________________________

مكتب المهندسين العرب .. او العرب للهندسه .. او الاستشاره العربيه
شي جي


وايد زين ورائع .. ما عندي ارقامهم

_______________________________

بعطيك رقم مهندس درجة الماجستير فالهندسة الانشائية اهو بيفيدك عند من تروح لانه تعامل مع اكثر من مكاتب استشاريه ويقدر يفيد والرجال امين وثقه وايضا عضو في لجنة التحكيم الهندسي
اسمه م / مصطفى 66164605

_______________________________

اخوي تبي شغل عدل وضمون وامانه عندك اتاك للاستشارات الهندسيه بس كل شي بحسابه يعني ادفع زياده وحصل شغل عدل لانه هو غالي شوي وبالتوفيق

_______________________________

سمعت عن المها للاسشتارات الهندسية في النصرر

ومصمم حق كذا شخص اعرفهم التصاميم وايد حلووة واعتقد الاسعار معقولة

_______________________________

بنيان بالريان ممتازة وسعرها معقول جداً بس عيبهم يطولون إلا إذا فيه متابعة مستمرة منك
بشكل يومي

_______________________________

[(عبدالله)]

مرحبا أخوي خلدون

يعطيك العافية على هالجهد الرائع.. اختصرت علينا الوقت والجهد ورتبت لنا
المواضيع والردود اللي بتسهل على الواحد اتخاذ القرار..

بالمناسبة... أنا صاحب هذا الرد عن Sketch

حبيت أقول إني ما استمريت معاهم. كان اللقاء معاهم حلو في أول زيارتين لكن بعد ذلك
صارت الأمور بايخة:

(1)
المفروض ياخذ احتياجاتي وعلى أساسها يفصّل البيت
لكنه سوى العكس، عمل الرسم الكروكي وحاول يركّب طلباتي غصب فيه
وبالتالي غرف صغرها وغرف كبرها وغرف أضافها بلاداعي وغرف ما سواها...إلخ

(2)
سوء المعاملة
إعطاء مواعيد والتخلف عنها، لدرجة إني آخذ موعد ويقول لي تعال بعد ساعة، ولما أضرب الخط وأجيه يقول لي أعتذر تعال لي مرة ثانية.. او يصرفني .. وحصل كذا مرة.

(3)
زيادة الأعمدة والأساسات بشكل ما له داعي.

(4)
عدم تجاوب رئيس القسم لشكواي، وعشان يراضيني قعد معاي بنفسه وقال بابدأ من حيث انتهى المهندس الاول، خذ احتياجاتي مرة ثانية وعطاني موعد، ولما جيته على الموعد طلع مسافر ولا فوض أحد ينوب عنه في تصميمي!!

(5)
المهندس الثالث استلم التصميم المبدئي وخذ احتياجاتي مرة أخيرة، اكتشفت إنه ما يعرف يتكتك وكله يعطي كلام حلو وبس وقال لي روح ادفع دفعة اولى.

خلاصة الموضوع طلعت من عندهم وشفت لي مصمم رفيجي سوالي ولله الحمد خريطة من أروع ما تكون، وهذا اني حصلت عليها الموافقة الأسبوع اللي فات.

والله الموفق


مكتب سكتش


توني بديت مع
Sketch
اللي في بن عمران

عطيته جميع احتياجاتي درسها وسوى لي رسم كروكي

أو ما شفت الرسمة استناست عليها

لأن عندي مشكلة، أرضي مساحتها 1200 (30 * 40) لكنها في زاوية فريج

تحيط بها البيوت من أربع جهات وفي الجهة الرابعة فتحة 10 أمتار لا أكثر ع الشارع

من ضمن احتياجاتي:

(1) المجلس (مجلس ومطعم ومغاسل وحمام وانتوا بكرامة) وغرفة السايق مع الحمام يكون لهم باب خارجي ومنفصل عن البيت.
(2) حوش البيت اللي بيلعبون فيه اليهال يكون بعيد عن كشف مدخل البيت وكذلك عن دخول وخروج السيارات.
(3) مساحات كبيرة للغرف مع متطلبات دقيقة تحتاج لتفاصيل.
(4) الحصول على الخصوصية في ظل محاوط البيوت من 4 جهات.

أي مصمم صعب يلاقي طريقة تجمع بين: (1) حل متطابق مع ستايل حياتنا احنا القطريين. (2) مواصفات البلدية. (3) طريقة ابداعية تجمع جميع هالمتطلبات.

