استفسار .. >> كاليفورنيا

[برشلوني قطر]

السلام عليكم

بغيت مساعدتكم وتشورون علي..

انا رايح علاج كاليفورنيا مدينة سان دييغو شهر سته ان شاءالله...

وين تنصحوني بالسكن ان كان فندق او شقق فندقيه ؟؟ العدد ( 2 كبار + 2 صغار )

واتمنى مكان يكون جنبه محلات ومطاعم يعني الاماكن الحيويه ومركز المدينه..

وايش الاماكن السياحيه فالمدينه ؟؟ وهل نظامهم نفس اوروبا اذا ظلم الوقت كلشي يسكر؟

واذا حد عنده رقم سواق عربي يفيدني فيه ؟

واي معلومه تقدرون تفيدوني فيها...واكون شاكر لكم

وجزاكم الله خير

[قطريه ماركه]

ما تشوف شر ....

ان شاء الله الاخوان يفيدوك ....

[ANONYMOUS]

http://www.sandiego.org/nav/Visitors

[الزلزال]

تروح وترجع بسلامة

[QatarWolf]

مرحبا الشيخ عليك بهالفندق
في وسط المدينه ولا صق بمجمع تجاري مفتوح

Westfield Horton Plaza Shopping & Entertainment Center

وعندك اماكن حلوه وشهيره

مثل

La Jolla Beach

sea world san diego

واسال الي فالفندق تحت بيعطونك اماكن

[برشلوني قطر]

الله يسلمكم من الشر...يعطيكم العافيه





مرحبا الشيخ عليك بهالفندق
في وسط المدينه ولا صق بمجمع تجاري مفتوح

Westfield Horton Plaza Shopping & Entertainment Center

وعندك اماكن حلوه وشهيره

مثل

La Jolla Beach

sea world san diego

واسال الي فالفندق تحت بيعطونك اماكن


اخوي ايش اسم الفندق بالضبط ؟؟ دخلت بوكنغ بس الظاهر انت كانت اسم المركز بس

واذا اتعرف اسعارهم بعد ياريت تفيدني

وااشكرك اخوي ع تعاونك

وياريت الي عنده رقم سواق عربي اهناك يفيدني فيه:weeping:

[برشلوني قطر]

وين اهل السفرات ؟؟

[Aaziz]

السلام عليكم

سنادييغو بلاد حلوه كنت فيها من تقريبا 3 اسابيع (مريتها مرور)

اول نصيحه لك هي انك تسوق هناك افضل من سواق او تكسي (المواصلات غاليه) تاجر سياره من انتر برايس ماتعدا 1300 دولار تامين شامل . و السواقه عاديه جدا بس انتبه للطرق المدفوعه tall road لازم تدفه فيها مبلغ بسيط بس المخالفه كبيره (لها مدخل جانبي تدفع في الكاونترات و اذا طلعت سيده تصورك الكيمره و توصلك المخالفه)
السياحه فيها اكبر حديقه حيوان في العالم .. تمشى فيها في باص او تاجر سياره جولف .
وعندك سي ورد الي هو احواض بحريه و عروض ممتاز جدا
على بعد 70 ميل من ساندييغو تقع مدينه irvine من احلى مدن العالم
فيها مول ساوث كوست بلازا و ايضا مول مفتوح نسيت اسمه بس واضح لانه فيه الدائره الكبيره حقت الملاهي نفس لندن اي

بالنسبه للسكن ماعندي خبر لاني سكنت في ارفاين .. فيها طبعا مطاعم حلوه عربيه ... اذكر مطعم عراقي و الجاليه الايرانيه كبيره هناك
لوس انجلوس قريبه منك و فيها شارع هولي وود المشهور .

