افيدوني افادكم الله

[كلنا قطر 1981]

اخواني و اخواتي الاعضاء السموحه منكم هالمره اول مره اتكلم عن مشكله شخصيه و ابي

منكم الافاده ان كان عندكم علم او مرة عليكم حاله نفس حالتي

انا صار لي 6 سنين اعاني من الم في الرأس يروح و يجي هو عباره نفس الصعقه الكهربائيه

في المخ و مادري شاسوي وياها

رحت المستشفيات بشكل عام و شيكت كلهم اجمعوا انه معافى بدنيا و لا فيني شي و طبعا

مستشفى حمد قالوا نفس الكلام بالاضافه انهم عطوني بندول مادري ليش :secret:

المشكله انها مرات في يوم تجيني الصعقات بشكل متواصل و ايام ما تجيني كلش و مرات تجيني

بس بشكل بسيط يعني عشر مرات باليوم

فا اتمنى منكم التماس العذر لي باقحامكم بمشكله شخصيه لي و اتمنى انكم تفيدوني

و بكل الحالات شكرا لكم :)

[khaldoon]

سلامات ان شاء الله يا الغالي و لا بأس عليك و الله يشفيك و يعافيك يا رب

اجر و عافية

[بويعقوب]

اول شئ ماتشوف شر ياخوي

ونصيحه : خذ اجازه اسبوع وروح تايلاند المستشفى الامريكي يسوون لك شيك اب كامل

والله يشفيك ويشفي مرضى المسلمين

[كركم]

اخوي جرب الرقية الشرعية واجر وعافية

[شبح الصمت]

ما عليك شر ياخوي

خطاك الشر وأجر وعافيه

لا تهمل نفسك وحاول أنك اطرش تقاريرك لمستشفيات خارجيه إذا محدن قدر يفيدك هنا

والأخوان والأخوات ما راح يقصرون في أعطائك عناوين المستشفيات

ما عليك شر ما عليك شر

[بوحمد111]

سلامتك وما تشوف شر والعلم عند الله هذه كهربه زايده في الجسم ولكن اهل الاختصاص بيفيدونك اكثر وتوكل على الله وروح تايلاند لان تشخيصهم احسن من قطر

[qatari 111]

الله يشفيك ان شاءالله .. وان شاءالله تحصل العلاج ويعينك

[قطري !]

أخوي جربت الحجامه ولا لا



حاول تزور الشيخ عقل في سوق واقف اعتقد اسم مركز الحجامه( ابوالطيب)


الرسول صلي الله عليه وسلم أوصي فيها

[قطرية كشخه]

مثل ما قال اخوي بو يعقوب الافضل انك تراجع في مستشفيات ثانيه ..

واحتمال تكون عندك طاقه كهربيه زايده .. ووسبحان الله هالطاقة تزول بإطالة السجود ..
لان الارض تمتص الطاقة السلبية من الرأس ..

وماعليك شر ان شاءاللهomen

[موضي قطر]

سلامات اخوي وماتشوف شر ... اقرا على روحك هذا في الأول .....


والشي الثاني

حاول تفحص برى الديرة ... ما انصحك في تايلند !!

[البارع]

اخوي الله يشافيك
حبيت اسئلك بعض الاسئله
1-هل الكهربه تجيك من اسفل الراس من الخلف الى الجبين بشكل طولي
وخاصتا عند الحركه المفاجأه مثل اللتفات بسرعه.


2-هل الجسم ينمل بعدها او تحس بقشعريره.
اذاالاجابه نعم على كل الاسئله رقم 1.
عليك ان تمشي حافي على كثبان رمليه فالعديد ولا النقيان حافي قد ماتقدر حتى تحس بالتعب بعدهابعدها تسجد سجودك فالصلاة.و تسبح فالبحر ولا فالبيت بالماي والملح والبحر افضل.
اذا السؤال رقم2 اجابته نعم اضف على ماسبق ذكره الحجامه والرقيه الشرعيه .واسئل الله لك الشفاء

[علي رشيد]

مع احترامي للجميع ..

في مرض منتشر في الدوحه هالفتره .. اسمه المختصر (( MS ))

ممكن تقرأ عنه في النت و علاجه يكون في عيادات الأعصاب neurology



إذا حبيت ( ارسل لي رقمك عـ الخاص) ممكن أفيدك أخوي .. بحكم شغلي ..

[قطرية فله]

سلامتك و ما اييك شر يا خوي

و مثل ما قالت لك وحده من الخوات كثر من السجوود و حاول اتطول فيه ..

و جوف لك مطوع يقرآ عليك ان فادك ولا ما ضرك ..

و روح افحص

و طمنا عليك يالشيخ

تقبل تواجدي ..

[ROSE 26]

اسأل آلَّـًلْـْہ العظيم رب العرش العظيم ٱڼ يشفيك
اسأل آلَّـًلْـْہ العظيم رب العرش العظيم ٱڼ يشفيك
اسأل آلَّـًلْـْہ العظيم رب العرش العظيم ٱڼ يشفيك

[قطريه ماركه]

الله يشفيك و يعافيك .......

