خسارة فيكم قطر اذا انتوا جيل المستقبل

[الفا برافو]

السلام عليكم
الصراحه مدري كيف اختار عنوان للموضوع وشلون ادخل فيه..
بس الصراحه العنوان كان فعلا صرخه في مجموعة من الشباب عددهم تقريبا 8 اعمارهم حوالي 15 و 16 سنه قطريييييين ولا احد يقول مهب من عيال قطر!!

كنت جاي من جمعية الميره اللي بالدفنه وعقب دوار جليعه خذت الشارع اللي يودي الى دوار نادي قطر وعقب ما طفت حضانة المها اللي موجوده على يمين الشارع بمسافه قصيره... وكنت اسوق في الحاره اليمين من الشارع و تفاجأت بمجموعه من الشباب كلهم لابسين ثياب وحسر طالعين من ممر موجود بين البيوت وبسرعه واحد منهم يحذف شي على الجامه القداميه في نفس الوقت اللي انا حاولت اتفادى الضربه وبغيت ادعم في السياره اللي على يساري لاني ماعرفت شنو حاذفين علي.. وكانت بيضه انكسرت على الجامه !! وقفت السياره وهم طبعا اختفوا في داخل الممر اللي يؤدي الى الشوارع الداخليه.. الصراحه انبهرت معقوله هالشي يصير في قطر وفي فريج كلهم هل قطر ..
خذت لفه من صوب جامع محمد بن عبدالوهاب ودخلت الفريج ادورهم
وسبحان الله لقيتهم متجمعين مره ثانيه وفي يد واحد منهم بيضه يبون يسون نفس العمليه مع غيري
وقفت السياره وحولت لهم اهاوشهم.. مجموعه شردت داخل الممر ومجموعه شردت داخل الفريج
اللي في الفريج شفتهم داخلين في ميلس
وشافهم معاي شباب واقفين في سيارتهم عند بيتهم وفيهم الخير جوا معاي يزاهم الله خير يوم دروا بالسالفه
ورحت ابي اكلم اهلهم الا راعي البيت طالع بيروح صلاة المغرب شرحت له اللي صار
وقلت له ترا مجموعه دخلوا الميلس في بيتك بس ماصدقني
دخلنا معاه الميلس وشفتهم يالسين واللي حذف البيضه قاعد معاهم
قلت له هذولا هم
قال مستحيل عيالي اهنيه من الصبح يالسين !!
وسألهم وطبعا انكروا اي علم بالموضوع ..الشباب اللي جاوا معاي قالوا له انه شفناهم توهم جايين يركضون ويدخلون المجلس !!
الاب للاسف انكر انه عياله يسون هالحركات والولد اللي حذف البيضه سحب نفسه من المجلس وركب دراجته وطار فيها
ويوم قلت له انا شفتهم وشفت اللي حذف البيضه
قالي اللي حذف البيضه ماعلي منه مب ولدي
علي من عيالي .. وطلب مني اني احلف على المصحف اني شفتهم مع بعض يوم يحذفون البيضه
الصراحه انصدمت من تصرف الرجال وقلت له مالوم عيالك اجل اذا هذا هو موقفك
وطلعت ونا اقول خساره فيكم قطر اذا انتوا جيل المستقبل..

واسمحوا لي على الاطاله

[kuwari]

الله كريم بتشوف اللي اخس منه والله يعينك بدال ما يربي ولدة يربية الادب يعلمة الربادة

[eXpert*]

الله المستعان ..

اذا البيت ما يربيّ ، من اللي يبونه يربي ؟

[مخطط قطري]

اختي لاسف اذا ابو هشكل ينكر وانتو جاين عنده البيت عيب والله عموما لي صار هذا يخليك تفكرين بتاديب وبصراحه بطريقه ثانية وهي انك تكلمين الشرطة عشان الابو يخاف ويعرف انه هو غلطان هذي وجهة نظري ولا نقدر نعلمهم الادب بس مانبغيها تكبر على الاقل الشرطة تتبع اسلوب التهريب والتخويف والعهدة

[روح الاطلس]

شطانه يهال :)

الحمدلله انها بيضه مب حصاة .. الله يهديهم بس تصرف ابوهم يقهر كان على الاقل تسامح منك وطيب خاطرك

[الـخـالـدي]

