المساعد الشخصي الرقمي

مشاهدة النسخة كاملة : محـــلات مـــــmacــــــــاك + كانيبــــkaniboــــــو


أم خـالد
19-04-2012, 10:06 AM
السلام عليكم ورحمة الله وبركاته

هالمحلين يبيعون ادوات التجميل ( ميك اب ) في السيتي

بخصوص هالمحلين اللي كل شهر رافعين اسعار بودرتهم

قبل سنه شريت بودره ماك 124 ريال و من 6 شهور شريت بودره ماك 169 ريال وعقب شهرين شريت نفس البودر 189 وامس اروح اتفاجىء بسعرها صار 210 ؟

ونفس الشي مع بودره كانيبو بس هالمره زادت شريتها قبل 6شهور بـ 245 ريال والحين صارت 325 ريال وغير غسول الوجه اللي كان بـ 150 صار بـ 270

شالحل معاهم ؟
nono80
19-04-2012, 10:38 AM
هلا حبيبتي اذا عندج فاتورة السعر اللي قبل كلمي حمايه المستهلك وخلهم يقارنون المدة في السعر ولو اني اغسلت يدي من شي اسمه حمايه المستهلك هذي حمايه التاجر الاسعار كل مالها ترتفع واحنا لاحياة لمن تنادي الله الستعان
V!P
19-04-2012, 11:50 AM
اي ماك مغليين في الاسعار

ومازلنا نشتري منهم

مانتووووووب

=)
تحداني
19-04-2012, 12:32 PM
مسكين هالراتب .. يكسر الخاطر
ما ادري ايش ناويين عليه هالمحلات
يبون يعيشونا تحت خط الفقر



وعليه على ديور وشانيل وافسان لوران
سنوات كانوا عندنا ولا تجرأوا .. وهذيلن كل واحد يقول للثاني من يزود


جملكم الله برضاه
N7eEeS
19-04-2012, 01:01 PM
بل بل بل
اول مره زاد 36%.
المره الثانيه زاد 12%
المره الثالثه 11%.
الزياده من اول مره 69% تقريبا.
اذا الزياده عالمية بنقول مستورده بس اذا داخليه هني المشكله.
كنسلوا ماك
راشد محمد
19-04-2012, 01:06 PM
بل بل بل
اول مره زاد 36%.
المره الثانيه زاد 12%
المره الثالثه 11%.
الزياده من اول مره 69% تقريبا.
اذا الزياده عالمية بنقول مستورده بس اذا داخليه هني المشكله.
كنسلوا ماك


وااااااااااااااااااااااااااااااااااااااااااو
تحداني
19-04-2012, 01:12 PM
مع زياده الاسعار .. ارتفعت نفسيتهم الي اتلوع الجبد
ما ادري على ايش شايفين روحهم
كله من البعض الاكثر من البنات .. علموهم على هالنفسيه


جملكم الله برضاه
طلعة الروح
19-04-2012, 01:24 PM
قاطعي البراند وفهمي العامل بالمحل وجهة نظرج
خليه يفهم انه احنا ناس واعيه وعارفين بالتلاعب اللي حاصل
the notebook
19-04-2012, 02:37 PM
المشكله ان الزياده بس في قطر ،، مب من الشركه نفسها !

يعني فرق بين ماك قطر ودبي ،، وبرع ارخص بوايد بعد :)

واللي تقول للبنت قاطعي المحل ،، اصلا في ماك كل شي مخلص وينزل الكولكشن نفس اليوم يخلص

يعني هم مب خسرانين شي

شوفي موقعهم و تقدرين تطلبين من النت لو كميه ،، لان مايسوا على بودره وحده وبياخذون مبلغ مب بسيط على الشحن

