بعض المناسبات او الاحداث العائلية !! هل تساهم بابعاد القلوب

[سهم عتيج]

حقيقة لا اعرف كيف ابدأ الموضوع لحساسيته على الكثيرين منا

ولكن بالتاكيد اخي او اختي الكريمة مرت عليكم مثل هذه الامور ولو لمرة واحدة

يعني

وحدة زعلانة ماراح تجي عرس فلان او فلانه لانهم ماجابوا دعوة حضور عرس لطفلتها !

الثاني زعلان وماراح يحضر العزيمة لانه اخر واحد اعزموه وكل الناس تدري من مبطي الا هو !

واحد وزوجته قبل عرس فلان او فلانه من اقاربهم بكم يوم سافر عشان مايحضران العرس او العزيمة

فلانة ربّت (جاها مولود) الا فلانة زعلانة وقررت عدم الزيارة لانهم ما اتصلوا فيها واخبروها بالخبر او اسمعت الخبر من بنتها او ولدها !

كثير من المواقف او الاحداث السعيدة او الغير سعيدة تتسبب في خلافات ومقاطعة بين الاهل والاصدقاء

السؤال

هل بالفعل بعض الاحداث تسبب الفرقة بين الناس ام ان شيئا في النفس موجود اصلا ولكن مثل هذه الاحداث تكشف اللي في القلوب ؟

[ضوى]

الصراحة ممكن مثل هالاشياء تسبب فرقة والصراحة صارت اكثر من مرة وحطيت بخاطري بس ماقطعت

[ولي العهد]

بصراحة انا ملاحظ هالشي عند النسوان وللامانه ساعات يكون صح كلامهم وساعات تفكيرهم وتحليلهم يسبب الكراهيه ويسبب المشاكل وبالاخير تعتمد على الشخص المتلقي للكلام كيف يقنع الي قدامه ... انا بصراحة وبشكل عام اذا الشخص يمون عللي بروح له حتى بدون عزيمه وبوصل له رساله بطريقه غير مباشره

[عزووز قطر]

هذا طبع الحريم ،،

واللي يزعل ومايحضر أكيد شايل في خاطره من موقف سابق صار بينهم ،،، وليتهم يعرفون ان المناسبات تجمع وماتفرق ...

[R 7 A L]

من باب الدلع
والتغلي

[hk94]

يا كثر هذي المواقف اللي تصير !!!!!
و سبحان الله الناس صايرة تتصيد لغيرها بس علشان تزعل و تقاطع !!!!
من قريب صادني موقف فجأأأة لاو لا خبر !!!!
اتصلت اسلم و أسأل عنها ليش ماشفناج بالعزيمة و اشتقنالج طبعاً الرد القاسي و الخالي من المحبة في الله !!!!
لانج مادعيتي بنتي !!! سبحان الله نسيت على الأقل تعالي و بعدين تشرهي لا و لو ماسألت انا كان عادي القطاعة تطول سنة و لا سنتين على حسب المزاج !!!!!
المشكلة ان القلوب صارت قاسية و دنيوية !!
*أن رسول الله صلى الله عليه وسلم قال: [ ليس الواصل بالمكافئ ، ولكن الواصل الذي إذا قطعت رحمه وصلها ]. رواه البخاري
و اغلب الناس يكافئ والله وصلني باوصله ما وصلني ماوصله و اعزمتني باعزمها ما اعزمتني لو تموت ماعزمتها سبحان الله !!!!!
اذا احضرت عرسنا نحضر لهم و العكس و هذا سبب دمار العلاقات في المجتمع مع الأسف !!!!!
شكراً لصاحب الموضوع و يستاهل النقاش فيه لتصحيح بعض المعتقدات الخاطئة ،،،،،

[قطريه ماركه]

هالمواقف كلها واقعية و تصير ...

بسبب شيء في القلب من حقد او حسد او مشكلة او او

و بالتأكيد تسبب فجوة كبيرة في العلاقات العائلية .......

[سهم عتيج]

الصراحة ممكن مثل هالاشياء تسبب فرقة والصراحة صارت اكثر من مرة وحطيت بخاطري بس ماقطعت

الحمدلله انك ماتقاطعين وهذا هو الاهم بغض النظر عن حدوث بعض الاخطاء

غيرك يسوي هوايل وحروب وتقلب المناسبات السعيدة الى تعيسة

[سهم عتيج]

بصراحة انا ملاحظ هالشي عند النسوان وللامانه ساعات يكون صح كلامهم وساعات تفكيرهم وتحليلهم يسبب الكراهيه ويسبب المشاكل وبالاخير تعتمد على الشخص المتلقي للكلام كيف يقنع الي قدامه ... انا بصراحة وبشكل عام اذا الشخص يمون عللي بروح له حتى بدون عزيمه وبوصل له رساله بطريقه غير مباشره

كلامك صحيح بعض النساء للاسف مهنتهن التكدير على غيرهن باي مناسبة كانت

نعم الافضل ايصال رسالة للشخص بدون وسيط عشان مايوصل العتاب بينك وبينه الى حرب وقطيعة دائمة بعد ذلك

[طلعة الروح]

مسألة تراكمات في نظري
لأن لو مب شايل بقلبة عليه من قبل ومن كذا موقف ،ماكان أي موقف بسيط راح يأثر ع العلاقة
وتعتمد درجة الخلاف على درجة القرابة
يعني لو أهل ومقربين مافي شي يفصلنا عنهم بسهولة ، بس لو من بعيد المسألة تكون أسهل..

[غايه الطواش]

والله كثير تصير اخوي بس بطبعي مازعل واحيان كثيره افرح اذا ماعزموني لاني ماحب اروح عروس وعزايم ...
بس مانكر ان الكثير يزعل والكثير يحط بخاطره ... سبحان الله الواحد ينسى ينشغل ...بس الحريم فيهم طبع مايلتمسون العذر لبعض .....الا من رحم ربي ...

[بوحمد111]

من المفروض ان التجمع يقرب ولا يفرق ولكن الحاصل في مجتمعنا حب التشره ولو الشخص ما دعوه/ها يبدأ في الحنه وليش فلان وليش علان

ولكن لو القلوب صافية من الاساس كان والله ما يصير زعل

تحياتي

[الاجوديه]

.
.


الله يجزاك الجنه و والديك و والدينا

وفعلا اللي ذكرتوه صدق وصاير للاسف ...


وللتذكير احاديث عن الرسول عليه الصلاه والسلام لاجر صلة الرحم وذنب قاطع الرحم والعياذبالله ..




