من بعد الخادمة القطرية ..مساعد شخصي قطري !

[aabdulla1]

في اعلان بالصفحة ال 15 جريدة الشرق مطلوب مساعد شخصي قطري و لا بعد لازم يكون مهندس معماري !! كانها مقصودة!!! اترك التعليقات لكم

[kaspero]

شبنقول يا اخـوي؟

القطري طاحت هيبته من هالاشكال حسبي الله عليهم

لازم يتعاملون معهم بجديه

[المسك1969]

عادي مساعد شخصي... مافهمت وين المشكله ربي يحفظك

مثل مافي مهندس ومساعد مهندس
طبيب ومساعد طبيب
صيدلاني ومساعد صيدلاني
مدرس ومساعد مدرس

[فلتة زمانها]

لا حول ولا قوة الا بالله
وين المشكله اخوي الكريم يمكن الي حاط الاعلان رجل اعمال قطري ومحتاج مساعد
في مشروع او شي ولد البلد احسن من اللبناني ليش دايما نسيء الظن ونعيش
دور المظلومين صفوا النيه ياجماعه

[al-sadd]

وايش المقصد ف "مطلوب مساعد شخصي"؟
اخوي انا اشوف الاعلان مافيه شي
مادام من شروطهم شهادة المهندس فاكيد المنصب او الشغل له مسمى كبير
ويمكن مساعد شخصي لمهندس ف شركة معيينه !
ليش كل هالضن؟ ذكرو الله بس

[تاجر كشخة]

ما فيها شي انا ابغا اكون مساعد

[ابداع قلم]

ليش ما يسميه الاعلان (( وكيل اعمال )) بدل مساعد شخصي
احس انه اذرب شوي

[super jet]

ياجماعه !!! شسالفتكم عايشين في عالم ثاني ولا مغمضين عيونكم !!

من يقول مافيه قطريين فدوايه وخدم عند الشيوخ والاغنياء من روس القبايل ترى فيه ومازال
مخاويات او مدبرات منزل او مسمماهم القديم عبدات الشيوخ او كبار القوم هل المال والجاه
وقطريات وعيالهم قطريين وعايشين من خير المعزب !!! وفيه فداويه يشيلون طيور المعزب
ويسوقون مواتره ويخلصون اموره وخوياه في الخير والشر !! شالغريب في سالفة مساعد قطري
او مدبرة منزل قطريه
ترى تغييرت المسميات للافضل وتواكب العصر
فدواي = مساعد
خدامه او عبده او جاريه , حاشيه = مدبرة منزل او مديرة خدم الخ الخ
اعتقد كل مجتمع في العالم فيه طبقات وقطر فيها طبقات مافيه شي غريب في الموضوع

[aabdulla1]

يمكن انا اسأت الفهم لكن بالنسبة لي قطري و مهندس معماري يشتغل مساعد شخصي بمعنى سكرتير او كاتب صراحة اشوفها اهانة و كل واحد بكيفه أنا ما ارضاها لنفسي ولا للقطريين اللي معاي.

[المتحدث الرسمي]

.....

هالاعلان صار له فتره

و مافيها شي الرجال يدور مساعد له للشؤون الهندسيه

و طالب انه يكون مهندس


.....

[دااانة قطر]

ياجماعه !!! شسالفتكم عايشين في عالم ثاني ولا مغمضين عيونكم !!

من يقول مافيه قطريين فدوايه وخدم عند الشيوخ والاغنياء من روس القبايل ترى فيه ومازال
مخاويات او مدبرات منزل او مسمماهم القديم عبدات الشيوخ او كبار القوم هل المال والجاه
وقطريات وعيالهم قطريين وعايشين من خير المعزب !!! وفيه فداويه يشيلون طيور المعزب
ويسوقون مواتره ويخلصون اموره وخوياه في الخير والشر !! شالغريب في سالفة مساعد قطري
او مدبرة منزل قطريه
ترى تغييرت المسميات للافضل وتواكب العصر
فدواي = مساعد
خدامه او عبده او جاريه , حاشيه = مدبرة منزل او مديرة خدم الخ الخ
اعتقد كل مجتمع في العالم فيه طبقات وقطر فيها طبقات مافيه شي غريب في الموضوع



أهـــــــــا

[كلنا قطر 1981]

ما اشوف فيها شي

وين التعالي بالكلام او الاهانه ؟؟

[intesar]

لا تعليق..

[faisalqatar]

والله فراغ

على كل شي نزلتوا موضوع

[MAZEN37]

اتوقع مساعد شخصي لمهندس اخر
يعني مهندس يشتغل مع مهندس علشان يفهم عليه
بالعكس فرصه لكسب خبرات من المهندس الاقدم
مثل الدكاتره بره تحصل 10 دكاتره ماشيين ورا دكتور واحد كبير بالسن

[aabdulla1]

والله فراغ

على كل شي نزلتوا موضوع

وإحنا ايش استفدنا من تعليقك ؟! قل خيراً او لتصمت

[قطريه أصيله]

بديتوا توسوسون من اقل شي .. الله يعينا بس ههههههه

[آهـل شَـرق]

ربعنا حساسين .. ترى الشغل مب عيب ..