وجيكت على موقع ماك ،، لو تقصدين البودره studio fix powder plus foundation
ب 27$ ,, يعني بالقطري 98 ,, بس اكيد في تاكس عليها ،، بس بعد مع التاكس ماتوصل اول سعر كان ينباع في ماك لها
بصمة قطرية
19-04-2012, 02:48 PM
تصدقين مستحيل آخذ كانيبو من قطر ..
سعرها في السعودية 120 ريال ..!!!!
وفي قطر كل يوم يزيدون السعر ..
السحابة
19-04-2012, 11:49 PM
الحمدلله ماللي في المكياج بيخرب البشرة ياريت تقاطعهم
king fish
20-04-2012, 12:17 AM
انا ممكن اجيبلك من النت اسبوعين وتوصل زيدي تقريبا 40 ريال شحن
وانا اروح اجيبلك الطلبيه
للي تحب
شوفو السعر
http://www.amazon.com/s/ref=nb_sb_noss?url=search-alias%3Daps&field-keywords=studio+fix+powder+plus+foundation+mac
أم خـالد
22-04-2012, 08:35 AM
هلا حبيبتي اذا عندج فاتورة السعر اللي قبل كلمي حمايه المستهلك وخلهم يقارنون المدة في السعر ولو اني اغسلت يدي من شي اسمه حمايه المستهلك هذي حمايه التاجر الاسعار كل مالها ترتفع واحنا لاحياة لمن تنادي الله الستعان

هلا اختي :

كانت عندي وكلمت حماية المستهلك مايسوون شي بس يتصلون ويسألون

ويعطيج العافيه على المداخله الطيبه :)
أم خـالد
22-04-2012, 08:37 AM
مسكين هالراتب .. يكسر الخاطر
ما ادري ايش ناويين عليه هالمحلات
يبون يعيشونا تحت خط الفقر

وعليه على ديور وشانيل وافسان لوران
سنوات كانوا عندنا ولا تجرأوا .. وهذيلن كل واحد يقول للثاني من يزود
جملكم الله برضاه

اي والله زادت من صوب وطارت من الصوب الثاني .. مافي قانون يردعهم مب خايفين ولا حاطين لأي حد حساب والمصيبه مالنا غنى عنهم حتى لو زادو عارفين ان احنا بنشتري :weeping:



اي ماك مغليين في الاسعار
ومازلنا نشتري منهم
مانتووووووب

=)

القطو يحب خناقه :nice:
أم خـالد
22-04-2012, 08:39 AM
مع زياده الاسعار .. ارتفعت نفسيتهم الي اتلوع الجبد
ما ادري على ايش شايفين روحهم
كله من البعض الاكثر من البنات .. علموهم على هالنفسيه
جملكم الله برضاه

شهادة نعتز فيها :d



بل بل بل
اول مره زاد 36%.
المره الثانيه زاد 12%
المره الثالثه 11%.
الزياده من اول مره 69% تقريبا.
اذا الزياده عالمية بنقول مستورده بس اذا داخليه هني المشكله.
كنسلوا ماك


لا الزياده داخليــه مب من الشركة المصنعه للاسف
لمعة الالماس
22-04-2012, 08:43 AM
ما نقدر نطلب من النت !!

ارامكس ما يوصل مستحضرات تجميلية

لو في طريقة ثانية نطلب ونوفر فلوسنا بدال هالمقصه اللي احنا فيها
أم خـالد
22-04-2012, 08:46 AM
8160088]المشكله ان الزياده بس في قطر ،، مب من الشركه نفسها !
يعني فرق بين ماك قطر ودبي ،، وبرع ارخص بوايد بعد :)
واللي تقول للبنت قاطعي المحل ،، اصلا في ماك كل شي مخلص وينزل الكولكشن نفس اليوم يخلص
يعني هم مب خسرانين شي
شوفي موقعهم و تقدرين تطلبين من النت لو كميه ،، لان مايسوا على بودره وحده وبياخذون مبلغ مب بسيط على الشحن
وجيكت على موقع ماك ،، لو تقصدين البودره studio fix powder plus foundation
ب 27$ ,, يعني بالقطري 98 ,, بس اكيد في تاكس عليها ،، بس بعد مع التاكس ماتوصل اول سعر كان ينباع في ماك لها

اي فررررررررررق كبير بين اللي ينباع اهني وبين اللي ينباع برى


قاطعي البراند وفهمي العامل بالمحل وجهة نظرج
خليه يفهم انه احنا ناس واعيه وعارفين بالتلاعب اللي حاصل

قلت لهم وكان ردهم بايخ لو بدك تشتري اهلا وسهلا مش جابرينك على شي
قلت لهم من اللي رفع الاسعار قالت احكي مع اللي المدير والمدير هللا مسافر[/center]
أم خـالد
22-04-2012, 08:48 AM
الحمدلله ماللي في المكياج بيخرب البشرة ياريت تقاطعهم

معقوله في الاعراس والحفلات ماتسوين مكياج حتى لو خفيف ؟ :secret:


تصدقين مستحيل آخذ كانيبو من قطر ..
سعرها في السعودية 120 ريال ..!!!!
وفي قطر كل يوم يزيدون السعر ..