خسارة فيكم قطر اذا انتوا جيل المستقبل

اخوي هذا عنوان اكبر من الموضوع اللي صار .. ومايستاهل هالتكبير كله

الكل مر بمرحلة المراهقه و مرت عليه سوالف و امور كثيره واذا تذكرها قام يضحك

فالاول و الاخير الموضوع موضوع بزران ... وحتى لو الاب ماعترف كان بأمكانك انك تنصحه بكلمه طيبه و تذكره هو و الشباب اللي فالمجلس بالدين و اخلاق الرسول عليه الصلاة و السلام

تقبل مروري

[المبرمج صلاح]

لا حول ولا قوة الا بالله
الله يهديهم ان شاء الله
الموقف حصل مع واحد من الربع من كام يوم كان في الشارع يكلم اهله بالجوال بالليل وتفاجاة بسيارة فيها شباب بالعمر اللي ذكرته القو عليه بالبيضة وهربو بسرعة
تفاجات لمن دخل عندي البيت ومنظره لا يسر عدو ولا حبيب وقلت مستحيل هذا يحصل في قطر

الله يهديهم اخوي

[غايه الطواش]

جات على بيضه ههههههههه
احنا كانو عندنا بالفريج يحذفون حصى :)

[الهاجري 2]

عفوا بس ليش التعميم

هذي فئه ماتعودنا نسمع عنهم وبالعكس اهل قطر فيهم الخير والبركه وجيلنا واعد

لكن فيه بعض الاشكال نفس هذولا راح يتغيرون مع الزمن

[أسير الاسهم]

حركات يهال .. والتربيـة تلعب دور >>> ما رباهم عدل .. مبين من رده عليك انه ما تربى اهو بعد

[abdo222]

انا شفت الي يحذف حصاء على الشاحنات من فوق هضبه عند جسر الدحيل وانك رايح دوار البيئه,, 15-16 سنه هال الكلام من اسبوع تقريبا,,

الله يهديهم وانا لو مكانك انقهر !! الله يهديهم !!

[الفا برافو]

خسارة فيكم قطر اذا انتوا جيل المستقبل

اخوي هذا عنوان اكبر من الموضوع اللي صار .. ومايستاهل هالتكبير كله

الكل مر بمرحلة المراهقه و مرت عليه سوالف و امور كثيره واذا تذكرها قام يضحك

فالاول و الاخير الموضوع موضوع بزران ... وحتى لو الاب ماعترف كان بأمكانك انك تنصحه بكلمه طيبه و تذكره هو و الشباب اللي فالمجلس بالدين و اخلاق الرسول عليه الصلاة و السلام

تقبل مروري

اسمح لي ياخوي
الموضوع اكبر من انه موضوع بزران
لانه كاد يسبب حادث ..
ولو صار حادث لاسمح الله بتقول معليه موضوع بزران
كنا بزران وصارت مواقف مضحكه لكن اهلنا ربونا على احترام الغير وعدم اذية الغير
وتقبل احترامي

[intesar]

جاوا اللي يقولون ليش التعميم..
أغلبية هالجيل .. ايش هم وتفكيرهم.. وما أستثني عيالي..

[بوحمد111]

الله يهديهم ويصلحهم وهذه فئه قليله وبهذا السن توقع منهم اي شي والاب المفروض ما يكون رده بهذا الاسلوب والله يهديه ويصلحه ان شاء الله

[الزلزال]

التربيه

والله مشكله

[faisalqatar]

والله ياخوك عيال هالزمن مادري شلون
انت يحذفون عليك بيض و احنا في الفريج يلفون على سياييرنا بالبطابط و يتحرشون !

طبعا ما نجمع لان في ناس اخلاقهم عاليه بس للاسف الاغلب مادري شلون شكلهم

العتب على التربية والتساهل معاهم

واحسن حل لما اتصير معاك هالمواقف اتنادي لهم دورية الفزعه و شوف شلون بتضربهم الرقاله

الله يجزاهم خير دوريات الفزعه في كل مكان وما بيقصرون بيزفونهم و بيروحون

[khaldoon]

طبعا شي مزعج و قلة تربية و قلة ادب و فهم منهم و من ابوهم

الحمد لله انها جات على البيض

كانوا يرمون على سيارتنا حصى و يشمخوها لين الاساس و في بعضهم يرمون لعبة على شكل بني ادم كبيره يرمونها لما يمر السايق علشان يظن انه دهس بني ادم

حمد لله على سلامتك اخوي

[طلعة الروح]

والله اللي يقولون يهال وبكره يتعلمون يضحكوني
لو كل واحد تسامح بمثل هالأمور عز الله اكثرت الحوادث
والحجة يهال وبكره يكبرون
بس فعلا القضية خطيرة وكبيرة وايد ولازم تتسجل قضية
في الشرطة واقل القليل اجيبه واجيب عياله وياه يوقعونهم تعهدات...