اذا سافرت على خير اول شي تسويه انك تشتري جهاز غارمن و تاجر سياره ،، و كلمني على الخاص بطرش لك احداثيات و عناوين تفيدك ان شاءالله
ماتشوفون شر

[برشلوني قطر]

السلام عليكم

سنادييغو بلاد حلوه كنت فيها من تقريبا 3 اسابيع (مريتها مرور)

اول نصيحه لك هي انك تسوق هناك افضل من سواق او تكسي (المواصلات غاليه) تاجر سياره من انتر برايس ماتعدا 1300 دولار تامين شامل . و السواقه عاديه جدا بس انتبه للطرق المدفوعه tall road لازم تدفه فيها مبلغ بسيط بس المخالفه كبيره (لها مدخل جانبي تدفع في الكاونترات و اذا طلعت سيده تصورك الكيمره و توصلك المخالفه)
السياحه فيها اكبر حديقه حيوان في العالم .. تمشى فيها في باص او تاجر سياره جولف .
وعندك سي ورد الي هو احواض بحريه و عروض ممتاز جدا
على بعد 70 ميل من ساندييغو تقع مدينه irvine من احلى مدن العالم
فيها مول ساوث كوست بلازا و ايضا مول مفتوح نسيت اسمه بس واضح لانه فيه الدائره الكبيره حقت الملاهي نفس لندن اي

بالنسبه للسكن ماعندي خبر لاني سكنت في ارفاين .. فيها طبعا مطاعم حلوه عربيه ... اذكر مطعم عراقي و الجاليه الايرانيه كبيره هناك
لوس انجلوس قريبه منك و فيها شارع هولي وود المشهور .

اذا سافرت على خير اول شي تسويه انك تشتري جهاز غارمن و تاجر سياره ،، و كلمني على الخاص بطرش لك احداثيات و عناوين تفيدك ان شاءالله
ماتشوفون شر


الشر مايجيك اخوي واشكرك ع شرحك الطيب..

اخوي السياره 1300 دولار فالشهر والا فالاسبوع ؟؟

وانت وين سكنت ف ارفاين..اي فندق ؟؟

وراجع الخاص اخوي ويعطيك العافيه

[Aaziz]

الشر مايجيك اخوي واشكرك ع شرحك الطيب..

اخوي السياره 1300 دولار فالشهر والا فالاسبوع ؟؟

وانت وين سكنت ف ارفاين..اي فندق ؟؟

وراجع الخاص اخوي ويعطيك العافيه

في الشهر 1300 دولار ،، ولاتنسى تاخذ معاك ليسن دولي ،، مع انك تقدر تسوق في الليسن القطري لمده سنه ،، ولكن افضل تاخذ ليسن دولي بسبب ان بعض الشرطه ماعندهم علم بان القانون يسمح لك بالسواقه بليسنك القطري .

في ارفاين سكنت في فندق Candlewood Suites (http://www.candlewoodsuites.com/hotels/us/en/reservation/searchresult?destination=IRVINE%2CCA%2CUnited+Stat es&sicreative=11026985838&dp=true&brands=cw&radius=15&inMiles=true&sicontent=0&sitrackingid=291165858&cm_mmc=Google-PS-CandlewoodSuites-_-G+B-AMER-%5BUSA%5D-West-_-%5BUSA%5D-%28CA%29-Irvine-_-%2Bcandlewood+%2Birvine&siclientid=1912) اضغط على اسم الفندق .. فندق حلو و هادي .. خذت غرفه و صاله شهر طلع علي اليوم ب 103 دولار و فيه عندهم غرفتين اذا بغيت

[طويل الرمح]

حبيت اضيف بس في جزيرة اسمها كونورادو جزيرة حلوه و هاديه

فيه مطعم ايراني في الداون تاون سان دييقو رهييييييب
و بعدين لا تشيل هم السياحه وايد لوس انجلوس ساعه و نص عن سان دييقو يمديك تروح كل يوم بس حاسب من داون تاون لوس انجلوس فليل

مثل ما قالك الاخ اجر سيارة السواقه وايد سهله هناك بس تحتاج جي بي اس

فيه شاطى اسمه لاهويا على المحيط الهادي حلو و فيها مطاعم و مقاهي عربيه

[برشلوني قطر]

في الشهر 1300 دولار ،، ولاتنسى تاخذ معاك ليسن دولي ،، مع انك تقدر تسوق في الليسن القطري لمده سنه ،، ولكن افضل تاخذ ليسن دولي بسبب ان بعض الشرطه ماعندهم علم بان القانون يسمح لك بالسواقه بليسنك القطري .