العيب ان الواحد يتكبر على النعمه ..

[علي رشيد]

ههههههههههههه


والله تضحكون !!


الإعلان عاااااااااااااادي !!

[┋أَجِوَدًيّ┋]

لو كاتب مساعد طيار كان أحسن

[همر]

من اليوم ورايح كل الاعلانات بيكتبون فيها "لغير القطريين" عشان ترتاحون بس..

[كازانوفا]

لا حول ولاقوة الا بالله

[ANONYMOUS]

لو الراتب ١٠٠ الف ممكن الواحد يغامر

ولا من يخلي وظايف الدوله والبدلات سكن ومواصلات وطبيعة عمل وبدل اشراف وراتب تقاعدي حتى لو صار عمره ٩٥٠ سنه

بالاضافه للتعليم والتامين الصحي مستقبلا

اصلاا حتى ١٠٠ شوي

١٤٠ الف تسوى

مع عقد لمدة ٢٠ سنه

وشرط جزائي خشن

[ANONYMOUS]

وتامين اسنان هههههه

[المقاول]

انا بعطيكم الاعلان ومعناه الحقيقي ..
مطلوب مهندس قطري يتستر على دخول شركة اجنبية السوق القطري
شركة تعمل في مجال الاستشارات الهندسية وكي تحصل على ترخيص
لازم يكون هناك مهندس قطري مساعد غير شريك .. يعني ياخذ المقسوم
كل شهر ويوقع ويطلع مع الباب .. يعني مساعد فقط مش شريك.. هذا
والله اعلم .. ولو الدولة تفتح هذا المجال كان اصبحت تكلفة الخريطة
با 500 ريال .

[MAZEN37]

من الشروط يكون مساعد مب شريك انت شفت الشروط اخوي المقاول؟
كلامك ممكن بس هل انت متاكد

[روح الاطلس]

بلا كثرة هالتفسيرات وكلٍ يشطح بخياله، هل كلف احد نفسه واتصل على الارقام الموجودة في الاعلان واستوضح الأمر؟ :)

[الشيخة شيوخة]

الشغل مووووووووووعيب
يقول المثل ( شيل الخرا على الراس ولامنة الناس )
مساعد مو مساعد اهم شي شغل ومدخوله حلالالال هذا هو المهم
اتقوا الله في نظرتكم للاشغال والاعمال لانها كلها مصدر رزق بالحلال
ولازم نحترم الشخص الى يشتغل فيها هذا هو الصح

[قرنقووش]

والله لو كتبواQatari assistant محد بيدري شالطماط
ترى ترجمة قوقل:tease:

[الزلزال]

هههههههههههههه

[بوسلمان 2010]

انا اشوف الامر عادي مافي شي

[كاروهات]

ياجماعه !!! شسالفتكم عايشين في عالم ثاني ولا مغمضين عيونكم !!

من يقول مافيه قطريين فدوايه وخدم عند الشيوخ والاغنياء من روس القبايل ترى فيه ومازال
مخاويات او مدبرات منزل او مسمماهم القديم عبدات الشيوخ او كبار القوم هل المال والجاه
وقطريات وعيالهم قطريين وعايشين من خير المعزب !!! وفيه فداويه يشيلون طيور المعزب
ويسوقون مواتره ويخلصون اموره وخوياه في الخير والشر !! شالغريب في سالفة مساعد قطري
او مدبرة منزل قطريه
ترى تغييرت المسميات للافضل وتواكب العصر
فدواي = مساعد
خدامه او عبده او جاريه , حاشيه = مدبرة منزل او مديرة خدم الخ الخ
اعتقد كل مجتمع في العالم فيه طبقات وقطر فيها طبقات مافيه شي غريب في الموضوع
:secret: :telephone:

[الاجوديه]

.
.



اي وظيفه دام ما فيها حرام او عيب .. ما فيها مشكله ..!


ودام طلب رجال مووب حرمه فهذا عادي لان الرجال يشتغلون احسن ما يقعدون فالبيت .. دام موب حرام او عيب ..


الله يوفق الجميع ..

[طلعة الروح]

أتوقع هاي اللي خلى الدولة تأجل مسألة ممارسة الحياة السياسية من خلال شعبها
العقول اللي عندنا لحد الآن مش متقبلة البسيط عشان تتقبل المعقد

[Rashid554]

والله فراغ

على كل شي نزلتوا موضوع


انا معاك


وإحنا ايش استفدنا من تعليقك ؟! قل خيراً او لتصمت


احنا اصلا شنو استفدنا من موضوعك :rolleyes2:

[الحاقول]

كان الافضل ان يقول مساعد مهندس

[راشد محمد]

ما فيها شي..الشغل مو عيب

[chillis]

طيب وبعدين ؟ شالفايده من الموضوع اي وظيفه شريفه عادي مافيها شي مادري بعض المواضيع اشلون صايره

[faisalqatar]

وإحنا ايش استفدنا من تعليقك ؟! قل خيراً او لتصمت

والله ياخوك انت انسان متفرغ

من باجر نزل لنا الوسيط كامل لا تنسى بس