مسجات غريبة

[اشراقة الشمس]

السلام عليكم
جاتني مسج على الموبايل الساعة 6 و نصف مساء من الرقم +44753363 مكتوب فيها (هاي حبيبي لما لم تتصل بي أنا بحاجة لك 006745590380)
و الساعة 9 جاتني مسج أخرى من الرقم +44709375 و مكتوب فيها (لقد اخترتك لتكون حبيبي و شريك حياتي اتصل بي 006745590380)
حد منكم وصلته هكذا مسجات ؟ أريد أن أعرف إذا كانت حالة عامة لأتصل بكيوتل و جزاكم الله خير

[Mohammed2]

بوووووووه انا وايد تجيني مثل هالمسجات
واحيانا تجيني اتصالات من ارقام غريبه ( مكالمة فائته )

بس طبعا اعطيهم اقوى سحبيه :nice:

[al saad]

طنش ياكثر المسجات.....

[اشراقة الشمس]

مشكوريين على الرد بس و الله لازم نكلم كيوتل طالما أنها سالفة عامة

[Mohammed2]

كيوتل ماتقدر تمنع مثل هذه المسجات او الاتصالات
لانها تجي من ارقام غير متوقه محد يقدر يتنبئ بالرقم اللي بيتصل او بيطرش مسج عشان يتم عمل بلوك عليه

ممكن تكلمين كيوتل وبيوقفون عن رقمج استقبال ارقام من خارج الدوله عشان محد يلعوزج مع مثل هالمسجات
بس طبعا محد بيقدر يتصل لج من خارج قطر بعدها

[درر قطر]

يمللون بمسجاتهم

[abdo222]

مسجات ومسد كولات من ارقام مختلفه من بلدان مختلفه كيوتل ما تقدر تحجب كل المكالمات من البلد الفلانيه،،

مافي غير طاف،، اعتبر تلفونك جنه ما رن،، كلمت فودافون وكيوتل قالولي عن برامج للبلاكبيري والايفون تحط لك لسته بالبلاك لست، بس ما بتنفع ١٠٠٪ لانه الارقام تتغير الي تتصل فيك،،

[قرنقووش]

اتصلهم انزين شوف شالسالفه :p

[الخزرجي قطر]

استخدام كل الوسائل لنشر الرذيله
الله يستر علينا من فتن هذا الزمان

[وتبقى الدنيا حلوه]

اليوم وصل بعد
(حبيبي انا وصلت هلا لقطر ومو عارفه وين اروح ماتتركني ) وحاطين رقم جوال

من اللهجه مبين انهم لبنانيين ومصدر الرسائل اكيد من الانترنت

فيني قهر عليهم يعني خاصه هالمسجات باهل قطر ليش ماسمعنا بهل السوالف بالدول المجاوره؟

بس والله براويهم هم مب اذكى مني

وان شاء الله اذا الله كتب بنصب عليهم بعد هع

[للصبر اخر]

انا مره جاني مسج
اعلم انك مع مشغول مع زوجتك الثانيه ولكن اشتقت اليك

[أحاول]

اليوم وصل بعد
(حبيبي انا وصلت هلا لقطر ومو عارفه وين اروح ماتتركني ) وحاطين رقم جوال

من اللهجه مبين انهم لبنانيين ومصدر الرسائل اكيد من الانترنت

فيني قهر عليهم يعني خاصه هالمسجات باهل قطر ليش ماسمعنا بهل السوالف بالدول المجاوره؟

بس والله براويهم هم مب اذكى مني

وان شاء الله اذا الله كتب بنصب عليهم بعد هع

نفس المسج وصلتني اليوم من رقم006745590380

ماعندهم شغل قالوا خل ننصب على هل قطر شبكة نصابين ودعاره من يحمينا منهم وين العضيد