**** هل اتصلوا فيكم أو حد سوى مقابلة ؟ ****

[┋أَجِوَدًيّ┋]

أقيم معرض قطر المهني 2012

خلال الفترة من 1 إلى 5 أبريل 2012



سؤال:


هل فيه حد اتصلوا فيه أو سوى مقابلة وتوظف على ضوء ذلك ؟

[شنايدر]

اذا تدور على سبونسر، قبل شهر ٦ بتشوف اخبار الرفض والقبول،

الافضل، ولكي تريح قلبك (لان البعض لا يرد عليك بالرفض، اتصلهم وشوف معاملتك وش صار فيها)

موفق

[┋أَجِوَدًيّ┋]

اذا تدور على سبونسر، قبل شهر 6 بتشوف اخبار الرفض والقبول،

الافضل، ولكي تريح قلبك (لان البعض لا يرد عليك بالرفض، اتصلهم وشوف معاملتك وش صار فيها)

موفق



هلا اخوي شنايدر

لا ياخوي ما ادور على سبونسر ولا شي

ومكبر راسي ومريح نفسي


الهدف من الموضوع هو معرفة مدى تجاوب ومصداقية من شارك بالمعرض المهني

من مؤسسات سواء كانت حكومية أو خاصة مع مقدمي طلبات التوظيف

شكرا لك

[ريتويت]

للحين محد رد لسبب بسيط جدا هو أن الاتش ار لازم لهم وقت كافى لفرز ودراسه السيره الذاتيه لكل شخص..وهو عمل يبيله مهاره وجدية وجهد..مثلا عندنا بالشركه يردون من ثلاث الي سبع شهور..

[قرنقووش]

سويت مقابله مع مهندس في قابكو اثناء المعرض
راس غاز اتصلوا فيني وطلبوا مني اكمل الاوراق .. طلبت منهم الايميل اللي ارسل عليه قالوا بنطرشلك بس ماشفت شي

انا تعينت في شركه بس قلت اشوف لو في عرض افضل وذكرت لراس غاز هالشي وقالوا مب مشكله بنشوف

[موضي قطر]

تدري بنت اختي وخواتي 2 للحين محد رد عليهم ووحده من خواتي من اول معرض مهني اقيم

وهي تروح وتقدم ناهيك عن تقديمها في غير المعرض المهني واختي الثانية وبنت اختي صار لهم

3 سنوات وللعلم يركضون بجدية واجتهاد ناقص يموتون اسم على عليهم علشان اللي يتهمون

الناس بالباطل يصدقون الجدية والاصرار خاصة ان الوظائف عندنا تؤخذ ولا تعطى :(

اجودي تعرف المثل اللي يقول شلون عرفت انها كذبه ؟!! قال من كبرهااااا:telephone:

[┋أَجِوَدًيّ┋]

للحين محد رد لسبب بسيط جدا هو أن الاتش ار لازم لهم وقت كافى لفرز ودراسه السيره الذاتيه لكل شخص..وهو عمل يبيله مهاره وجدية وجهد..مثلا عندنا بالشركه يردون من ثلاث الي سبع شهور..



أتمنى أن يكون هذا هو السبب فقط

على أنه أي hr يقدر يحدد ويفرز إلي يبيه بأسبوع واحد

بالنسبة لشركتكم يردون خلال 7 شهور شدعوة وحدة حامل مهب شغل hr

[حصه20007]

هل فيه حد اتصلوا فيه أو سوى مقابلة وتوظف على ضوء ذلك ؟


نعم


الخطوط القطرية

والحرس الاميري

[مشتاقة لقطر]

اذاحد عنده ايميلات الشركات يرسل لي اياهم او يصفهم بالموضوع في ناس يبون يقدمون عن طريق الايميل

[روح الاطلس]

نعم :) بس للاسف ماكنت ابي اقدم عندهم ولا افكر فيهم لكن هم غصبوني بكلام التسويق مالهم وانحرجت ارفض قدمت وكنت متوقعه راح يتصلون واليوم المفروض المقابله لكن مابيهم

[حبر وقرطاس]

عسى خير للجميع
وان شالله الكل يتوظف في المكان اللي يتناسب ومهارته

[المــزن*]

