تلاعب ستارلينك في الضمان

[يوسف الحمادي]

السلام عليكم ورحمة الله وبركاتة

اليوم حبيت انقل لكم موقف حصل لي في شركة ستارلينك
قبل كم يوم صحيت من النوم والبلاك بري مايشتغل مع اني كنت استعملة قبل ما انام وكنت شابكة بالشاحن
استغربت من الموضوع وقلت اني بوديه ستارلينك لأنه على الضمان ولما رحت هناك ماشفت غير الفوضى وكل زبون يجي دوره يتهاوش معاهم وانا في البداية كنت اقول اشفيهم الزباين متحاملين على ستارلينك ولما جى دوري عطيتهم التليفون وقلت لهم الي صار وطلعت ف كلموني في نفس اليوم وقالوا لي تعال استلم جهازك لأنه مايشتغل ورحت لهم على اساس انه على الضمان وطبعا لما وصلت كان جدامي ثلاث اشخاص وهالمره ركزت على نوعية خلافات الزباين
الزبون الأول رفضوا انهم يعوضونه لأنهم يقولون ان تليفونه طايح في الماي
الزبون الثاني يبغون منه 150 ريال مع ان تليفونه على الضمان ومبين في سستمهم ولكن ليش ماجاب ورقة الضمان
الزبون الثالث : خامس مرة يجي بسبب انه ماخذ اي فون من خمس ايام والتليفون فيه عطل وهو يوميا يجيهم وكل يوم يقولون له احنا نقدر نصلحه ومانقدر نبدله لك
وطبعا انا كنت الزبون الرابع : وقالو لي ان تليفوني مايتصلح لأن الماذر بورد احترق قلت لهم خلاص باخذ تليفون مثله فقالو لي لا انت تليفون مش على الضمان لأن بوم فتحناه لقينا (آثار ماي) طبعا انا انصدمت من عذرهم وقلت لهم يمكن انتو مغلطين لأن هذا تليفوني الشخصي ومايفارقني ومتأكد انه بعيد كل البعد عن الماء قالو هذا الي عندنا ومانقدر نعوضك وطلبت اكلم المسؤول ويوم كلمني قال لي بالحرف الواحد احنا مانقدر نفيدك لأن التليفون فيه ماء وصدفة وانا اكلم مسؤولهم الا الزبون الي بعدي متهاوش معاهم على نفس المشكلة لأنهم قالو انه تليفونه فيه اثار ماي فسألت مديرهم وش سالفة الماي معاكم واذا كانت عندكم خطة لتقليل المصروفات المفروض ماتكون بالطريقة هذي واني ماراح اسكت عن حقي واني بشتكي في حماية المستهلك فقال لي بكل برود تقدر تحاول وبتخسر وقتك لأنهم ماراح يسوون لك شي.

وفعلا تم الإتصال بحماية المستهلك وتسجيل شكوى ومازلت انتظر الرد منهم

السؤال ياجماعة الخير هل في احد عانى من ستارلينك ؟ ومن طريقة تعاملهم ؟ بالذات هالكم يوم الي فاتو وش سالفة الماي معاهم ؟


وسامحوني على الإطالة

[khaldoon]

اخوي ممكن اسألك سؤال واحد بس.....انت ايش اللي خلاك بالاصل تتعامل مع ستار لينك....بجد انا ما اعرف و ليس تجريحا فيهم بس ما لقيت سبب واحد للتعامل و الشراء من عندهم اي شيء لانهم غاليين جدا جدا

غير كذا....يا اخوي ما عاد احد يحمل ورقة الضمان هالايام.....جهازك على الضمان يبين من الكود نمبر اللي فيه لو انت شاريه اصلي.... بجد لسه في ناس تقولك جيب ورقة الضمان

