واحد من الخويا وواقف في موقف المعاقين.

[رجل الجزيرة]

إخواني الكرام

السلام عليكم ورحمة الله وبركاته


صباح اليوم وأنا أوقف سيارتي إلا وواحد من الخويا أو واحد من أهله (السيارة عليها تصريح دخول لخويا) موقف في مواقف المعاقين، هاه ويش رايكم والعجيب موظف الحماية ما حصلته اليوم .


وجزاكم الله خير.

[بن غيث]

الصراحة. .. مواقف المعاقين مبالغ في كثرتها جدا
نص المواقف للمعاقين ؟..
ما اخبر قطر دشت في حروب هلكثر
واذا ع الي وقفون مكانهم
هندي شفته مره صافت في السوق مكانهم . .. عادي

[khaldoon]

اخوي ان بعض الظن اثم و ما نعرف كامل القصه و ليش هو وقف و هل عنده تصريح او لا ...فالله اعلم

[رجل الجزيرة]

اخوي ان بعض الظن اثم و ما نعرف كامل القصه و ليش هو وقف و هل عنده تصريح او لا ...فالله اعلم

حبيبي هو ما عنده تصريح بالعربي هو مطنش للقوانين.

[رجل الجزيرة]

الصراحة. .. مواقف المعاقين مبالغ في كثرتها جدا
نص المواقف للمعاقين ؟..
ما اخبر قطر دشت في حروب هلكثر
واذا ع الي وقفون مكانهم
هندي شفته مره صافت في السوق مكانهم . .. عادي

طيب ماجاه شرطي يخالفه ولأن شبابنا - الله يصلحهم - منطشين للقوانين ويشوفونهم الأجانب وخاصة العرب ويسوون سواتهم.

[ولي العهد]

إخواني الكرام

السلام عليكم ورحمة الله وبركاته


صباح اليوم وأنا أوقف سيارتي إلا وواحد من الخويا أو واحد من أهله (السيارة عليها تصريح دخول لخويا) موقف في مواقف المعاقين، هاه ويش رايكم والعجيب موظف الحماية ما حصلته اليوم .


وجزاكم الله خير.


يارجل الجزيرة الموقف خطأ ويعتبر مخالف ... ولكن ترى مب شرط يكون الي اموقف في الموقف من الخويا

[رجل الجزيرة]

يارجل الجزيرة الموقف خطأ ويعتبر مخالف ... ولكن ترى مب شرط يكون الي اموقف في الموقف من الخويا

طيب وليه ما يكون ضابط توه مقرطس حوالين الملازم.

[ولي العهد]

طيب وليه ما يكون ضابط توه مقرطس حوالين الملازم.


الافضل نحسن النية

[رجل الجزيرة]

الافضل نحسن النية



إن شاء الله طال عمرك.
:)

[الاجوديه]

.
.


عادي شفنا كثير مثل كيذا خصوصا بالاسواق ..!


تعيش وتشوف يا خوي :nice:




الله المستعان

.
.

[ضوى]

الصراحة. .. مواقف المعاقين مبالغ في كثرتها جدا
نص المواقف للمعاقين ؟..
ما اخبر قطر دشت في حروب هلكثر
واذا ع الي وقفون مكانهم
هندي شفته مره صافت في السوق مكانهم . .. عادي

ليش عاهات ذوي الاحتياجات الخاصة بسبب الحروب ؟

[ولي العهد]

إن شاء الله طال عمرك.
:)



يسلم راسك :)

[رجل الجزيرة]

ليش عاهات ذوي الاحتياجات الخاصة بسبب الحروب ؟

:nice:

[آهـل شَـرق]

ياخي اقّرب من الموقف وينقبض قلبي واقول الحمدلله الذي عافانا مما ابتلاهم به وفضلنا على كثير ممن خلق .. واشوف لي موقف ثاني حتى لو كان بعيد

بس يجيك واحد سيارته رزه ويصف ولا يفتكر !! الدعوه مش خوف من مخالفه .. المسأله انسانيه وللاسف الكثير منا يفقد الانسانيه اذا شاف مواقف المعاقيين !!