لكني لقيتها في sketch وشكلي بستمر معاهم على الرغم من السعر العالي: 30 ألف لمساحة 1070 متر بنيان.

هاذي تجربتي اللي بديتها والله يوفقك ويوفقنا جميع

_____________

[khaldoon]

مكتب سكتش


أخوي انا كنت نفس مشكلتك وجلست اتخبط يمين ويسار عند كذا مهندس بين قطر والسعودية واطلعت على كذا تصميم وبدون مبالغه يمكن اكثر من 100 تصميم درستهم دراسة وسويت تصميمين ولا حسيت براحه نفسيه

في النهاية أخوي استخرت ربي وجبت ورقه وقلم وسجلت فيها احتياجاتي الحالية واحتياجاتي المستقبليه
ووفقني ربي لمهندس الله يجزيه عني كل خير وهو المهندس أشرف في مكتب سكتش واللي نصحني باكثر من نصيحة وغير لي بمخطط كنت مسويته عند مهندس في السعوديه والحمد لله باقي لي هالحين الواجهات واخلص

_____________

سكتش طالبين مني 2% من قيمة المبنى .. يعني لو كلفني البنيان مليون ونص ..راح ياخذون ثلاثين الف ..

_____________

سكتش خرايطهم غالية.. لكن شغلهم نظيف من حيث جودة التصميم وابتكار أفكار جديدة والمتابعة

والله يوفقك ويوفق الجميع

_____________

سكتش رحت له من سنه شغله تمام ولكن سعره غالي

_____________

اذا جيبك عامر وتبي شي عدل ومحترم ومرتب عندك مكتب اعتقد اسمه اسكتش في بن عمران مهندس وجدي او مجدي

_____________

سكيتش راح تدفع فيه اكثر من 20 الف ويوصل لل30 الف
لكن شغله ممتاز
غالي وممتاز

_____________

اخوي بخصوص سكيتش اسعار غاليه ولكن على الفاضي
خصوصا اذا واحد بيبني على بنك التنميه
اي تصميم بيكون عليه مبلغ اضافي
الواحد يسوي له بيت بحدود ال550 متر بنيان
كثر الاقواس او التصاميم فالنهايه بتنقلب على صاحب البيت لان ياخذ له مساحه كبيره
خصوصا الاقواس علاوة عن ارتفاع التكلفه
ف انا خذيت موقف اسوي بيت مربع واستغل المساحات فالاخير طلعت باربع غرف فالدور الاول مساحاتهم بين ال 4 ونص في 5 و 5 وفي 5 ونص
والماستر 5 في 10

والبنت هاوس سويته غرفه 5 في 6 بحمامها الله يكرمك

والدور الارضي سويت فيه غرفه سادسه 5 في 5 ونص
والصالات والمجلس مفتوحين بمسحاة تقريبا فوق ال110 متر

_____________

عندك مكتب سكتش للاستشارات الهندسيه شغلهم حلو ويعدلون في الخرايط
اذا فيها اخطاء والاشراف عندهم ماعليه كلام عندهم استشاري اسمه عاطف شديد مع المقاول ويفتش على كل شي ياخذون كل شهر 1500 ريال مكتبهم في بن عمران الدور الاول العماره الي جنب معصرة السنافر

_____________

توني بديت مع
Sketch
اللي في بن عمران

عطيته جميع احتياجاتي درسها وسوى لي رسم كروكي

أو ما شفت الرسمة استناست عليها

لأن عندي مشكلة، أرضي مساحتها 1200 (30 * 40) لكنها في زاوية فريج

تحيط بها البيوت من أربع جهات وفي الجهة الرابعة فتحة 10 أمتار لا أكثر ع الشارع

من ضمن احتياجاتي:

(1) المجلس (مجلس ومطعم ومغاسل وحمام وانتوا بكرامة) وغرفة السايق مع الحمام يكون لهم باب خارجي ومنفصل عن البيت.
(2) حوش البيت اللي بيلعبون فيه اليهال يكون بعيد عن كشف مدخل البيت وكذلك عن دخول وخروج السيارات.
(3) مساحات كبيرة للغرف مع متطلبات دقيقة تحتاج لتفاصيل.
(4) الحصول على الخصوصية في ظل محاوط البيوت من 4 جهات.

أي مصمم صعب يلاقي طريقة تجمع بين: (1) حل متطابق مع ستايل حياتنا احنا القطريين. (2) مواصفات البلدية. (3) طريقة ابداعية تجمع جميع هالمتطلبات.

