فيلا فالمناطق الشماليه

[رحال الدوحه]

السلام عليكم ورحمة الله وبركاته ،،

أخواني وخواتي الكرم ، ما عليكم أمر ادور على فيلا جديده من المالك مباشرة
في ( الخريطيات - أم صلال - ام العمد ) وتكون مساحة 400 - 500 متر مربع .

والسعر على حسب مواصفات الفيلا ما يتعدى ( مليون و 800 ألف ) عن طريق
البنك ، ربي يزيدكم من خيره واللي عنده الفيلا أو يعرف أحد من ربعه أو هله لا يبخل علينا
رحم الله والديكم .

أخوكم / رحال

[رحال الدوحه]

حَسْبِيَ اللّهُ لا إِلَهَ إِلاَّ هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ

[قطري 55]

السلام عليكم
ياخوي رحال والله يومياا اروح ادور ماخليت منطقة الا وتعنيت لهاا عشان مواصفات بنك التنمية والمشكله ان الاسعار واجد مرتفعه مافيه شي تحت المليونين الا نادر وتكون في ام اصلال ام العمد ام عبيرية الخور حتى الخريطيات تعبت ماحصلت بهالقيمه ,,,, عزنا وعزكم الله .. الله يكرمكم ,, بعض المناطق مافيها ( صرف صحي ) والموضوع فيها متعب جداا غير الروائح تجمع الحشرات الخ .. وبعض المناطق لازم تجيب وايت يعبي لك الماي في خزان بيتك عاد قمة الوهقة .. وكل ماسئلت احد التجار ليه ترفع السعر قال الارض سعرها مرتفع عاد توني راد من المشاف كل اللي هناك غالين فوق المليونين بامية وميتين والمليون و 800 اللي تبيه انبااااع الله يبارك للشاري .. سئمنا جدا من هالموضوع والتلاعب باسعار العقار المفروض هناك لجنة مختصه تراقب وتقيد التاجر بسعر بنك التنمية عشان المستفيد مايتوهق ناس اضطرت ودفعت من مخباها ميتين وثلاث امية الف عشان تسكن فله تلمهم وتكون اكبر والمشكله مليونين حق مساحة 450 هذي الطامه !!

السموحة على الاطاله لكن اسال الله ان يوفقنا و يوفقك وتحصل لك الفله اللي تصلح لك بالسعر اللي طالب فيه وان حصلت شي لاتخليناا :)