موظفين الثمان مؤسسات ؟؟؟؟

[بوسلمان55]

السلام عليكم ورحمة الله وبركاته



اخواني ، خواتي موظفي الثمان موسسات ( دريمة ، المسنين ، الطفل والمرآة ، الاتجار بالبشر ، الاستشارات …… )


اشصار ع موضوع الزيادة 60 ٪

الموضوع بيكمل سنة وماشفنا الا المماطلة والتهميش

الى متى يعني ؟؟؟؟؟؟؟؟؟؟؟؟؟؟
احنا مب قطرييين يعني ؟؟؟؟؟
مانشتغل للبلاد وحمايتها ؟؟؟؟؟
احنا مب نفس الارض عشان ماناخذ؟؟؟؟

شسالفة مافي الا المماطلة والتهميش والتسويف

الى متى يعني ؟؟

كل القطاعات خذوا بنفس الشهر الي نزل فيه القرار لسسرعة المسؤولين والالحاح

واحنا بيكمل الموضوع ويانا سنه ولا شفنا شي

ارجوا التفاعل مع الموضوع ليصل الى المسؤولين

[Rashid554]

الي اعتقده رواتبكم عاليه بدون زياده

[R 7 A L]

الى اتمناه
نشوف رد أي مسئول او مدير في هذه الإدارات


اكيد العلم عندهم

[بوسلمان55]

لا مب عالية

الحين صاروا الثانوية من غير خبرة اعلى من رواتبنا

والخريج الجديد في القطاع الحكومي وغيره راتبه اعلى من الموظف الي معاه خبره 6 سنوات عندنا
اشرايك يعني

[آنــه]

مفروض طرح جدول الدرجات والأجور المستحقة في الثامن مؤسسات و مقارنتها ببقية الدوائر الحكومية كي تكون المقارنة واضحة للجميع

والله يوفق الجميع ويكتب للجميع الخير

[brooq]

مفروض طرح جدول الدرجات والأجور المستحقة في الثامن مؤسسات و مقارنتها ببقية الدوائر الحكومية كي تكون المقارنة واضحة للجميع

والله يوفق الجميع ويكتب للجميع الخير



إذن المفروض نطرح جميع جداول المؤسسات الأخرى بالدولة ممن حصلوا على زيادة 60% عشان تتم المقارنة بين الجميع وبين بقية الدوائر الحكومية..

نصيحتي بعدم طرح أي جدول خاص بالمؤسسات الأخرى التي حصلت على 60% لأنه راح يصديكم إنفصام في الشخصية من الفجوة الموجودة بين رواتب تلك المؤسسات وبقية الدوائر الحكومية.

وحسب معرفتي بالمؤسسات الثمان أن رواتبهم هي الأضعف الآن بين جميع مؤسسات الدولة ..ولا يوجد فرق بينها وبين جدول الموارد البشرية السابق سوى في علاوة بدل السكن نظراً لأن الإسكان الحكومي لا يشمل المؤسسات الثمان فاضطروا لزيادتها لتتناسب وأسعار الإيجارت الموجودة بالدولة.

مع التحية.

[ParadEyes]

الله يكون في عونهم... صج قهر!

[الشوق عطري]

حسبي الله لا اله الا هو عليه توكلت وهو رب العرش العظيم

[سان سيمون]

بو سلمان ايش اتقول او ايش اتسوي صدقني كل الطرق سويناها

كتابة في المنتدى واعتراض سوينا
كتابة في الصحف واعتراض سوينا
اجتماع مع مدرائنا واعتراض هم سوينا وعلى فكره هم يبونا انسوي اكثر
اعداد كتاب وارساله بأسماء الموظفين هم سوينا
لكن ما فيه الا نتكلم في وطني الحبيب ويكون يوم مخصص لنا نتفق عليه ايش رايكم
وفيه خطوه سويناها ان شاء الله تفيد واعتقد اغلب موظفين المؤسسة أقدموا عليها

المطلوب
ننتظر هالاسبوع ما جانا رد ممكن نطلب مقابلة الشيخة او :anger1:نضرب عن العمل اذا يتتفقون والله انا اولكم وما أتردد ابد

[أحاول]

يا ارحم الراحمين ويا اكرم الاكرمين يا حي يا قيوم انت تقدر ولا نقدر انك على كل شيء قدير اللهم انصرنا ولا تهنا وزدنا ولا تنقصنا بحولك وقوتك يارب المستضعفين وانت ربنا لا تكلنا الى انفسنا او لأحد من خلقك طرفة عين ولا اقل من ذلك رفعنا امرنا اليك ولا حول ولا قوة الا بك انت ربنا وملكنا والعالم بامرنا يارب العالمين نرجو رحمتك ونخشى عذابك

[أم حمد ومحمد]

ولا حياةلمن تنادي لهذه المؤسسات رغم عظيم وكبر وحجم التعب في العمل بها

[السهم الشمالي]

السلام عليكم ورحمة الله وبركاته
ياجماعة الخير إذا كانت كل الأبواب مغلقة فهنالك باب لايغلق
فلنتوجه بالدعاء لله العزيز الكريم .

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)) .