بخصوص حماية المستهلك.....انا اقولك من الحين ما تتأمل فيهم وايد بهالموضوع.... يعني ما راح يفحصونه لك و يتأكدون انه ما طاله ماي و لا راح يسوون شي ....راح يتصلون عليك و يسمعون المشكله من اولها لاخرها و يعتذرون لك و بعدين ممكن اصلا الجماعة مال فاست لينك يكون حطوه بالماي و خلصوا علشان يثبتوا كلامهم و الله اعلم .....مب اتهام بس لو انا مكانهم و بقول انه جهازك فيه ماي فلازم اتقن الكذبه

[eXpert*]

ياعزيزي حط (حماية المستهلك على جنب) ،، تواصلت معاهم مرة وسبحان الله أحد المسؤولين هناك علي معرفة فينيّ ،، قال لي نصيحتيّ لا تضيع وقتك يا (إكسبرت) ، قال أحنا جهة توجيهية (يعني بدوم صلاحيات) ! أنا أنصعقت .

المراد يا طويل العمر: إذا في مختبرات تقدر توديّ جهازك يعطيك تقرير بأن جهازك مافيه أي آثار ماء وترجع لهم ،، إذا ما فاد (وحاطهم في رأسك) خذ التقرير وقدم دعوى في المحكمة من غير محاميّ . والحمدلله الإنسان فينا يقدر يطالب بحقوقه.

أتوقع من يجيهم بلاغ الإستدعاء أمورك بتنحل سلمياً .

بالتوفيق .

[يوسف الحمادي]

اشكرك على الرد اخوي خلدون للأسف انا احب اشتري الأشياء من مكانها الصحيح عشان ماتصير لي مثل هالمشاكل وانا ولله الحمد في خير ونعمه ولكن الي قهرني ان الموضوع ( سرقة عيني عينك )

وانا ماشي حاليا بالطرق القانونية ولو اكتشفنا انه مامنهم فايدة بتواصل مع رئيس مجلس ادارة ستارلينك بحكم معرفتي فيه وانا متأكد انه مابيرضى بالنظام المتبع عندهم وبأسلوب تعاملهم مع الزبائن ولكن مبدأيا ماكلمته لأن في احتمال آخذ حقي واحاسبهم بالطرق القانونية

[يوسف الحمادي]

اخوي اكسبرت ماتتصور انا اشلون حاطهم في راسي ومتضايق من طريقة النصب لدرجة اني حالف لو خذت تليفون على الضمان اني بفتح الكرتون جدامهم وبصب عليه غرشة ماي وبحذفة عليهم بس عشان يتعلمون اشلون يتعاملون مع الناس بأحترام ومايستخفون بعقولنا

[khaldoon]

اشكرك على الرد اخوي خلدون للأسف انا احب اشتري الأشياء من مكانها الصحيح عشان ماتصير لي مثل هالمشاكل وانا ولله الحمد في خير ونعمه ولكن الي قهرني ان الموضوع ( سرقة عيني عينك )

وانا ماشي حاليا بالطرق القانونية ولو اكتشفنا انه مامنهم فايدة بتواصل مع رئيس مجلس ادارة ستارلينك بحكم معرفتي فيه وانا متأكد انه مابيرضى بالنظام المتبع عندهم وبأسلوب تعاملهم مع الزبائن ولكن مبدأيا ماكلمته لأن في احتمال آخذ حقي واحاسبهم بالطرق القانونية

الله يديم عليك النعمه يا اخوي.....تعتقد انك لو شريت من اللولو او كاريفور على سبيل المثال انهم ما بيكونوا اصليين ... انا جربت من الاثنين و كانوا اصليين و رحت فيهم الوكالة و لا احتجت ورقة الضمان .... مرات الوكالة تسرق منك كرت الميموري لانهم سووها معاي مره فصرت اخذه من التليفون و اعلم البطارية علشان ما تتبدل

على العموم الله يوفقك

[يوسف الحمادي]

الله يديم عليك النعمه يا اخوي.....تعتقد انك لو شريت من اللولو او كاريفور على سبيل المثال انهم ما بيكونوا اصليين ... انا جربت من الاثنين و كانوا اصليين و رحت فيهم الوكالة و لا احتجت ورقة الضمان .... مرات الوكالة تسرق منك كرت الميموري لانهم سووها معاي مره فصرت اخذه من التليفون و اعلم البطارية علشان ما تتبدل

