حسبي الله ونعم الوكيل

[ولد العرب]

السلام عليكم ورحمة الله وبركاته
تحية كل من الاعضاء والزوار



هذي جزاتي وضريبه علي لدعم المقاول القطري واعطائه المشروع فيلتي رافض جميع العروض المغريه ومن الاجانب وفضلت ولد البلد عليهم بفرق من السعر والمقاول عارف هالشي وعارف نيتي وانا اللي استحمل نكبة المقاول حسبي الله عليه وعلى اشكاله:(

[شموخ دائم]

,

,


مرحبا

خير اخوي الكريم !!

كل مشكله ولها حل وما يضيق خلقك
ياريت نعرف المشكله
والعقد ينص على شنو !!




,

,


اخوك


شموخ دائم

[ولد العرب]

مرحبا شموخ دائم

مادري وش اكتب وش اقول السالفة طويله واخطاء كثيره
اتفقت انا وياه على العقد الفيلا عظم وبدا الشغل والاسشاري رفض بسبب بعض البنود وهي التاخير اليومي ب500ريال فقط واتمام البناء 9شهور والمقاول قال لي ياانا ياهو اختار قلت ليش التاخير 500 بالشهر فقط وانا وافقت بسبب بنك التنميه قالوا لك 10 ايام بيفوتك الدفعه الحق قبل لاتاجل وانا وين ادور على غيره
المهم الى الحين صار له سنة و8شهور قاعد يلف ويدور وين العمال يابوالشباب والله فيه نمر في منطقتكم ويالله ويالله ابلعها ونفس الكلم فيه اطلاق نار وامطار في عز الصيف السيارات خربانه مادري ايش الوكاد خربها
وخرب السور رافعه 5متر قلت ليش قالي مالي خص سويته لك مرتين ماعجبك سشويلك قلت نعم نعم الله لايهينك ابيه نفس الخارطه اخطاء بالصبيات وطارد الاستشاري مرة وجبت له واحد ثاني ابي اخلاص وطرده وش سواة معاه هددته بالمحكمه مافيه فايده الدكت طاح من الهواء تعال صلحه مابي يالربع ذا المقاول القطري بارد ودلع مسخره والحل معاه

[حسن]

الله يعين

[الحزين999]

حسبي الله ونعم الوكيل

في الهواء سوى وانا اخوك :(

تعال بس لايكون نفس المقاول :eek5:

[SULTAN1]

لا تشيل هم كل الامور تتعدل،شوف لك مقاول يكمل لك واسأل عنه قبل لاتوقع معاه

[قطري قديم]

الله يعينك .

[qatar2090]

مرحبا شموخ دائم

مادري وش اكتب وش اقول السالفة طويله واخطاء كثيره
اتفقت انا وياه على العقد الفيلا عظم وبدا الشغل والاسشاري رفض بسبب بعض البنود وهي التاخير اليومي ب500ريال فقط واتمام البناء 9شهور والمقاول قال لي ياانا ياهو اختار قلت ليش التاخير 500 بالشهر فقط وانا وافقت بسبب بنك التنميه قالوا لك 10 ايام بيفوتك الدفعه الحق قبل لاتاجل وانا وين ادور على غيره
المهم الى الحين صار له سنة و8شهور قاعد يلف ويدور وين العمال يابوالشباب والله فيه نمر في منطقتكم ويالله ويالله ابلعها ونفس الكلم فيه اطلاق نار وامطار في عز الصيف السيارات خربانه مادري ايش الوكاد خربها
وخرب السور رافعه 5متر قلت ليش قالي مالي خص سويته لك مرتين ماعجبك سشويلك قلت نعم نعم الله لايهينك ابيه نفس الخارطه اخطاء بالصبيات وطارد الاستشاري مرة وجبت له واحد ثاني ابي اخلاص وطرده وش سواة معاه هددته بالمحكمه مافيه فايده الدكت طاح من الهواء تعال صلحه مابي يالربع ذا المقاول القطري بارد ودلع مسخره والحل معاه