[ريم الشمال]

العنوان رغم قوته الا أنه يقرع ناقوس الخطر طفل عمره 7- 8- 9- 10 نقول عنهم تصرفاتهم تصرفات مهيله إي دليل على صغر السن
أما الذي عمره 15 - 16 يعني بعد فتره ممكن يكون مسؤول عن عمل يتكفل فيه ويكون مسؤول عنه ولذلك يجب أن يحاسب في تصرفاته وما يصدر منه من أقوال وحتى أيمائات ، لكن المشكله ليس في هذا الشاب المشكله في الذي ربى هذا الشاب لأنه لم يحسن تربيته ولا يعترف بذلك ويعتقد أن أبنائه متربين ولا يسمح لأحد أن يقول في أبنه شئ هؤلاء لهم صفه عندنا الي نقول عنهم أنهم عوب إي لا يرى اخطائه ويرى نفسه فوق النقد لا من قبلك ولا من قبل غيرك وهؤلاء يكون التصرف معهم بالقانون لأنهم لا يحشمون ولذلك لابد من عدم حشيمتهم ...
على الاقل لايكذبك وأنت ومن معك ويصدق ولده ويعتذر منكم لأن أبنائه حتى لو لم يرمون البيضه فقد اشتركوا مع من قام برميك .........
ملاحظة للكل :
قطر تريد جيل قلوبه حيه تعمل على حمايته مو قلوب سوده وميته ولعابه ما تعرف غير الرعونه والاستهتار .. وحلوج وايد مفتوحه عليكم تريد أن تأخذ ما تمتعون به ولا تعرفون قيمته

ريم الشمال

[كلنا قطر 1981]

اختي لاسف اذا ابو هشكل ينكر وانتو جاين عنده البيت عيب والله عموما لي صار هذا يخليك تفكرين بتاديب وبصراحه بطريقه ثانية وهي انك تكلمين الشرطة عشان الابو يخاف ويعرف انه هو غلطان هذي وجهة نظري ولا نقدر نعلمهم الادب بس مانبغيها تكبر على الاقل الشرطة تتبع اسلوب التهريب والتخويف والعهدة

صح كلامك :victory:

بس المشكله قسم بالله ما يهون على اني اشتكي على ياهل من عيال بلادي لكن تصرف الاب

في منتهى السخافه فهني المشكله تكون بين نارين النار الاولى انك تخليهم و يتمادون بقلة

الادب و النار الثانيه انك تشتكي على ولد بلادك و دينك و تقعد تلتهم و تلته ابوهم في المراكز

الواحد صج يطيح بحيره ى:weeping:

[Abdulraman]

لو كنت مكانك وشفت الابو يدافع عنهم ويطلعك انت الكذاب لاروح مركز الشرطه واخلي يتحسف
فعلا بعض الابهات يدافعون عن عيالهم وهم مايدرون عن عيالهم ايش يسوون
الله المستعان

[السهم الشمالي]

العنوان رغم قوته الا أنه يقرع ناقوس الخطر طفل عمره 7- 8- 9- 10 نقول عنهم تصرفاتهم تصرفات مهيله إي دليل على صغر السن
أما الذي عمره 15 - 16 يعني بعد فتره ممكن يكون مسؤول عن عمل يتكفل فيه ويكون مسؤول عنه ولذلك يجب أن يحاسب في تصرفاته وما يصدر منه من أقوال وحتى أيمائات ، لكن المشكله ليس في هذا الشاب المشكله في الذي ربى هذا الشاب لأنه لم يحسن تربيته ولا يعترف بذلك ويعتقد أن أبنائه متربين ولا يسمح لأحد أن يقول في أبنه شئ هؤلاء لهم صفه عندنا الي نقول عنهم أنهم عوب إي لا يرى اخطائه ويرى نفسه فوق النقد لا من قبلك ولا من قبل غيرك وهؤلاء يكون التصرف معهم بالقانون لأنهم لا يحشمون ولذلك لابد من عدم حشيمتهم ...
على الاقل لايكذبك وأنت ومن معك ويصدق ولده ويعتذر منكم لأن أبنائه حتى لو لم يرمون البيضه فقد اشتركوا مع من قام برميك .........
ملاحظة للكل :
قطر تريد جيل قلوبه حيه تعمل على حمايته مو قلوب سوده وميته ولعابه ما تعرف غير الرعونه والاستهتار .. وحلوج وايد مفتوحه عليكم تريد أن تأخذ ما تمتعون به ولا تعرفون قيمته

ريم الشمال


كلام جميل من أختي الفاضلة ريم الشمال
وأنا معها فيما قالت
ونسأل الله أن يصلح حال عيالنا وشباب وجيل المستقبل .
والحمد لله أن الأمر ماتطور .