[رجل الجزيرة]

ياخي اقّرب من الموقف وينقبض قلبي واقول الحمدلله الذي عافانا مما ابتلاهم به وفضلنا على كثير ممن خلق .. واشوف لي موقف ثاني حتى لو كان بعيد

بس يجيك واحد سيارته رزه ويصف ولا يفتكر !! الدعوه مش خوف من مخالفه .. المسأله انسانيه وللاسف الكثير منا يفقد الانسانيه اذا شاف مواقف المعاقيين !!


والله أنا خاطري أمثالهم يشتغلون مع المعاقين بس إسبوع بأمر من المحكمة كان ذاق الويل.

[ملاك]

إخواني الكرام

السلام عليكم ورحمة الله وبركاته


صباح اليوم وأنا أوقف سيارتي إلا وواحد من الخويا أو واحد من أهله (السيارة عليها تصريح دخول لخويا) موقف في مواقف المعاقين، هاه ويش رايكم والعجيب موظف الحماية ما حصلته اليوم .


وجزاكم الله خير.


ليش ما صورته طيب ؟

او كان اشتكيت عليه وقدمت فيه بلاغ للعمليات وشوف شنو يسون فيه

[رجل الجزيرة]

ليش ما صورته طيب ؟

او كان اشتكيت عليه وقدمت فيه بلاغ للعمليات وشوف شنو يسون فيه

أنا ما صورته بس عندي مواصفات سيارته.

[طلعة الروح]

مشكلتنا كقطريين التشكي والتبكي بدون فعل ، يمكن لأن الواحد مب معصوم من هالنوع من المخالفات..فنتسامح وايد في هالمواقف
لو كل واحد اشتكى رسمياً ( من باب واجب المواطنه ) كان أفضل
ولو هو صاحب حق في الباركنق بتتضح الحقيقه ، والعكس صحيح
بس الكلام أسهل وايد من الفعل...

[لاجئ عاطفي]

الادهى والامر روح الاند مارك اتشوف كثير سيارات واقفه اماكن المعاقين وماعليها تصاريح ومع ها اتشوف الدورية ادور هناك ولاتخالفهم ..!!! واللي مايصدقني يروح الاند مارك ويشوف بعينه

[Um Yousif]

انا حرمت اوقف في مواقف المعاقين من سمعت هالسالفه

في واحد من ربع زوجي صف في موقف المعاقين ولما رجع شاف ستكر على سيارته مكتوب عليه

عطني صحتك وخذ الموقف

ومن ذاك اليوم وانا قلبي يعورني ما اقدر اوقف مب عشان المخالفات والله لكن حراااااام واللي يقول مب من كثر المعاقين انا ما شاوف ان مواقفهم وايد

ولا تحسدون الفقير على موتة الجمعة

واتمنى محد يزعل من ردي

[رجل الجزيرة]

انا حرمت اوقف في مواقف المعاقين من سمعت هالسالفه

في واحد من ربع زوجي صف في موقف المعاقين ولما رجع شاف ستكر على سيارته مكتوب عليه

عطني صحتك وخذ الموقف

ومن ذاك اليوم وانا قلبي يعورني ما اقدر اوقف مب عشان المخالفات والله لكن حراااااام واللي يقول مب من كثر المعاقين انا ما شاوف ان مواقفهم وايد

ولا تحسدون الفقير على موتة الجمعة

واتمنى محد يزعل من ردي

ما أحد يزعل من الحق وجزاج الله خير.

[وتبقى الدنيا حلوه]

تقريبا بشكل شبه يومي اشوف الشرطي بالدوريه يوقف بمكان ممنوع و ينزل يخالف الناس !!

شي يضحك والله

[رجل الجزيرة]

تقريبا بشكل شبه يومي اشوف الشرطي بالدوريه يوقف بمكان ممنوع و ينزل يخالف الناس !!