( لا يدخل الجنه قاطع رحم )


عن أبي أيوب الأنصاري رضي الله عنه أن رجلا قال يا رسول الله أخبرني بعمل يدخلني الجنة فقال رسول الله صلى الله عليه وسلم:
« تعبد الله لا تشرك به شيئا وتقيم الصلاة وتؤتي الزكاة وتصل الرحم»


وعنه عليه الصلاه والسلام
« إن الله خلق الخلق حتى إذا فرغ من خلقه قالت الرحم هذا مقام العائذ بك من القطيعة
قال نعم أما ترضين أن أصل من وصلك واقطع من قطعك
قالت بلى يا رب قال فهو لك»



عن أبي هريرة رضي الله عنه قال: سمعت النبي صلى الله عليه وسلم يقول:
« إن أعمال بني آدم تعرض على الله تبارك وتعالى عشية كل خميس ليلة الجمعة
فلا يقبل عمل قاطع رحم»



يعطيك العافيه اخوي وما قصرت

[سهم عتيج]

هذا طبع الحريم ،،

واللي يزعل ومايحضر أكيد شايل في خاطره من موقف سابق صار بينهم ،،، وليتهم يعرفون ان المناسبات تجمع وماتفرق ...


كلامك صحيح بعض المواقف تكون نتيجة رواسب سابقة

ونعم ياريت الناس تستغل مثل هالمناسبات لازالة اللي في النفوس

يعني لو مثلا شخص شايل علي واعرف ان زيارتي له في مناسبة معينة كعرس او عزاء على الاقل راح تخليه يغير انطباعه عني فليش ما استغلمثل هالمناسبات للخير

شخصيا في شخص سبب لي اذى نفسي في موقف معين ولكن يوم زارني في وفاة والدتي بصراحة ازال الكثير مما في نفسي عليه

يعني المفروض الانسان اذا حس ان في شخص شايل عليه ممكن يستغل بعض المناسبات لازالة وغسل مافي القلوب مب يزيد المشاكل

[مستوى الدعم]

إن المقاطعات الأسرية التي تحدث بعد هذه المناسبات.. تكون عادة نسائية ..

ولكن المستغرب أن يتدخل الرجال في مثل هذه الأمور .. ويشاركون في القطيعة..

أعتقد أن أحد الأسباب هو استحداث مناسبات جديدة لم تكن موجودة سابقاً.. أو المبالغة في الاحتفال في بعض المناسبات.. بحيث أصبحت أمراً واجباً.. تلزم فيه الزيارة والهدايا.. وإلا فإن لم يدعُ صاحب المناسبة بعض الأشخاص يصبح مقصراً..
وإذا لم يحضرها بعض من تمت دعوتهم .. يصبحون عديمي ذوق وبخلاء لا يريدون جلب الهدايا.. ويتم التوعد لهم بعد مجاملتهم في مناسباتهم القادمة..

روى ابو هريرة رضي الله عنه عن رسول الله صلى الله عليه وسلم أنه قال:
شر الطعام طعام الوليمة . يمنعها من يأتيها ويدعى إليها من يأباها . ومن لم يجب الدعوة ، فقد عصى الله ورسوله

الراوي: أبو هريرة المحدث: مسلم - المصدر: صحيح مسلم - الصفحة أو الرقم: 1432
خلاصة حكم المحدث: صحيح

[ضوى]

الحمدلله انك ماتقاطعين وهذا هو الاهم بغض النظر عن حدوث بعض الاخطاء

غيرك يسوي هوايل وحروب وتقلب المناسبات السعيدة الى تعيسة



مايسوى هاي كله ، قطع الرحم حرام

[MAZEN37]

حسب اخذك للامور
في ناس تعذر وتاخذ الامور سهلات
وفي ناس حساسه وخيالها واسع وتسوي فلم هندي وتصدقه
وكل يغني على ليلاه
لو شفت ردت فعل اي انسان ملتزم تحصله متساهل ومتسامح ويعذر الناس
وهو الاصل بالدين

[سهم عتيج]

من باب الدلع
والتغلي

يعني ممكن يكون من باب الدلع والتغلي!!

بس للاسف اذا صار التغلي والدلع عادة .... مشكلة

يعطيك العافية



يا كثر هذي المواقف اللي تصير !!!!!
و سبحان الله الناس صايرة تتصيد لغيرها بس علشان تزعل و تقاطع !!!!
من قريب صادني موقف فجأأأة لاو لا خبر !!!!
اتصلت اسلم و أسأل عنها ليش ماشفناج بالعزيمة و اشتقنالج طبعاً الرد القاسي و الخالي من المحبة في الله !!!!
لانج مادعيتي بنتي !!! سبحان الله نسيت على الأقل تعالي و بعدين تشرهي لا و لو ماسألت انا كان عادي القطاعة تطول سنة و لا سنتين على حسب المزاج !!!!!
المشكلة ان القلوب صارت قاسية و دنيوية !!
*أن رسول الله صلى الله عليه وسلم قال: [ ليس الواصل بالمكافئ ، ولكن الواصل الذي إذا قطعت رحمه وصلها ]. رواه البخاري
و اغلب الناس يكافئ والله وصلني باوصله ما وصلني ماوصله و اعزمتني باعزمها ما اعزمتني لو تموت ماعزمتها سبحان الله !!!!!
اذا احضرت عرسنا نحضر لهم و العكس و هذا سبب دمار العلاقات في المجتمع مع الأسف !!!!!
شكراً لصاحب الموضوع و يستاهل النقاش فيه لتصحيح بعض المعتقدات الخاطئة ،،،،،

اشكر لك هذه المداخلة القيمة
للاسف اذا صار الناس تحاول تتصيد الاخطاء
وهذه هي المصيبة الكبرى في مثل هالمناسبات

نعم في المناسبات تحدث اخطاء وعلينا ان نلتمس العذر لهم لانهم قد يكونوا مربوكين وقد ينسون اقرب الناس

لذلك الاهم ان لا نكون نحن الذكرى السيئة في مثل تلك المناسبات بسبب المشاكل اللي ممكن نفتعلها ونكدر على الناس افراحهم او نزيد في اوجاعهم

[وطن]

كل ما كتبت رد
ارجع امسحه

في بعض الامور يا اخوي اكبر من سالفة عزموني وما عزموني
واكبر من مشكلة عابره

الواحد يسافر ويعتذر عن الحضور لانشغاله احسن

:)

[ريتويت]

مع الاسف تكثر عند فئه الحريم أكثر من الرجال ..

[عابر سبيل]

كل ما كتبت رد
ارجع امسحه

في بعض الامور يا اخوي اكبر من سالفة عزموني وما عزموني
واكبر من مشكلة عابره

الواحد يسافر ويعتذر عن الحضور لانشغاله احسن

:)

صحيح اذا كان الانسان موب هو صاحب هالمناسبة
يعني من المعازيم...

بس السؤال لمن يعمل هالمناسبات ويخلق التوترات
ليش اذا الواحد عارف بهالنتيجة بسبب بعض التراكمات
القديمة

و مثل ما قال اكثر من معقب... المناسبات النسائية
من زمان هي سبب وجع الضرس...

فليش الناس ما " تجلع" الضروس المؤلمة
و ليش على كل شي لمة و وليمة
و بعدها ملامات و وو مشاكل ما تحلها
حتى اجتماعات الامم المتحدة


شخصيا... افكر ما اسوي حفلات زواج حق
اولادي و اشترط على من بياخذ بناتي
يفكنا من لوية حفلات الاعراس...و يمكن
ادفع له تكلفة الحفل اذا الغاه و اذا قدر
يقنع الامهات:telephone::telephone::telephone:

اقل شي اخفف على جماعتي وهلي
مصاريف فساتين حريمهم و بناتهم
و مكياجهم...


