ضروري استشاره بخصوص العازل وطلبات السباك...

[r07]

السلام عليكم...
الحمدلله تونا مخلصين من اختبار عازل الحمامات ...جبت السباك عشان يمدد البيبات الارضيه بس قال لازم قبل البيبات نسوي له طبقة بلاستر خفيفه عشان تحمي العازل...

هل كلامه صح ؟؟وكم سمك البلاستر؟

وهل استخدم السمنت الاسود او الابيض؟

سألت المهندس اللي مشرف على البيت قال احنا عادة نستخدم الاسمنت الابيض نخلطه على شكل روبه ونغطي به العازل...
راعي البلاط يقول لي طبقة بلاستر خفيفه ماتنفع ويبينا نسوي طبقه اسمنتيه سمكها 5سم او اكثر؟
المهندس يقول كلام المبلط غلط ...والمبلط يقول ان البلاستر ما ينفع....وانا الصراحه احترت بينهم
ارجو من اهل الخبره او اللي مروا بهالشي انهم يعطوني رايهم باسرع وقت...
جزاكم الله خير

[khaldoon]

و عليكم السلام و رحمة الله و بركاته

طبقة بلاستر 2سم ما تنفع لانها ببساطه راح تتكسر و تتفتت ....يعني لو بتكون بين 2-5 سم بيكون افضل و اقوى

اسمنت ابيض او اسود و بروبه او ببدون روبه ما يفرق طالما السماكه بين 2-5 سم و كافيه مب اكثر

المهندس الظاهر خايف من زيادة الاوزان و الاحمال على ارضية الحمام و بنفس الوقت خايف انه السماكة هذه بتأثر على ارتفاع البلاط ...2-5 سم ما فيها شي

تحياتي

[PGR]

عندي في البيت 2 سم البلاستر على الارضيات لانها لحماية العازل فقط وعقب بيندفن هاي كله

[khaldoon]

عندي في البيت 2 سم البلاستر على الارضيات لانها لحماية العازل فقط وعقب بيندفن هاي كله

قللوا المشي عليها و ادفنوا عليها رمل علشان ما تتكسر ...هي مجرد طبقة حماية فما نبي طبقة ضعيفه رقيقه و لا طبقة سميكه و تأثر على الاوزان و ارتفاع البلاط

[r07]

جزاكم الله خير اخ خلدون و بي جي ار
فعلا المهندس خايف من الوزن ....
خلاص باسوي البلاستر بس احتمال مانقدر نرفع اكثر من 2 سم ...السؤال الحين هل يحتاج البلاستر الابيض او الاسود الى رش بالماي ليوم او يومين او لا؟
وشكرا

[khaldoon]

جزاكم الله خير اخ خلدون و بي جي ار
فعلا المهندس خايف من الوزن ....
خلاص باسوي البلاستر بس احتمال مانقدر نرفع اكثر من 2 سم ...السؤال الحين هل يحتاج البلاستر الابيض او الاسود الى رش بالماي ليوم او يومين او لا؟
وشكرا

اخوي لو ما تم رشه بالماي راح يتشقق و بعدين راح يندفن بالرمل و يتركب فوقه بلاط .....مش مهم لو تشقق المهم انه ما يتكسر و لا يتفتفت ...ينرش يوم او يومين مش مهم طالما السماكة زينة وما يتكسر

خلاص سويه 2 سم لو حبيت و لا تمشوا عليه و ادفنوه بالرمل

[smoker]

السلام عليكم...
الحمدلله تونا مخلصين من اختبار عازل الحمامات ...جبت السباك عشان يمدد البيبات الارضيه بس قال لازم قبل البيبات نسوي له طبقة بلاستر خفيفه عشان تحمي العازل...

هل كلامه صح ؟؟وكم سمك البلاستر؟

وهل استخدم السمنت الاسود او الابيض؟

سألت المهندس اللي مشرف على البيت قال احنا عادة نستخدم الاسمنت الابيض نخلطه على شكل روبه ونغطي به العازل...
راعي البلاط يقول لي طبقة بلاستر خفيفه ماتنفع ويبينا نسوي طبقه اسمنتيه سمكها 5سم او اكثر؟
المهندس يقول كلام المبلط غلط ...والمبلط يقول ان البلاستر ما ينفع....وانا الصراحه احترت بينهم
ارجو من اهل الخبره او اللي مروا بهالشي انهم يعطوني رايهم باسرع وقت...
جزاكم الله خير



مرحبا الشيخ بغيت أسألك عن الووتر برووف العازل من اي شركه وكم المتر والتفاصيل ورقم التلفون الله لايهينك