على العموم الله يوفقك

للأسف مادريت إلا منك ولكن شكرا على المعلومة وسالفة الميموري انا اذكر اني لما اشتري بلاك بري من كيوتل يكون بالميموري ماله ولما اشتريه من ستارلينك يكون بدون ميموري وماركزت على الموضوع لأنه كان تافه في نظري وماتوقعت ان ستارلينك سياستهم النصب والإحتيال الا يوم انقرصت منهم

[almaf1a]

يمكن المكيف يقطر ماي عليه

الله يعينك وحماية المستهلك ان شاء الله بيفيدونك لان لي تجربه معاهم وكانوا متعاونين

[لمعة الالماس]

ستارلينك للاسف ضمانهم تعبان

وكل شي يقولون ما يشمل الضمان

عيل شنو فايدة الضمان ؟!


جربتهم مرة ونفس الشي طلبوا فلوس لحل المشكلة !!

[هام السحاب]

اشتك عليهم فالنيابة

[بوجاسم566]

الله يعيـنك اخوي

وفعلا سالفـة الورقـة .. دايما يسوونها في الناس

لو انت متاكد ان جوالك ما دخل فيـه ماي قولة راوني شلون عرفت !!

ترى بعض الاحيان الرطوبـة تسبب هالمشاكل

وبخصوص الميموري بولد 9900 مايجي معاه .. انا شاري عده

تلفونات 9900 حقي وحق العيال .. ولا تلفون جـه معاه

بس صدقني لا تسكت عن حقـك وحاول تاخذ حقك وصدقني لاتكلم فلان ولا علان

روح النيابة او اي مركز واشـتك عليهم

[شموع قطريه]

انا ستار لنك حطيت عليه اكس من عقب ماشريت من عندهم بلاكبيري ويوم فتحته لقيت فيه لسته كلها اسامي شاميه عرفت ان الحبايب يستخدمون الجوالات ويرجعونها مره ثانيه للمحل وعلى طول من الفشيله عطونا غيره ( الظاهر تذكر العامل انه نسى يمسح اللسته ) بس بعد سوينا لهم سالفه اشلون يخونون الامانه ويستخدمون جوالات جديده ويبيعونها على انها جديده فعلا ويضحكون على الزباين .. وتموا يحولونا من واحد لي واحد ومن مدير لين رئيس وكلن يوعدنا انه بيحقق في الموضوع وتميت وراهم لين مامليت ولا خذت منهم حق ولا باطل ..

[abdo222]

الله يعين،، ما تقدر تسوي شيء،، والي يقولك روح المحكمه وما عرف ايش، التلفون كان عند ستارلنك ويقدرون يحطون فيه ماي من عندهم،، فأهم شيء مصداقيه الشركه وضميرهم،،

[قرنقووش]

والله ياخوي انا ماخذ درس من هالوكالات .. محد فيه خير بصراحه ومايجون الا بالصراخ والتلطش وطولة اللسان ولا اذا بتتم معاهم بارد .. تاخذ وتعطي محد بيعطيك ويه وبيعطونك اي عذر
اذا ماتطلعلهم شرار من عينك مايعبرونك :p
مافي الا المحلات العاديه خذ منهم وأي شي يخترب وده وصلحه بروحك في السد ولا النصر بنص السعر واقل ..
وفي كل الاحوال انا تلفوناتي اخذهم اما من دبي او النت او المحل الأرخص في قطر واذا اخترب ما ارده الوكاله عشان ماعور راسي معاهم لان هني وكالاتنا مب كفو وكاله وماعندهم شي بصراحه

[يوسف الحمادي]

اشكركم جميعا على الردود

وانا ماحب المشاكل وهادي بشكل عام لكن هذا الموضوع مضايقني ومب قادر اطنشة لأنه استخفاف بعقولنا وبتم وراهم لين مايبين الحق