شحالك الشيخ اربك بخير

ولاتكدر خاطرك ياخووى وكل شي له حل افسخ العقد معاه ومرني المكتب وكل شي بسويه لك بسرعه والشاهد عل رب العالمين ان ماراح ازيد عليك سعر التكلفه واطلع معاك المهندس يعدل ويخلص بيتك لك ولا ابيك تجمع ان اي مقاول قطري نفس بعض

وانا مو ذاكر اسم شركتى او حاط رقم تلفوني بس بقولك وين الموقع وحياك بكره الساعه 6 المغرب

موقع الشركة
شارع ال شافي - فوق بنك قطر الوطني - شقة رقم 2

[وحش الصناعات]

ولد العرب قوووووه من القلب إلى القلب،

ياخوي لا تكون طيب زياده عن الحد وانت شكلك مب طيب وبس ،، الا مسااااالم مع هالنوعيه من الكائنات الفضائية ،، ياخي واحد يتنقل ويتضارب بالكلام من البداية افسخ العقد ولا اشتكى عليه وإذا ما نفع معه جنننننه مثل ما جننك، لا تعطيه فلوسه تاخر عليه واعده وطنشله سووووووى الي ينفع مع هالنوعيه من المقاولين،، وفالاخر اشتكى عليه انه تأخر وفي العقد في شرط جزائي على أن كل يوم تأخير مبلغ وقدره ..

[ولد العرب]

الله يعين

وياك ياحسن:weeping:

[ولد العرب]

:eek5::eek5::eek5: يمكن ليش لا
حسبي الله ونعم الوكيل

في الهواء سوى وانا اخوك :(

تعال بس لايكون نفس المقاول :eek5:

[ولد العرب]

لا تشيل هم كل الامور تتعدل،شوف لك مقاول يكمل لك واسأل عنه قبل لاتوقع معاه

هلا باخوي الغالي مشكور اوشكت اخلص والحمدالله على كل حال

[ولد العرب]

الله يعينك .

وياك ياخوي :weeping:

[ولد العرب]

شحالك الشيخ اربك بخير

ولاتكدر خاطرك ياخووى وكل شي له حل افسخ العقد معاه ومرني المكتب وكل شي بسويه لك بسرعه والشاهد عل رب العالمين ان ماراح ازيد عليك سعر التكلفه واطلع معاك المهندس يعدل ويخلص بيتك لك ولا ابيك تجمع ان اي مقاول قطري نفس بعض

وانا مو ذاكر اسم شركتى او حاط رقم تلفوني بس بقولك وين الموقع وحياك بكره الساعه 6 المغرب

موقع الشركة
شارع ال شافي - فوق بنك قطر الوطني - شقة رقم 2


هلا بالشيخ مرحبا ومسهلا
انا اوشكت اخلص البنيات واللي قدرت ارقعه رقعته والنعم فيك وفي اصلك وفزعتك الطيبه
يوم كنت في نصف المرحله قعدت ادور مقاول يكمل لي الشغل ولا لقيت ورحت للاسشاري قالي بالكلم الواحد محد راح يكمل شغل مقاولك الفاشل الكل متخوف من الغش في الاسسات وغيرها:weeping:
والحمدالله اني كافحت مع شوية تهديد وحضور مجالس ربعه وكل ماطرش زبون لبيتي علشان يشوف شغله وكيف مقاولاته اللي مثل وجهه اقبضه الباب والزبون يستغرب ويفهمها:tease:

[ولد العرب]

ولد العرب قوووووه من القلب إلى القلب،

ياخوي لا تكون طيب زياده عن الحد وانت شكلك مب طيب وبس ،، الا مسااااالم مع هالنوعيه من الكائنات الفضائية ،، ياخي واحد يتنقل ويتضارب بالكلام من البداية افسخ العقد ولا اشتكى عليه وإذا ما نفع معه جنننننه مثل ما جننك، لا تعطيه فلوسه تاخر عليه واعده وطنشله سووووووى الي ينفع مع هالنوعيه من المقاولين،، وفالاخر اشتكى عليه انه تأخر وفي العقد في شرط جزائي على أن كل يوم تأخير مبلغ وقدره ..