لكني لقيتها في sketch وشكلي بستمر معاهم على الرغم من السعر العالي: 30 ألف لمساحة 1070 متر بنيان.

هاذي تجربتي اللي بديتها والله يوفقك ويوفقنا جميع

_____________

كذا واحد ما مدحه سكيتش

وغير ذلك يحط كميات كبيرة وضخمة من الحديد في الخريطة

وعلى ضوء ذلك بتزيد قيمة البناء بنسبة كبيرة

فيه مكاتب كثيرة أحسن منه

_____________

سكيتش عيبهم ان يحطون كمية حديد تقوم برج هذا الشي خلاني اتوهق مع المقاول بعد
التعديل لان زاد علي المبلغ 102000 ريال

مثل ما قال الاخ يحطون كميه حديد تبني برج وحديد 25 مم

الشكل الخارجي للفله من شبابيك عند التنفيذ سوف يختلف لعدم حساب اماكن البيمات

_____________

عندك سكتش في فريج بن عمران عندهم استشاري اسمه عاطف خبره في السعوديه وعنده ذمه
_____________



مرحبا أخوي خلدون

يعطيك العافية على هالجهد الرائع.. اختصرت علينا الوقت والجهد ورتبت لنا
المواضيع والردود اللي بتسهل على الواحد اتخاذ القرار..

بالمناسبة... أنا صاحب هذا الرد عن Sketch

حبيت أقول إني ما استمريت معاهم. كان اللقاء معاهم حلو في أول زيارتين لكن بعد ذلك
صارت الأمور بايخة:

(1)
المفروض ياخذ احتياجاتي وعلى أساسها يفصّل البيت
لكنه سوى العكس، عمل الرسم الكروكي وحاول يركّب طلباتي غصب فيه
وبالتالي غرف صغرها وغرف كبرها وغرف أضافها بلاداعي وغرف ما سواها...إلخ

(2)
سوء المعاملة
إعطاء مواعيد والتخلف عنها، لدرجة إني آخذ موعد ويقول لي تعال بعد ساعة، ولما أضرب الخط وأجيه يقول لي أعتذر تعال لي مرة ثانية.. او يصرفني .. وحصل كذا مرة.

(3)
زيادة الأعمدة والأساسات بشكل ما له داعي.

(4)
عدم تجاوب رئيس القسم لشكواي، وعشان يراضيني قعد معاي بنفسه وقال بابدأ من حيث انتهى المهندس الاول، خذ احتياجاتي مرة ثانية وعطاني موعد، ولما جيته على الموعد طلع مسافر ولا فوض أحد ينوب عنه في تصميمي!!

(5)
المهندس الثالث استلم التصميم المبدئي وخذ احتياجاتي مرة أخيرة، اكتشفت إنه ما يعرف يتكتك وكله يعطي كلام حلو وبس وقال لي روح ادفع دفعة اولى.

خلاصة الموضوع طلعت من عندهم وشفت لي مصمم رفيجي سوالي ولله الحمد خريطة من أروع ما تكون، وهذا اني حصلت عليها الموافقة الأسبوع اللي فات.

والله الموفق



:app2:


اخر تحديث لمكتب سكيتش

[khaldoon]

مرحبا أخوي خلدون

يعطيك العافية على هالجهد الرائع.. اختصرت علينا الوقت والجهد ورتبت لنا
المواضيع والردود اللي بتسهل على الواحد اتخاذ القرار.

والله الموفق




بارك الله فيك اخوي العزيز عبدالله و هذا بس من لطفك و ذوقك و طيب خلقك

انا شلت الاسماء قبل حتى لا ازعج اصحابها اما لو هم اعلنوا انهم كاتبين هذه المشاركات من قبل فهذا موضع تقدير و احترام لهم جميعا

اشكرك كل الشكر على تحديث المعلومات الخاصه بمكتب سكيتش و اعطانا انطباعك الجديد عنه و الذي يهم كل من هو مقدم على البنيان

في ميزان حسناتك ان شاء الله و الله يكثر من امثالك يا رب

[معماري قطري]

ما اشوف حد ذكر مكتب اتحاد قطر للتخطيط، ولا مكتب غآلف ديزاين كونسبت، ولا مكتب سيكو، ولا مكتب محرم باخوم المهندسون العرب، ولا المكتب العربي للشؤون الهندسية .. إبراهيم الجيدة وهذي كلها مكاتب من أفضل المكاتب القطرية، وممكن يكلف التصميم 100 الف بس بتوفر في راحة البال والشغل النظيف والعقد الجيد، وبتوفر في تصميم إنشائي يمكن يوفر كل اللي دفعته كاستشارات وغيرهم بيسوون هيكل بيتك ينفع حق عمارة وانت اللي بتدفع يعني بدال ما تدفع مبلغ للتصميم الجيد بتصير تدفع مبالغ لأخطاء التصميم.