[barod]

الشرهه مب عليهم لانهم بزران ولكن على الاب الي هذا رده

[طلعة الروح]

صح كلامك :victory:

بس المشكله قسم بالله ما يهون على اني اشتكي على ياهل من عيال بلادي لكن تصرف الاب

في منتهى السخافه فهني المشكله تكون بين نارين النار الاولى انك تخليهم و يتمادون بقلة

الادب و النار الثانيه انك تشتكي على ولد بلادك و دينك و تقعد تلتهم و تلته ابوهم في المراكز

الواحد صج يطيح بحيره ى:weeping:

واجبك وحقك كمواطن انك تبلغ عن هالامور ولا بتكون شيطان أخرس ونفس ما تضررت غيرك بيتضرر وبتتكرر السالفة لو كل واحد قال انا بتنازل عن حقي

[hxamad]

جيل مرفة أي شى يبية يحصلة

[fahad_qatar]

لا تعممين على أهل قطر ذولا موب أصل ولا موب متربيين عدل

يبيلهم خيزران منقعه في زيت صار لها أسبوع واول واحد الآب تبتدين فيه

[┋أَجِوَدًيّ┋]

الشرهة على الأبو * لا و رايح يصلي المغرب بعد !

[intesar]

لا تعممين على أهل قطر ذولا موب أصل ولا موب متربيين عدل

يبيلهم خيزران منقعه في زيت صار لها أسبوع واول واحد الآب تبتدين فيه


فيه موضوع حلو توه نزل عن ليش التعميم .. راح يفيدك بارك الله فيك..:victory:

[قطري مفلس]

تذكرت قبل سنين و سنين و سنين كنا نسويها وحنا على السياكل مع الهنود في الفرجان (( شرط يكون في شهر رمضان ))

الله يسامحنا ... بس كنا صغاااار ومانحسب عواقب هالامور ...

الحين ماشاءالله كل واحد فينا اللي نقيب واللي رائد بالجيش والشرطة واللي مدير فرع ... الخ

انا معك الموقف يرفع الضغط ... والاب بعد لو انا مكانه كان اقل شي زقرتهم كلهم عيالي ولا عيال غيري دام انهم ادخلوا مجلسي ...

بس صدق صدق الله لايحطني في هالموقف ويبعدهم عني لووووووووووووووووووووول ^_^

[الحال مايساعد]

بما أن الأب راجع من الصلاة خلنا نلتمس العذر
ممكن إنه راح يأدب الأولاد لكن قال خلني أقص السالفه ويا العالم وعيالي أعرف شغلي معاهم
تصرف الأب سلبي لكن كل واحد وتفكيرة ، أكيد أبوهم بعد كبير بالعمر!!
وبصراحة أحيّ "أفا" على التصرف هذا لأنك شفت وضع غلط وماسكت عليه ، وفي نفس الوقت اتمنى الموضوع إنتهى بالنسبة لك هم بعد توهم صغار

[آخر حبه]

ههههههههههههههههههههههه حليلهم ذكروني في واحد قبل :)

[نورعبدالرحمن]

الشرهة على الأبو * لا و رايح يصلي المغرب بعد !




لا بصراحة الابو ما عند سالفة اشلون يصلي المغرب
مشكلة الامم المتحدة قدامكم
مادري احس الناس صاروا اشرار تافهين لازم ياخذون حقهم
بس كل واحد ما يرضى علي اعيالة لو هو واثق من تربيتة
ما يصير انفوت ... الحين السيارات قيمتها عالية يعني مستحيل ايكون في تنازل لو تاذت السيارة

[حمد بن سعد]

الصراحه ان اشوفه شي عادي يهال وطاقتهم زايده الله يحفظهم ويهديهم يارب


والله يوفقنا وياكم

[┋أَجِوَدًيّ┋]