لكنوالمشكلة ان كل واحد و وحده
يبون يقلدون حفل زواج تشارلز و ديانا
او الحين وليمز و كيت

و يسمعون خلق الله

[روح الاطلس]

كل ما كتبت رد
ارجع امسحه

في بعض الامور يا اخوي اكبر من سالفة عزموني وما عزموني
واكبر من مشكلة عابره

الواحد يسافر ويعتذر عن الحضور لانشغاله احسن

:)

بس عدم توجيب الناس وكثرة القطاعة مب زينه شوي شوي خلاص الشخص القاطع ينمسح من الذاكرة وماعاد احد يذكره ولا يعزمه.

[غايه الطواش]

شخصيا... افكر ما اسوي حفلات زواج حق
اولادي و اشترط على من بياخذ بناتي
يفكنا من لوية حفلات الاعراس...و يمكن
ادفع له تكلفة الحفل اذا الغاه و اذا قدر
يقنع الامهات
الكلام سهل لكن حزه الحزه ووقت الصج ماتقدر تحرم بنت الناس من يوم عرسها ..ولا انت تقدر تحرم بنت من يوم تحلم فيه وتتمناه كل بنت ...

ولا انت الي تقدر تشوف بنتك مكسوره الخاطر ان ابوها مايبي يسوي لها عرس ...
هذا اذا افترضنا ان الاب سوى له عرس وعرضه :shy:

[وطن]

صحيح اذا كان الانسان موب هو صاحب هالمناسبة
يعني من المعازيم...

بس السؤال لمن يعمل هالمناسبات ويخلق التوترات
ليش اذا الواحد عارف بهالنتيجة بسبب بعض التراكمات
القديمة

و مثل ما قال اكثر من معقب... المناسبات النسائية
من زمان هي سبب وجع الضرس...

فليش الناس ما " تجلع" الضروس المؤلمة
و ليش على كل شي لمة و وليمة
و بعدها ملامات و وو مشاكل ما تحلها
حتى اجتماعات الامم المتحدة


شخصيا... افكر ما اسوي حفلات زواج حق
اولادي و اشترط على من بياخذ بناتي
يفكنا من لوية حفلات الاعراس...و يمكن
ادفع له تكلفة الحفل اذا الغاه و اذا قدر
يقنع الامهات:telephone::telephone::telephone:

اقل شي اخفف على جماعتي وهلي
مصاريف فساتين حريمهم و بناتهم
و مكياجهم...


لكنوالمشكلة ان كل واحد و وحده
يبون يقلدون حفل زواج تشارلز و ديانا
او الحين وليمز و كيت

و يسمعون خلق الله

والله يا اخوي احنا نحتاج المناسبات والحفلات
تغيير جو تقدر تقول

مب كل يوم طبعا
اذا في واجب لناس قريبين وجبناهم

واذا حسينا بالملل سوينا "بارتي"
كبنات واهل في البيت نتجمع ونحتفل

لكن ان حد يزعل لان ما عزموني
الصراحة انا اشوف ان مالها داعي
يمكن اللي ما عزموها غير مرغوب فيها او مثلا علاقتهم فيها سطحية
او يدرون انها ماراح توجبهم اصلا

يعني ماله داعي الواحد يكبر المواضيع





بس عدم توجيب الناس وكثرة القطاعة مب زينه شوي شوي خلاص الشخص القاطع ينمسح من الذاكرة وماعاد احد يذكره ولا يعزمه.

لا حبيبتي مافي قطاعة ان شاء الله
الوصل موجود
صوت وصورة
:victory:

بس في مناسبات الواحد ينسحب منها لأسباب ممكن تقدرين تقولين خارجه عن ارادته
يعني ما اقدر اشرح اكثر
بس الوصل بين الاهل والربع موجود
والتوجيب موجود

[عابر سبيل]

الكلام سهل لكن حزه الحزه ووقت الصج ماتقدر تحرم بنت الناس من يوم عرسها ..ولا انت تقدر تحرم بنت من يوم تحلم فيه وتتمناه كل بنت ...

ولا انت الي تقدر تشوف بنتك مكسوره الخاطر ان ابوها مايبي يسوي لها عرس ...
هذا اذا افترضنا ان الاب سوى له عرس وعرضه :shy:

يا هالهخاطر البنات اللي كل ماله ينكسر..
من كثر ما ينكسر الواحد يقول متى يلحق يتعدل..
الا عشان ينكسر ن جديد..

طبعا في هالحالة..
ما في مبدأ Win Win..
الرجال ياخذ مبدأ I lose U win
بس حزتها بنشوف شسووا ابهاتنا يوم تزويج بناتهم:secret:

[الزلزال]

يازين النفس الطيبه ... تجيك بدون عزيمة

[بصمة قطرية]

وايد تصير قطيعة و زعل بالذات في مجتمع الحريم ..
الخوات يشيلون على بعض للأسف :(
ما يلتمسون الأعذار ..
الحمدلله ما عمري شرهت على حد ولو صار لي هالشي ما ازعل ابداً
مرات الواحد مع حوسة العرس ينسى ناس قراب ..
في عرس اخوي من شهرين اتصلت وحدة من هلي و قالت لي انا زعلانة منج
البطاقات وصلت للكل الا انا ..
قلت لها يا بنت الحلال انا كاتبهم بإيدي والله اني كاتبه لج ولهلج كلهم ..:weeping:
حسستني بتأنيب ضمير وانا متأكدة اني كاتبتها و عندي المسودة و تأكدت ..
قالت اعذريني اذا ما جيت العرس و لا تزعلين مني حزت في خاطري :weeping:
في الأخير جات العرس اول ما دخلت لمتني وقالت لي اسمحي لي البطاقات كانت بيت هلي
من زمان و نسوا يقولون لي ..
يعني حتى لو الواحد نسى الانسان ممكن ينسى اي شي و الضغوطات اللي تصير وقت العرس او اي مناسبة لازم يعذرونه ..

اكره مبدأ ما جات عرسنا ما نروح عرسهم ..
ما قدرونا ما نقدرهم ..
للأسـف وايد يمشون على هالمبدأ و تحسهم يتصيدون لبعض ..
ذيك السنه سوت عزيمة ما عزمتنا ما راح نروح لها ..
يزعلون من اشياء ما تستاهل ..
يشيلون في قلوبهم ..

