استفسار بخصوص منطقة روضة الحمامة ؟

[بو موزه]

السلام عليكم

اخواني الاعزاء

حد فيكم يعرف متى توصل الكهرباء والماء منطقة روضة الحمام؟.
ومتى بيتم تخطيط الشوارع فيها ؟؟

[ولد العرب]

السلام عليكم

اخواني الاعزاء

حد فيكم يعرف متى توصل الكهرباء والماء منطقة روضة الحمام؟.
ومتى بيتم تخطيط الشوارع فيها ؟؟

هلا وغلا اخوي ابشرك شغالين وسوا غرف لكهرباء وموزعه في انحاء روضه الحمام :nice:والطرق شغالين فيها والحمدالله اما الماء :weeping:اعتقد بالدناكر
وانا ساكن بالروضه واكثر على وشك الانتهاء

[مهاجر]

شغالين مشروع تمديد خطوط الماي والمفروض ينتهي بعد سنه

[احساس شايب]

حبيت اوضح لك انه بسؤال بلدية الضعاين فيه بيوت استلموا شهادة اتمام بناء وبيوت كثيرة ماخذين مواعيد من البلدية لزيارة الفيلا لاعطائهم اتمام بناء ، اما بالنسبة للكهرباء فهي موصلة تقريبا لكل بيت فيه بكس كهربا فالسور وانا شفت كثير من البيوت مركبين اليتات الخارجية للسور والمنطقة تقريبا كلها موصله فيها كابيلات الكهرب ، والماي شغالين فيه وقالي سوداني شغال في كهرماء ان يبيله سنة واذا تبي ماي بعد اتمام البناء ودفع رسوم عداد الماي يحولونك على كهرماء الي في ام صلال ( تقاطع المزورعه ) الجسر الي بعد الخيسة ويطلع معاك دنكر اتدليه البيت

[المرونة]

ما اقول الا (( حسبي الله ونعم الوكيل )) على القائمين على المشروع .

[مهاجر]

ما اقول الا (( حسبي الله ونعم الوكيل )) على القائمين على المشروع .

اي مشروع تقصدين فيهم الماي ولا الكهرباء ولا شنو

[المرونة]

اي مشروع تقصدين فيهم الماي ولا الكهرباء ولا شنو

اقصد مشروع روضة الحمام بكبره ..

لا تخطيط شوارع ولا اناره بيتنا قريب يخلص

غير هذا العمالة الي هناك اغلبيتها شاردة والي شارد ما يخاف بيسوي اي شي لان بروحه مخالف قوانين البلاد

علشام جذيه اقول حسبي الله ونعم الوكيل على القائمين على المشروع المفروض يشتغلون ليل نهار علشان يخلصون الناس وتقدر تسكن اغلبيت هالقطر هناك وكلهم منتظرين الخدمات

[بنـ ابوها ـت]

أغلب البيوت جاهزة بس للأسف مافي كهرباء ع الأقل ومتحملين الأجارات لين الله يفرجها أتمنى أن الكهرباء توصل في أقرب وقت

[شاه بندر]

السلام عليكم

بخصوص روضه الحمام

تم توقيع عقد شبكه الماء للمنطقه بعد عيد الفطر العام الماضي وانشالله بتكون المنطقه خلال عام واحد او عام ونصف فيها ماء والبدايه بتكون البيوت القريبة من الخيسه لان ألشبكه موجوده في الخيسه

اما بالنسبة للشوارع فهم الان شغالين على الشارعين الرئيسيين الاول من الشمال الى جنوب المنطقه
الثاني من الشرق الى الغرب
فهنا نلاحظ ان المنطقه انقسمت الى اربع بلوكات كبيره وهذه الشوارع مؤقته
وهذا تم بناء على عريضه تم تقديمها الى اشغال موقعه من اغلب سكان روضه الحمام
فهم بأنتظار ان يقوم الاستشاري بتسليمهم الخرائط كامله للشوارع الرئيسيه والشوارع الداخليه والصرف الصحي
وهذا بيكون في نهايه العام
اما بالنسبة للكهرباء فأن الكابيلات الرئيسيه موجوده ولكن حصلت سرقات لبعض الكابيلات الكهربائيه وهم الان يقومون بتعديل التالف

انشالله خلال العام القادم سيتم العمل على الشوارع الداخليه والصرف الصحي واناره الشوارع





الله يوفق الجميع

[المرونة]

السلام عليكم

بخصوص روضه الحمام

تم توقيع عقد شبكه الماء للمنطقه بعد عيد الفطر العام الماضي وانشالله بتكون المنطقه خلال عام واحد او عام ونصف فيها ماء والبدايه بتكون البيوت القريبة من الخيسه لان ألشبكه موجوده في الخيسه