لا بصراحة الابو ما عند سالفة اشلون يصلي المغرب
مشكلة الامم المتحدة قدامكم
مادري احس الناس صاروا اشرار تافهين لازم ياخذون حقهم
بس كل واحد ما يرضى علي اعيالة لو هو واثق من تربيتة
ما يصير انفوت ... الحين السيارات قيمتها عالية يعني مستحيل ايكون في تنازل لو تاذت السيارة



الصراحة ما فهمت لج * شتبين تقولين بالضبط ؟

[نسناس]

الله يصلحهم مراهقه ومعها

[نورعبدالرحمن]

الصراحة ما فهمت لج * شتبين تقولين بالضبط ؟




ابي اقول اذا مشكلة تافهة انلوم الرجال علي صلاتة
ولا نلوم انفسنا علي سخافة الموضوع سوري ..بس صار كلشي نطرحة
والمشكلة فينا اشلون انبالغ ونكبر السالفة كنها سالفة عرض , مش سالفة بيضة

[┋أَجِوَدًيّ┋]

ابي اقول اذا مشكلة تافهة انلوم الرجال علي صلاتة
ولا نلوم انفسنا علي سخافة الموضوع سوري ..بس صار كلشي نطرحة
والمشكلة فينا اشلون انبالغ ونكبر السالفة كنها سالفة عرض , مش سالفة بيضة



تدرين شنهي المشكلة بالضبط ؟

هي انج مهب فاهمة السالفة أصلاً

ومع ذلك بشرح لج شالسالفة

أنا أقصد الرجال ما أمداه يروح يصلي وبنفس الوقت يكذب أن ولد ما سوى شي

شالهمنطق !!

من باب أولى أن الصلاة تنهى عن الفحشاء والمنكر


قال الله تعالى :
( إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَرِ )
العنكبوت/45

[منابر خالده]

ابي اقول اذا مشكلة تافهة انلوم الرجال علي صلاتة
ولا نلوم انفسنا علي سخافة الموضوع سوري ..بس صار كلشي نطرحة
والمشكلة فينا اشلون انبالغ ونكبر السالفة كنها سالفة عرض , مش سالفة بيضة

لين طحتي في هالموقف ورحتي حق ابو الولد وكمل السالفه بكم بيضه على راسج بتعرفين اذا الموضوع تافه او لا

الموضوع عن التربيه احنا كنا نسوي شطانه بس والله ابوي الله يطول بعمره لما كان يدري عن اي حركه نسويها كان يسطرنا كلنا موب مثل هالمسخره*

زمن الدلع الله يعين

[نورعبدالرحمن]

لين طحتي في هالموقف ورحتي حق ابو الولد وكمل السالفه بكم بيضه على راسج بتعرفين اذا الموضوع تافه او لا

الموضوع عن التربيه احنا كنا نسوي شطانه بس والله ابوي الله يطول بعمره لما كان يدري عن اي حركه نسويها كان يسطرنا كلنا موب مثل هالمسخره*

زمن الدلع الله يعين

استغفر الله العظيم ... شسالفة يم تربية عدلي الفاضج اول ولا الطق ما جاب نتيجة

[بصمة قطرية]

لازم يتربون ..
مب صغار عشان نقول يهال ..!!
الابو غلطان ..
المفروض يأدبهم عشان لا يتجرؤون على حد ثاني ..
الحين عندهم حد يدافع عنهم ..
يعني لو تكررت الشكوى واثقين انهم بيطلعونن منها بكل بساطة ..
الواحد يربي عياله ..
و يبعدهم عن رفقة السوء ..
كل فريج فيه هالأشكال المفروض كل اب يراقب ربع ولده ..
و يعرف اش نوعيتهم ..

[درر قطر]

مب أوادم لول اليهال مايتجرؤون وياويل الي حد يشتكي منه

[الصغيره]

لا تحزن ياخوي لا تحزن

واعرف عرف اليقين ان اللي صار بيصير لهم ولو بعد حين

ابد ابد ابد مايضيع في كتاب محفوظ

احس بقهرك لكن كن على يقين انها عند الله كتبت وسوف تصيبهم بموقف ويتذكرونك يوم لا ينفع الندم

الشي اللي به اي اذى لاي انسان سواء مادي او معنوي او ظلم او كلام بعرض هذا اصابته قويه وسريعه

[ريم 28]

لا حول ولا قوة الا بالله

الله يهديهم ويصلحهم

ويهدي اولياء الامور ويعلمون كيف يتصرفون من الاخرين وعليهم معرفة ال>وق والاحترام البعض لا يحترم نفسه ولا غيره

ولكن اخي الكريم الموضوع عباره عن موقف شخصي وخطا مراهقين وسوء تربيه الله يهديهم لا ينبغي ان نعمم ونكتب عنوان خساره فيهم قطر لا تعلم قد يغيرهم الله للافضل ويهتدون بقدرته ويكونون من افضل الرجال

[khalid Qtr]

للاسف ، تصرف الاب وانكاره بهالطريقة يشجع عياله على الفوضى !!!