والله الدنيا ما تستاهل ..
سبحان الله مرات ناس تنساهم و هم قراب
ما ينتظرون منك عزيمة لأنهم عارفينك يوصلونك
و يقدرونك تكفي كلمتهم
احنا مب محتاجن عزيمة :weeping:
فديتهم والله :weeping:

مرات تصير مواقف سخيفة بس والله تراها في الأخير تفرق و تبعد بالذات بين الأهل ..
يعني وحدة تسوي عزيمة في نص الاسبوع و تقول اللي مب جاي كيفه والله ..
و اذا اعتذروا و ما جوها تزعل و تتحلطم انزين انتي تدرين الكل عنده دوامات ..
لازم تعذرينهم .. :(
خلاص بكتفي بهالرد ..
لأني فعلاً مقهورة من هالشي ..
اهل افترقوا و صاروا مثل الغرب بسبب هالاشياء .. :(

[للصبر اخر]

اخوي الكريم
مايعاتبك الا اللي يحبك
وانا مو من الناس اللي ترووح للاعراس الا اذا كانت جد قريبه
بس في نااس حتى وهم قراب بعد مايعزموون
والمشكله لما تسالهم بطاقة بنتي وين يقولون مافي لها بطاقة
وممنوع البنات
لو كانت ياهل 11 سنه او اقل بنقول معليش بس البنات كبار بالجامعه وفووق
غصبا عن الواحد بيتضايق
وانا عن نفسي
لو ماعزموني مابتضايق
ابي اشاره ما ارووح

[فيزيائية]

الناس صايرة (متسببة)
تدور على سبب للقطيعة والمشاكل

[دبلوماسية]

اصلا معروفة ...

حبيبك يبلع لك الزلط ...وعدوك يدور لك على الغلط

لو هالانسان يعزك ويقدرك ويحبك ...بيعذرك
لكن لو في حقد او كره قديم ...بيثور على اقل سبب


الله يعينا ...عندنا عرس قريب ...وصار لنا ست شهور انسجل اسامي المعازيم ...خايفين ننسى حد ويزعل علينا ...:(

[R 7 A L]

اعرف لي واحد
مزاجه مادري شلون
اذا احد عزمه مايجيه ويقدر يعضر فيه
واذا ماحد عزمه وعرف من أي احد ان عند فلان مناسبة اول واحد يحضر

[Bin Hood]

اعتقد ان النساء اكثر ناس يتحسسون من هذا الموضوع

يعني هي من الـ top 10 الي يدرون والا اخرمن يعلم

اما الرجال ما يحسسون بالمرة ولا يخطر على بالهم هل انا اول المعزومين او اخرهم

بس للامانة جاية لنا بطاقة دعوة زواج من احد الاقارب مكتوب اسم الوالد وابناءه

يعني "ابناءه" انا !!!! ليش ما طرشوا لي بطاقة دعوة خاصة!!!!!!! مع ان المرة الي قبل طرشوا لي بطاقة دعوة

يمكن اقاطع العرس على المزاج ذاك اليوم

[بصمة قطرية]

اعرف لي واحد
مزاجه مادري شلون
اذا احد عزمه مايجيه ويقدر يعضر فيه
واذا ماحد عزمه وعرف من أي احد ان عند فلان مناسبة اول واحد يحضر

خخخخخخخخخخخ
اذا ما تبونه يحضر اعزموه .. :tease:
:shy:

[سهم عتيج]

هالمواقف كلها واقعية و تصير ...

بسبب شيء في القلب من حقد او حسد او مشكلة او او

و بالتأكيد تسبب فجوة كبيرة في العلاقات العائلية .......



مسألة تراكمات في نظري
لأن لو مب شايل بقلبة عليه من قبل ومن كذا موقف ،ماكان أي موقف بسيط راح يأثر ع العلاقة
وتعتمد درجة الخلاف على درجة القرابة
يعني لو أهل ومقربين مافي شي يفصلنا عنهم بسهولة ، بس لو من بعيد المسألة تكون أسهل..




اصلا معروفة ...

حبيبك يبلع لك الزلط ...وعدوك يدور لك على الغلط

لو هالانسان يعزك ويقدرك ويحبك ...بيعذرك
لكن لو في حقد او كره قديم ...بيثور على اقل سبب


الله يعينا ...عندنا عرس قريب ...وصار لنا ست شهور انسجل اسامي المعازيم ...خايفين ننسى حد ويزعل علينا ...:(


نعم اتفق معكم بانه من ضمن اهم الاسباب لافتعال مثل هذه المشاكل قد يعود لتراكمات وحقد وحسد قديم من الطرفين العازم او المعزوم وبالتالي مثل هذه الاحداث قد تاتي بنتائج عكسية للاسف

[الأصيلة]

العقول الصغيرة بين الحريم كثيرة
التفكير محدود والأنانية شـغـّالة
وكلن يتصرف حسب أخلاق الآخرين لا حسب أخلاقه وتفكيره
فلانه مقصره أقصر مثلها..
فلانه قاطعة أقطع معاها ..
وياليت أسباب تستاهل..الأسباب تافه جدا
ماتسوى قطيعة..
وأنا جربت لما توصل القاطع والله تنكسر عينه ويلين قلبه
وتتبدل العداوة محبة...
{ وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ
فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ} ...

[سهم عتيج]

والله كثير تصير اخوي بس بطبعي مازعل واحيان كثيره افرح اذا ماعزموني لاني ماحب اروح عروس وعزايم ...
بس مانكر ان الكثير يزعل والكثير يحط بخاطره ... سبحان الله الواحد ينسى ينشغل ...بس الحريم فيهم طبع مايلتمسون العذر لبعض .....الا من رحم ربي ...



اخوي الكريم
مايعاتبك الا اللي يحبك
وانا مو من الناس اللي ترووح للاعراس الا اذا كانت جد قريبه
بس في نااس حتى وهم قراب بعد مايعزموون
والمشكله لما تسالهم بطاقة بنتي وين يقولون مافي لها بطاقة
وممنوع البنات
لو كانت ياهل 11 سنه او اقل بنقول معليش بس البنات كبار بالجامعه وفووق
غصبا عن الواحد بيتضايق
وانا عن نفسي
لو ماعزموني مابتضايق
ابي اشاره ما ارووح

يبدو عليكم انكم من النوع اللي مايشيل بخاطره اذا ما انعزمتوا وبالتالي فان نظرتكن لمثل هذه الامور قد تختلف اختلافا كليا عن اللاتي ينظرن الى مثل هذه المناسبات فرصة لعمل حلبات مصارعة لاظهار بطولاتهن في السنع والمفروض والمفروض الخ.

وبالتالي قد تكونا محل انتقادات واسعة من الناس لانكما لا تهتمن بالحضور من عدمه*ولا تبالين بكلام الناس اذا مارحتوا او مادعيتوا بعض الناس لمناسباتكن :rolleyes2:

[سهم عتيج]

من المفروض ان التجمع يقرب ولا يفرق ولكن الحاصل في مجتمعنا حب التشره ولو الشخص ما دعوه/ها يبدأ في الحنه وليش فلان وليش علان

ولكن لو القلوب صافية من الاساس كان والله ما يصير زعل

تحياتي

نعم العملية تحتاج الى بعض التنازلات من الطرفين
من العازم بانه يلتمس العذر للاخرين ويحط حسن النية
ومن المعزوم اذا جاته الدعوة متاخرة او فيها قصور من وجهة نظره انه يلتمس العذر للطرف الاخر
يعني لو ناخذ الامور بحسن نية كان الدنيا بخير ولو كان هناك سوء نية مسبقة من احد الطرفين



.
.