شي يضحك والله

والله العظيم لو فيه رادع قوي وبدون تدخل الواسطات كان شفت الفرق.

[intesar]

الصراحة. .. مواقف المعاقين مبالغ في كثرتها جدا
نص المواقف للمعاقين ؟..
ما اخبر قطر دشت في حروب هلكثر
واذا ع الي وقفون مكانهم
هندي شفته مره صافت في السوق مكانهم . .. عادي


صح مبالغ فيه والدليل أن لما نبغي نوقف نشوف اللي ما عندهم تصريح واقفين.. لا تفتي قبل لا تشوف عدد المعاقين عندنا.. والمعاقين مو بسبب الحروب.. ادخل بالنت وأقرأ الأسباب التي تسبب الإعاقة..:secret:

[intesar]

الافضل نحسن النية

عشانه من لخويا نحسن النية..

[غايه الطواش]

اذكر مره واحد من الاعضاء كتب في حدى رودوه انه وقف موقف معاقين ودش الاند خلص شغله بسرعه وطلع !!

[intesar]

أنا عندي تصريح بس اذا ولدي مو معاي استحالة أوقف بموقف المعاقين... ياريت اللي ما عندهم تصريح يكون عندهم شوية دم.. ويستحون .. ومن باب أخلاق المسلم..
أتمنى الغرامة المالية تزيد..

[dream-team]

ليش عاهات ذوي الاحتياجات الخاصة بسبب الحروب ؟

هههههههههههههههههههههههههههه
يمكن اي ويمكن ............

[أبورودي]

الصراحة. .. مواقف المعاقين مبالغ في كثرتها جدا
نص المواقف للمعاقين ؟..
ما اخبر قطر دشت في حروب هلكثر
واذا ع الي وقفون مكانهم
هندي شفته مره صافت في السوق مكانهم . .. عادي

اهمس فى أذنك واقول لك العدد أكثر مما تتخيل والمقصود هنا ليس المعاق حركيا
انما الاطفال ذوي الاحتياجات الخاصه وكبار السن الغير قادرين على صعود او نزول السلالم
تقديري لك

[CH Engineer]

اخوي عادي هو نفسه نفسك يمكن يخالف ويمكن لا
مثل ماقلت السياره يمكن تكون له ويمكن لحد من هله وبعدين من قالك ان العسكري يلتزم اكثر بقوانين المرور ويلبس الحزام لا غلطان ماعندنا هالشي
واعتبره شي عادي هو اكيد حس ان مافي اهتمام او مخالفات من هالنوع بكثره فدخل يخلص شغله بسرعه وهو طالع وعذره معاه
ولكن المشكله يوم تشوف مواقف المعاقين قدام فرايديز اللاند صافين فيه دراجات " نينجا وهارلي" ومسوين لهم جو وتمر عليهم دوريه وتشوفه يسلم عليهم ويضحك " طلع واحد من الربع"
حتى ما قالهم حركوا من مكانكم..

[الـخـالـدي]

عشانه من لخويا نحسن النية..

لا اخوي لا عشانه من الاخويا ولا عشانه من المرور و الدوريات

لأنا احنا مسلمين وهو مسلم ... يقول الرسول صلى الله عليه وسلم: (إياكم والظن؛ فإن الظن أكذب الحديث، ولا تحسسوا، ولا تجسسوا، ولا تنافسوا، ولا تحاسدوا، ولا تباغضوا، ولا تدابروا، وكونوا عباد الله إخوانًا...).

فألتمس لأخيك المسلم العذر .. واذا شفته بأمكانك انك تنصحه بكلمه طيبه واسلوب محترم لان هذا واجبك كمسلم وواجبك كمواطن

تقبل مروري

[إكليل الزهور]

انا بعد مرات اشوف مواقف اللاند تصير فيها هالمخالفة برغم وجود مواقف بس الظاهر الاخوان يتكيسلون يوقفون السيارة بعد أمتار عن البوابة !