وحش الصناعات احلى تحيه سمعتها بحياتي والله اني صادق :victory:
سويت اللي ذكرته تاخرت عليه وقف الشغل ماهمه كلش وانا ساكن بيت اجار:weeping: كسر ظهري والتاخير يوقولي مش بوزك والمحكمة تدلها :anger1:
والله اني مجننه في مجالس ربعه ماقدر يحضر عندهم ويلعب الورقه خخخخخخخخخ ولاقدر يشرد وراك وراك الشركه مايفتحها اللي نادر صدق مايستحي كانه يقول لاتطلب بحقك

[وحش الصناعات]

هلاااااابك ولد العرب

دام قالك المحكمة تدلها ،، ف توووووكل على الله وروح المحكمة ، ولين جاه ذاك الاخطار من المحكمة بالحضور ذيك الساعة ما بيقولك مش بوزك ، الا بيقولك بمشش بيتك من فوووق لين تحت ، هم شاطرين يقولون روح اشتكى وبلفيت ما همهم شي.. لكن وقت الجد ولين جاااااه ذاك المنع من السفر ووووغيره بيعرف ان الله حق.

[كبير المتداولين]

المفروض تكون محكمه مختصه للمقاولين ياكثر المشاكل الله يعينك اخوي

[ولد العرب]

المفروض تكون محكمه مختصه للمقاولين ياكثر المشاكل الله يعينك اخوي

الله يجزاك خير ياكبير :weeping:

[ابوحمد1]

الله يوفقك يارب وتتنهي من البيت وتنزله ان شاء الله بس شوف ترى مو كل المقاولين مثل بعض يعني تحصل الزين وممكن يكون مو زين سواء من ابن البلد اواجنبي

[بوخليفة83]

اغلب اللي اتصيرلهم مشاكل مع شركات المقاولات انهم مايتعبون نفسهم ويسالون عن الشركة وشوفون شغلها على ارض الواقع

[ولد العرب]

اغلب اللي اتصيرلهم مشاكل مع شركات المقاولات انهم مايتعبون نفسهم ويسالون عن الشركة وشوفون شغلها على ارض الواقع

هلا يابوخليفه انا والله ماجيته بصدفه وشف شغله وسالت اللي بنوا كل شي تمام بتقول فيلا واحده ولاثنتين الا اكثر من 7 فيلل شفتها بارض الواقع ولكن معي ومعاي 3من زباينه توهقنا فيه
يعني السالفه خاربه يعني خاربه هذاهو مقاول جيد وقطري ومافيه فايدة اجل كيف اطلع المقاول الزين وانا نفذت كل الكلام اللي قلتوا بمنتدنا ومافيه فايده:anger1:

[بوخالد2]

ابشرك ان شت المقاول القطري حسبي الله عليه و شتكيت عليه و سكر شركه و سفر العمال كلهم

وخلصت البيت كله بعمال اعرفهم و يعرفونا يشتغلون للوالد من قبل

والحين قاعد اشطب على ناس شغالين 100 الميه

احسن منهم حسبي الله عليه كل ماتصله يامسافر يالمغرب يالندن و مايرد لين اجيه صوب بيته او شركه و احصله و اتلاغه معاه

الحين الامور طيبه و البنغال شغاليين على طول و الحمدالله مابقى الا القليل ان شاءالله

والمشكله و لد عرب و اعرف اعيال عمه و قالولي يابوخالد خله منه مايستحى ولايخيل فشلنا بين العرب

لكن شاقول راحت شهور بلاش ولا استفدت من شغله شي ههه

الله ياخذ الحق ان شاءالله

[الزلزال]

