اشرايكم في هل لاب توب الـ hp

[الدوحة قطر]

السلام عليكم

ان شاء الله راح اخذ لي لاب توب جديد

بصراحة خلاص حبيت اغير من شركة الـ dill واجرب الـ hp

وحبيت اخذ رايكم في هل جهاز وهل مواصفات

اسم ونوع الجهاز : HP Pavilion g6

وهاذي اهم مواصفاته

intel core i5-240m,2.50GHz

6GB DDR3 RAM

640GB HDD

1GB grapoics

15.6HD LED SCREEN

وطبعا باقي المواصفات المعتادة

دي في دي ، بلتوث ، كيمرة .... وهل امور

وطبعا يجي مع ويندوز 7

المهم اني حصلت الجهاز في اللولو اب 2549 + كابون شراء اب 50 ريال

يعني بالعربي الجهاز اب 2500 ريال

وهاذي مجموعة صور للجهاز وهو يجي بعدة اللوان وانا باخذ الرصاصي الغامج ان شاء الله

http://www.laptopspec.net/wp-content/uploads/2011/03/HP-Pavilion-g6-Series-Laptop.jpg

http://www.notebookcheck.net/uploads/tx_nbc2/hpG6.jpg

بغيت تفيدوني يا اخوان هل الجهاز جيد ولا في حد جرب الجهاز وعنده ملاحضات على الجهاز

انا من وجهة نضري المتواضعة اشوف ان الجهاز جيد وسعره ممتاز

مع العلم ان استخدامي للجهاز بكون للتصفح وتحميل الافلام وانا من النوع الي ما يطفي الجهاز خير شر استخدم اللاب توب كنه ديسك توب

[الزجاجي]

نصيحه ابتعد عن الـ hp
مواصفات خياليه وسعر هيب لكن كواليتي تعبان ونادر ما يكمل سنه بدون ما يخترب
انا كان عندي واحد سنه بالضبط واحترقت الشاشه وتصليحه لازم موذربورد جديد

[الدوحة قطر]

نصيحه ابتعد عن الـ hp
مواصفات خياليه وسعر هيب لكن كواليتي تعبان ونادر ما يكمل سنه بدون ما يخترب
انا كان عندي واحد سنه بالضبط واحترقت الشاشه وتصليحه لازم موذربورد جديد

هلا اخوي مشكور على الرد

اخوي بس بغيت استفسر متى انت شريت الجهاز لان انا سمعت ان الاجهزة القديمة من الـ hp كانت فيها هل مشكلة الي هي في المذر بورد

ما ادري اذا الجديده على نفس المنوال ولا ايش ؟؟

[airbus]

Hp ابعد عنهم الاجهزة تعبانة

شفلك سوني احسنلك

[المبرمج صلاح]

الجهاز مواصفاته قوية وسعره ممتاز انا استخدمته من فترة عند شركة كانو مشتريين لكل الموظفين نفس هالجهاز و ما شاء الله استجابة الجهاز سريعة

بالنسبة للمشاكل من فترة كانت hp تزيد حرارة اجهزتها وهذه كانت تحرق وتخرب اشياء كتيير ولكن الان تم حل المشكلة في جميع اجهزة hp الجديدة

ممكن نزيد كمان 500 ريال وخد لك سوني فايو بنفس المواصفات
طبعا السوني هو رقم واحد في الكوالتي والجودة
ولكن هذا لايعني ان هالجهاز مش حلو

[رجل الجزيرة]

توشيبا وبس

عندي توشيبا أكثر من سنة وهو شغال، تقريبا يوميا شغال.

[Al-Kuwari]

الشيخ بناء على جملتك الاخيره اقولك ابعد عن الابتوبز دام استعمالك ثقيل

خذلك دسكتوب دام الجهاز ماتبنده خير شر وتحمل افلام ومسلسلات 24/7

واذا حاب خذلك لابتوب رخيص اذا كنت محتاج الابتوب خارج البيت ..

