كيف تقدر تعرف كوالتي الصبغ؟

[PGR]

السلام عليكم ,,, استفسار ممكن يفيد الجميع كيف الواحد ممكن يعرف انه السامبل اللي سوتله الشركه يدل على انه كوالتي الشغل جيد ولا لا ؟؟

ننتظر اهل الخبره

[khaldoon]

في جهاز خاص يقيس سماكة طبقات الدهان و موجود عند نفس شركة الصبغ

ايضا السامبل يمثل الشكل اللي راح يتم الدهان على اساسه يعني هي مرجعية للشغل مستقبلا

طريقة التنفيذ الصحيحه انه بيتم تنظيف الحائط او السطح اللي راح تدهن عليه و ما يكون على هذا السطح غبار او تراب او اي مواد سهلة الازالة loose materials او زيوت او اي اوساخ و يكون السطح جاف تماما و نظيف و ما في شقوق ولا اضرار بالبلاستر

بعد ذلك في طبقة برايمر و ممكن تكون طبقتين حسب المواصفات و بتقدر تدهن لونين برايمر علشان يبين فعلا انك داهن وجهين برايمر و يكونوا متعامدين على بعض ....و بعدين في طبقتين معجون لتنعيم السطح تماما لو كان الدهان داخلي يعني بالخارجي ما في معجون و بعدين في وجه اول و بعدين في وجه نهائي...و يكون الوجه النهائي متعامد في طريقة دهانه مع الوجه اللي قبله يعني الفرشايه مره بتكون راسيه بوجه و افقية بوجه اخر

[PGR]

مشكور اخوي خلدون على المعلومات بس انا قصدت لو انت شفت السامبل جاهز وعجبك كيف تقدر اتقرر انه هالشغل كوالتي ولا لا ؟

[khaldoon]

مشكور اخوي خلدون على المعلومات بس انا قصدت لو انت شفت السامبل جاهز وعجبك كيف تقدر اتقرر انه هالشغل كوالتي ولا لا ؟

حسب نوع الدهان يعني مدى نعومته او خشونته و هل هو مطابق لشكل العينه بالصور و انه غير متموج و غير متشقق و متجانس من حيث اللون و الشكل texture و ما تبين ضربة الفرشايه فيه يمين و يسار و فوق و تحت و نفس الصوره و انه مب متأثر بالبلاستر اللي تحته ....

[قرنقووش]

خلك من كوالاتي الصبغ .. اهم شي بعدين مايتقشر ولا يطيح ولا يطلعلك فيه فقاعات بسبة الأملاح

في شركة اسمها سفاري في بن محمود .. كان عندهم ايام زمان صبغ ياباني والله بعد ٢٠ سنه او أكثر عجزوا العمال يقشرونه .. بس خلاص سكرت هالشركه

[كبير المتداولين]

معلومه مهمه اهم اسباب تقشر الصبغ الداخلي ان بعض الحرفيين يستخدمون الجبس بدلا من المعجون لتسويه الاسطح قبل الدهان مما يتسبب مستقبلا في تقشر الصبغ

[khaldoon]

معلومه مهمه اهم اسباب تقشر الصبغ الداخلي ان بعض الحرفيين يستخدمون الجبس بدلا من المعجون لتسويه الاسطح قبل الدهان مما يتسبب مستقبلا في تقشر الصبغ

كلامك صحيح 100% فعلا هالشي يصير دائما

[تحداني]

خلك من كوالاتي الصبغ .. اهم شي بعدين مايتقشر ولا يطيح ولا يطلعلك فيه فقاعات بسبة الأملاح

في شركة اسمها سفاري في بن محمود .. كان عندهم ايام زمان صبغ ياباني والله بعد ٢٠ سنه او أكثر عجزوا العمال يقشرونه .. بس خلاص سكرت هالشركه



سفاري على ما اعتقد خلف الفردان في السد
اشلون سكروه ؟؟

[معماري قطري]

كلامك صحيح 100% فعلا هالشي يصير دائما

وبعض الصباغين ناقصين الذمة يستخدمون بودرة الحجر ويخلطونها مع الصبغ الأبيض، وفي البداية يكون الصبغ ناعم وما فيه اي عيوب بعد فترة يتشرب رطوبة ويعفن، وهذي نوعية العمالة الآسيوية اللي تنزل السعر في الحضيض وتاخذ الشغل وتغش فيه من قلب