اما بالنسبة للشوارع فهم الان شغالين على الشارعين الرئيسيين الاول من الشمال الى جنوب المنطقه
الثاني من الشرق الى الغرب
فهنا نلاحظ ان المنطقه انقسمت الى اربع بلوكات كبيره وهذه الشوارع مؤقته
وهذا تم بناء على عريضه تم تقديمها الى اشغال موقعه من اغلب سكان روضه الحمام
فهم بأنتظار ان يقوم الاستشاري بتسليمهم الخرائط كامله للشوارع الرئيسيه والشوارع الداخليه والصرف الصحي
وهذا بيكون في نهايه العام
اما بالنسبة للكهرباء فأن الكابيلات الرئيسيه موجوده ولكن حصلت سرقات لبعض الكابيلات الكهربائيه وهم الان يقومون بتعديل التالف

انشالله خلال العام القادم سيتم العمل على الشوارع الداخليه والصرف الصحي واناره الشوارع





الله يوفق الجميع



شاه بندر شكرا على التوضيح .. بس وين المسؤولين على المشروع من 2009 اول ما وافقوا بلدية الضعاين على اصدار رخص البناء وين الاحساس بالمسؤولية ما كانهم الي بانيين هناك هالقطر ويبون يسكنون مساكين اذبحتنا الايجارات وناس اياديهم في الماي البارد كل كم من شهر اطلعوا لنا بتصريح ( مسكن ) ابي اعرف المسؤولين ما يشوفون شكثر البيوت الي جاهزة وين الطرق ووين الانارة طريق مؤقت اوكيه والانارة ؟؟

[مهاجر]

شاه بندر شكرا على التوضيح .. بس وين المسؤولين على المشروع من 2009 اول ما وافقوا بلدية الضعاين على اصدار رخص البناء وين الاحساس بالمسؤولية ما كانهم الي بانيين هناك هالقطر ويبون يسكنون مساكين اذبحتنا الايجارات وناس اياديهم في الماي البارد كل كم من شهر اطلعوا لنا بتصريح ( مسكن ) ابي اعرف المسؤولين ما يشوفون شكثر البيوت الي جاهزة وين الطرق ووين الانارة طريق مؤقت اوكيه والانارة ؟؟

التاخير كله من اشغال لين الحين يسوون الارض ويحددون مستوى الشارع و اي مشروع للبنيه التحتيه لازم يتحدد فيه مستوى الشارع عشان يكون المرجع في حساب العمق .......
والمفروض خلال هالشهر ينتهون من هالدراسه

[captin]

فقط في قطر ,,,,

أول تبني بيتك في البر وتسكن وتم عشر سنين وبعدين
توصلك الخدمات بالتدريج لين صار البيت قديم ,,,

يعني في مرحلة الهدم وإعادة البناء بعد عشرين سنة
إذا الله عطانا عمر وياك يمكن تكتمل عندك الخدمات :nice:

[المرونة]

طالعتنا اليوم جريدة الشرق في صفحة 27 تصريح يغث وشكله نايم في العسل المهندس/ سعود التميمي

((كشف المهندس سعود علي التميمي مدير برنامج تطوير الطرق المحلية والصرف الصحي — شؤون
البنية التحتية بهيئة الاشغال العامة عن أن تكلفة مشروع تطوير منطقة روضة الحمام تتجاوز مليار
ريال قطري، مشيراً إلى أنه من المتوقع أن يبدأ تنفيذ المشروع في الربع الاول من عام 2013 على ان
يتم إنجازه خلال عامين ونصف العام.
وأوضح في تصريحات صحفية على هامش الورشة التعريفية التي نظمتها "أشغال" أن هذا المشروع
سيخدم حوالي 4000 وحدة سكنية، خصوصاً ان المنطقة غير مؤهلة للبناء حالياً. ))

[almaf1a]

طالعتنا اليوم جريدة الشرق في صفحة 27 تصريح يغث وشكله نايم في العسل المهندس/ سعود التميمي

((كشف المهندس سعود علي التميمي مدير برنامج تطوير الطرق المحلية والصرف الصحي — شؤون
البنية التحتية بهيئة الاشغال العامة عن أن تكلفة مشروع تطوير منطقة روضة الحمام تتجاوز مليار
ريال قطري، مشيراً إلى أنه من المتوقع أن يبدأ تنفيذ المشروع في الربع الاول من عام 2013 على ان
يتم إنجازه خلال عامين ونصف العام.
وأوضح في تصريحات صحفية على هامش الورشة التعريفية التي نظمتها "أشغال" أن هذا المشروع
سيخدم حوالي 4000 وحدة سكنية، خصوصاً ان المنطقة غير مؤهلة للبناء حالياً. ))