في ارفاين سكنت في فندق candlewood suites (http://www.candlewoodsuites.com/hotels/us/en/reservation/searchresult?destination=irvine%2cca%2cunited+stat es&sicreative=11026985838&dp=true&brands=cw&radius=15&inmiles=true&sicontent=0&sitrackingid=291165858&cm_mmc=google-ps-candlewoodsuites-_-g+b-amer-%5busa%5d-west-_-%5busa%5d-%28ca%29-irvine-_-%2bcandlewood+%2birvine&siclientid=1912) اضغط على اسم الفندق .. فندق حلو و هادي .. خذت غرفه و صاله شهر طلع علي اليوم ب 103 دولار و فيه عندهم غرفتين اذا بغيت

الله يعطيك العافيه اخوي...وبيض الله ويهك...ولك رساله ع الخاص



حبيت اضيف بس في جزيرة اسمها كونورادو جزيرة حلوه و هاديه

فيه مطعم ايراني في الداون تاون سان دييقو رهييييييب
و بعدين لا تشيل هم السياحه وايد لوس انجلوس ساعه و نص عن سان دييقو يمديك تروح كل يوم بس حاسب من داون تاون لوس انجلوس فليل

مثل ما قالك الاخ اجر سيارة السواقه وايد سهله هناك بس تحتاج جي بي اس

فيه شاطى اسمه لاهويا على المحيط الهادي حلو و فيها مطاعم و مقاهي عربيه

الشاطئ اخوي بعيد عن الداون تاون سان دييغو ؟؟

واشكرك ع الاضافه

[برشلوني قطر]

هل من عنده جديد والا رأي ؟؟

[.. ام عبودي ..]

ماتشوف شر

وتروح وترجع بالسلامه

[برشلوني قطر]

ماتشوف شر

وتروح وترجع بالسلامه


الشر مايجيج..والله يسلمج من الشر اختي

[Stranger Man]

اسأل الله العظيم رب العرش العظيم ان يشفي مريضكم

اخوي دام انكم رايحين علاج فـ اعتقد انكم بتطولون في الديره اكثر من شهر ..

فـ الافضل لكم إستآجار شقه .. والشركات كثيره ومتنوعه وبتعجبك إن شاء الله

اهما هي ايكوود وهي اللي منتشره في كاليفورنيا عموما وسان دييغو خصوصاً

http://www.oakwood.com/corporate-apartments/US/CA/San-Diego1.html?resultsPerPage=10&sort=avl&radius=25&furnished=true&bedrooms=1&petFriendly=false&startDateString=04/28/2012&endDateString=05/27/2012&altLocationIndex=-1

كذلك ماريوت لديها شقق فندقيه وغيرها من الفنادق النظيفه والمريحه والمصنف بعضها باربع نجوم

http://www.marriott.com/hotels/travel/sankm-residence-inn-san-diego-central/

http://www.execustay.com/furnished-apartments/san-diego/san-diego.php

http://embassysuites1.hilton.com/en_US/es/hotel/SANDNES-Embassy-Suites-San-Diego-Bay-Downtown-California/index.do

ولاتنسا اخوي انك تشوف مكان المستشفى وتحجز فندق قريب منها ..

سان دييغو من احلى واجمل المدن الامريكيه واحلى منطقه واغلاها هي لاهويا وتقع شمال سان دييغو وفيها جامعة سان دييغو المشهوره ، واغلب سكانها من الطبقه الراقيه الغنيه ..

[معماري قطري]

الله يجعلها سفرة شفاء لمريضكم إن شاء الله وتستانسون بأيامكم في سان دييغو، أنا من أهل ميامي على الشاطيء الشرقي، ومدمن سفر لأمريكا بس سان دييغو للحين ما زرتها، وأقول لك لتهتم إن سقت في دبي أي مدينة في أمريكا بسهولة بتسوق فيها، والشعب طيبين ومتفهمين وساقتهم قانونية وتسامحية مع الكل، انا سقت وقطعت أمريكا من الشمال الغربي إلى أقصى الجنوب الشرقي سفرة خذت مني حول 4 أيام وثلاث أيام كنا نتبادل السواقه بدون توقف لمدة 24 ساعة، بتنا ليلة في كولورادو وليلة في أتلانتا وآخر ليلة في ميامي وكم ليلة واحد نايم والثاني يسوق.