انا اتصلت في 3 بنات
من خلال سي فيات المعرض

قابلنا 2 امس
وحدة وافقوا عليها والثانية لا

والثالثة مسافرة لمدة شهرين ف راحت عليها الوظيفة


/
\
وبالتوفيق للجميع

[┋أَجِوَدًيّ┋]

سويت مقابله مع مهندس في قابكو اثناء المعرض
راس غاز اتصلوا فيني وطلبوا مني اكمل الاوراق .. طلبت منهم الايميل اللي ارسل عليه قالوا بنطرشلك بس ماشفت شي

انا تعينت في شركه بس قلت اشوف لو في عرض افضل وذكرت لراس غاز هالشي وقالوا مب مشكله بنشوف



كان خذت منه البزنس كارد وتواصلت معاه أن كان صادق

الله يوفقك ويرزقك

[مخطط قطري]

ججاتني مسج على تلفوني من مؤسسة قطر انه تم افراز الطلبات وانه رايح يتصلون علي في وقت قريب جاتني الرساله 11/4/2012.
وجاني ايميل من الخطوط الجوية القطرية استكمال بيانات وانهم بيتصلون بعد قريب 15/4/2012.
وبس

[┋أَجِوَدًيّ┋]

تدري بنت اختي وخواتي 2 للحين محد رد عليهم ووحده من خواتي من اول معرض مهني اقيم

وهي تروح وتقدم ناهيك عن تقديمها في غير المعرض المهني واختي الثانية وبنت اختي صار لهم

3 سنوات وللعلم يركضون بجدية واجتهاد ناقص يموتون اسم على عليهم علشان اللي يتهمون

الناس بالباطل يصدقون الجدية والاصرار خاصة ان الوظائف عندنا تؤخذ ولا تعطى :(

اجودي تعرف المثل اللي يقول شلون عرفت انها كذبه ؟!! قال من كبرهااااا:telephone:



الله يوفقهم ويرزقهم ان شاء الله

انشهد اني أعرف المثل وأبوه وجده بعد

وينطبق على الدمبكجية قصدي المطبلين

[┋أَجِوَدًيّ┋]

هل فيه حد اتصلوا فيه أو سوى مقابلة وتوظف على ضوء ذلك ؟


نعم


الخطوط القطرية

والحرس الاميري



وجهة نظري ولا وحدة من الجهات الي ذكرتيها تنفع لج

بالتوفيق ان شاء الله

[ابوحشر]

انا مسؤل التوظيف في احدى الجهات قابلنا التخصصات الجامعية المطلوبة والحين قاعدين نفرز وان شالله خير

[out]

اخوي

احنا في ادارتنا جاتنا طلبات التوظيف من المعرض المهني واخترنا 4

3 لوظيفة سكرتاريه ومن 3 ما احضرت الا 1 بس والثانيه اعتذرت والاخيره لا حياة لمن تنادي تقول انها

راح تحضر المقابله ويوم المقابله ما احضرت ولا اتصلت على اساس انها تعتذر

1 لوظيفة مهندس بس هو خارج البلد

واللي اتصل بهم لابلاغهم بالمقابله انا شخصيا

وجميع الطلبات كانت من المعرض المهني

وربي يوفقك الكل ان شاء الله

[الخفي]

وين العضو اللي يقول من كم يوم بكره بنسوي مقابلات مع اللي قدموا على المعرض

المهني ولا كان يتهكم ويقول رجاء لحد يطنش اذا اتصلنا له ولا يقول راحت علي

نومه اللي اشوفه انه محد اتصل على اللي قدموا ليش الكذب انا مادري

[الشيخة شيوخة]

لالالالالاتعليق

[قرنقووش]

كان خذت منه البزنس كارد وتواصلت معاه أن كان صادق

الله يوفقك ويرزقك



وايد اللي عطوني كروتهم .. قطيتها لاني كنت على شفا حقره من توقيع العقد مع الشركه اللي قدمت لها من قبل لا يصير المعرض

[نتفـه]

ولا رحت و لا تعنيت لان كل سنه على هالحال لا يتصلون و لا شي ,,

[┋أَجِوَدًيّ┋]