[khaldoon]

ما اشوف حد ذكر مكتب اتحاد قطر للتخطيط، ولا مكتب غآلف ديزاين كونسبت، ولا مكتب سيكو، ولا مكتب محرم باخوم المهندسون العرب، ولا المكتب العربي للشؤون الهندسية .. إبراهيم الجيدة وهذي كلها مكاتب من أفضل المكاتب القطرية، وممكن يكلف التصميم 100 الف بس بتوفر في راحة البال والشغل النظيف والعقد الجيد، وبتوفر في تصميم إنشائي يمكن يوفر كل اللي دفعته كاستشارات وغيرهم بيسوون هيكل بيتك ينفع حق عمارة وانت اللي بتدفع يعني بدال ما تدفع مبلغ للتصميم الجيد بتصير تدفع مبالغ لأخطاء التصميم.

صحيح كلامك...انا جمعت ملاحظات و خبرات الاعضاء قدر الامكان و لهالسبب ما تم ذكر هذه المكاتب...المكاتب اللي تفضلت بذكرها مكاتب قديمة و معروفه بس واضح انها غالية بالنسبة لمن يريد بناء الفلل فقط

و اتفق معاك بخصوص التوفير مستقبلا... بس للاسف يا اخوي انه في ناس وايد ما تعرف هالشي و لا يعرف انه المكتب الجيد بيوفر في التصميم الشيء الكثير من خلال تقليل كميات الحديد و الخرسانات اللي ما لها داعي ....بعض الناس تنظر للتكلفة المباشره...يعني تبي مكتب تصميم ما يكلفها اكثر من 15 الف مثلا من كل ميزانية البيت و ما يدرون انه اغلب المكاتب تشتغل بمبدأ على قد فلوسك بحط جهد في التصميم

قلتها اكثر من مرة في المنتدى:

الهندسة المدنية هي انك تبني منشأ معين بأعلى مقاييس الامان و المتانه و الصمود بأقل التكاليف الممكنه

يعني اي احد سواء مهندس و الا غير مهندس يقدر يبني بيت و يرمي فيه حديد و خرسانة ....بس الفرق بينه و بين المهندس المدني انه حط في هذا البيت اقل حديد و خرسانة ممكنه من حيث تصغير ابعاد الجسور و سماكات الاسقف و احجام الاعمدة و القواعد و سماكاتها و تقليل اقطار الحديد قدر الامكان....لهالسبب تلاقي اجدادنا بنوا بيتوهم بأنفسهم بس تلاقي سماكات الاسقف و الحوائط كبيرة جدا

على فكرة المنشأ...اي منشأ راح يلزمه حجم معين من الخرسانه و الحديد و ما زاد عنه فما له اي قيمة فعليه....يعني مثل لما ابنك يحتاج مصروف 50 ريال باليوم مثلا تكفيه تماما فايش بفيده لو اعطيته 100....غير انك رميت فلوس زايدة عن الحاجة هو ما راح يستفيد منها

طبعا كثير مكاتب تبي تريح عمرها و ما تتعب بالتصميم و تزود بالحديد و الخرسانه على اساس المبدأ انه على قد فلوسك اللي دفعتها بتحصل على التعب و الجهد بالتصميم بس ما تقدر هذه المكاتب تزودها كثير علشان ما يرجع تصميمها من الجهات الرسمية على اساس انه over design لانه معناته انه هالمكتب هذا مب مكتب هندسي و لا يفهم بالتصميم مثل ما وضحت لك فوق و بفتح العين عليه مستقبلا و بيصير التدقيق اكثر على تصاميمه و الموافقات اصعب و هالشي هذا ما يبيه فهو بيسوي موازنه بين اقل جهد ممكن انه يبذله مع الاخذ بعين الاعتبار انه تصميمه ما يرجع

انتبه اخوي العزيز انه المالك ما يفكر في كثير من الاحيان انه يدفع زيادة للاستشاري اللي يصمم البيت و يحاول يوفر قدر الامكان و بتلاقيه يمكن ما يبي يدفع اكثر من 10-15 الف ريال...بالمقابل هالمكتب هذا اللي اخذ هالمبلغ كم راح يتعب على التصميم و يراجعه و يدقق فيه و ينسق بين خرايطه و يعطيه ساعات عمل و جهد و تعب

