مخالفة وهمية

[المجدم]

السلام عليكم ورحمة الله وبركاته
خلال الفترة من 19 يناير ولغاية 20 مارس كنتت خارج البلد اليوم بشيك على مخالفة المرور لقيت عندي مخالفة رادار سرعة بتاريخ 3 مارس ؟؟؟ هل هناك مجال للخطأ في المخالفات؟؟؟ ما الحل بارك الله فيكم

[شموخ دائم]

,

,


مرحبا

في مجال الخطاء وفي مجال الغاء المخالفه اذا ثبت الخطاء

خاصه ان المخالفات يكون موضح فيها التاريخ ومكان ارتكاب المخالفه

ايضا هناك احتمال ان شخص اخر استخدم سيارتك اثناء السفر

اما اذا كنت مسافر بالسياره نفسها فهذا خطاء واضح

وباذن الله يشيلونها عنك راجع المرور

,

,


اخوك


شموخ دائم

[فتى الجود]

السلام علييكم

حصل كثير هالموضوع

وللأسف بيقولون لك جيب مايثبت انك كنت خارج البلد

ولما تجيب

بيردون عليك

اكيد غيرك هو اللى استعمل سيارتك

الله يعيينك

انا وقول جرب تروحلهم

وتحل الموضوع معاهم

ان شاء الله يسهل وتنحل مشكلتك

[R 7 A L]

اذا كانت مخالفة رادار اطلب الفلم


اما اذا كانت مخالفة عن طريق شرطي
الله يكون في عونك بيدفعونك إياهاه ، ابتلشنا في هالجدد الى توهم مشغلينهم في المرور وأكثريه مخالفاتهم خطأ

[بوسلمان 2010]

انا جانتي مخالفة باالغلط وراجعت ادارة المرور وشلوها وكانت باالغلط

[أسد الجزيرة]

اطلب صورة من الرادار و يبن لك كل شئ

[almaf1a]

اطلب الصورة
ولا تستغرب لو كانت الصورة تبين بالليل ووقت المخالفة نهار
بيقولك الجو مغيم

[الشاااهين]

مخالفة الرادار تقدر تطلب الصوره وفي حالة ماعطوك الصوره أو احترق الفلم تسقط المخالفه وهذا كلام واحد في المرور والله أعلم.

[آهـل شَـرق]

كل شي جايز

[الزلزال]

اطلب الصورة

[┋أَجِوَدًيّ┋]

نسبة الخطأ عند المرور 0%

يمكن سيارتك تطلع تتمشى بروحها !

[كازانوفا]

بكون الشرطي اللى سجلها كتب رقم بالغلط
لانهااا صارت كتيرررر

[اناقه]

اخوي اذ كنت مسافر بالسيارة لاي دولة خليجية (الامارات مثلا )

ممكن تكون تسجلت عليك مخالفه هناك

[سهم عتيج]

الله يعينك

بس بصراحة البهدلة اللي بتترتب عليك عشان تثبت خطأ هذه المخالفة ماتسوى عليك لانك بتضيع الكثير من الوقت والجهد لاثبات ذلك

اتمنى من وزارة الداخلية بصراحة وبما انها ازالت العديد من الصعوبات انها تسهل على المراجعين حل مثل هالامور ولا يقتصر اثبات الخطأ على مراجعة مرور مدينة خليفة ولازم في اوقات معينة

مثل هالامور لازم تكون فيه مرونة اكبر

والله يعينك*