[بوسلمان55]

[quote=سان سيمون;8147588]بو سلمان ايش اتقول او ايش اتسوي صدقني كل الطرق سويناها

كتابة في المنتدى واعتراض سوينا
كتابة في الصحف واعتراض سوينا
اجتماع مع مدرائنا واعتراض هم سوينا وعلى فكره هم يبونا انسوي اكثر
اعداد كتاب وارساله بأسماء الموظفين هم سوينا
لكن ما فيه الا نتكلم في وطني الحبيب ويكون يوم مخصص لنا نتفق عليه ايش رايكم
وفيه خطوه سويناها ان شاء الله تفيد واعتقد اغلب موظفين المؤسسة أقدموا عليها





تدري المفروض مافي شي اسمه رفض ولا مقارنة ف الرواتب لان هذي مكرمة وحق من حقوق كل قطري وقطرية
لكن الموضوع موقف ليش ماندري هل حسد هل مزاج هل رفض ماندري يمكن عشان ماتكثر الاستقالات والاحتجاجات لان الموضوع بيكمل سنة والناس ملت من الانتظار

ايش الحل؟؟؟؟


فوضنا امورنا للرزاق الوهاب

[بوسلمان55]

السلام عليكم ورحمة الله وبركاته
ياجماعة الخير إذا كانت كل الأبواب مغلقة فهنالك باب لايغلق
فلنتوجه بالدعاء لله العزيز الكريم .

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)) .

استغفر الله الذي لااله الاهو الحي القيوم واتوب اليه

[بوسلمان55]

ولا حياةلمن تنادي لهذه المؤسسات رغم عظيم وكبر وحجم التعب في العمل بها



صادقة اختي

وبيصاحب العمل يااس وفتور اذا ماخذو الزيادة

الله يسهل ويبشرنا بالزيادة يارب

دعواتكم

[شمس]

اذا مسئولينكم اجانب فانتم ما تستاهلون في نظرهم

[M O H D]

حتى اسباير ما جاتهم الزياده
ويقولون كان في اجتماع الاسبوع الي طاف بخصوص الزياده
ورفضوها :(

[الضيغمي قطر]

والله وبصراحه عدم الشفافيه مو غريب علينا في قطر
والحل الوحيد من وجهة نظري
( الاضراااااااااااااااب )
عن العمل بالاتفاق مع جميع الموظفين بالمؤسسات الثمان
الى ان يطلع المسؤول ويتكلم فيه وااالا مافيه

[الزلزال]

الله كريم

[ParadEyes]

والله وبصراحه عدم الشفافيه مو غريب علينا في قطر
والحل الوحيد من وجهة نظري
( الاضراااااااااااااااب )
عن العمل بالاتفاق مع جميع الموظفين بالمؤسسات الثمان
الى ان يطلع المسؤول ويتكلم فيه وااالا مافيه


تتوقع في حد كفو يسويها ... :secret:

[الضيغمي قطر]

تتوقع في حد كفو يسويها ... :secret:

والله دام مافي مشاركة قوية ما أظن في حد ......:rolleyes2:

[ummalaz]

شنو الثمانيه مافهمت الموضوع

[بوسلمان55]

الثمان مؤسسات : هي مؤسسات مجتمعية

1- الاستشارات العائلية
2- حماية الطفل والمرأة
3- الاتجار بالبشر
4- دريمة
5- التأهيل الاجتماعي ( العوين )
......... الخ

[بوسلمان55]

في حساب عالتويتر يطلب من موظفين الثمان مؤسسات الدعم عشان يوصل الصوت لبو مشعل الله يحفظه .. لأن أكيد إذا وصل الصوت ماراح يقصر

وعلى فكرة موظفين كيوتل سوو اضراب عن طريق التويتر والفيس بوك وفي نفس الشهر نزلت لهم الزيادة
فعلينا نكون مثلهم لأن الموضوع طول بيكمل سنة

[الضيغمي قطر]

في حساب عالتويتر يطلب من موظفين الثمان مؤسسات الدعم عشان يوصل الصوت لبو مشعل الله يحفظه .. لأن أكيد إذا وصل الصوت ماراح يقصر

وعلى فكرة موظفين كيوتل سوو اضراب عن طريق التويتر والفيس بوك وفي نفس الشهر نزلت لهم الزيادة
فعلينا نكون مثلهم لأن الموضوع طول بيكمل سنة

ارسلنا لنا العنوان من فضلك

[الشوق عطري]

في حساب عالتويتر يطلب من موظفين الثمان مؤسسات الدعم عشان يوصل الصوت لبو مشعل الله يحفظه .. لأن أكيد إذا وصل الصوت ماراح يقصر

وعلى فكرة موظفين كيوتل سوو اضراب عن طريق التويتر والفيس بوك وفي نفس الشهر نزلت لهم الزيادة
فعلينا نكون مثلهم لأن الموضوع طول بيكمل سنة




اي والله ياخوك لو تقدر تعطينا اسم الحساب اللي ع تويتر عشان نقدر نتواصل

[طلعة الروح]

الموضوع ما يدش العقل الصراحه
شمعنى هالمؤسسات يعني اللي ماطالتها الزيادة؟

[الشوق عطري]

وين التفاعل يااخوان

وين موقع التواصل الي ع تويتر

[الضيغمي قطر]

الظاهر ابوسلمان قالها وتوهق ما رد علينا اذا في حساب ع التويتر

[الشوق عطري]

الظاهر ابوسلمان قالها وتوهق ما رد علينا اذا في حساب ع التويتر

انزين.اشرايكم. واحد يسوي لننا حساب ويبلغنا

أنا. والله ماعرف ولا كان شخطت لكم احلى حساب

[بوسلمان55]

أعتذر عن التأخير

الحساب هو

@8comp

8comp

إن شاء الله يوصل الصوت ويزيدون باقي كم شهر ويصير عالموضوع سنة

الأيام والشهور تركض واحنا مب حاسين والالتزامات تزيد
نبي رد ليش التهميش ؟

الله كريم