يعني لما تروح لمكتب تعطيه 3000 ريال مثلا راح تدفع بالمقابل حديد و خرسانة عشرات الالاف زيادة بينما لما تروح لمكتب تدفع فيه اكثر راح يوفر عليك هذه العشرات الالاف لانه راح يبذل جهد اكبر و يقلل من الحديد و الخرسانة اللي ما لها داعي

يعني المحامي مثلا كم ساعة راح يبذل في قضية امامه اتعابه عليها تكاد لا تذكر او لا تغطي مصاريفه

مثل ما نقول دائما الغالي سعره فيه و المكتب يمشي على مبدأ على قد فلوسك بتحصل التصميم


كل الشكر و التقدير على مرورك الجميل ما قصرت

[RAHA]

أخي خلدون
اشكرك على موضوعك
و الصراحه موضوعك من المواضيع المهمه جدا خاصة للذي لم يبدأ
لأن أغلبية المشاكل و التغييرات الصعبه تحددها مرحلة التصميم
و من بعد الموافقات صعب التغيير لأنك ستغير مخططات بالكامل
و كثرة التغيير أيضا من بعد التصميم المعماري تكون فيها مشاكل مع الإنشائي
و اللوم لا يكون بسبب المصمم أو الأستشاري فقط بل المالك ايضا
فكثرة التغيير و الأفكار تلو الأفكار تشتت الأستشاري

و لا نلوم المالك على الأسعار
لأن أغلبية التصاميم محفوظه و طريقة التسليح أغلبية شركات الإستشاريه
تكون مبالغ فيها جدا و السبب يعود ان المصمم حافظ ستاندر و يطبقه على الخرائط
و ليس هناك اي حسابات هندسيه من بعد الخرائط مجرد حفظ و ذلك ان المصمم (راسم الخرائط) هو من يصمم الخرائط و ليس المهندس و في الغالب المراجعه تكون عليهم بسيطه
هذا في غالب الشركات الإستشاريه المتخصصة في الفلل
و لا نلوم الشركات الإستشاريه لأن تكلفتهم ستكون عاليه اذا تمت مراجعة كل الخرائط لكل زبون لذلك دائما خرائطهم تكون فوق مقاييس الأمان و المتانه و لا يهمه كم يكلف الزبون

و انا معك بموضوع التكلفه ضع مالك في التخطيط و الرسم حتى تسهل عليك التنفيذ بشكل سهل و موفر و بمتانه و قوه

و مثال ذلك جتني خرائط لبيت مساحته تقريبا 500 متر و مكان المشروع مناسب بالنسبه لي لوجود عدد من المشاريع في نفس المكان و لكن قلت له سعر العظم راح يطلع عندك عالي انا توقعت يكون بحدود 1100-1200 و لكن بعد حساب الكميات وصل المتر 1590 ريال راجعنا الخرائط القواعد مبنيه على 90% من مساحة البناء و بأرتفاع 80-90 الجسور عنده 80- 100 سم العمدان التسليح فيه عالي فلما سألته من عملك الخرائط جاوبني شخص يقوم بعمل التصاميم 6000 ريال فطبعا هذا واضح من طريقة التصميم و بينت له بعض الأخطاء بين المعماري و الإنشائي

دائما أقول ان التخطيط و التصميم جزء اهم من البناء نفسه
و التخطيط هذا إلي بيوفر عليك الوقت و المال
فلو خذ وقته و كلفك شوي اعرف ان راح يوفر عليك الكثير في التنفيذ
و انا كمقاول منفذ تواجهني مشاكل كثيره ان المخطط في رؤيه و صاحب البيت بروؤيه اخرى

[لمعة الالماس]

جزاك الله خير

[Chambray]

مكتب الريان للاستشارات الهندسيه

للاسف مكتب فاشل .. لا من متابعه ولا من ابتكار تصاميم ..

تجربتي معاه فاشله صراحة .. انا اشتغلت على التصميم خطوه بخطوه ..

[معماري قطري]

مكتب الريان للاستشارات الهندسيه

للاسف مكتب فاشل .. لا من متابعه ولا من ابتكار تصاميم ..

تجربتي معاه فاشله صراحة .. انا اشتغلت على التصميم خطوه بخطوه ..