الله يجزاك الجنه و والديك و والدينا

وفعلا اللي ذكرتوه صدق وصاير للاسف ...


وللتذكير احاديث عن الرسول عليه الصلاه والسلام لاجر صلة الرحم وذنب قاطع الرحم والعياذبالله ..



( لا يدخل الجنه قاطع رحم )


عن أبي أيوب الأنصاري رضي الله عنه أن رجلا قال يا رسول الله أخبرني بعمل يدخلني الجنة فقال رسول الله صلى الله عليه وسلم:
« تعبد الله لا تشرك به شيئا وتقيم الصلاة وتؤتي الزكاة وتصل الرحم»


وعنه عليه الصلاه والسلام
« إن الله خلق الخلق حتى إذا فرغ من خلقه قالت الرحم هذا مقام العائذ بك من القطيعة
قال نعم أما ترضين أن أصل من وصلك واقطع من قطعك
قالت بلى يا رب قال فهو لك»



عن أبي هريرة رضي الله عنه قال: سمعت النبي صلى الله عليه وسلم يقول:
« إن أعمال بني آدم تعرض على الله تبارك وتعالى عشية كل خميس ليلة الجمعة
فلا يقبل عمل قاطع رحم»


يعطيك العافيه اخوي وما قصرت




جزاك الله الف خير

فعلا مثل هذه المناسبات فرصة كبيرة لصلة الرحم وازالة اي لبس

ولكن بعض الاحيان قد تحتاج عزيمة كبيرة ومجاهدة النفس لان بعض القلوب قد تكون شايلة وايد في قلبها

اعجبتني خطبة الجمعة الماضية حين ذكر الشيخ ان الحسد نتيجة للحقد والحقد نتيجة للغضب

فمع مرور الايام يتحول الغضب الى حقد ومن ثم الى حسد وهو ماقد يؤدي بعد ذلك الى القطيعة لاي سبب كان
فاذا كان في نفسك شي على قريبك او العكس فمثل هذه المناسبات فرصة طيبة لازاحة مافي النفوس او على اقل بعض مافي النفوس وخل تكون مثل هالمناسبات فرصة لبث الحياة من جديد في شرايين صلة الرحم اذا كانت العلاقات مش ولا بد

[الأصيلة]

أنا أعرف ناس في العرس عمات العروس مايحضرون
أو عمات المعرس...
وناس ماتعزم بيت العم ولابيت الخال..
والأسباب فلوس وشوية كلام وخرابيط
وكأنهم يعيشون الحياة كلها
ما كأن وراهم موت وحساب وعقاب...

[سهم عتيج]

إن المقاطعات الأسرية التي تحدث بعد هذه المناسبات.. تكون عادة نسائية ..

ولكن المستغرب أن يتدخل الرجال في مثل هذه الأمور .. ويشاركون في القطيعة..

أعتقد أن أحد الأسباب هو استحداث مناسبات جديدة لم تكن موجودة سابقاً.. أو المبالغة في الاحتفال في بعض المناسبات.. بحيث أصبحت أمراً واجباً.. تلزم فيه الزيارة والهدايا.. وإلا فإن لم يدعُ صاحب المناسبة بعض الأشخاص يصبح مقصراً..
وإذا لم يحضرها بعض من تمت دعوتهم .. يصبحون عديمي ذوق وبخلاء لا يريدون جلب الهدايا.. ويتم التوعد لهم بعد مجاملتهم في مناسباتهم القادمة..

روى ابو هريرة رضي الله عنه عن رسول الله صلى الله عليه وسلم أنه قال:
شر الطعام طعام الوليمة . يمنعها من يأتيها ويدعى إليها من يأباها . ومن لم يجب الدعوة ، فقد عصى الله ورسوله

الراوي: أبو هريرة المحدث: مسلم - المصدر: صحيح مسلم - الصفحة أو الرقم: 1432
خلاصة حكم المحدث: صحيح

توقفت كثيرا عند مداخلتك القيمة صراحة لان فيها الكثير من الحقائق اللي لابد لنا جميعا ان نقف عندها
شخصيا ازعل لما اشوف كل يوم مسويين بدعة جديدة
الا الحنة لازم فيها طقطقة
الا الهدية في الفندق :eek5:
اول مرة اسمع ان الهدية لازم تصير في الفندق
اللي اخبره ان الهدية عبارة عن حالة وداع بموجبها تنتقل الزوجة من بيت اهلها الى بيت الزجية الدائمة والام تقعد في البيت ماتروح

الحين بعض الامهات موجودين قبل العروس في موقع حفل الهدية:secret:
والله منكر على قولة الاولين

وانه معاك في انه متى ماتدخل الرجال في زعل الحريم اخربت السالفة عدل
مثل مالحريم اذا تدخلوا في هواش اليهال وتزاعلوا اخربت السالفة

فعلى الرجل انه اذا جاته زوجته او امه او اخته تتشكى من فلانة وايش سوت فانه عليه ان يسوي نفسه ماله خص ولا يتاثر بعلاقاته مع اقرباءه عشان فلانه تهاوشت مع زوجته

الاصل ان هواش الحريم في مثل هالحالات عادي
لان المراة في طبعها متسامحة
لكن الرجل بطبعه اذا زعل صعب انه يتسامح بسرعة

لذلك فعلى الرجال انهم قدر الامكان انهم يكونون على الحياد عشان ماتكبر السالفة اكثر

[حسن]

العقول الصغيرة بين الحريم كثيرة
التفكير محدود والأنانية شـغـّالة
وكلن يتصرف حسب أخلاق الآخرين لا حسب أخلاقه وتفكيره
فلانه مقصره أقصر مثلها..
فلانه قاطعة أقطع معاها ..
وياليت أسباب تستاهل..الأسباب تافه جدا
ماتسوى قطيعة..
وأنا جربت لما توصل القاطع والله تنكسر عينه ويلين قلبه
وتتبدل العداوة محبة...
{ وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ
فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ} ...


مثل ماقالت اختنا الاصيله اكثر عقول النساء صغيره الى اقصى ماتتخيل
والمشكله تلقاها ممن ذوات الشهادات العليا
من وجهه نظري ان النساء عندنا تحتاج الى دورات كثيرا جدا في كيفيه التعامل مع الزوج اولا
وبعدين الاخرين من اهل وصديقات والباقي
مع العلم نحبهم ونودهم ولا نكرهم ولانحتقرهم بل نوجههم وننصحهم
والله لاجيب الزعل بيني وبينهم:victory:

[سهم عتيج]

حسب اخذك للامور
في ناس تعذر وتاخذ الامور سهلات
وفي ناس حساسه وخيالها واسع وتسوي فلم هندي وتصدقه
وكل يغني على ليلاه
لو شفت ردت فعل اي انسان ملتزم تحصله متساهل ومتسامح ويعذر الناس
وهو الاصل بالدين

نعم تطبيق مبادئ الدين الاسلامي كفيل بازالة الكثير من العوائق في كل حياتنا

ولكن للاسف بعض الناس المحسوبين على المتدينين قد يكونوا اشد ردة فعل من غيرهم في مثل هذه الامور*

[غزلان]

توزيع البطاقات اكبر مشكله يعاني منها اهل الزوجين
البعض يتصل يطلب بطاقات زياده:shy:
والبعض يوزع البطاقات اذا مابيحضر العرس على جيرانه:omg:
ولبعض يزعل ولا يحضر العرس بسبب طريقة كتابة اسم المدعوه:eek5:
وهناك من لايحضر ليش ماعزموا الأطفال
مره امي قالت لي عن عرس تفركش بسبب اختلاف اهل المعرس على طريقة بطاقات العرس
ووو

هناك من يفوت ويكبر دماغه وهناك من يستغلها فرصه للزعل وقطع العلاقات وتخريب الفرحه
بالعرس

شكرا للموضوع

[سهم عتيج]

مع الاسف تكثر عند فئه الحريم أكثر من الرجال ..

