اجازة الاسبوع الماضي في جامعة قطر

[salih2]

هل لاجازة الاسبوع الماضي في جامعة قطر علاقه باجازة دينيه لديانه غير الاسلام وماهو سبب توزيع اجازه عطلة الربيع بهذا الشكل من لديه تفسير وعلم يقين ان يخبرنا

[ROSE 26]

اجازة لنا احنا الطلاب فقط
اما اعضاء التدريس والاداريين لا

[intesar]

استحوا يقولون عيد البيض.. Easter day.. فسموها إجازة الربيع.. أكيد الجامعة نفس السبب.. عندهم أجانب فحطوا إجازة تحت مسمى آخر.. هو بالأساس يكون ليوم واحد.. كإجازة.. هني أسبوع أتوقع للأجانب إذا حبت تسافر.. شفتوا الديموقراطية.. محد يزعل عندنا..

ودمتم بحفظ الرحمن..

[Mohammad ALG]

مالها علاقة بأي شي !

اسبوع فنص الفصل ناخذه كل سنة

بالعكس مفيد جدا خاصة للي عنده ضغط امتحانات ومشاريع وبحوث :)

[تحداني]

الاهم ان الطلاب مستانسين ونايمين في البيت وغيروا جو .. ومب مهم ابدا شنو مناسبتها لان بعيدين تماما عن طقوسهم الدينيه ان كانت هناك طقوس
بسطوها ولا اتكبرون الاشيا العاديه



جملكم الله برضاه

[intesar]

الاهم ان الطلاب مستانسين ونايمين في البيت وغيروا جو .. ومب مهم ابدا شنو مناسبتها لان بعيدين تماما عن طقوسهم الدينيه ان كانت هناك طقوس
بسطوها ولا اتكبرون الاشيا العاديه



جملكم الله برضاه



ليش انبسطها.. وهي كبيرة.. وليش الأجانب يحتفلون بأعيادهم وحنا بدولهم ما نقدر نحتفل.. ليش نحترمهم لدرجة التقديس.. وهم يدوسون علينا بجواتيهم وإنتي بكرامة.. يعني وليدي مثلا مسميينه اجازة الربيع.. يضحكون على عقولنا يعني .. حتى متى نبقى منذلين ومهمشين.. والسيادة لهم حتى وهم في بلدنا..


دمتم بحفظ الرحمن..

[salih2]

الاشكال في ان الاجازه في الفصل الثاني فقط وانها في هذا التوقيت واجازه غير متناسقه مع الاجازات الاخرى مثل اجازة بين الفصلين واجازة نهاية العام وهي غير مسببه في علمي

[ROSE 26]

شالمشكلة؟!
الحمدالله ارتحنا فهالاجازة ومفيدة حق الطلبة واايد خصوصا اللي مضغوطين من مشاريع وامتحانات
ومافي مناسبة لان الدكاترة يداومون والاداريين والكل يداوم الا الطلبة
و الجامعة من يومها كل ربيع اجازة اسبوع حق الطلبة فقط

[تحداني]

ليش انبسطها.. وهي كبيرة.. وليش الأجانب يحتفلون بأعيادهم وحنا بدولهم ما نقدر نحتفل.. ليش نحترمهم لدرجة التقديس.. وهم يدوسون علينا بجواتيهم وإنتي بكرامة.. يعني وليدي مثلا مسميينه اجازة الربيع.. يضحكون على عقولنا يعني .. حتى متى نبقى منذلين ومهمشين.. والسيادة لهم حتى وهم في بلدنا..


دمتم بحفظ الرحمن..


قلت انبسطها لان مافي اي مظهر من مظاهر الاحتفال ابدا حتى ان احتفلوا فيها في ابيوتهم
وبينهم وبين بعض بعدين يا اختي الكريمه احنه ما قدسنا احد ابدا
الطاقم التدريسي والاداري الكل موجود
بس الطلاب اجزوا .. فأنا خذتها من باب انها راحه للطلبه ايا كانت النوايا مب مهم

عاد هم يحترمونا في ابلادهم او يقللون من شأننا هذا موضوع اخر
لاننا سندخل في باب الافضليه والمقارنات وهاذي فيها حسابات ابعد من مواطن لتصل الى دول وشؤون سياسيه وقرارات علنيه رسميه



جملك الله برضاه

[لمعة الالماس]

هالاسبوع وايد مهم ومريح للطلاب

خاصة وان كورس ربيع ما فيه اجازات مثل كورس خريف فيه اجازة عيد الفطر وعيد الاضحى واليوم الوطني

[Al-Kuwari]

للتوضيح فقط

اجازة الايستر او كما يسمى بالعربي عيد الفصح كانت فالاسبوع الاول من ابريل

واجازة جامعه قطر كانت فالاسبوع الثاني

اذن فالربط بين الاجازة والحدث يعتبر لاغي

[intesar]

اجازة الايستر كانت الأحد الماضي.. بس للعلم..