بقترح اقتراحين يحفظون حقوق ذوي الاحتياجات الخاصة في مواقفهم:victory:

الاقتراح الأول: نظام إلكتروني في جميع مواقف ذوي الاحتياجات الخاصة فالبلد بحيث تكون المواقف مغلقة بحاجز و ماتفتح إلا ببطاقات ممغنطة لذوي الاحتياجات الخاصة.. و بمجرد إدخال البطاقة أو تمريرها ع الجهاز يفتح الموقف.

الاقتراح الثاني: وضع حاجز و تركيب كاميرا عليه تلقط رقم السيارة و اذا رقم السيارة مسجل في قاعدة بيانات النظام يفتح الحاجز و اذا مب مسجل مايفتح.


جذي محد بيتعدى على حقوق اخواننا ذوي الاحتياجات الخاصة، و اللي تعودوا يخالفون غصب عنهم يلتزمون.


شكراً لكاتب الموضوع على إثارة المشكلة وتحفيز إبداعي لاقتراح الحلول:shy:

[intesar]

لا اخوي لا عشانه من الاخويا ولا عشانه من المرور و الدوريات

لأنا احنا مسلمين وهو مسلم ... يقول الرسول صلى الله عليه وسلم: (إياكم والظن؛ فإن الظن أكذب الحديث، ولا تحسسوا، ولا تجسسوا، ولا تنافسوا، ولا تحاسدوا، ولا تباغضوا، ولا تدابروا، وكونوا عباد الله إخوانًا...).

فألتمس لأخيك المسلم العذر .. واذا شفته بأمكانك انك تنصحه بكلمه طيبه واسلوب محترم لان هذا واجبك كمسلم وواجبك كمواطن

تقبل مروري


بصراحه مجرد وقوفه ماله عذر حتى لو كان على كرسي.. ترانا متأذيين حيل من الناس اللي تاخذ مواقفنا..
والحل الجذري هو يزودون قيمة المخالفة..

[intesar]

انا بعد مرات اشوف مواقف اللاند تصير فيها هالمخالفة برغم وجود مواقف بس الظاهر الاخوان يتكيسلون يوقفون السيارة بعد أمتار عن البوابة !

بقترح اقتراحين يحفظون حقوق ذوي الاحتياجات الخاصة في مواقفهم:victory:

الاقتراح الأول: نظام إلكتروني في جميع مواقف ذوي الاحتياجات الخاصة فالبلد بحيث تكون المواقف مغلقة بحاجز و ماتفتح إلا ببطاقات ممغنطة لذوي الاحتياجات الخاصة.. و بمجرد إدخال البطاقة أو تمريرها ع الجهاز يفتح الموقف.

الاقتراح الثاني: وضع حاجز و تركيب كاميرا عليه تلقط رقم السيارة و اذا رقم السيارة مسجل في قاعدة بيانات النظام يفتح الحاجز و اذا مب مسجل مايفتح.


جذي محد بيتعدى على حقوق اخواننا ذوي الاحتياجات الخاصة، و اللي تعودوا يخالفون غصب عنهم يلتزمون.


شكراً لكاتب الموضوع على إثارة المشكلة وتحفيز إبداعي لاقتراح الحلول:shy:



حبيت اقتراحج

[عنيــــد]

عندي صوره في جوالي لسيارة الفزعة واقفه في موقف معاقين قدام المصرف ،،

الله يهديهم بس لولا خوفي على مستقبله كنت نشرت الصوره من زمان*

[ابوالكلام]

مرة في الشارع انا شفت مدير إدارة في الداخلية الظهر يتكلم في الجوال وهو يسوق ضاربا بالحائط القوانيين والي يأكلها المسكين

[روح الاطلس]

الله اعلم بالخفايا

[الجوكر90]

نفس هاي

http://im14.gulfup.com/2012-04-17/1334614640511.jpg (http://www.gulfup.com/show/X1c7v82ehold)

للعلم الصوره قديمه سنه 2011

[النهار]