للاسف نعم الحريم يزعلونوبسرعة بس يرضون بسرعة في مثل هالامور


كل ما كتبت رد
ارجع امسحه

في بعض الامور يا اخوي اكبر من سالفة عزموني وما عزموني
واكبر من مشكلة عابره

الواحد يسافر ويعتذر عن الحضور لانشغاله احسن

:)





لكن ان حد يزعل لان ما عزموني
الصراحة انا اشوف ان مالها داعي
يمكن اللي ما عزموها غير مرغوب فيها او مثلا علاقتهم فيها سطحية
او يدرون انها ماراح توجبهم اصلا

يعني ماله داعي الواحد يكبر المواضيع

بس في مناسبات الواحد ينسحب منها لأسباب ممكن تقدرين تقولين خارجه عن ارادته
يعني ما اقدر اشرح اكثر
بس الوصل بين الاهل والربع موجود
والتوجيب موجود

شكلك عندك كلام وايد في هالموضوع بس يمكن خايفة من ردة الفعل اذا قلتي رايك

معذورة اختي ان شاءالله وشخصيا اعرف ان بعض الامور قد تكون خارجة عن ارادتنا في بعض الامور خاصة اذا احس الواحد ان الطرف او الاطراف الاخرى اصلا هي عندها حساسية منك كذا من الله ومش متقبلين اي شي منك ولا حتى مقابلتك لتراكمات في النفس قد تكونين مالك ذنب فيها

تذكرت شيء في هذا الخصوص حيث ذكرت احدى الاخوات في مناسبة بانها احضرت شوكولاته من لافندام لحماتها في مناسبة معينة
وبما ان هذه الحماة كانت لاتطيقها ولحسن الحظ ان هذه الحماة لاتعرف هذا النوع من الشوكولاته ومدى جودتها

تقول عندما احضرت لها هذه الشوكولاته اللي تقريبا معظم الناس تجمع على مدى جودتها قالت لها حماتها... وع... اش هالشوكولاته اللي طعمها يلوع الكبد

تقول انه شكيت باني فعلا ذوقي مهب حلو الا لما عرفت ان كل من اخبرتهم بالسالفة قالوا لي ان هذه الشوكولاته هي المفضلة لديهم

الشاهد ان هناك اناسا لن يتقبلوك ولن يتقبلوا منك اي شيئ حتى لو جبتي لهم لبن العصفور

بس الواحد يحاول على الاقل ان يؤدي الحد الادنى من الواجب لعل وعسى ان يخرج من اصلابهم من يكون احسن منهم في المستقبل

[الأغر]

موضوع قيم .. لكن هل هناك حلول جذريه ؟
نعم هناك حلول جذريه بل قاطعه .. إن توكيديه كان الوازع الديني والايماني موجود .. ربما يستغرب البعض ما الرابط في ذاك .. بل هو الرابط واساس الربط ..مبدأ التسامح مطلوب وعدم الدخول في النيات .. وكلمة مشهورة إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه.

وايضا مبدأ الانتقام الغير مبرر بسبب ايضا الدخول في النيات .. لم يتصل بي ليبارك لي بالمولود ( والرجل ربما لا يعلم او نسي ) فسأتعامل معه بنفس الاسلوب .. اسلوب الثأر ..

على كل حال .. موضوع طيب وفرصه ايضا لمعرفة الحلول إن وجدت ونذكر ايضا حديث رسول الله صلى الله عليه وسلم رسول الله صلى الله عليه وسلم قال إن من أحبكم إلي وأقربكم مني مجلسا يوم القيامة أحاسنكم أخلاقا وإن أبغضكم إلي وأبعدكم مني مجلسا يوم القيامة الثرثارون والمتشدقون والمتفيهقون قالوا يا رسول الله قد علمنا الثرثارون والمتشدقون فما المتفيهقون قال المتكبرون .. نسأل الله لنا ولكم العافيه

[الترحـــــال]

لقد أضفى الإنفتاح والتطور وزمن العولمة تغييراً جذريا ليس على المجتمع ومحيطة وإنما تغلغل إلى جذور الفكر والفؤاد , وأزال القيم السامية المترامية المكنونة بدواخلنا
ليست الفكرة بالكثرة في تعدد المناسبات والفعاليات التي أصبحت جزئاً لايتجزأ من مجتمعنا
ولكن هي سمة التقدير التي تغلغلت في أذهان البعض عبر تمييز مجموعة من الآخرين عن أقرانهم , بحيث أمسى من يعتقد أنة أقل تقديراً وإحتراما من الآخر .
يـــقول البعض .. لماذا توجةّ بطاقة لمناسبة معينةّ للآخر , ويكتفى بإبلاغي شفاهة أو بواسطة أحداً آخر .؟"
ويقول آخر .. لماذا أقوم بتوجية دعوة لمناسبة معينة لأحد الأشخاص وهو لم يقم بدعوتي إلى إحدى المناسبات التي أقامها .؟"

لــو نظرنا إلى ماذكر أعلاة فلسوف نشاهد الفكر الذي عشعش في أذهان الكثير من حيث مبدأ (التقدير والإحترام) ناهيكم عن مشاكل الأقارب
ولكن هي نظرة سطحية يغالبها الكثير من الحساسية العفوية والتي أثرتّ تأثيرا كبيراً على مخيلةّ البعض , والتي بمقتضاها ... لماذا هو ولماذا أنا .!"

موضوع قيم لانستطيع التقليل من وزنة الثقيل ورقي كاتبة , لأن الأعتراف بتلك الظاهرة حقيقة مطلقة ."

