عندى مشكله فى لكزس ابى الحل

[الفاو]

السلام عليكم ورحمه الله وبركاته
المشكله فى طقه فى القير قالي واحد هذى من عمود الشفت احد منكم مره عليه
هذى المشكله نبي المساعده منكم ياشباب موديل الموتر 2009 فورويل
وشكرا

[ابوصالح1]

مأخبر شيء لأكن إذا انت متابع الصيانه والعمود مقرز مظبوط أحيانا مايقرزونه واحيانا يزودون القريز. أما إذا كانت الطقه عند الوقوف أحيانا فهذه عاديه طقه خفيفه.

[موظف بالبورصه]

روح محطة وقود وقولهم يقرزون الشفت .. وبتروح الطقه ان شاء الله

[أسير الاسهم]

حد مر عليه انه ليت الدبل يقعد يرمش ينبه في شاشة العداد فاللكزس طلعت معي هالسالفه .؟

حد قد مرت عليه

[قطري مغامر]

الطقة من عمود الشفت ..

صارت لي نفس المشكلة وبدلته فالوكالة على الضمان .... وللعلم المشكلة صارت في سيارات
كثيرة على حسب كلام هل السيرفس

[بويعقوب]

مرحبا اخوي

موترك اذا وارد عبدالغني عليه ضمان الى سنه 2013

5 سنوات من تاريخ التسجيل

وده الوكاله وخلهم يشيكون عليه

نفس المشكله عندي وان شاء الله بادخله على التشييكه الجايه

[ولد المنصور]

شحم الشفت وانت واقف وتروح الطقه .. بس ترجع بعد فتره عادي وطبيعي ........
اما ليت الدبل رمش علي كذا مره , وبعد فتره اعتدل ابروحه

[قطر ديلر]

بالنسبه لطقة القير شيك على أيل القير لانه لازم يتبدل ويتنظف كل 60 الف كيلو انا تغير القير عندي 180 درجة عقب مابدلته وصار الحمدلله 100%

اما بالنسبه لعلامة الدبل ألاحظ اكثر الشباب الي يركبون عليها هدرز او فلتر او يوني جب تطلع لهم بس الحمدلله ماقد اطلعت لي

[الفاو]

جزاكم الله خير اخوانى الاعضاء ماقصرتم على الحل المشكله
رحت اليوم وقرزت عمود الشف وراحت الطقه
ومشكورين

[برشلوني قطر]

اخوي هذي الطقه مالت الشفت..وانا مبدل من قبل والموتر كان جديد...

المهم دام انك قرزت الموتر اتوقع بعد فتره ترجع لك...

فأنصحك تغيرالشفت فالوكاله دام انه ع الضمان

والله يوفقك

[حمد بن سعد]

نفس الموضوع موتري بدلو الشفت وخفت عن قبل

[Gntel man]

اخوي الطقة هذا اغلب المواتر 8 سلندر فية بس شيك على كراسي القير احتياط