الله يوفق ويعين يا إخوان

الشُكُر مقدم للأخ خلدون ما قصر في توضيحاته وشرحه وللمقاول راحه نصيحته واضحه ما يبي لها تعقيب.

رايي يا إخوان إن فيه إعتقادات سائدة خطأ موجودة عند كثير من المهندسين وأهمها التصميم الإنشائي المبالغ فيه، وكثرة المساحات الضائعة، وعدم التركيز في التصميم لعمل عمل هندسي متكامل، عجبني مكتب وضح لأحد الإخوان قال له تبي تصميم رخيص إختار من الموجود ولا تغير بيطلع رخيص وبنخلص لك بسرعة، وحصل تصميم بحدود 15000 وما شاء الله كان مدروس دراسة جيدة والبنيان الحين مقارب ينتهي، وبسعر معقول وبنيان زين عن طريق مقاول كبير وبتسليم مفتاح، والحمد لله بدون وجع راس وفي حدود 2000 ريال وشوي كتكلفة مترية لبنيان كامل، فيتضح لنا إن أهم شيء يكون وضوح المكتب الإستشاري مع المالك هو أهم نقطة وتعامل المالك على أساس البحث عن الجيد واللي يؤدي إحتياجاته هو النقطة الثانية.

ونقطة مهمة أيضاً هي عرض التصميم على مختصين لأخذ الرأي ولتطوير التصميم، فالمفروض المالك ما يستعجل ويخلي تصميمه يمر بمراحل التصميم كاملة بهدوء، ويحاول يضيف كل إحتياجاته ويحدد متطلبات معقولة من مبناه في حدود ميزانيته، ويعجبوني المقاولين اللي يعرفون يدرسون المخططات صح ويسون جرد كميات ويوضحون للمالك كل شيء، وقليل منهم على هالدرجة من المهنية.

من فترة بسيطة إشتغلنا مع مكتب على تصميم لبناية سكنية من سبع شقق تعادل بيت كبير تقريباً 1000 متر مربع مساحة بناء، وخذ التصميم وقت ولاحظت إن المكتب ما عنده قدرة إكمال التصميم وكان تعامله معي خاص جداً ومجرد بداية واسكتشات وحتى بدون مقابل، وإضطريت للذهاب لغيرة وكنت مجرد متابع لأحد الإخوان والبناء له ولو لي كان من البداية عارف وين أروح،، المهم هذا المكتب سوى تصميم أي كلام وكان المالك دافع له مقدم فنصحته بتغيير التصميم تغيير جذري وكامل، وعمل لنا أحد الإخوان وكان مصمم شاطر تصميم آخر بمبلغ جديد 30000 وتم البناء على أساسه وهذا البناء مقارب على الإنتهاء وهو بكثير أفضل من التصميم الأولي، تبقى المشكلة الوحيدة في المبالغات الإنشائية، ولو كان من البداية سمع اقتراحي بالذهاب لمكتب مرشح من قبلي لوفر كثيراً إنشائياً وفي وقت التصميم.

[رجل المستحيل]

المكتب القطري للأستشارات الهندسية

نصيحة لك : روح المكتب القطري للأستشارات الهندسية
عندهم مهندسين محترفين وشغلهم دقيق لكل صغيرة وكبيرة

أنا مسوي عندهم خرايط وطلب مني المحاسب 11000 ريال
وكلمت صاحب المكتب ( للأمانه : الرجل في قمة الأخلاق ومتعاون جداً )
ونزل لي السعر لين 8000 ريال .

^^^^^^
انا اشهد انه رجال طيب
عندهم مهندس هندي اسمه نعيم شغلة زين

___________

المكتب القطري للأستشارات الهندسية
عندهم مصري اسمه محمد لا انصح بالتعامل معه

_____________________

اخوي المكتب القطري للاستشارات الهندسيه يعطيك 50 تصميم على حسب المساحه الي تبيها وتروح البيت وتشوفهم على راحتك وتعدل وتضيف وتسوي وتكبر وتصغر وتوسع ويخلصون لك الكهرباء والماي والبلدية ورخصة البنا كله 7000 اريال ارخص سعر شفته في قطر .

والله يوفقنا وياكم

_____________________

في مكتب القطري الي في الريان يمدحونه بس ماجربته

_____________________

المكتب القطري للاستشارات الهندسية

خرايط البيت وتوزيع الكهرباء من عندة

_____________________

انصحك بالمكتب القطري اللي في الريان لاني سويت تصاميمي عندهم ولا يعلى عليهم

وهذا من تجربة

وبالتوفيق ان شاء الله

_____________________


من فضلكم.. أحتاج عنوان وتلفون المكتب القطري للاستشارات الهندسية ..

