وش رايكم في الاف جي ؟

[Scout Sniper]

السلام عليكم

احتمال اخذلي افجي

حاب اعرف رايكم فيه من ناحية
القوه
الخرابات
التحمل


هل يتحمل الكرف ؟ بر ؟بحر؟ رمله ؟ صخور ؟ سفر ؟ خط ؟


ياليت اللي جربه يقول لي رايه





وسلامتكم !

[حسن]

الصراحه موتر حلو وخفيف ويصلح للبروالبحر والجو يمكن لكن اللي مارتحت له هو كرسيه قاطس
احب الكرسي المرتفع وبالنسبه للخراب ماعتقد فيه شي وبالتوفيق

[يراعٌ فراتي]

موتر روعة
خفيف نظيف
ينفع لكل شي
من 2008 وانا استخدمه
ما تذكر خرب فيه شي ولله الحمد
ايل فلتر سفايف بس

بس اذا عندك عيال وايد ما ينفع موتر عايلة

[Ussop]

أنا مستخدم إف جي...
الموتر بشكل عام ممتاز، وسعرة في متناول اليد، وعزمة قوي، ووزنة خفيف، وسواقته جداً ممتعة وسلسة، بخلاف مواتر الفوريل الثانية...

الخرابات يكفيك إنه تويوتا...

أما من ناحية السلبيات، فبصراحة أتضايق عند تحميل أشخاص بالمقاعد الخلفية لأن الباب الخلفي ضيق وهذا يسبب صعوبة في الدخول والخروج بالنسبة للركاب في الخلف، وضيق في المقاعد الأمامية بالنسبة للسايق والعبري ... وأيضاً قد تلاحظ إن السيارة غير ثابتة على خطوط السفر بسبب خفة الوزن...

بشكل عام نصيحتي لك، إذا عندك عيال لا تاخذ السيارة بسبب المقاعد الخلفية فضيقها راح يكرهك في الموتر...

وإذا إنك عزوبي، فتوكل على الله، وبتكون أحسنت الاختيار!

[تمون]

العيب الوحيد نفس ماقالك اخوي حسن سيته نازل وايد حلاتها مرتفع واحد من الربع مركب صاجة للقاعده و ما شاء الله ماتمل منه

[دااانة قطر]

احم احم
اشوفها سيااره شي شي مب أي شي
يكفي اني عشقتها من أول نظره


بالنسبه للسيتاات بالعكس لا ناازله ولا شي
يعني انا لما اخذ كروزر اخوي ولا سياارة اختي لاازم احط مخده
ترفعني شوي لكن مع سياارتي كل شي تماام
صج السيااره احسها احياانا خفيفه واحس ان الهواا ممكن يطيرني بس اقول يمكن خوف مني انا
واخوي يحن علي لين جا يساافر وانا ماخليه يااخذها ابي تكون استخداامي انا وبس

توكل على الله وربي يعطيك خيرها ويكفيك شرها

[محمد77]

لا تاخذها ما تستاهل
قوه نعم بس استخدام متنفع بتملل منها وشي ثاني كلام الاخون صح السيتات نازله وايد انا استخدمته سنتين

وانت لك الخيار الاول والاخير

[Scout Sniper]

موتر روعة
خفيف نظيف
ينفع لكل شي
من 2008 وانا استخدمه
ما تذكر خرب فيه شي ولله الحمد
ايل فلتر سفايف بس

بس اذا عندك عيال وايد ما ينفع موتر عايلة

ممممممممم
انا عندي بتشا واحد بس عمره سنه :victory: , تنفع ؟


وشلونها معاك عالخط بالسفر ؟ صج اللي يقولونه انها ترقل لو في هوا ؟

تسلم عالشور يالذيب

[Scout Sniper]

الصراحه موتر حلو وخفيف ويصلح للبروالبحر والجو يمكن لكن اللي مارتحت له هو كرسيه قاطس
احب الكرسي المرتفع وبالنسبه للخراب ماعتقد فيه شي وبالتوفيق

جربت تسافر فيه ؟؟؟
وشلون هو للبر يصلح للمطامر :nice: ؟؟

[Scout Sniper]