الصراحة. .. مواقف المعاقين مبالغ في كثرتها جدا
نص المواقف للمعاقين ؟..
ما اخبر قطر دشت في حروب هلكثر
واذا ع الي وقفون مكانهم
هندي شفته مره صافت في السوق مكانهم . .. عادي

المعاقين فئات كثيره حتى الطاعن في السن يطلق عليه من ذوي الاحتياجات الخاصه يحتاج الي موقف خاص وقريب من الخدمات وكل من يستخدم عكازه للمشي لاي سبب كان يعتبر من ذوي الاحتياجات الخاصه بالاضافه الي المعاقين عافانا وعافكم الله

[بوطويشم]

السلام عليكم

دام ماراح يعاقبونه عادي عفيه قلوب

ومشكور عى موضوعك


الصراحة. .. مواقف المعاقين مبالغ في كثرتها جدا
نص المواقف للمعاقين ؟..
ما اخبر قطر دشت في حروب هلكثر
واذا ع الي وقفون مكانهم
هندي شفته مره صافت في السوق مكانهم . .. عادي

ليش كم موقف عندهم ؟؟؟

5 اذا كثر وللعلم بعضهم يصفون مكان السيارات العاديه وشوف المعانة فالطلعه و الدخله

لان الي قلوبهم ميته وعقولهم فاضيه صافين فمواقفهم

واذا تعتقد ان الأعاقة تنتج عن حرب روح رميله وشوفهم

بس للأسف ناس تفكر فنفسهم بس

[بصمة قطرية]

ما أحب مسمى معاقين ..
هم ذوي الاحتياجات الخاصة وليسوا معاقين ..
بصراحة اللي ياخذ موقف لذوي الاحتياجات الخاصة انسان مافي قلبه رحمة ..
يتخيل بس لو جا شخص و محتاج هالموقف
و بيضطر يوقف بعيد بسبب انانيته ..!!

[ريم 28]

سؤال يطرح نفسه هل يجوز لهم قانونيا ان يقف في مواقف ذوي الاحتياجات الخاصه اذا استدعى الامر؟؟

ممكن يسمح لهم ولا يعتبر مخالفه


مجرد سؤال ليس دفاع خخخخ

[intesar]

بالطبع مخالف.. اللي يضحك مرة كنت واقفة بموقف المعاقين ومعاي ولدي.. يوم طلعت الا مخالفة ما عطيني.. هم يضحك وهم يبكي.. أضحك ولا أبكي..
المهم ما قصروا لأني يوم رحت وتظلمت.. شالوا عني المخالفة وهذا هو المهم..

أختي ريماس نعب عليه مخالفة ودعوة من معاق أو من أهله..

[رجل الجزيرة]

ويش رأيكم أمس وصلتني رسالة من الداخلية رادار ب 91 كم بعد الثامنة صباحا وفي نفس الوقت في الدوام من الساعة7 لين الساعة 3 عصرا وأنا متأكد إني ما طلعت من الدوام وإني ما أعطت أحد سيارتي وعندي شهود على كلامي، فويش الحل؟

[ولي العهد]

^
^
^
^
^

الحل سهل جدا ... قابل الخرجي واشرح له الموضوع واذا اصر على المخالفة خلهم يحولنها محكمه بس بشرط اتكون واثق من كلامك والسياره محد استعملها في ذاك اليوم .

[ولي العهد]

ما أحب مسمى معاقين ..
هم ذوي الاحتياجات الخاصة وليسوا معاقين ..
بصراحة اللي ياخذ موقف لذوي الاحتياجات الخاصة انسان مافي قلبه رحمة ..
يتخيل بس لو جا شخص و محتاج هالموقف
و بيضطر يوقف بعيد بسبب انانيته ..!!