[LOLOO]

السلام عليكم و رحمة الله و بركاته

صديق لي طلب مني ارشح له مكتب استشارات هندسية علشان يبني بيت العمر ....يعني يبي تصميم و اشراف....اخبرته انه ما عندي فكرة عن المكاتب الاستشارية اللي بتبي فلل و بيوت بحكم اني ما اتعامل معها و انه مجال عملي بعيد عنها و اخبرته اني راح ابحثله عن مكتب من خلال ردودكم السابقه في المنتدى... ولما جمعت الردود اللي توفرت عندي من عدة مواضيع في المنتدى فكرت اني اضعها امامكم ايضا في موضوع واحد علشان الكل يستفيد منه ان شاء الله لانه كثير من الاعضاء للاسف الشديد ما يحاولون يبحثون عن التجارب السابقه و بيطرحون موضوع متكرر و هو نبي مكتب يصمم خرايط او نبي مكتب يشرف على البنيان و يكون امين

على العموم الردود التاليه هي ردود الاعضاء و ليست ردودي انا و اتمنى انه نبتعد عن التجريح و الالفاظ النابية عن المكاتب اللي ما ننصح و لنا تجارب سيئه فيها قدر الامكان

ارجو قراءة الملاحظات بشكل جيد لانها فيها اشياء مهمة جدا

تحياتي :nice:

الموضوع قديم لكن مهم جدا يعطيك العافية اخوي khaldoon
حبيت ارفع الموضوع
وحاليا احتاج مكتب استشارات هندسية واحترت بين المركز القطري للاستشارات او النهضة ممكن الي تعاملوا معهم يفيدوني

[khaldoon]

الموضوع قديم لكن مهم جدا يعطيك العافية اخوي khaldoon
حبيت ارفع الموضوع
وحاليا احتاج مكتب استشارات هندسية واحترت بين المركز القطري للاستشارات او النهضة ممكن الي تعاملوا معهم يفيدوني

بارك الله فيكي اختي على رفع الموضوع.... اشكرك كل الشكر و التقدير و شهادة اعتز فيها

و أتمنى من الله انك تقدري تستفيدي من خبرات الاخوة و الاخوات الأعضاء في المنتدى ما راح يقصرون ان شاء الله

[معماري قطري]

حالياً شغال انا وصديق على تصميمه مع اتحاد قطر للتخطيط وطحنا في هندي علة نتفق على شيء ويحط شيء ثاني ويتفلسف وايد فلسفة عقيمة

باشوف شنصفي عليه معاهم لأن العقد تصميم ومناقصة وانترير واشراف وعقد متكامل بتكلفة اجمالية 225 ألف مع حساب الكميات .. البداية شوي صعبة والظاهر المهندس مب معماري ولا مفتح ويمكن متعود يقط شيء على العميل وياخذه بدون ملاحظات وانا واللي معاي ملاحظاتنا وايد

[LOLOO]

[QUOTE=khaldoon;10722555]بارك الله فيكي اختي على رفع الموضوع.... اشكرك كل الشكر و التقدير و شهادة اعتز فيها

و أتمنى من الله انك تقدري تستفيدي من خبرات الاخوة و الاخوات الأعضاء في المنتدى ما راح يقصرون ان شاء الله[/QUOTE


تسلم ،، يعطيك العافية

[LOLOO]

حالياً شغال انا وصديق على تصميمه مع اتحاد قطر للتخطيط وطحنا في هندي علة نتفق على شيء ويحط شيء ثاني ويتفلسف وايد فلسفة عقيمة

باشوف شنصفي عليه معاهم لأن العقد تصميم ومناقصة وانترير واشراف وعقد متكامل بتكلفة اجمالية 225 ألف مع حساب الكميات .. البداية شوي صعبة والظاهر المهندس مب معماري ولا مفتح ويمكن متعود يقط شيء على العميل وياخذه بدون ملاحظات وانا واللي معاي ملاحظاتنا وايد

الله يعينكم ، يعني تنصحني بمكتبهم ولا لا ؟! بس اذا هندي وعلة بيعلني وانا في بداية المشوار

[معماري قطري]

الله يعينكم ، يعني تنصحني بمكتبهم ولا لا ؟! بس اذا هندي وعلة بيعلني وانا في بداية المشوار