احم احم
اشوفها سيااره شي شي مب أي شي
يكفي اني عشقتها من أول نظره


بالنسبه للسيتاات بالعكس لا ناازله ولا شي
يعني انا لما اخذ كروزر اخوي ولا سياارة اختي لاازم احط مخده
ترفعني شوي لكن مع سياارتي كل شي تماام
صج السيااره احسها احياانا خفيفه واحس ان الهواا ممكن يطيرني بس اقول يمكن خوف مني انا
واخوي يحن علي لين جا يساافر وانا ماخليه يااخذها ابي تكون استخداامي انا وبس

توكل على الله وربي يعطيك خيرها ويكفيك شرها

مممممم
تبيعينه ؟ :nice:


مشكوره على الشور

[Scout Sniper]

لا تاخذها ما تستاهل
قوه نعم بس استخدام متنفع بتملل منها وشي ثاني كلام الاخون صح السيتات نازله وايد انا استخدمته سنتين

وانت لك الخيار الاول والاخير

مممممممممممم
سيت السايق ماتقدر ترفعه ؟
وشاللي شكيته منه غير السيتات ؟


تسلم على شورك الله يعطيك العافيه

[Scout Sniper]

أنا مستخدم إف جي...
الموتر بشكل عام ممتاز، وسعرة في متناول اليد، وعزمة قوي، ووزنة خفيف، وسواقته جداً ممتعة وسلسة، بخلاف مواتر الفوريل الثانية...

الخرابات يكفيك إنه تويوتا...

أما من ناحية السلبيات، فبصراحة أتضايق عند تحميل أشخاص بالمقاعد الخلفية لأن الباب الخلفي ضيق وهذا يسبب صعوبة في الدخول والخروج بالنسبة للركاب في الخلف، وضيق في المقاعد الأمامية بالنسبة للسايق والعبري ... وأيضاً قد تلاحظ إن السيارة غير ثابتة على خطوط السفر بسبب خفة الوزن...

بشكل عام نصيحتي لك، إذا عندك عيال لا تاخذ السيارة بسبب المقاعد الخلفية فضيقها راح يكرهك في الموتر...

وإذا إنك عزوبي، فتوكل على الله، وبتكون أحسنت الاختيار!

كفيت ووفيت
انا عندي واحد بس وتوه عمره سنه ... يمشي الحال ؟!!


وشلون تجربتك بالسفر ؟ كم كنت تمشي عشان تحسه غير ثابت ؟

انا بالخطوط عادة امشي 130 ما ازيد ... تحس بالفرق ؟


تسلم يا وحش على الشور

[محمد77]

هو في مشكله بس مصادتني بس صادت ناس في امريكا كنت مشترك في منتدى هذي سلبيه فيه البدي من صوب المكينه ينشق من داخل المكينه مادري صوب اليمين واله اليسار ناسي والله هو الرفرف من الداخل بس ينشق من الكرف يعني خبرك امريكا كله جبال اما شي ثاني لاو الله عز الله انه فنان والبالون في الخط يلعب يود متيود
بس اخبر في كذا شي المسجل يتغير لونه الوان وتقدر تقفل صوت حزام الامان بس موتر عملي ومكيف ثلج
بس مشكلته الكراسي لو تتغير يطلع شي ثاني

والله يوفقك في اختيارك

[يراعٌ فراتي]

بالسفر اكثر من 130 لاتمشي
والموتر خفيف مع الريح تحسه يهف

وفلمطر لا تعطيه ريس مجرم يدورها من الله ههههههههههههه


ومشاكله من وجهة نظري بلخصها لك
مكيف ورا ما في الا تحت الكرسي يعني بس اصابع ريول الشخص اللي يقعد ورا تبرد
سيتات خلفية ضيقة
باب وربع
تانكي البترول صغير 70 لتر تقريبا
الزجاج الامامي بشكل عامودي
يعني مافي انسيابية في السرعات العالية


بس للمطامر والبر والبحر وشوارع الدوحة ماله حل
خرابات مافي
سعره فيه ماتخسر
وللدعس والريس يعجبك
خفيف وقوي وشبابي وشكله حلو ومقبول

يدز مع الكبار

[ام ريان]