اخوي بوجاسم جا في بالي موضوع الرطوبة ولكن تذكرت ان التليفون مشري من اربع شهور يعني في عز البرد والتليفون دوم معاي ومايفارقني

حسبي الله ونعم الوكيل فيهم

[M!$s ĀŁ!eN]

اخوووي الغالي ..
استار لنك شركه ...
اختي راحت لهم .. عشان المذر بورد مره وحده اخترب
فجاءه اتخطه على الشااحن عباها ما فيه شاااحن
لكن الخلل لما تحط سيم كارد .. تطلع علامة اكس
قااالو لها ان المدر بورد خبانه ما يقدرون يسون لها عشان ما يروح عليها الضمان
وعلى فكره ترا الجوال ماااخدينه من فودافون ..
وضمان فودافون اسبوع واحد بس لو اختي مناحستهم والله ماا فكهم الا اختي ماخده منهم جهاز يديد
وسماعات .. وكفر هديه حقي انا ..
بس تدري شلون الحين باروح لهم ..

[faisalqatar]

تخيل مرة واحد من الشباب خذ منهم تلفون كيبورد انجليزي وعليه ضمان
راح لهم بعد فتره عشان يركب كيبورد عربي (ماخذ الكيبورد من عندهم)
قالوا له لو فتحنا التلفون بيطيح الضمان !!!
قالهم شلون يطيح وانتوا ستارلنك والتلفون من عندكم والكيبورد من عندكم وانتوا اللي بتركبونه !!
قالوا هذا قانون الشركة اذا فتحنا التلفون يطيح الضمان

خوش ضمان ها؟

الله يعينك عليهم

[الزلزال]

اذا الموضوع تلفق المفروض محد يتعامل معاهم

[الزلزال]

اذا الموضوع تلفق المفروض محد يتعامل معاهم
ويتم اعلان مقاطعه ستار لنك

[شموع قطريه]

انا معلنه المقاطعه من زمان من يوم عطوني بلاكبيري مستخدم على انه جديد ..

[ولد العرب]

طيب ياخوان انا شريت ايفون 4 من فودفون اخترب وديناه الشركة قالوا انت فاتح الايفون ومصلحه برع وطايح في الماي وهنا انا منصدم اقولهم جوال له عندي شهرين مافيه فايده

[mE mYself & i]

أصلا ستار لينك أكبر كذابين ومحتالين

بخصوص مشكلتك شوف هالموضوع من موقع CNBC

http://www.cnbc.com/id/45362561

http://www.theverge.com/2011/11/18/2572731/blackberry-bold-9900-9930-bricking-rim-confirms-fix-coming

هالمشكله عالميه وأعترفة شركه البلاكبيري فيها وأكثر الناس صادفتهم هالمشكله بعد ما خلوا اجهزتهم على الجارج طول الليل واذا جهازك عليه ضمان روح لهم واغصبهم يبدلونه وانا صادتني نفس المشكله وووديت جهازي لستارلنك وقالولي نفس كلامك بس انا جهازي من أمريكا وماعليه ضمان

وشوف هالمواضيع

http://forums.crackberry.com/blackberry-bold-9930-9900-f235/9900-bricked-after-overnight-charge-689524/

http://boardreader.com/thread/Woke_up_to_a_bricked_9900_and_it_WASNT_c_yalsuXehg 2.html

http://boardreader.com/thread/Charging_overnight_problem_yalsuXeb4m.html

http://forums.crackberry.com/blackberry-bold-9930-9900-f235/need-your-prayers-my-overnight-charge-711067/

[يوسف الحمادي]

اشكر جميع الي ردو على الموضوع وفعلا ستارلينك لازم يتم التدقيق عليهم وعلى مدى اهليتهم والتزامهم بتوفير الدعم الفني لأجهزة بلاك بري بالشكل المطلوب

mE mYself & i شكرا جزيلا على الروابط لأنها ممكن تفيدني في شكوتي عند حماية المستهلك وحاليا افكر اقدم شكوى على ستارلينك في الشركة الأم

[بوليد]