كل هذا بخرائط ورقية وقراءَة اسم الشارع وإتجاهه، والحين كل شيء تغير جي بي إس واتصالات تخليلك توصل للمكان اللي تبيه سيده بدون أي تضييع.

الله يوفقكم ويشفي مريضكم ومع السلامة.

[برشلوني قطر]

اسأل الله العظيم رب العرش العظيم ان يشفي مريضكم

اخوي دام انكم رايحين علاج فـ اعتقد انكم بتطولون في الديره اكثر من شهر ..

فـ الافضل لكم إستآجار شقه .. والشركات كثيره ومتنوعه وبتعجبك إن شاء الله

اهما هي ايكوود وهي اللي منتشره في كاليفورنيا عموما وسان دييغو خصوصاً

http://www.oakwood.com/corporate-apartments/us/ca/san-diego1.html?resultsperpage=10&sort=avl&radius=25&furnished=true&bedrooms=1&petfriendly=false&startdatestring=04/28/2012&enddatestring=05/27/2012&altlocationindex=-1

كذلك ماريوت لديها شقق فندقيه وغيرها من الفنادق النظيفه والمريحه والمصنف بعضها باربع نجوم

http://www.marriott.com/hotels/travel/sankm-residence-inn-san-diego-central/

http://www.execustay.com/furnished-apartments/san-diego/san-diego.php

http://embassysuites1.hilton.com/en_us/es/hotel/sandnes-embassy-suites-san-diego-bay-downtown-california/index.do

ولاتنسا اخوي انك تشوف مكان المستشفى وتحجز فندق قريب منها ..

سان دييغو من احلى واجمل المدن الامريكيه واحلى منطقه واغلاها هي لاهويا وتقع شمال سان دييغو وفيها جامعة سان دييغو المشهوره ، واغلب سكانها من الطبقه الراقيه الغنيه ..


بيض الله ويهك اخوي الغالي ع المعلومات ورسايلك ع الخاص..اشكرك

والله لا يراويك مكروه


الله يجعلها سفرة شفاء لمريضكم إن شاء الله وتستانسون بأيامكم في سان دييغو، أنا من أهل ميامي على الشاطيء الشرقي، ومدمن سفر لأمريكا بس سان دييغو للحين ما زرتها، وأقول لك لتهتم إن سقت في دبي أي مدينة في أمريكا بسهولة بتسوق فيها، والشعب طيبين ومتفهمين وساقتهم قانونية وتسامحية مع الكل، انا سقت وقطعت أمريكا من الشمال الغربي إلى أقصى الجنوب الشرقي سفرة خذت مني حول 4 أيام وثلاث أيام كنا نتبادل السواقه بدون توقف لمدة 24 ساعة، بتنا ليلة في كولورادو وليلة في أتلانتا وآخر ليلة في ميامي وكم ليلة واحد نايم والثاني يسوق.

كل هذا بخرائط ورقية وقراءَة اسم الشارع وإتجاهه، والحين كل شيء تغير جي بي إس واتصالات تخليلك توصل للمكان اللي تبيه سيده بدون أي تضييع.

الله يوفقكم ويشفي مريضكم ومع السلامة.


الله يجزيك خير اخوي..الظاهر يبيله اجار سياره..

تسلم الشيخ والله يشفي جميع مرضى المسلمين ولا تواجه مكروه

[برشلوني قطر]

في الشهر 1300 دولار ،، ولاتنسى تاخذ معاك ليسن دولي ،، مع انك تقدر تسوق في الليسن القطري لمده سنه ،، ولكن افضل تاخذ ليسن دولي بسبب ان بعض الشرطه ماعندهم علم بان القانون يسمح لك بالسواقه بليسنك القطري .