السلام عليكم يا اخوان ابي النصيحه انا وزوجي نبي نسافر بالاف جي على العمره ما تنصحون يعني ؟؟؟
شلون الموتر على خطوط السفر ؟؟
داخل الدوحه روعه بس بالسفر شلون ؟؟؟؟

[تمون]

السلام عليكم يا اخوان ابي النصيحه انا وزوجي نبي نسافر بالاف جي على العمره ما تنصحون يعني ؟؟؟
شلون الموتر على خطوط السفر ؟؟
داخل الدوحه روعه بس بالسفر شلون ؟؟؟؟

تطمني اختي برع الدوحه وداخل الدوحة نفس الشي بالعكس حلو على الخط
ادعي لي عاد بالتوفيق

[msk]

موتر ممتاز بشكل عام ... قوي جدا في الرملة وفي الشارع واعتقد ان خراباته بسيطه جدا ... ماقدر احكم لان الموتر استخدمته فتره بسيطة ....
بس اذا انت راعي عائلة لازم يكون عندك موتر ثاني .... لان الاف جي شبابي جدا ومصنوع للاوف رود اكثر منه للشارع ... وفي نفس الوقت الكراسي الخلفية ضيقه نوعا ما .

والي يسال عن السفر .... هو خفيف وحلو وكرسيه مايعور الظهر لكن في ثلالث اشيا لازم تنتبه لها :
١- خزان البترول صغير جدا
٢- اذا في هوا لازم تنتبه لانه راح يكون غير ثابت الموتر وبتسمع صوت الهوا الخارجي من الجامة الامامية
٣- صوت الدبة واقد الاقزوز مزعج نوعا ما وممكن يصج اذنك اذا كانت المسافه طويله

وغير ذلك ترى موتر ماعليه كلام ..... وماسك سعره بالسوق لانه مطلوب من هالقطر والاجانب

وبالت،فيق للجميع

[mazag]

اصفار ب135 الف. والله مايستاهل مكينه برادوا ومافيه اي ابشن من داخل. كله حديد بحديد
موتر ماينفع القصار سيته. نازل. واحسه مب ريف. نفس الكروز
براي خذلك برادوا ولا جي اكس او فيكسار 2007 او نيسان 2008
اقلها فتحه مكيفين ثلاجه. 4 ابواب. مواتر ثابته

[ام ريان]

تطمني اختي برع الدوحه وداخل الدوحة نفس الشي بالعكس حلو على الخط
ادعي لي عاد بالتوفيق

تسلم اخوي .. بس انا باشوف يوم اوصل مكه اذا بدعيلك او بدعي عليك لان انت الي نصحتني اسافر بالاف جي

[ولد المنصور]

انا مع اخوي MAZAg ....... وماينفع حق سفر كلششششششش متعب بعد مكه الله يعينكم

[يراعٌ فراتي]

تسلم اخوي .. بس انا باشوف يوم اوصل مكه اذا بدعيلك او بدعي عليك لان انت الي نصحتني اسافر بالاف جي

ما انصح فيه كسفر وخطوط
الموتر جامه الامامي يصد الهوا
ومزعج
ويوم تطوف الشاحنات يهف منك
لانه خفيف

اشوف انكم تسافرون بموتر غيره ابرك
والامريكي لا يعلى عليه
والكروز افضل من الاف جي بالسفر

[أبوزينة]

من تجربة سنتين
ايجابياته :
موتر شبابي سواقته حلوه
ممتاز عل اوف رود
مكينته هي نفس مكينة ال جي اكس 6 سلندر 2012 قومته حلوه
خراباته تكاد لا تذكر بس اويل وفلتر
مكيف ممتاز

عيوبه :
المقعد الخلفي ما يصلح لعائلة
صوت الهوا فوق ال 130
تانك البنزين صغير جدا
الزجاج الامامي لو بتسافر لازم تحميه ولا بيخترب

هذا الي يحضرني حاليا

بس عموما توكل على الله موتر ممتع للشباب
وللسفر حلو وينفع للمغامرات انا رحت فيه الاردن وسوريا
بس طبعا مش نفس الامريكي

تحياتي

[Bo jassim 33]

بالتوفيق