[وتبقى الدنيا حلوه]

نفس المشكله عندي يجيني "الم" بالراس مب طبيعي لدرجه ان خلاص ما اقدر اسوي اي شي وعلى طول لازم انام عشان يروح

رحت المستشفى اقول للدكتوره ابي اسوي صوره مقطعيه تقول لي مب لازم !! انزين شو مشكلتج ابي اتطمن اكثر على نفسي المهم طنشت

المشكله بعيد الشر عنكم الوالد الله يرحمه كان فيه ضمور بالمخ و اختي الحين اكتشوفوا فيها بس اختي كبيره و انا قريت انه "وراثي" فما ادري شو اسوي و مخليتها على الله والحمدلله على كل حال

:)

[مخطط قطري]

هذا والله واعلم من سببته العنق الخلفي عندك فيه مشكلة مايخلي الدم يوصل لراس وانا اعرف انه في الشارقة دكتور راعد القيسي عنده عياده لمثل اها الحالاات حاليا مو متوفر عندي رقمه بس انشالله اذا حصلته ابشر برسله لك ودايما حط لفاف لي على الرقبه عشان يخفف الالم

[غايه الطواش]

ماتشوف شر اخوي الكريم ...مابي افتي .بس يوم قريت الاعراض حست انها كهربا زايده بالجسم ..
لكن رد الاخ علي رشيد خلاني اعيد التفكير ..

اجرو عافيه اخوي .....

[دااانة قطر]

الله يشفيك ويقومك بالسلااامه

[المزمجرر]

تكفير ذنوب

[بصمة قطرية]

ما تشــوف شر ان شاء الله أخوي كلنا قطر ..
ما عليـك شر يارب ..
مثل ما قالوا لك حاول تسوي حجامة ..
و بالنسبة لتايلند ما انصحك ..
رحت و خذت علاج ما استفدت منه
علماً اني اعاني من صداع نصفي ( الشقيقة )
العلاج اللي خذته في تايلند والابر تعبتني أكثر ..

و مثل ما قال الأخ علي رشيد ..
تأكد من اللي اذكره ..
و تواصل معه دام هالشي في مجال شغله ..
هو راح يفيدك أكثر منا ..

أجر وعافية ان شاء الله ~

[آنــه]

السلام عليكم و رحمة الله و بركاته


انا عن نفسي ما احب اتكلم في شي ما اعرفه
لكن وحده من الاهل كانت عندها اعراض مقاربه وانا رحت وياها في تايلند
وقالوا لها يجب عمل صور مقطعيه للراس ومراجعة دكتور الاعصاب
ودكتور الاعصاب قال لها ان فيها كان نزيف في المخ و اعتقد
ان في له بقايا تضغط على الاعصاب شي من هذا القبيل بعيد الشر عنكم

وهالاعراض تجي لكثير من الناس بشكل مختلف
بس تقريبا الاعراض مقاربه لما تفضلت به .. اتمنى لك الشفاء العاجل

[نشميه]

الله يشفيك ويعافيك أخوي ، بس أنصحك تطلب من الدكاتره انهم يسوون لك أشعة مقطعيه أظن اسمها mri ، هاي الاشعة توضح بالضبط ايش عندك ما عليك شر انشالله

[حلم الطفولة]

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.

[الـخـالـدي]

الله يشفيك و ماعليك شر

انصحك بالحجامة و اطالة السجود

[كلنا قطر 1981]

كل الشكر حق الاخوان و الاخوات الي شاركوني الموضوع

خلدون
بويعقوب
كركم
شبح الصمت
بوحمد111
qatari111
قطري!انشاء الله بسوي حجامه و بجرب و الله كريم و ما قصرت اخوي
قطريه كشخه
موضي قطر
البارع 90%من الكلام الي قلته هو فعلا يصيدني و انا كتبت الوصف و انشاء الله بمشي عليه
علي رشيد كل الشكر على المعلومه و بتفاهم وياك انشاء الله على الخاص و ما قصرت
قطريه فلته
ROSE 26
قطريه ماركه
و تبقى الحياه حلوه الله يبعد عنج و عن اختج الشر و يرحم الوالد و يسكنه فسيح جناته
مخطط قطري بشروك بالجنه و ما قصرت والله
غاية الطواش
المزجرر الله يسمع منك و انشاء الله تكون صج تكفير ذنوب
بصمه قطريه
آنه
نشميه
حلم الطفوله
الخالدي

و كل الشكر للي جوني الخاص و ما قصروا على بالنصيحه

الله يرحم والديكم يبعد عنكم و عن كل المسلمين الشر:victory:

[لاجل QT]

الف سلامة عليك كلنا 81 ماعليك شر اتمنى انك تتخلص مما تعانية ويكون لك اجر ..وانشالله تحصل لك العلاج المناسب

ماتستاهل والله

[أحاول]

ما تشوف شر يمكن كهرباء في المخ سمعت مرة ان الكهرباء في المخ يمكن ان تذهب باطالة السجود بس على ارض مكشوفة او تغرص اقدامك في رمال او تضع راسك على الرمال مثل النقيان او تأكل عدة حبات من البندق كل يوم لمدة شهرين كلام دكتور عبد الباسط خبير الاعشاب والبذنجان منبت لخلايا المخ اكتشاف جديد واضافة الفلفل الاحمر البارد للسلطة يعتبر مقوي للمخ والجوز ويمكن اضافة الجوز والبندق على المحلبية او الاسكريم او مع الفروت سلط
جربت الجوز مع والدتي لاحظت عليها التركيز اكثر والانتباة اكثر والتحدث بطلاقة اكثر جرب وكلة اكل الله يرفع عنك وعن كل مريض يارب

[barod]

نصيحتي انك تعمل حجامه او تشوف لك مستشفى بالخارج والله يشفيك يارب