الله يعينك

[ولد العرب]

ابشرك ان شت المقاول القطري حسبي الله عليه و شتكيت عليه و سكر شركه و سفر العمال كلهم

وخلصت البيت كله بعمال اعرفهم و يعرفونا يشتغلون للوالد من قبل

والحين قاعد اشطب على ناس شغالين 100 الميه

احسن منهم حسبي الله عليه كل ماتصله يامسافر يالمغرب يالندن و مايرد لين اجيه صوب بيته او شركه و احصله و اتلاغه معاه

الحين الامور طيبه و البنغال شغاليين على طول و الحمدالله مابقى الا القليل ان شاءالله

والمشكله و لد عرب و اعرف اعيال عمه و قالولي يابوخالد خله منه مايستحى ولايخيل فشلنا بين العرب

لكن شاقول راحت شهور بلاش ولا استفدت من شغله شي ههه

الله ياخذ الحق ان شاءالله

كفوا يابوخالد والله انك قدها وجعله منزل عامر باهله
والله انه خرب علي مقناص هالسنه اخواني وربعي ينتظرني بالمقناص الصومال اعتذرت منهم وكلي قهر :weeping:والعام نفس شي والله اني مغبون بسبته ولكن الحمدالله انا على وشك اقبضه الباب بس اطلع قيمة البيت من عيونه

[ولد العرب]

الله يعينك

وياك يالغالي تسلم على الدعوه الطيبه

[اسم جديد]

السلام عليكم ورحمة الله وبركاته
تحية كل من الاعضاء والزوار



هذي جزاتي وضريبه علي لدعم المقاول القطري واعطائه المشروع فيلتي رافض جميع العروض المغريه ومن الاجانب وفضلت ولد البلد عليهم بفرق من السعر والمقاول عارف هالشي وعارف نيتي وانا اللي استحمل نكبة المقاول حسبي الله عليه وعلى اشكاله:(

شسم الشركه؟؟؟؟؟؟؟؟؟؟؟؟؟

[kawkawii]

لا حول ولا قوه الا بالله العلي العظيم
اخوي الله يعوضك خير .. ماعليه .. بس ترى مب كلهم جذيه ..
بس اذا تبي بناي وتشطيب لاي فيلا بجوده عاليه وسرعه في الزمن والاروع سعرهم
عندك "القصر" ..شوفهم وشوف شغلهم واسال زباينهم .. اذا مالقيت الرقم بلغني وبرسله لك ان شاء الله .. على الاقل سرعتهم في الشغل بيعوض عليك التاخير ان شاء الله

[ولد العرب]

شسم الشركه؟؟؟؟؟؟؟؟؟؟؟؟؟

مرحبا اخوي اسمحلي انا جدا احترم قوانين منتدنا الغالي وفق شرووط الادراة بعدم تشهير بالشركات واكرر السموحة
واقولك مهب شركة الريم اللي تقصدها لا
الله يوفقك وياهم:victory:

[ولد العرب]

لا حول ولا قوه الا بالله العلي العظيم
اخوي الله يعوضك خير .. ماعليه .. بس ترى مب كلهم جذيه ..
بس اذا تبي بناي وتشطيب لاي فيلا بجوده عاليه وسرعه في الزمن والاروع سعرهم
عندك "القصر" ..شوفهم وشوف شغلهم واسال زباينهم .. اذا مالقيت الرقم بلغني وبرسله لك ان شاء الله .. على الاقل سرعتهم في الشغل بيعوض عليك التاخير ان شاء الله

هلا اخوي اشكرك على مساعدتك لي وبيض الله وجهرك

ولكني انتهيت من توقيع العقد مع شركة البرستي للتشطيبات والديكور والترميم قبل شهر وابشرك ماتوقعت سرعة الانجازات وتصليح اخطاء الفاشل بيض الله وجه صاحب الشركة