على كل الاحوال تصرف غريب ومن زمان ما شفنا هالحركات .. رمي شي على السيارات المارة

[ولي العهد]

تصرف الاب بالطريقه هذي بيجني ثمارها في المستقبل القريب وبيتجرجر في مراكز الشرطة والسبه عياله

[فهد111]

اوباااااا

[Bo 3li 212]

الله يهدي عيالنا ويصلحم ..ولاكن بخصوص موقف الاب الصراحه اذا هذا موقف الاب مالوم العيال اذا اطلعو كذا للأسف هالايام الاباء صايرين سلبين مع ابنائهم لدرجة ان الولد صاير يتطاول على ابوه فالكلام,,الله المستعان

[الفا برافو]

اشكر الجميع على ردودهم وتفاعلهم
عسى الله يحفظ هالشباب ويصلحهم

جملكم الله بطاعته

[ابوالكلام]

هذي نتيجة الدلع الزايد الابو حاليا مايقدر يكلم ولده والبنت نفس الشيى

[طلعة الروح]

لا حول ولا قوة الا بالله

الله يهديهم ويصلحهم

ويهدي اولياء الامور ويعلمون كيف يتصرفون من الاخرين وعليهم معرفة ال>وق والاحترام البعض لا يحترم نفسه ولا غيره

ولكن اخي الكريم الموضوع عباره عن موقف شخصي وخطا مراهقين وسوء تربيه الله يهديهم لا ينبغي ان نعمم ونكتب عنوان خساره فيهم قطر لا تعلم قد يغيرهم الله للافضل ويهتدون بقدرته ويكونون من افضل الرجال

لما يكون هناك جزء فاسد ف المجتمع ينبغي التعميم والعنوان اشوفه مضبوط بالنسبة لحجم الحادثة وين راح التعليم وين راح التحضر والاخلاق ، التعميم في العنوان مطلوب عشان يكون هناك تنبيه للآخرين اللي ممكن يحذون حذوهم..

[مرت محمد]

الله يهداك بس خساره فيكم قطر مره وحده مع حركات بزران والله ان ياما شفنه السوالف مع عيال فريجنا واحنا صغار ياما شفت الى معقط حصا والي يعقط بنبالته وسواف كثر من جذي حتى الليتات البيوت كسروها عيال فريجنا والحين ونهم كبرو وتزوجو وعقلوا هذي امور عاديه صارت مع كل الفرجان

[ولد الاشراف]

انا ما أقول الا وآسفاه مرتين

المرة الاولى للاب وهو اساس الموضوع من وجه نظري لانه تناسى مقولة سيدنا وحبيبنا قدوة الخلق صلى الله عليه وسلم" كلكم راع وكلكم مسؤول عن رعيتة " ورده فعله اللامسؤولة .

المرة الثانية لحال هذولا الشباب الي في اعتقادي ان الاحترام مش موجود فيهم واذا كان شكلي فقط اما من الداخل فلاشي ... طاقة فيهم ياليت لو يتم استغلالها في نوادي شبابية او علمية

واخيرا اقول ياراعي خلك مسؤول عن رعيتك واتق الله فيهم وفي الناس

ولاتكون مثل ماقال العرب الاوائل
اذا كان رب البيت بالدف ضاربا .... فشيمة اهل البيت الرقص

[ولد الريان]

شي طبيبعي

واسئلك باالله ما كانت لك جهاله في سنهم ؟؟؟؟؟

وترى انت قمت بعمل جيد يوم انتظرت وقابلت ابوهم وخوفتهم

وترى وقفتك هي سبب من الاسباب الي بتعقلهم وبتحسسهم من خطوره الي سووه واذا تكرر وواحد جاء فمعناها الفضيحه اكيد

(وبغض النظر عن رده فعل الاب الي بينصدم من الواقع اذا تكرر الموضوع و بينفضحون اكيد )

والحمدالله على سلامتك

[ريم 28]

لما يكون هناك جزء فاسد ف المجتمع ينبغي التعميم والعنوان اشوفه مضبوط بالنسبة لحجم الحادثة وين راح التعليم وين راح التحضر والاخلاق ، التعميم في العنوان مطلوب عشان يكون هناك تنبيه للآخرين اللي ممكن يحذون حذوهم..