اتفق واختلف في بعض ماذكرتي ... اتفق في المسمى واختلف بوصفج للانسان الي يوقف في موقف خاص لذوي الاحتياجات الخاصه ان قلبه مافي رحمه ... بعطيج مثال بسيط .. لو رحت الجمعيه الساعه 11 في الليل ولا رحت صيدليه الساعة 1 ونص في الليل ووقفت في موقف خاص بذوي الاحتياجات الخاص اعتبر انسان مافي قلبي رحمة ؟؟؟ من وجهة نظري تعتمد على المكان والوقت

[الغلااا]

الصراحة. .. مواقف المعاقين مبالغ في كثرتها جدا
نص المواقف للمعاقين ؟..
ما اخبر قطر دشت في حروب هلكثر
واذا ع الي وقفون مكانهم
هندي شفته مره صافت في السوق مكانهم . .. عادي

:eek5:
:eek5:
احنا نتعب ندور موقف معاقين وانت تقول المواقف كلها لهم وياليت المعاقين هم اللي يصفون
اللي ياخذ الموقف واحد صاحي ماعنده اخلااااااق ولايفكر ان في ناس احوج منه محتاجه الموقف :anger1:

[رجل الجزيرة]

اتفق واختلف في بعض ماذكرتي ... اتفق في المسمى واختلف بوصفج للانسان الي يوقف في موقف خاص لذوي الاحتياجات الخاصه ان قلبه مافي رحمه ... بعطيج مثال بسيط .. لو رحت الجمعيه الساعه 11 في الليل ولا رحت صيدليه الساعة 1 ونص في الليل ووقفت في موقف خاص بذوي الاحتياجات الخاص اعتبر انسان مافي قلبي رحمة ؟؟؟ من وجهة نظري تعتمد على المكان والوقت

إلا ويش رأيك قصة قديمة شوية: عربي مسافر لألمانيا وبعد منتصف وقف له تكسي وبعد شوي وقف أمام إشارة حمراء فحن عليه أخونا العربي روح ما فيه أحد الشارع فاضي وعقب ما حن على رأسه وتجاوز الإشارة، وصل العربي للمكان الي يبغيه وراح للشرطة وأعترف على إنه تجاوز الإشارة الحمراء وكتبت له مخالفة ودفع المخالفة.

فهذا هو عين العقل متى الإنسان يحترم القانون الذي وجد له ولغيره.

[ولي العهد]

إلا ويش رأيك قصة قديمة شوية: عربي مسافر لألمانيا وبعد منتصف وقف له تكسي وبعد شوي وقف أمام إشارة حمراء فحن عليه أخونا العربي روح ما فيه أحد الشارع فاضي وعقب ما حن على رأسه وتجاوز الإشارة، وصل العربي للمكان الي يبغيه وراح للشرطة وأعترف على إنه تجاوز الإشارة الحمراء وكتبت له مخالفة ودفع المخالفة.

فهذا هو عين العقل متى الإنسان يحترم القانون الذي وجد له ولغيره.


قصة للعبره والموعضة .. واتفق معاك ان الشخص لازم يحترم القوانين ولاحظ ان هذولي نفسهم لما يسافرون الدول الاوربيه يحترمون القانون بشكل فضيع ... بس ياخوي قطع الاشارة شتان مابينها وبين الموقف الخاص بذوي الاحتياجات الخاصة .

[.:: القيصر ::.]

السلام عليكم

الامر عادي جداً

المفروض تصور السيارة وهي واقفه و تروح المرور ترويهم الصورة و بعد ما يشيك بيقول لك اذا عنده تصريح

او بيقول لك ماتقصر و الحين ننزل له المخالفه

بس هذا هو الامر البسيط :)

[رجل الجزيرة]

راعي الجمس الحمر وقف في نفس المكان فكلمت رجل الحماية فكلمه فقال ما تشوف الإستكير وكان المفورض إن يكون الإستيكر واضح على الزجاة الأمامة أو تكون مقلعة بس الشيخ مخليها على الطابلون فسكت رجل الحماية فكلمت رجل الجماية فقال لي: دام إنه إستيكر ما أقدر أتكلم والعجيب إنه هو مهوب معاق، يعني مستغل الستيكر يوقف في مكان المعاقين، تكفون ويش الحل؟