نفس السالفة صارت معاي
تلفون صاحي وفجا اخترت وما اشتغل وقالو داخل فية ماي
الله لايوفقهم على ضمانهم الفاشل
المشكلة الواحد ينجبر يأخذ بالضمان عشن لو باعة بجيب سعر

[يوسف الحمادي]

نفس السالفة صارت معاي
تلفون صاحي وفجا اخترت وما اشتغل وقالو داخل فية ماي
الله لايوفقهم على ضمانهم الفاشل
المشكلة الواحد ينجبر يأخذ بالضمان عشن لو باعة بجيب سعر

اخوي بو وليد وش سويت معاهم ؟

اذا ما اشتكيت عليهم اشتك حتى لو مارجع لك حقك بس عشان تنكشف لعبتهم في الاستخفاف بعقولنا للناس ولحماية المستهلك

[ابوالكلام]

ستارلينك هي كيوتل نفس الرخصة ماقول الا ياز الباب على الخراب

[OREO]

الله يعينك اخوي و زين اني شفت موضوعك لان كنت ناوي اروح اخذ تلفون لودي و صارلي يومين و اقوله بمر على استارماي و انشغل ،،

الحمدلله اني انتبهت للموضوعك ،،، و اذا انا منك اشتكي عليهم و ارفع قضيه لاجل يتعلمون الادب ،،

[مو مهم]

بعيد عن مشكله جوالك
انا اشتريت رسيفرين ابو ظبي من الامارات .. واحد لي واحد لولد عمي
الجهاز تم يومين الي عند ولد عمي واخترب .. وبما ان الوكيل بقطر ستيرلينك رحنا لهم فرع الريجنسي وقالوا الجهاز ما يتصلح وما انبدله لك ارجع للامارات وبدله ... و على طول كلمنا ابو ظبي الرياضيه وقالوا لنا ربع ساعه ونتصل فيك ... بعد ربع ساعه جان اتصال من ستيرلينك وقالوا نجيك البيت ونركب لك الرسيفر الجديد ب ١٥٠ لان الجهاز من برى وبقطر سعره اغلى من الامارات
.....
يعني لازم تكلم الوكيل الاصلي علشان يهددهم مثل ما صارت معانا .. يعني ابوظبي هددت استيرلينك علشان كذا تبدل الجهااز

ع العمووم ياليت بدل ما تكون بقطر ستيرلينك والمشرق الخ من الوكلا
اتمنى اشوف . ابل .. ورام .. وهيوماكس.. غير انك تاخذ لك من المصدر افضل بمليوون مره من الوكيل

[mE mYself & i]

بشرنا أخوي أيش صار معاك

[airbus]

انا كل يوم هوشة مع المحلات المعروفة في قطر خاص للاكترونيات وكلهم يقلولك ضمان ومدري شنوا هدا كله كذب مايسويلك شي ويطلعولك اعذار وكذب

[يوسف الحمادي]

بشرنا أخوي أيش صار معاك

امس اتصل فيني واحد من حماية المستهلك وخذ مني كل التفاصيل وبعدها بساعتين اتصل فيني نفس المسؤول (الوقح) من ستارلينك يستفسر عن المشكلة ومازلت انتظر التواصل سواء من حماية المستهلك او من ستارلينك.

[mE mYself & i]

امس اتصل فيني واحد من حماية المستهلك وخذ مني كل التفاصيل وبعدها بساعتين اتصل فيني نفس المسؤول (الوقح) من ستارلينك يستفسر عن المشكلة ومازلت انتظر التواصل سواء من حماية المستهلك او من ستارلينك.

زين أتسوي، الوكالات في امريكا وبريطانيا على طول يبدلون الأجهزة على الظمآن مايتفلسفون نفس ستارلينك لأنهم عارفين المشكله وان خطأء في اول نسخه او نسختين من السوفتوير.