لا اختي انا ما قصدته انهم من الممكن يتغيرون ويصبحون افضل فيما بعد ليس بشرط ان يظلوا على ما هم عليه لقد مرت علينا هذه الحالات واكثر من هذا في فترة المراهقه وهم حاليا من احسن الرجال يعني انا قصدي تبيهم وننصحهم ولا فقدان الامل منهم فقط هذا قصدي

لان كم من شاب مستقيم وهادى في فترة المراهقه لكن مستقبله كان ضياع في لحظه ضيع نفسه


اتمنى وصل المقصود ابدا لم اقصد ان قطر او غيرها فقط عن المستقبل

وانا اراعي شعور صاحب الموقف واود ان اخفف عليه ويبشر بالخير ان شاء الله

[الشيخة شيوخة]

السلام عليكم
الصراحه مدري كيف اختار عنوان للموضوع وشلون ادخل فيه..
بس الصراحه العنوان كان فعلا صرخه في مجموعة من الشباب عددهم تقريبا 8 اعمارهم حوالي 15 و 16 سنه قطريييييين ولا احد يقول مهب من عيال قطر!!

كنت جاي من جمعية الميره اللي بالدفنه وعقب دوار جليعه خذت الشارع اللي يودي الى دوار نادي قطر وعقب ما طفت حضانة المها اللي موجوده على يمين الشارع بمسافه قصيره... وكنت اسوق في الحاره اليمين من الشارع و تفاجأت بمجموعه من الشباب كلهم لابسين ثياب وحسر طالعين من ممر موجود بين البيوت وبسرعه واحد منهم يحذف شي على الجامه القداميه في نفس الوقت اللي انا حاولت اتفادى الضربه وبغيت ادعم في السياره اللي على يساري لاني ماعرفت شنو حاذفين علي.. وكانت بيضه انكسرت على الجامه !! وقفت السياره وهم طبعا اختفوا في داخل الممر اللي يؤدي الى الشوارع الداخليه.. الصراحه انبهرت معقوله هالشي يصير في قطر وفي فريج كلهم هل قطر ..
خذت لفه من صوب جامع محمد بن عبدالوهاب ودخلت الفريج ادورهم
وسبحان الله لقيتهم متجمعين مره ثانيه وفي يد واحد منهم بيضه يبون يسون نفس العمليه مع غيري
وقفت السياره وحولت لهم اهاوشهم.. مجموعه شردت داخل الممر ومجموعه شردت داخل الفريج
اللي في الفريج شفتهم داخلين في ميلس
وشافهم معاي شباب واقفين في سيارتهم عند بيتهم وفيهم الخير جوا معاي يزاهم الله خير يوم دروا بالسالفه
ورحت ابي اكلم اهلهم الا راعي البيت طالع بيروح صلاة المغرب شرحت له اللي صار
وقلت له ترا مجموعه دخلوا الميلس في بيتك بس ماصدقني
دخلنا معاه الميلس وشفتهم يالسين واللي حذف البيضه قاعد معاهم
قلت له هذولا هم
قال مستحيل عيالي اهنيه من الصبح يالسين !!
وسألهم وطبعا انكروا اي علم بالموضوع ..الشباب اللي جاوا معاي قالوا له انه شفناهم توهم جايين يركضون ويدخلون المجلس !!
الاب للاسف انكر انه عياله يسون هالحركات والولد اللي حذف البيضه سحب نفسه من المجلس وركب دراجته وطار فيها
ويوم قلت له انا شفتهم وشفت اللي حذف البيضه
قالي اللي حذف البيضه ماعلي منه مب ولدي
علي من عيالي .. وطلب مني اني احلف على المصحف اني شفتهم مع بعض يوم يحذفون البيضه
الصراحه انصدمت من تصرف الرجال وقلت له مالوم عيالك اجل اذا هذا هو موقفك
وطلعت ونا اقول خساره فيكم قطر اذا انتوا جيل المستقبل..

