جزيرة البنانا (امشوط)

[احب قطر]

من كم يوم وانا راجع بحر من الوكرة شفت حركة في جزيرة البنانا ، قلت بامر اشوف ايش السالفة ، الا انصدمت وانقهرت ، شفت اليات وناس يشتغلون ويحفرون وبنيان وحالة ، بصراحة صعقت على هالمكان الزين والمتنفس لي وللعيال اذا بغينا نروح البحر ، وذاك المكان اللي يشرح القلب واللي تشوف فيه انواع الطيور وبيضها وذاك السيف النظيف والاهم من ذلك الذرا الزين اللي مهما يدور عليك هوا تكون بخير هناك ، والله اني ذيك الليلة حلمت وتكلمت في حلمي عن هالمكان ، الحين وينكم يالبيئة ، فذمتكم وين عاد في سيف زين نقدر نستمتع فيه بالبحر ، صار الشاطئ الشرقي مصكر بالكامل لين الشمال يا ام ملك خاص او محمية ، مثل محمية جبل ثعيلب اللي حرمتوا الناس من هالمكان وفي الاخير دقوه دق ماخلوا فيه ولا شي ، واللي عرفته انهم يبون يبنون فندق في الجزيرة ، بالعربي خل الاجانب يجون ويستانسون ، انزين كملوا شاليهات سيلين ، تعالوا حق اللؤلؤة اللي كانت مربى حق الحمس وخربتوه كملوا خرابكم هناك ، او عندكم السافلية اكبر ، وش رايكم ؟؟؟

[Miss Merna]

الله يعينك اخوي

[الزلزال]

الي اعرفه بنانا هي دفان في الاصل يعني مش جزيره طبيعيه
والله اعلم

[احب قطر]

الي اعرفه بنانا هي دفان في الاصل يعني مش جزيره طبيعيه
والله اعلم

هي فعلا جزيرة صناعية مثلها مثل جزيرة النخيل ، يوم اللي عملوا الكورنيش وحفروا قناة السفن جمعوا هالدفان ، وبعدين اقترحت عليهم شركة الدرويش اللي قامت باعمال الجرف انهم يخلونها بحيث يمكن استغلالها في المستقبل ، وبقوا على ماهم عليه ،

[barod]

صحيح كلامك كانت متنفس للعالم بس فندق بالجزيره احسه بعيد يجوز منتجع مثل دول اسيا بيسوونه طبعا حظ السياح الاجانب لانها تناسبهم اكثر منا

[sweet qatar]

يبنون فندق.. !!!!

ليش ما يتركون المنطقة على طبيعتها بدون تخريب..

يبون السياحة.. ينظمون رحلات سياحية للجزيرة بدون بنيان جذي بيخربون المكان.. حرام والله..

[أسير الاسهم]

في قطر البيئـه قراراتها لخراب البيئـه << هذا الواقع

[قطريه ماركه]

خلاص ما في بحر نستمتع فيه :(

[بن غيث]

ايش سالفتهم
والله شئ عجيب
وبعدين معاهم

[captin]

خلاص سلموا لي على البنانا

بزنس از بزنس

تبون بحر وتستانسون سافروا
للدول اللي تهتم بشواطئها وتخليها مفتوحه للعامة

[BosaiF_774]

حسبي الله ونعم الوكيل ..

[kuwari]

البيئه في قطر خرابيط

[كلنا قطر 1981]

خلها على ربك و انا اخوك يالغالي

ما نقول غير الله المستعان قطر تحيطها الماي من 3 جهات و مع هالشي ما في سيف عندنا

نفس البشر:)

[لاجئ عاطفي]

احسن شي سووه لان هالجزيره ومثل كل صيف تنقلب ديسكو للاجانب ويصير فيها حفلات رقص وشرب والكل يدري بهالشي

[احب قطر]

احسن شي سووه لان هالجزيره ومثل كل صيف تنقلب ديسكو للاجانب ويصير فيها حفلات رقص وشرب والكل يدري بهالشي

يعني اذا فندق مابيصير فيه شراب؟؟؟ وبعدين الشراب موجود في كل مكان ، والديسكو اللي صار من سنتين كانت شركة منظمته ومااسمحوا لهم يسوونه مره ثانية ، مايصير نحكم على الشي من خلال تصرفات فئة ضالة

[لاجئ عاطفي]

يعني اذا فندق مابيصير فيه شراب؟؟؟ وبعدين الشراب موجود في كل مكان ، والديسكو اللي صار من سنتين كانت شركة منظمته ومااسمحوا لهم يسوونه مره ثانية ، مايصير نحكم على الشي من خلال تصرفات فئة ضالة


الفندق مكان صاد مهب مثل الجزيره مكان عام والكل يرتاده يعني المعصيه جهارا نهارا فمافي وجهة مقارنه بين الاثنين واما الحفله اللي سوتها الشركه تكررت اكثر من مرة وصارت عاده الكل يروح هناك ويسوي حفله حتى لو كانوا اشوية اجانب