[الدوحة قطر]

مشكورين يا اخوان على الردود

بصراحة يا اخوان انا الي محببني في الجهاز هو سعره بالنسبه حق مواصفاته

والاخوان الي يقولون خذ سوني بصراحة صعب احصل سوني اب هل سعر او حتى 3000 ريال وتكون فيه حتى نص هل مواصفات

وانا بصراحة مستخسر اني اشتري جهاز غالي لان مثل ما الكل عارف ان اجهزة اللاب توب كل سنه اذا مب كل نص سنة تنزل اجهزة جديدة والمواصفات تزيد وتحصل الجهاز الي خذته نزل جهاز احسن منه وبنفس السعر الي انت دفعته في جهازك القديم ويمكن اقل

فشوف لحد الان ان بصراحة الجهاز جيد وسعرة جيد

وبالنسبة حق اخوي الي ينصحني اني اشتري ديسك توب بصراحة انا تقريبا من اكثر من 5 سنين وانا قاطع شي اسمة ديسك توب وصار اللاب توب يشتغل عندي شغل ديسك توب والحمدلله الايسير حللته واشتغل معاي شغل عظيم والديل ما عليه كلام بس خليته حق الاهل وعقب خذت ديل ثاني بس للاسف طاح طيحة خشنة من يد اليهال والشاشة تكسرت واحس ان انعدم الجهاز

قلنا نجرب عاد اللحين الـ hp

وبعد انطر ردود زيادة منكم يمكن حد يفيدنا بشي جديد

[Qatar-Qa]

اخوي نفس كلام الشباب
الاتش بي الكواليتي ماله لك عليه
عندك بعد السامسونق حلو واسعاره زينه
والتوشيبا بعد

[shaheen-915]

السلام عليكم

ان شاء الله راح اخذ لي لاب توب جديد

بصراحة خلاص حبيت اغير من شركة الـ dill واجرب الـ hp

وحبيت اخذ رايكم في هل جهاز وهل مواصفات

اسم ونوع الجهاز : HP Pavilion g6

وهاذي اهم مواصفاته

intel core i5-240m,2.50GHz

6GB DDR3 RAM

640GB HDD

1GB grapoics

15.6HD LED SCREEN

وطبعا باقي المواصفات المعتادة

دي في دي ، بلتوث ، كيمرة .... وهل امور

وطبعا يجي مع ويندوز 7

المهم اني حصلت الجهاز في اللولو اب 2549 + كابون شراء اب 50 ريال

يعني بالعربي الجهاز اب 2500 ريال

وهاذي مجموعة صور للجهاز وهو يجي بعدة اللوان وانا باخذ الرصاصي الغامج ان شاء الله

http://www.laptopspec.net/wp-content/uploads/2011/03/HP-Pavilion-g6-Series-Laptop.jpg

http://www.notebookcheck.net/uploads/tx_nbc2/hpG6.jpg

بغيت تفيدوني يا اخوان هل الجهاز جيد ولا في حد جرب الجهاز وعنده ملاحضات على الجهاز

انا من وجهة نضري المتواضعة اشوف ان الجهاز جيد وسعره ممتاز

مع العلم ان استخدامي للجهاز بكون للتصفح وتحميل الافلام وانا من النوع الي ما يطفي الجهاز خير شر استخدم اللاب توب كنه ديسك توب

الشيخ شخبارك خلك من مسخرة Hp و Dell ورح صوب Sony والقلب داعيلك

[BoAzozz]

الاتش بي اسعاره حلوه ومواصاته ممتازه لكن ما يدوم

سوني يتحمل اكثر بكثييييير

تحياتي

[Navigator 85]

انا عندي hp dv6

من سنة 2008

معالج i7 ورام 4 جيجا وهارديسك 500 جيجا وكرت الشاشة 1 جيجا

والجهاز يشتغل بالبصمة وفية حركات حلو

تخيل ان من خذته ما فرمت الجهاز ومابقت لعبة قوية الا ما شغلتها

هو المهم في كل الاجهزة تحشم الجهاز يحشمك

عذا اللي اقول له

[Rashid554]

كل الاجهزه زينه وتعتمد على المواصفات وطريقة الاستلام والمحافظه عليه
بتلقى ناس تمدح الاتش بي لمعرفتهم طريقة المحافظة عليه (سوفت وير ووهاردوير) وبتلقى ناس العكس ماقدرت تعتني فيه بالاخير يعتمد عليك

لكن عموماً نصيحه أخ لاتشتري اي لابتوب خلال هالفتره لان اعتباراً من اواخر اكتوبر القادم راح تنزل اجهزه اللابتوب الجيل الجديد وهي مرفق معاها وندوز 8 وغالب شاشاتها لمس وهذا هو الجيل الجديد من اللابتوب

نصيحه وانت براحتك :)

[الدوحة قطر]