في ارفاين سكنت في فندق candlewood suites (http://www.candlewoodsuites.com/hotels/us/en/reservation/searchresult?destination=irvine%2cca%2cunited+stat es&sicreative=11026985838&dp=true&brands=cw&radius=15&inmiles=true&sicontent=0&sitrackingid=291165858&cm_mmc=google-ps-candlewoodsuites-_-g+b-amer-%5busa%5d-west-_-%5busa%5d-%28ca%29-irvine-_-%2bcandlewood+%2birvine&siclientid=1912) اضغط على اسم الفندق .. فندق حلو و هادي .. خذت غرفه و صاله شهر طلع علي اليوم ب 103 دولار و فيه عندهم غرفتين اذا بغيت


اخوي الشهيد بيض الله ويهك ومشكوور ع الاتصال...

اشهد انك كفيت ووفيت وماااااقصرت

[AHMED Hecham]

تروح وترجع بسلامة

[Miss AlThani]

ماتشوفون شر انشالله .. وترجعون بسلامه

[صاحب النخبه]

ماتشوفون شر إن شاء الله
بالنسبة للسفر أول شي تشتري جارمن مع خرايط أمريكا وتطلع ليسن دولي وتسجل عنواين الأماكن والمطاعم و....إلخ من أماكن وتستأجر سيارة عن طريق النت
وثاني شي تستأجر شقة خصوصا إذا كانت الفترة طويلة ويقضل إنها تكون في منظقة قريبة من السكن
بالنسبة للشعب أنا أقولك الشعب الأمريكي محترم
وبالنسبة للسواقة لاتشيل هم السواقه عندهم ذوق والبنزين أغلى من عندنا بس أرخص من أوروبا (3.6$ للجالون تقريبا)
وكاليفورنيا ولاية رائعه فيها أماكن ترفيهية كثيرة تقدر تروحلها وتعود بنفس اليوم
وفي النهاية ما أقول إلا الله يحفظكم ويرعاكم وترجعون سالمين غانمين

[حقيقه]

كلم السفاره القطريه بيساعدونك

[برشلوني قطر]

تروح وترجع بسلامة


ماتشوفون شر انشالله .. وترجعون بسلامه


كلم السفاره القطريه بيساعدونك



ماتشوفون شر إن شاء الله
بالنسبة للسفر أول شي تشتري جارمن مع خرايط أمريكا وتطلع ليسن دولي وتسجل عنواين الأماكن والمطاعم و....إلخ من أماكن وتستأجر سيارة عن طريق النت
وثاني شي تستأجر شقة خصوصا إذا كانت الفترة طويلة ويقضل إنها تكون في منظقة قريبة من السكن
بالنسبة للشعب أنا أقولك الشعب الأمريكي محترم
وبالنسبة للسواقة لاتشيل هم السواقه عندهم ذوق والبنزين أغلى من عندنا بس أرخص من أوروبا (3.6$ للجالون تقريبا)
وكاليفورنيا ولاية رائعه فيها أماكن ترفيهية كثيرة تقدر تروحلها وتعود بنفس اليوم
وفي النهاية ما أقول إلا الله يحفظكم ويرعاكم وترجعون سالمين غانمين

مشكورين ع المرور..والشر مايجييكم جميعا..

اخوي صاحب النخبه تم شراء جارمن واخذ ليسن دولي

بس اشلون اسجل عناوين المطاعم والاماكن ؟؟ المشكله اخوي اني ادخل مواضيع

فالنت ولاكن القى الاسامي كلها مكتوبه بالعربي والجارمن ف امريكا لازم احوله

انجليزي وادخل اسم المطعم او اي مكان بالانجليزي...فمعظم الاماكن المذكوره بالعربي..

ومشكور اخوي ع اضافتك ..والله يسلمك من الشر

[Dana’1]

الله يشفي مريض كم ويشفي كل مريض آمين يارب العالمين
تروحوا وترون بالسلامة ان شاءلله

[برشلوني قطر]

الله يشفي مريض كم ويشفي كل مريض آمين يارب العالمين
تروحوا وترون بالسلامة ان شاءلله

اللهم آمين..والله يسلمك من الشر اخوي..

جزاك الله خير ع المرور الطيب