[الوفا]

السلام عليكم ..
بالنسبة للإجازه ..ما لها أي علآقه بإجازه دينية. هي اجازه تقيمها الجامعة كل ربيع.. والله كنا محتاجينها .. بعد الضغط والامتحانات .. وكانت فرصة ننجز فيها أشياء كثيييرة ..

[intesar]

بس هي مو اجازة ربيع واللي أخبره الربيع يكون مع المدارس

[شنايدر]

ايا كانت المسميات، فقد كانت تصب ف مصلحه الطالب، وهي فتره قبل الامتحانات،
موفق

[نجدي قطري]

النظام في جامعة قطر مستورد من النظام الأمريكي، ودايمًا يكون فيه أسبوع في نص الفصل الأساسي (يعني مب الصيفي) ويكون إجازة.
طبعًا بما أنها أمريكية فلا تستغربوا إنهم يختارونها في الجامعات الأمريكيّة متناسبة مع عاداتهم وتقاليدهم وحتّى مع عيد الفصح.
العيب لمّا احنا ما نطوّعها علشان تتماشى مع عاداتنا وتقاليدنا ودينّا.

[قرنقووش]

انتصار

الحين الطلاب خذوا اجازه .. انتي شمزعلج بالظبط؟

[fhd4]

الفصل الاول يكون فيه اجازات كثيرة … عيد الفطر وعيد الاضحى واليوم الوطني …

اما الفصل الثاني يكون طويل جدا وبدون اجازات … فحطوا هذه الاجازة اللي هي اجازة منتصف الفصل الثاني …

وفي جامعة قطر هي فقط للطلاب والهيئة التدريسية …

وهذا النظام موجود في مدارس السعودية من فترة … والحين تم تطبيقه في الامارات …

[أم مشعل]

للعلم فقط ....... الاجازة كانت للطلبة وهيئة التدريس مو للطلبة فقط

أما الهيئة الادارية فدوام

وكانت الاسبوع الفايت 8/4

[intesar]

انتصار

الحين الطلاب خذوا اجازه .. انتي شمزعلج بالظبط؟

ما مزعلني شيء.. عليهم بالعافية.. واحد سأل حبيت أرد.. كان يبغي يعرف المغزى.. حبيت أوضح..

فيها شي.. يعني فيها شي..

[intesar]

طيب إذا كانت الدوامات بالجامعة طويلة وما فيها إجازات.. يعني ليش بهالوقت.. خلوها قبل ولا بعد.. وليش المدارس الحكومية مالها..

[fhd4]

طيب إذا كانت الدوامات بالجامعة طويلة وما فيها إجازات.. يعني ليش بهالوقت.. خلوها قبل ولا بعد.. وليش المدارس الحكومية مالها..

دوام فصل الربيع في الجامعة من نص فبراير الى نص يونيو …

احسب منتصف الفترة وشوف متى يطلع …

والمدارس اتوقع السنة الجاية او اللي بعدها راح يطبقون هذا النظام …

[khalid Qtr]

اجازة طبيعية تتكرر كل سنة في شهر ابريل لاعضاء هيئة التدريس والطلاب ..!!

لان الفصل الثاني ما فيه اي اجازات اعياد او مناسبات لذلك تكون في اجازة لمدة اسبوع في منتصف الفصل ليرتاح الطلاب والاساتذة ويعيدون ترتيب امورهم

لا ادري ما وجه ربطها باعياد غير المسلمين !!

مثل ما ربط البعض اجازة اليوم الرياضي بعيد الفلنتاين !!!!

[قرنقووش]

طيب إذا كانت الدوامات بالجامعة طويلة وما فيها إجازات.. يعني ليش بهالوقت.. خلوها قبل ولا بعد.. وليش المدارس الحكومية مالها..

بل كل هذي حسد ؟
قبل متى يعني؟ نص السنه خذنا حول شهر شهر اجازه ..

بعدين خلاص احنا ماخذينها وبناخذها بعدين شالمطلوب يعني انتي شالي في خاطرج بالظبط ؟ تنلغي هالاجازه ولا تنحط لطلاب المدارس؟ :tease:

[intesar]

حاشى لله أني أحقد على أحد.. عليكم بالعافية الإجازة.. وان شاء الله التخرج.. صاحب الموضوع سأل ليش هالوقت بالذات.. رديت عليه بكل براءة وطيبة خاطر..

[روح الاطلس]

شم النسيم:p

[عـ العبيدلي]

والله يسمونها الي يسمونه ..

اهم شي ارتحنا شوي ..