اشكر جميع الاخوة الي ردو على الموضوع

وننتضر المزيد من باقي الاخوان

بالنسبة حق اخوي الي يقول انطر لين ينزل الويندوز 8 على شهر اكتوبر

بصراحة انا محتاج اللاب توب ضروري بسرعة لان استخدم الجهاز مرات في مجال شغلي واللاب توب مالي ودع والي استخدمة اللحين كلش مب مئدي الغرض وما اقدر انطر هالمده كلها بالاضافة الى اني ما احب اشتري الشي الجديد اول ما ينزل ^_^

ما احب اخذ الشي الا عقب ما تجربة العالم وتعطينية ايجابياته وسلبياته بشكل اكبر

[AlWakRa]

خذ لك لفه صوب الآسوس ، أجهزة اعتمادية وبتحصلها بنفس سعر ومواصفات الاتش بي تقريباً :)

ماخذين أسوس k43 أول ما انزلوا برسسرات الـ i5 الجيل الثاني (الساندي بريدج) شاشته 14 انش والبروسسر i5 2450 والرام 4 والهارد 500 وكرت الشاشة انفيديا 1 جيجا والجهاز عال العال ، أخوي يستخدمه والفترة الأخيرة ما اشوفه يسكر الجهاز وما شاء الله عليه درجة حرارته منخفضة

وأعتقد في جرير يعطونك عليه ضمان عالمي سنتين وفوق هاي خامة الجهاز وايد ممتازة وأحسن من السوني اللي على 3 آلاف و 4 آلاف ، عندي السوني EA16 شريته من سنتين تقريباً بـ 4 آلاف -بروسسر i5 520m وهارد 500 وكرت شاشة ATI 5650 1GB والرامات مرقيهم إلى 8 جيجا- ومرتاح معاه بس خامته بلاستيكيه ومع إنه متماسك بس بديت أحس إن الجهاز يبيله تبديل ، أما الآسوس أعتقد إنه ألمنيوم

[رجل الجزيرة]

كل الاجهزه زينه وتعتمد على المواصفات وطريقة الاستلام والمحافظه عليه
بتلقى ناس تمدح الاتش بي لمعرفتهم طريقة المحافظة عليه (سوفت وير ووهاردوير) وبتلقى ناس العكس ماقدرت تعتني فيه بالاخير يعتمد عليك

لكن عموماً نصيحه أخ لاتشتري اي لابتوب خلال هالفتره لان اعتباراً من اواخر اكتوبر القادم راح تنزل اجهزه اللابتوب الجيل الجديد وهي مرفق معاها وندوز 8 وغالب شاشاتها لمس وهذا هو الجيل الجديد من اللابتوب

نصيحه وانت براحتك :)

بيض الله وجهك، خلاص إذا كنا من الحيين خذت لي واحد.

[الدوحة قطر]

الحمدلله يا شباب شرت الجهاز وبكمل عندي يمكن اسبوعين اللحين

والحمدلله الجهاز ممتاز واحسن من الي قبله ابواجد

طبعا هذا راي بعد اسبوعين استخدام بس

وان شاء الله يتم معاي على طول هالشكل تمام

[رجل الجزيرة]

الحمدلله يا شباب شرت الجهاز وبكمل عندي يمكن اسبوعين اللحين

والحمدلله الجهاز ممتاز واحسن من الي قبله ابواجد

طبعا هذا راي بعد اسبوعين استخدام بس

وان شاء الله يتم معاي على طول هالشكل تمام

طيب ويش نوعه ومواصفاته؟

[الدوحة قطر]

طيب ويش نوعه ومواصفاته؟

النوع والمواصفات نفس ما ذكرت في بداية الموضوع

النوع والمواصفات مره ثانيه


اسم ونوع الجهاز : HP Pavilion g6

وهاذي اهم مواصفاته

intel core i5-240m,2.50GHz

6GB DDR3 RAM

640GB HDD

1GB grapoics

15.6HD LED SCREEN

وطبعا باقي المواصفات المعتادة

دي في دي ، بلتوث ، كيمرة .... وهل امور

وطبعا يجي مع ويندوز 7

وهذا نوع كرت الشاشة :
http://limages.vr-zone.net/body/9704/radeon-logos2.jpg.jpeg
الي على اليسار من تحت


--------------------------------
وهذا شكل الجهاز
http://www.laptopspec.net/wp-content/uploads/2011/03/HP-Pavilion-g6-Series-Laptop.jpg

http://arabfire.com//HLIC/40bf72f2ce3b1279b149faf25930e2ef.jpg

سعر الجهاز في اللولو اب 2549 ريال