انا تلفوني قالولي ان الماذربورد محترق، والحين شغال هههه خاطري اروح لهم أهزئهم

[الزجاجي]

أتمنى محد يسكت عن حقه سواء ستارلنك ولا غيره
الجهات المعنيه اذا شافت اكثر من شكوه لنفس المحل يفتحوت تحقيق وصعب جداً يفرط فيها :)

[مرتبش]

الله يعينك عليهم
تابع الموضوع وياهم ومع حماية المستهلك لانه شي يقهر

[Revamp]

ستارلنك ............انا عن نفسي مسويلهم x

[يوسف الحمادي]

السلام عليكم ورحمة الله وبركاته

حبيت ابلغكم ان المشكلة ولله الحمد انحلت وهذي تفاصيلها
في يوم الأربعاء تاريخ 18 ابريل تم الأتصال بي من قبل حماية المستهلك واستفسرو عن تفاصيل المشكلة وبعد الشرح ابلغوني بأنهم سيتواصلون معي بعد بحث الإجرائات القانونية وفي نفس اليوم اتصل بي السيد حمد الرمزاني المستشار القانوني لشركة ستارلينك واخذ تفاصيل المشكلة وفعلا كان نعم الرجل من ناحية الأخلاق والأسلوب في التعامل وطلب مقابلتي و ومدير مجلس ادارة ستارلينك السيد حسن معرفيه فذهبت لهم يوم الاحد واتضح لي انهم لايعلمون بطريقة تعامل قسم الصيانة مع المشتركين وانه توجد خطه لتطوير الشركة وتحسين تعاملها مع المشتركين وتم الإعتذار بشكل راقي جدا ولبق وفي نفس اليوم اتصل بي مسؤول الصيانة واعتذر عن مابدر منه سابقا.

اشكر حماية المستهلك على جهودهم الجبارة لإرضاء المستهلك وعلى متابعتهم اليومية لتفاصيل مشكلتي وتوجيهي للطرق الصحيحة وتوضيح حقوقي القانونية

واشكرالسيد حمد الرمزاني المستشار القانوني لشركة ستارلينك على اسلوبة الراقي في امتصاص غضب المشتركين والسيد حسن معرفيه على اهتمامه الشخصي بمشكلتي.
وشكر خاص لإدارة المنتدى على فتح قسم لمواضيع حماية المستهلك لأن شركة ستارلينك كانت على علم بموضوعي في المنتدى مما ساعد بسرعة حل المشكلة.

[mE mYself & i]

نتمنى ان هالكلام صحيح ومب بس عشان اشتكيت عليهم

[برشلوني قطر]

السلام عليكم ورحمة الله وبركاته

حبيت ابلغكم ان المشكلة ولله الحمد انحلت وهذي تفاصيلها
في يوم الأربعاء تاريخ 18 ابريل تم الأتصال بي من قبل حماية المستهلك واستفسرو عن تفاصيل المشكلة وبعد الشرح ابلغوني بأنهم سيتواصلون معي بعد بحث الإجرائات القانونية وفي نفس اليوم اتصل بي السيد حمد الرمزاني المستشار القانوني لشركة ستارلينك واخذ تفاصيل المشكلة وفعلا كان نعم الرجل من ناحية الأخلاق والأسلوب في التعامل وطلب مقابلتي و ومدير مجلس ادارة ستارلينك السيد حسن معرفيه فذهبت لهم يوم الاحد واتضح لي انهم لايعلمون بطريقة تعامل قسم الصيانة مع المشتركين وانه توجد خطه لتطوير الشركة وتحسين تعاملها مع المشتركين وتم الإعتذار بشكل راقي جدا ولبق وفي نفس اليوم اتصل بي مسؤول الصيانة واعتذر عن مابدر منه سابقا.

اشكر حماية المستهلك على جهودهم الجبارة لإرضاء المستهلك وعلى متابعتهم اليومية لتفاصيل مشكلتي وتوجيهي للطرق الصحيحة وتوضيح حقوقي القانونية

واشكرالسيد حمد الرمزاني المستشار القانوني لشركة ستارلينك على اسلوبة الراقي في امتصاص غضب المشتركين والسيد حسن معرفيه على اهتمامه الشخصي بمشكلتي.
وشكر خاص لإدارة المنتدى على فتح قسم لمواضيع حماية المستهلك لأن شركة ستارلينك كانت على علم بموضوعي في المنتدى مما ساعد بسرعة حل المشكلة.

