عندي أرض حكومه مساحتها 1200 يبونها بـ 800 ألف بس ! شالحل ؟!

[محمد11]

السلام عليكم ..

بما انكم من اصحاب الخبرات ..
انا انسان عندي ارض في الخيسة مساحتها 1200 ,
وقرض الدولة مليون و 200 .

وما افكر اني ابني ,, ولقيت بيت في المعموره بـ 3 ملايين ,
يعني نفترض لو رجعت ارض الحكومه بيطلع لي مليونين .. يعني ناقصني مليون بعد

زائد اني راح اخسر في الارض وايد .. لان قيمتها مثل ماسمعت تتجاوز مليونين و200 الف .
وماعندي ارض ثاني علشان ابدلها معاها ..

فاللي عنده حل .. يقدر يكتبه لي واكون له شاكر ..
او حتى اللي حاب يتواصل معاي على الخاص يا مرحبا ومسهلا ..

[الزلزال]

بالتوفيق

[N7eEeS]

لحظه ياخوي تحمل ترجع الارض.
اذا على كلامك هي في الخيسه الارض تسوى لها فوق الثلاثه مليون ونص.
اذا بسعر فوت 260 للفوت سعر الارض 3358368 ريال
اذا بسعر 300 للفوت 3875040 ريال
يعتمد مكان الارض وين واجهتها كم ويمكن سعرها بعد اغلى وتحمل حد يضحك عليك.
اذا في ام صلال علي الفوت وصل 200 وشوي .
الحل ياخوك انك تاخذ قرض من البنك وتكمل فيه ال مليون والميتين وتشتري لك البيت وترهنه للدولة وتحرر الارض وتبيعها.
البيت اللي سعره ثلاثه مليون كم مساحة ارضه والبنيان.
شي اخير اذا ماقدرت على البنك شوف حد من هلك يساعدك والفتره ان شاء الله ماتتجاوز شهر او شهرين وترد له المبلغ لين تخلص الاجراءات.

[alwahesh]

يقولون ان القرض من شهر 6 بيكون 2500000 ( مليونين ونص )

يعني تشتري اي سياره عن طريق اي بنك اسلامي وتكون الملكيه حره


وبعد ما تسجل الفيلا باسمك تقدر تحرر الارض وتبيعها او تخليها

[محمد11]

الف شكر ..

[MLAAS]

عزيزي انا الي فهمته من كلامك انه الارض هبه من الدوله ..

ف لو فكرت انك ترجعها مابتحصل ولا ريال :) وهذا للعلم

وشكرا

[Xx QATARI xX]

لاتفرط في الارض
نصييييحه لك ياخوي وانت على هواك

[بوالبيض]

تدري المشكله في البيوت الجاهزه انها تجاريه وتجاريه صح يعني 5 او 6 سنوات خذ خرابات وعوار
راس معي البيت يعني حاول حاول قد ما تقدر ما تفرط في الارض وتحاول تبني فيها نصيحة اخو
الله يوفقك اخوي

[حرم النعمه]

لحظه ياخوي تحمل ترجع الارض.
اذا على كلامك هي في الخيسه الارض تسوى لها فوق الثلاثه مليون ونص.
اذا بسعر فوت 260 للفوت سعر الارض 3358368 ريال
اذا بسعر 300 للفوت 3875040 ريال
يعتمد مكان الارض وين واجهتها كم ويمكن سعرها بعد اغلى وتحمل حد يضحك عليك.
اذا في ام صلال علي الفوت وصل 200 وشوي .
الحل ياخوك انك تاخذ قرض من البنك وتكمل فيه ال مليون والميتين وتشتري لك البيت وترهنه للدولة وتحرر الارض وتبيعها.
البيت اللي سعره ثلاثه مليون كم مساحة ارضه والبنيان.
شي اخير اذا ماقدرت على البنك شوف حد من هلك يساعدك والفتره ان شاء الله ماتتجاوز شهر او شهرين وترد له المبلغ لين تخلص الاجراءات.

نفسسسسسسسس كلامك بالضبط كنت بقوله ^^

[جلاد_قطر]

اضم صوتي مع المشاركين .. لا ترجع الارض

[.. الكاش ..]

لا ترجع الارض حااااااااااااااااااااااااااااااسب

[السهم الملتهب]

أن فرطت في الارض


تراك بتتوسدها


وبيصير حالك بعدين كاهذا :rolleyes2:


تحمل تحمل ..