[Dawn]

انا للحين متذكره الحريم اللي حضروا عزا عمتي الله يرحمها من سنه تقريبا وهم حاطين مكياج كأنهم رايحين عرس ،، والصراحه طاحوا من عيني ... شي مب بيدي بس انا اكره الناس اللي حتى الموت عندهم ماله هيبه .. مهما كانت الخلافات بينهم بس ما توصل لهالدرجة ... :(

[ريم 28]

ننصح وانقول عيشوا حياه طبيعيه ولا تشيلون على بعض


الموضوع يحتاج الى غسل القلوب والتمسوا الاعذار وارضاء الناس غايه لا تدرك فقط اعمل الواجب ولا تقاطعوا بعض لاسباب تافه تجعل الناس تحكم عليكم وعلى عقولكم


بدات بالنصيحه لانني بالفعل ارى هذا الشي في مجتمعنا النسائي اما الرجال لا ادري اذا يفعلون هالامور اللي تدل على نقص النضج والتفكير السليم

[ريم 28]

نسيت اذكر نقطه بخصوص الخلافات اللي تحدث في الاعراس الناس اللي عقولها كبيره تهدي وتعذر وتمشي واللي عقولها صغيره للاسف اتزيد النار حطب

بعض الاحيان اسمع عن خلافات من ناس فاهمه وعاقله انصدم ولكن اكتشف بان هناك من يعمل الفتنه بين الاهل وهذا من فعل الشيطان واحيانا من النفوس الضعيفه


الله يهديهم لو يعرفون اجر اصلاح ذات البين لركضوا وراء الصلح واتركوا المشاكل والغرور والكبرياء


الله يصلح الجميع

[وطن]

للاسف نعم الحريم يزعلونوبسرعة بس يرضون بسرعة في مثل هالامور






شكلك عندك كلام وايد في هالموضوع بس يمكن خايفة من ردة الفعل اذا قلتي رايك

معذورة اختي ان شاءالله وشخصيا اعرف ان بعض الامور قد تكون خارجة عن ارادتنا في بعض الامور خاصة اذا احس الواحد ان الطرف او الاطراف الاخرى اصلا هي عندها حساسية منك كذا من الله ومش متقبلين اي شي منك ولا حتى مقابلتك لتراكمات في النفس قد تكونين مالك ذنب فيها

تذكرت شيء في هذا الخصوص حيث ذكرت احدى الاخوات في مناسبة بانها احضرت شوكولاته من لافندام لحماتها في مناسبة معينة
وبما ان هذه الحماة كانت لاتطيقها ولحسن الحظ ان هذه الحماة لاتعرف هذا النوع من الشوكولاته ومدى جودتها

تقول عندما احضرت لها هذه الشوكولاته اللي تقريبا معظم الناس تجمع على مدى جودتها قالت لها حماتها... وع... اش هالشوكولاته اللي طعمها يلوع الكبد

تقول انه شكيت باني فعلا ذوقي مهب حلو الا لما عرفت ان كل من اخبرتهم بالسالفة قالوا لي ان هذه الشوكولاته هي المفضلة لديهم

الشاهد ان هناك اناسا لن يتقبلوك ولن يتقبلوا منك اي شيئ حتى لو جبتي لهم لبن العصفور

بس الواحد يحاول على الاقل ان يؤدي الحد الادنى من الواجب لعل وعسى ان يخرج من اصلابهم من يكون احسن منهم في المستقبل

مسكينه الله يكون بعونها على هالحماه
والله يحنن قلبها عليها

كلامك صحيح اخوي ممكن تكون حساسيات سابقه بين الاطراف
والواحد يسحب نفسه

خلني اعطيك مثال ثاني

الحين لو واحد كان يحب بنت عمه و زوجوها غيره
هل راح يغني لها

بحضر زفافك مثل باقي المعازيم

لو كان في ليلة زفافك (وفـــاآآتي)

او يقول لها

بحضر زفافك يا حياتي .. بحضر زفاف اللي هويته
و برزف عشانك لا تحاتي .. و بهديك كل الي بغيته
بهديك دمعي و عبراتي .. و الهم لي فيني رميته

وبيحضر العرس ويرزف لها بعد ؟؟
هل هو عنده القدره ان يحضر؟؟
عشان جذي اقول لك في بعض الأمور تكون خارجه عن ارادة الانسان

يعني يسحب نفسه ويعتذر احسن له

هذا مجرد مثال

[آنــه]

التراكمات تصنع المشكلات
وليس الاحتفالات والاجتماعات العائليه

سبحان الله هناك شخص يعمل عمل ابليس ( بث الفرقه والكراهية ) بين الجميع
وايضا من اهم مسببات المشاكل ( المقارنات )

اما بالنسبة للاجتماعات ما يحدث بها ماهو الا نتاج الضغط النفسي فكل شخص في هذا الاجتماع يبحث عن زلة صاحبه مع اها عيله وحده لكن هالاحداث تحدث وبشكل كبير وبعد فتره ترى ان كل شيء يزول ليعود رفيق ابليس لبث الفرقه

[ام الشباب]

والله الناس صارت صدورها ضيييقة وتتصيد انا احس الناس التافهه هي اللي تفكر جي يعني ماله داعي التدقيق على الامور البسيطه سبحان الله الناس ماعادت تتحمل شي ويقولون النفسيات تعبانه وكله اكتئاب !!!!

[الدرررة]

صارت وبتصير لكن لحد القطاعة والزعل الكبير ابدا
ممكن زعل لحظي مايتعدى يومين وبعدين اغلبكم يقول كلة من الحريم اكيد ليش الرجال ايش المناسبات الي تروحونها عزيمة ولا عرس وانتهاء احنا المطالبين بالمجاملات الاجتماعية من مناسبات زواج وخطوبة وليلة الهدية وولادات وتخرجات وسافروا الا جو من السفر زيارات المرض ووووووووووو وكلة على راسنا

[سهم عتيج]

شخصيا... افكر ما اسوي حفلات زواج حق
اولادي و اشترط على من بياخذ بناتي
يفكنا من لوية حفلات الاعراس...و يمكن
ادفع له تكلفة الحفل اذا الغاه و اذا قدر
يقنع الامهات:telephone::telephone::






الكلام سهل لكن حزه الحزه ووقت الصج ماتقدر تحرم بنت الناس من يوم عرسها ..ولا انت تقدر تحرم بنت من يوم تحلم فيه وتتمناه كل بنت ...

ولا انت الي تقدر تشوف بنتك مكسوره الخاطر ان ابوها مايبي يسوي لها عرس ...
هذا اذا افترضنا ان الاب سوى له عرس وعرضه :shy:

اضف الى ذلك انه مش من المنطقي ان لا نقيم عرسا او دعوة ونحرم انفسنا من مشاركة اقرباؤنا واصدقاؤنا عشان مجموعة دائما زعلانة

يعني اذا باعزم 300 شخص لعرس وهناك 1٪ بيزعلون وراح الغي الحفل والدعوة عشان هاللشوية ناس دايمة الزعل على ماميش فهذا يعني خلاص مافي اعراس راح تقام بسبب ان في كل عرس او مناسبة هناك 1٪ او اقل راح تعكنن عليك مثل هذه المناسبات

مايصير نخرب عادات طيبة او نقننها وجعلها مناسبات اقل من عادية عشان مانزعل حد

[سهم عتيج]

:)


بس عدم توجيب الناس وكثرة القطاعة مب زينه شوي شوي خلاص الشخص القاطع ينمسح من الذاكرة وماعاد احد يذكره ولا يعزمه.