اذاحد عنده ايميلات الشركات يرسل لي اياهم او يصفهم بالموضوع في ناس يبون يقدمون عن طريق الايميل



لو عندي أبشري بالخير بس للأسف ما عندي ايميلات الشركات

ان شاء الله يفيدونج الأعضاء وبالتوفيق

[شنايدر]

تم الرد اليوم لتحديد موعد المقابله من كهرماء

[االشامخ]

ماشفنا شي

[┋أَجِوَدًيّ┋]

نعم :) بس للاسف ماكنت ابي اقدم عندهم ولا افكر فيهم لكن هم غصبوني بكلام التسويق مالهم وانحرجت ارفض قدمت وكنت متوقعه راح يتصلون واليوم المفروض المقابله لكن مابيهم



مهب شرط اذا قالوا لج قدمي بطريقتهم المعسولة

أنهم بيتصلون لج وحتى لو اتصلوا لج مهب شرط يوظفونج

أهم شي راحتج النفسية

خبرينا شلي بصيير معاج

وبالتوفيق ان شاء الله

[بورصواوي]

انا طرشولي مسج

[Lollipop]

لاااااااااااااااااااااااا محد إتصلى ولا رد على

لأني ماقدمت (^^)

[┋أَجِوَدًيّ┋]

عسى خير للجميع
وان شالله الكل يتوظف في المكان اللي يتناسب ومهارته



اللهم آمين

[الصغيره]

يالله ننطر السنه الجايه

المشكله انه مع اول ابريل صرنا نعرف هالتاريخ ونحتفل به

[┋أَجِوَدًيّ┋]

انا اتصلت في 3 بنات
من خلال سي فيات المعرض

قابلنا 2 امس
وحدة وافقوا عليها والثانية لا

والثالثة مسافرة لمدة شهرين ف راحت عليها الوظيفة


/
\
وبالتوفيق للجميع



الله يعطيج العافية يا أم جاسم

ممكن نعرف ما هي الشروط أو الأسباب إلي من خلالها وافقتوا على وحدة

وما وافقتوا على الثانية ؟

حتى يستفيد الكل من ذلك في المقابلات المستقبلية

شكراً لمشاركتك

[┋أَجِوَدًيّ┋]

ججاتني مسج على تلفوني من مؤسسة قطر انه تم افراز الطلبات وانه رايح يتصلون علي في وقت قريب جاتني الرساله 11/4/2012.
وجاني ايميل من الخطوط الجوية القطرية استكمال بيانات وانهم بيتصلون بعد قريب 15/4/2012.
وبس



المسجات والإيميلات شي عادي أهم شي المقابلة وبعدها التوظيف

بالتوفيق ان شاء الله

[الجوكر90]

السلام عليكم
قدمت اكثر من مكان


شركه الاجاره اتصلوا لي وسو معاي مقابله
وقدمت امتحان فنفس اليوم بس المشكله مادري ان بيسون معاي امتحان وماكنت جاهز
فجبت العيد

وبالتوفيق ان شاء الله

[S A A D]

الله يوفق الجميع

انا كلموني الحرس ورحت لهم

وفالاخير طلع الضابط مب موجود ونقعوني ساعتين :victory:

وقالوا تعال لنا بكره وعطيتهم اقوى طاااااااااااااااااااااف :anger1:

و حسب اللي اعرفه من الشباب اللي فشركتنا فالتوظيف انه تم توزيع السيفيات على الاقسام حسب الشواغر والاقسام حاليا تقدم طلباتها للمقابلة وجاري اجراء المقابلات

وطبعا اكثر السيفيات ثانوية وبدون مؤهلات فنصيحتي للكل انه يطور من نفسه باي شي حتى لو تطوعي ومايرفض اي وظيفة حتى يلاقي الوظيفة اللي يحلم فيها

وبالتوفيق للجميع

[Roo7MooT]

واحنا في المجلس واحد من الربع يشتغل في الاتش ار في احدى الشركات البترولية

يقول فرزنا الطلبات وتم اختيار تسعة طلبات وتم الاتصال عليهم

من تعذر بسفره لخارج البلاد ومن هو جواله مغلق ( محول )

والباقي تم تبليغهم لحضور المقابلة الشخصية

لم يحضر الا فتاة واحدة فقط