احنا نداوم في الفصل الدراسي الواحد 14 اسـبوع .. في نصهم يعطونه اجازه اسبــوع ..
يعني لو صادف الاسبوع السابع تاريخ ثاني بعد بناخذ اجازه .. وانا اصلا ما اعرف شهالايستر ومتى يصادف
لكن انا 5 سنوات فالجامعه وكل سنه في فصل الربيع ناخذ اجازه بعد سابع اسبوع ..

فالخريف مافي لانه يكون في عيد الاضحى واليوم الوطني .. الخ ..

والاجازه للطلاب والدكاتره فقط ..

[النابلسي]

بس للتوضيح، الأجازة موجودة في الجامعات الأمريكية و اسمها كمان Spring Break (اجازة الربيع) وليست Easter Break ام في بريطانيا و كندا فلها عدة اسماء مختلفة :)

[intesar]

http://en.wikipedia.org/wiki/Spring_break
هذي للتوضيح.. سواء سموها سبرينغ عند الأميركان ولا ايستير عند الإنجليز..

[الزلزال]

يستاهلون طلابنا

بس السوال
الاجانب يعطون طلابنا اجازه حق عيد الاضحى في الخارج ؟

[intesar]

تصدقين ما أذكر إذا كان يعطون ولا ما يعطون.. دبالفعل فقدت الذاكرة..

[قرنقووش]

انتصار
هي تجي في نص الفصل الثاني كنوع من الراحة .. ماعتقدلها دخل في ديانات وغيرها
مافتحت الرابط اللي انتي حطيتيه لان بكل بساطه ويكيبيديا موقع ماينوخذ منه شي سواء كان رسمي او اكاديمي .. مثله مثل قناة قطر الثانية

الزلزال
بلاد برع طلابنا يسافرون لها عشان يدرسون
بلادنا تقوم بنفسها بجلب الاجانب لها عشان يعلموننا

بعدين احسبها صح احنا نمثل 30-40٪ من بلادنا بس .. اذا انت مابتغري الاجانب بالفلوس والامتيازات محد بيجي يخدمنا ويشتغل عندنا خصوصا ان الخليج كله بالنسبه للعالم هو الفلوس فقط .. ولا شبتغريه غير الماده ؟ الحمد لله لا طبيعة خلابة ولا جو حلو .. مافي شي مقعده فالرطوبه الا الفلوس .. اجباري تعطيه اجازات ومميزات عشان يقبل يشتغل في بلادك

ومايصير تعطي اجازه لعدد معين من الموظفين وناس لا حسب دياناتهم مثلا او جنسياتهم .. اما تعطي الكل او ماتعطي حد وشكرا

[intesar]

لا وربي ليش ما يوظفون القطريين.. عاد طاقم تدريسي قطري ربي مكثرهم.. يعطونهم هالامتيازات.. ويخلونه قطري ١٠٠٪.. أحسن من الأجانب اللي لاعبه بحسبة عيالنا ولا زيادة فوقها لاذمة ولا ضمير..

أنا ما أتكلم عن العرب.. أتكلم عن الأجانب ..
أنا بعطيك مثال بسيط.. عيالي بالمدارس السمتقلة مدرساتهم أجنبيات.. لا يتحدثن العربية.. بصراحة أول شيء الإحترام مفقود.. ثاني شيء المدرسة ما بتراعي.. مثل المدرسة القطرية.. لذا ليش نجيبهم ونجبر نفسنا على أعيادهم وخرابيطهم.. وترى ويكبيديا فيها من الحقيقة ومو كل المعلومات غلط..

[قرنقووش]

^

خلنا في نطاق الإجازه اللي معطيننا اياها الجامعة ..
وشدخل مدرسين عيالج اللي فالمستقله الحين ؟

[نجدي قطري]

يستاهلون طلابنا

بس السوال
الاجانب يعطون طلابنا اجازه حق عيد الاضحى في الخارج ؟

لا، ما يعطون!

[intesar]

شفت أخ قرنقوش.. ليش نحترمهم إذا هم ما يحترمونا.. ننذل وفي بلدنا... ليش.. يعطونكم الاجازة بوقت غير هاليوم.. يعني مثلا نحاسه فيهم يوم ١٠ من أبريل..

[Bin Hood]

بعد احنا في جامعة البحرين الطلاب عندهم اجازة اسبوع
وليس لها علاقة بأي عيد
لان الاجازة تكون في نصف الكورس وهي كل كورس

[the notebook]

الاجازه ماتصادف كل كورس نفس الوقت بالضبط

على حسب متى يبدا الكورس الدراسي ،، الكورس الواحد 15 اسبوع

تداومون 7 و ال 8 اجازه وتكملون 7

كل سنه نفس الشي :)