نعم للاسف هذااللي راح يحدث لو تكرر من الشخص مقاطعة مناسبات معينة كحضور اعراس او عزاء او مناسبات عامة

فالناس تسأل عن الواصل مهما كان دمه ثقيل او عليه حركات ماتعجبنا

يعطيك العافية



يازين النفس الطيبه ... تجيك بدون عزيمة

يازين النفس الطيبة ....تجيك بدون عزيمة
ونفسها عليك سليمة
لو قلت له انت مكان النفس
حطك وسط عينه
ولو قلت له باعطيك كرت
قال لك ليش كل هالتبذيره*

[سهم عتيج]

وايد تصير قطيعة و زعل بالذات في مجتمع الحريم ..
الخوات يشيلون على بعض للأسف :(
ما يلتمسون الأعذار ..
الحمدلله ما عمري شرهت على حد ولو صار لي هالشي ما ازعل ابداً
مرات الواحد مع حوسة العرس ينسى ناس قراب ..
في عرس اخوي من شهرين اتصلت وحدة من هلي و قالت لي انا زعلانة منج
البطاقات وصلت للكل الا انا ..
قلت لها يا بنت الحلال انا كاتبهم بإيدي والله اني كاتبه لج ولهلج كلهم ..:weeping:
حسستني بتأنيب ضمير وانا متأكدة اني كاتبتها و عندي المسودة و تأكدت ..
قالت اعذريني اذا ما جيت العرس و لا تزعلين مني حزت في خاطري :weeping:
في الأخير جات العرس اول ما دخلت لمتني وقالت لي اسمحي لي البطاقات كانت بيت هلي
من زمان و نسوا يقولون لي ..
يعني حتى لو الواحد نسى الانسان ممكن ينسى اي شي و الضغوطات اللي تصير وقت العرس او اي مناسبة لازم يعذرونه ..

اكره مبدأ ما جات عرسنا ما نروح عرسهم ..
ما قدرونا ما نقدرهم ..
للأسـف وايد يمشون على هالمبدأ و تحسهم يتصيدون لبعض ..
ذيك السنه سوت عزيمة ما عزمتنا ما راح نروح لها ..
يزعلون من اشياء ما تستاهل ..
يشيلون في قلوبهم ..

والله الدنيا ما تستاهل ..
سبحان الله مرات ناس تنساهم و هم قراب
ما ينتظرون منك عزيمة لأنهم عارفينك يوصلونك
و يقدرونك تكفي كلمتهم
احنا مب محتاجن عزيمة :weeping:
فديتهم والله :weeping:

مرات تصير مواقف سخيفة بس والله تراها في الأخير تفرق و تبعد بالذات بين الأهل ..
يعني وحدة تسوي عزيمة في نص الاسبوع و تقول اللي مب جاي كيفه والله ..
و اذا اعتذروا و ما جوها تزعل و تتحلطم انزين انتي تدرين الكل عنده دوامات ..
لازم تعذرينهم .. :(
خلاص بكتفي بهالرد ..
لأني فعلاً مقهورة من هالشي ..
اهل افترقوا و صاروا مثل الغرب بسبب هالاشياء .. :(

مداخلة واضافة قيمة للموضوع لا استطيع الا ان اقول يعطيك العافية

[سهم عتيج]

الناس صايرة (متسببة)
تدور على سبب للقطيعة والمشاكل

عاد شتسوين اذا قلّت الحركة وقلت البركة



اصلا معروفة ...

حبيبك يبلع لك الزلط ...وعدوك يدور لك على الغلط

لو هالانسان يعزك ويقدرك ويحبك ...بيعذرك
لكن لو في حقد او كره قديم ...بيثور على اقل سبب


الله يعينا ...عندنا عرس قريب ...وصار لنا ست شهور انسجل اسامي المعازيم ...خايفين ننسى حد ويزعل علينا ...:(

هههه ست شهور تسجلون اسامي ،،، هذي رسالة ماجستير :rolleyes2:

بس بعد بتنسون ناس وبيزعلون عليكم:secret:

بالبركة ان شالله

[سهم عتيج]

اعرف لي واحد
مزاجه مادري شلون
اذا احد عزمه مايجيه ويقدر يعضر فيه
واذا ماحد عزمه وعرف من أي احد ان عند فلان مناسبة اول واحد يحضر

هذا واحد من الانواع اللي يتكلم عنهم هالموضوع


اعتقد ان النساء اكثر ناس يتحسسون من هذا الموضوع

بس للامانة جاية لنا بطاقة دعوة زواج من احد الاقارب مكتوب اسم الوالد وابناءه

يعني "ابناءه" انا !!!! ليش ما طرشوا لي بطاقة دعوة خاصة!!!!!!! مع ان المرة الي قبل طرشوا لي بطاقة دعوة

يمكن اقاطع العرس على المزاج ذاك اليوم

وين يوموتقول الحريم اكثر ناس متحسسين من مثل هالامور
طلعت اكثر حساسية منهن :omg:

يعطيك العافية



خخخخخخخخخخخ
اذا ما تبونه يحضر اعزموه .. :tease:
:shy:

بعد بيدور له مشكلة وعلة عشان يكدر عليهم مناسباتهم

[سهم عتيج]

العقول الصغيرة بين الحريم كثيرة
التفكير محدود والأنانية شـغـّالة
وكلن يتصرف حسب أخلاق الآخرين لا حسب أخلاقه وتفكيره
فلانه مقصره أقصر مثلها..
فلانه قاطعة أقطع معاها ..
وياليت أسباب تستاهل..الأسباب تافه جدا
ماتسوى قطيعة..
وأنا جربت لما توصل القاطع والله تنكسر عينه ويلين قلبه
وتتبدل العداوة محبة...
{ وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ
فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ} ...

يعطيك العافية اختنا الاصيلة

وبالفعل لما تصل القاطع فقد يكون لمثل هذه الزيارة مفعول السحر في النفس واذابة الكثير من التراكمات

حتى لو لم ترجع العلاقة كما السابق
على الاقل تشيل الكثير من التراكمات والترسبات

سمعت سالفة من الوالدة رحمها الله ان هناك قطيعة كبيرة صارت في الستينات بين بعض الاقارب بسبب طلاق وخلافه

وبعد فترة من الانقطاع والفتور في العلاقات مرض احد اطراف المشاكل التي حدثت وترقد في المستشفى

تقول انه لم يكن احد يتوقع ان تعود العلاقة بين هذه الاطراف

وقد قام احد الاقارب من الطرف الاخر بزيارة ذلك الشخص في المستشفى بل احسن اليه

تقول الوالدة رحمها الله ان هذه الزيارة التي قام بها ذلك الشخص للطرف الاخر عملت مفعول السحر بالنفس وشيئا فشيئا عادت العلاقات بين تلك الاطراف وزالت الرواسب القديمة

الشاهد كما تفضلتي انه من يقدر ان يجاهد النفس ويستطيع ان يقوم بمثل هذه المبادرات لانها تحتاج الى عزيمة كبيرة ومجاهدة للنفس وبالتاكيد النتائج على الاقل راح تكون طيبة وافضل من استمرار القطيعة والعداء