واسمحوا لي على الاطاله
عندك وعندى الخير عندى جار اخس من الى شفته يكسرون سياراتنا بالحصى يحذفون بيض مدرى وش سالفت البيض يمكن يظنون السيارة مقلى بيض ولا لفلوس زايده ولا ابوهم قال حذفوا بيض علشان اختكم تتزوج وين اداب الطريق وين حقوق الجار راحت

[فلتة زمانها]

سالفة البيض طالعه موضه اخوي لصغير قبل ملعوزنا بهالسوالف ومحذف مواتر خلق الله وكل شوي ساحبين ابوي المركز والحل الوحيد دخلناه دورة صاعقه واصعقوه عدل

[bu 3li]

الصراحه الابو موقفه سلبي حده .. يعني يجيك الريال ومعاه ناس شايفين اللي صار
وتقول عيالي من الصبح فالمجلس ؟؟ لو ماسكهم ولا ماخذهم معاك المسجد كل صلاه ابرك بدال ما انت مهملهم .. وللاسف رده اتوقع يشجعهم ويقويهم على الاذيه لانهم عارفين انه ابوهم بيحميهم حتى وهم على غلط


ونفس السالفه صايره مع عمي .. ولد جيرانهم يحذف على السياره العاب ناريه لين خرب الصبغ !!!
يعني مادري شيبي يوصل له من انه يحذف عالسياره !!!؟

[burjalburoj]

الله يهديهم
انصح اي واحد بيصير معاه نفس الشي الانتباه الى عدم استخدام ماسحة الزجاج لان ذلك يحجب الرؤية نهائيا

[قطري !]

ليش حكمت علي مستقبل قطر وربط المستقبل ب هؤلاء


الامور الشاذة لا تعمم يأخي


وقطر و اهل قطر فيهم الخير هم واولادهم ان شالله


وهذولا بكرة بيهديهم الله وبيعقلون

[Rider]

اذا انعدمت التربية ياخوي ماذا تنتظر

[بيانو]

ربنا يصلح حالهم

ونرجع ونقول معلش أطفال وكلنا كنا اطفال وكل جيل وعصر له شقاوته واسلوبه

يوم كنا ضعار نلعب فى الرمل ونكون فى غاية السعاده
الحين هم بلاك بيرى ولاب توبات ..... إلخ الزمن تغير

نفس الشىء جالس فى سيارتى مع اهلى من كم يوم والجو حلو وفاتحين الدرايش يوم يجي طفل يمكن 10 سنوات ماشى مع اهله ابوه وامه ومارين من جمب السياره شويه الاقى بنتى صغيره 9 شهور تعيط = تصارخ انا مش منتبه
اسال مراتى فى ايه تقول الولد اللى هناك مع اهله وهو معدي فى يده عصا بتاعت البلونه دي ضرب البنت

!!!!!!!!!!!!!!!!!!!!!!!!!!!!
يا الله

لا حد يقولى وايش سويت يا بيانو == ايش هسوي اذا كان الولد ماشى ويده فى يد اهله وما كلموه ولا حتى قالولوه كده غلط

فضلت جالس فى السياره ولا حول ولاقوه والطفله تبكي ياعينى وانا بعد ابكي من داخلى عليها هالمسكينه

[Bo jassim 33]

انا لو منك وحصل لي هالموقف :


اتربص لهم بالمره اللي يطلعون بها وأدعمه


وأرد لابوه اقوله : ما شفته من تاثير البيضه على الرؤيه

[chillis]

انا لو منك وحصل لي هالموقف :


اتربص لهم بالمره اللي يطلعون بها وأدعمه


وأرد لابوه اقوله : ما شفته من تاثير البيضه على الرؤيه

:eek5::telephone::secret: بيه بيه

[BARBICAN]

لا تحزن ياخوي لا تحزن

واعرف عرف اليقين ان اللي صار بيصير لهم ولو بعد حين

ابد ابد ابد مايضيع في كتاب محفوظ

احس بقهرك لكن كن على يقين انها عند الله كتبت وسوف تصيبهم بموقف ويتذكرونك يوم لا ينفع الندم

الشي اللي به اي اذى لاي انسان سواء مادي او معنوي او ظلم او كلام بعرض هذا اصابته قويه وسريعه

مادري ليش حسيت تعلقيك ماله خص في الموضوع

[زمان]

خسارة فيكم قطر اذا انتوا جيل المستقبل

:eek5:على بيضة :eek5:

:nice: تعال شوف سوالفنا الأولية بيشيب راسك :nice:

:victory:وعموماً أنا مع الخالدي في كلامه :victory:

والله يهديهم جميعاً ويهدينا معهم