اخوي كيف حلو لك المشكله فالنهايه ؟؟

هل تم استبدال التلفون او اصلاحه

وبالنهاية هل تم رش فرشة الماي ع الجوال ؟؟هههههههههه

يعطيك العافيه

[يوسف الحمادي]

نتمنى ان هالكلام صحيح ومب بس عشان اشتكيت عليهم


وانا اتمنى ذلك لأن الإدارة جديدة وحسيت فعلا ان عندهم الرغبة في التطوير وانا اعتمد على مبداء (سيماهم في وجوههم) وهم ان شاء الله فيهم الخير والبركة

[يوسف الحمادي]

اخوي كيف حلو لك المشكله فالنهايه ؟؟

هل تم استبدال التلفون او اصلاحه

وبالنهاية هل تم رش فرشة الماي ع الجوال ؟؟هههههههههه

يعطيك العافيه

الحمد لله تم اصلاح الهاتف على الضمان مع انهم في تقريرهم لحماية المستهلك قالو انه غير قابل للتصليح لأن الماذر بورد به ماء فبالتالي سقط الضمان

[khaldoon]

اهنيك على تصليح الجهاز و نشكر حماية المستهلك اللي ساعدوك

بس عندي تعليق بسيط....تصليح جهاز محتاج نوصل علشان اثبات حقنا الى حماية المستهلك و منهم الى المستشار القانوني لشركة ستارلينك و منه الى مدير مجلس ادارة ستارلينك!!.....الحمد لله انك ما اضطريت تراسل الفرع الرئيسي لستارلينك اللي خارج قطر


و بالاخير نتكلم عن تصليح و ليس تبديل

يعني ما في موظفين يسوون هالشي من نفسهم و لازم ندخل كل الكبار في الموضوع..... الكبار راح يشتغلوا شغل صغار الموظفين....طيب مين يشتغل شغل الكبار بهالحالة
مشكلة والله......صراحة كلام غير مقبول ....لو انه هذا الاجراء اللي لازم نتبعه ....

[يوسف الحمادي]

اهنيك على تصليح الجهاز و نشكر حماية المستهلك اللي ساعدوك

بس عندي تعليق بسيط....تصليح جهاز محتاج نوصل علشان اثبات حقنا الى حماية المستهلك و منهم الى المستشار القانوني لشركة ستارلينك و منه الى مدير مجلس ادارة ستارلينك!!.....الحمد لله انك ما اضطريت تراسل الفرع الرئيسي لستارلينك اللي خارج قطر


و بالاخير نتكلم عن تصليح و ليس تبديل

يعني ما في موظفين يسوون هالشي من نفسهم و لازم ندخل كل الكبار في الموضوع..... الكبار راح يشتغلوا شغل صغار الموظفين....طيب مين يشتغل شغل الكبار بهالحالة
مشكلة والله......صراحة كلام غير مقبول ....لو انه هذا الاجراء اللي لازم نتبعه ....

تم ابلاغي من حماية المستهلك ان تصليح التليفون خلى تقرير شركة ستارلينك يفقد مصداقيته لسببين
1- هم ذكروا في التقرير ان التليفون مايتصلح
2- ان التليفون سقط عنه الضمان بسبب وجود آثار الماء

واللي صار معاي ان التليفوت تصلح وعلى الضمان

وحماية المستهلك ماقصرو شرحو لي الوضع وبينو لي حقي القانوني

ولكن انا ماحب المشاكل وفي نفس الوقت ادارة ستارلينك ماقصرو معاي وطيبو خاطري جابو لي حقي المعنوي قبل المادي

[سكتون]

انا جربت ستارلينك في موضوع الضمان والحمد لله ماواجهتني معاهم اي مشكله
كان عندي كونكت واي فاي واخترب وبدلوه لي على طول