هم متفهمين وعندهم فوق 500 موظف وفي باقي التخصصات شاطرين بس مستغرب ليش حطوا لنا هذا المهندس .. كلش ما اظن إنه معماري والا مختص وشكله شغال على القوانين القديمة للبنتهاوس والارتفاعات .. معاهم مصري مسيحي هو اللي ينسق مع التخطيط بعد أحسه بياع كلام ويبي يخلص من أول مرة من التخطيط

[LOLOO]

هم متفهمين وعندهم فوق 500 موظف وفي باقي التخصصات شاطرين بس مستغرب ليش حطوا لنا هذا المهندس .. كلش ما اظن إنه معماري والا مختص وشكله شغال على القوانين القديمة للبنتهاوس والارتفاعات .. معاهم مصري مسيحي هو اللي ينسق مع التخطيط بعد أحسه بياع كلام ويبي يخلص من أول مرة من التخطيط

الله المستعان
يعطيك العافية اخوي

[معماري قطري]

المكاتب دمرت بسبب قلة القوانين الرادعة وبسبب تقييد التخطيط لتفكيرهم وابداعهم .. ما ادري ليش كله يطلبون أُمور خارج المنطق

مثلاً يطلبون رفع أرضية البيت 60 سم من مستوى الشارع ولا يعلمون الاستشاريين ضرورة التدرج في هذا المستوى بحيث نبدأ من 15 سم للرصيف خارج البيت ثم 30 سم للحوش بتدرج وميلان .. هذي 45 سم بقت عندنا حول 15 سم نقدر نخليها 20 على عتبتين أو عتبة وحدة 15 ونكون حققنا تدرج مريح في الارتفاع

نجي للدخول للبيت من الشارع نحتاج طبعاً لرامب وانا اشوف فيه حلين أما نسويه داخلي بس نحتاج لمساحة لفتح الباب ثم يبدأ الرامب وبعض الناس عندهم ارتداد قليل من الأمام وصعبة توقف السيارة مايلة لذلك يفضلون الحل المعتاد وهو الرامب يكون خارجي وهذا يسبب لهم أزمة ويعتبرونه تعدي على أراضي الحكومة

شفت شوارع أمريكا تخطط وتؤسس من الأساس برصيف للمشاة وزراعة فاصلة عن الشارع ورامب يوصل لحدود الأرض منه يكمل المالك .. تدرج الارتفاع حول 15 سم فقط وبعدين يجينا البيت وارتفاعه يكون مختلف حسب التصميم ورغبة الشخص .. بعضهم عتبة واحدة فقط مع وجود الكثير من الأمطار والفياضانات أوقات

صراحة المكاتب الاستشارية والتخطيط يحتاجون ضوابط والتزامات وقوانين لتطوير العمل الهندسي

[معماري قطري]

تعاقدياً إذا عندي مخطط البيت موضح إنه مرفوع 4 عتبات أو 5 أو في حالات أكثر وخارج الفيلا حاط المكتب اشارة 0 للمستوى .. ندخل في الغالب في مشاكل بأن 0 هذي تعني الأرض الطبيعية الموجودة وبدون أي دفان .. بس لو حاط 0 تعتبر أعلى نقطة في الشارع وحاط بداية الحوش قرب الباب 20 سم ومتدرج حاسبها حسب البعد 1% ميلان لأعلى بحيث كل 10 متر يرتفع 10 سم ومقدر كم يبقى من عتبات للحصول على 60 سم ارتفاع لأرضية الدور الأرضي بيكون التصميم ملزم للمقاول ولازم يلتزم بالمستويات الموضحة

زين اللي بيسوي بيسمنت مهم نسوي له تصريف مياه جوفية أو ما يسمى بالفرنش درينيج وهذي يغفلونها وكثير استشاريين حتى ما يعرفونها .. كله مركزين على الخرسانات ونسوا انها اسفنجية يدخلها الماي .. شيصير لو سوينا جدار البيسمنت من طابوق عادي وخرسانة للأعمدة والاساس وركبنا التصريف للمياه تحت الأساسات وقرب الجدران ثم عملنا جدار فاصل يبعد بحدود 40 سم عن الجدار الموجود وحشينا ما بينهم بحجارة حتى ينزل اي متسرب بسرعة ويروح لبايبات التصريف .. بنكون وفرنا كثير وسوينا نظام فعال لعزل المياه ولرفع أي مياه جوفية


كلها تحتاج عقول مفتحة في التخطيط وناس تتعب شوي في التصميم وحماية العميل وحلاله