العالم بيوتها خلصت اللحين يقولون المنطقه غير مؤهله

[asasasss]

طالعتنا اليوم جريدة الشرق في صفحة 27 تصريح يغث وشكله نايم في العسل المهندس/ سعود التميمي

((كشف المهندس سعود علي التميمي مدير برنامج تطوير الطرق المحلية والصرف الصحي — شؤون
البنية التحتية بهيئة الاشغال العامة عن أن تكلفة مشروع تطوير منطقة روضة الحمام تتجاوز مليار
ريال قطري، مشيراً إلى أنه من المتوقع أن يبدأ تنفيذ المشروع في الربع الاول من عام 2013 على ان
يتم إنجازه خلال عامين ونصف العام.
وأوضح في تصريحات صحفية على هامش الورشة التعريفية التي نظمتها "أشغال" أن هذا المشروع
سيخدم حوالي 4000 وحدة سكنية، خصوصاً ان المنطقة غير مؤهلة للبناء حالياً. ))


قبل شهر قالو نهايه هالسنه سوف يتم الانتهاء من تطوير منطقه روضه الحمامه و اليوم يقولون السنه الجايه بيبتدون, ماعرفنا لهم


احنا بس نبي شوارع و كهرباء والماء بالدناكر مب مشكله بس سوو شوارع مب اختراع, لازم يتعلمون في تكثييف الجهود للانجاز مش ماشيين على نفس الوتيره, في ناس قاعده تدفع حق بنك التنميه و مب ساكنه في البيوت


تحياتي

[معماري قطري]

هذي الله يسلمكم أشغال يسوون بالمليارات وياخذون سنوات وشغلات في بلاد العالم أعلى منها وأجود تتم بهدوء وسرعه وأرخص

[Abu Abboud]

يعني ابني ولا شسالفه أوقف كل شي

[مهاجر]

التاخير كله من اشغال

[المرونة]

قبل شهر قالو نهايه هالسنه سوف يتم الانتهاء من تطوير منطقه روضه الحمامه و اليوم يقولون السنه الجايه بيبتدون, ماعرفنا لهم


احنا بس نبي شوارع و كهرباء والماء بالدناكر مب مشكله بس سوو شوارع مب اختراع, لازم يتعلمون في تكثييف الجهود للانجاز مش ماشيين على نفس الوتيره, في ناس قاعده تدفع حق بنك التنميه و مب ساكنه في البيوت


تحياتي

اي والله انك صادق يا اخوي ناس تدفع حق بنك التنمية ومسكره بيوتها بانتظار يتكرمون يسوون لنا شارع والي يقهر فالموضوع هالتصريحات الي تغث الي نسمعها كل فترة من المسؤولين ولا كانهم عايشين معانا ويشوفون عدد البيوت الي جاهزة هناك

[صاحب النخبه]

إذا قلنا راح يبتدون تنفيذ المشروع في الربع الأول من 2013
والمشروع يبيله سنتين ونص
وإذا أخذنا بالإعتبار أن المشروع راح يتأخر
فالنتيجه أنه راح يخلص في 2016
والمشروع أساساً توزع في سنة 2006
صبراً جميلا والله المستعان

[بومحمد86]

وصلو الكهرب وفي كذا بيت شغاله ليتاته بس باقي الماي

[مهاجر]

قبل شهر قالو نهايه هالسنه سوف يتم الانتهاء من تطوير منطقه روضه الحمامه و اليوم يقولون السنه الجايه بيبتدون, ماعرفنا لهم


احنا بس نبي شوارع و كهرباء والماء بالدناكر مب مشكله بس سوو شوارع مب اختراع, لازم يتعلمون في تكثييف الجهود للانجاز مش ماشيين على نفس الوتيره, في ناس قاعده تدفع حق بنك التنميه و مب ساكنه في البيوت


تحياتي

واكبر غلط يخلصون الشوارع قبل الماي والكهرباء وشبكة الصرف الصحي المفروض البنيه التحتيه وعقب الشوارع ولا بكره الشوارع مرقعه نفس معظم مناطقنا وماسوينا شي ولا استفدنا من الاخطاء القديمه

[المرونة]

واكبر غلط يخلصون الشوارع قبل الماي والكهرباء وشبكة الصرف الصحي المفروض البنيه التحتيه وعقب الشوارع ولا بكره الشوارع مرقعه نفس معظم مناطقنا وماسوينا شي ولا استفدنا من الاخطاء القديمه

الله يهداك يا اخوي خلهم يخلصون الشوارع الناس تبي تسكن اذبحتنا الايجارات ودوختها ..