كاينبو اللي في السعوديه تجاري لو تلاحظين العلب مفتوحه مب مسكره وبقراطيسها :nice:
أم خـالد
22-04-2012, 08:49 AM
انا ممكن اجيبلك من النت اسبوعين وتوصل زيدي تقريبا 40 ريال شحن
وانا اروح اجيبلك الطلبيه
للي تحب
شوفو السعر
http://www.amazon.com/s/ref=nb_sb_noss?url=search-alias%3daps&field-keywords=studio+fix+powder+plus+foundation+mac


ياليت والله تسوي فيني خير :) وماقصرت على هالمساعده
the notebook
22-04-2012, 07:36 PM
ما نقدر نطلب من النت !!

ارامكس ما يوصل مستحضرات تجميلية

لو في طريقة ثانية نطلب ونوفر فلوسنا بدال هالمقصه اللي احنا فيها

يقولون " مايوصل " ،، لكني اطلب مكياج و مناكير و كريمات

وكلهم وصلوني الحمدلله
بصمة قطرية
22-04-2012, 07:59 PM
[color="black"]كاينبو اللي في السعوديه تجاري لو تلاحظين العلب مفتوحه مب مسكره وبقراطيسها :nice:

لا حبيبتي بقراطيسها ..
اصلية ..
أم خـالد
23-04-2012, 09:09 AM
لا حبيبتي بقراطيسها ..
اصلية ..

صج حلووووو .. من وين تاخذينها .. اللي قلت لج عنه في شارع الماجد ..
كازانوفا
23-04-2012, 01:02 PM
المشكله ان في دكتوره بريطانيه حذرت وحده قطريه راحت تتعالج من بشرتها في مشاكل ولما سالتها ايش نوع البودره اللى تستخدميها ذكرت لها اسمها كانبو اخذو عينه منها ولقو فيها كمية الرصاص بنسبه كبيررررره جدا وحذرتها من استخدامها والبنت عرضت مشكلها في منتدى قطري معرووووف

انتبهو يا بنااااات
the notebook
23-04-2012, 02:15 PM
مشكله الاسعار في قطر ،، اللي وايد مايعرفونها او يقولون ليش او يعرفون السبب ويطنشون

هي ان اجار المحلات اغلى بقطر من برع ،، فمثلا لو لازم يربحون ٥٠ ريال على اللي بينباع ،، وهم يدفعون اكثر على الاجار و على رواتب الموظفين ،، لازم السعر يزيد عندنا عن برع

لان لازم يربحون ،، ولا ليش يفتحون في قطر ؟؟ بس انتو شوفو بمبدا ان على الاقل ماك موجود في الدوحه ونقدر نشتريه حتى لو بسعر اكثر
ماريسا
25-04-2012, 11:17 AM
قولي لكل فرع تزورينه انج مارح تشترين من ماك قطر بسبب غلاء الاسعار عشان يرفعون هالكلام للادارة و ينزلون اسعار البضاعة اذا مايبون يخسرون..
و انصحج تشترين من دبي كمية
الالماس2005
29-04-2012, 12:49 PM
توني شارية من السعودية جريماس ب 50 وكانيبو ب 100 .. بصراحه انا ما اشتري من قطر حتى الملابس ..قسم بالله ما الحق ..الفلوووس تروح على التموين حق البيت ولا جيت ابي اشتري شي لي خاص او لعيالي اضطر اسافر عشان اقدر اوفر فلوس اخذ كل اللي ابيه .. البيحامات حقت لاطفال اقل من 45 مافيه ونفس البجامة بالكويت بدينار ونص .. وياليت التجار قطريين اكثرهم اجانب ..جشع غير طبيعي في اسواقنا والمشكله لاحسيب ولا رقيب ..
فات الميعاد
10-05-2012, 03:57 AM
في ماركات زينه مثل ماك. . الوده ما تقدر تستغنى عنها. . حتى لو سعرها مرتفع. . ﻷنها نوعية جيدة وكواليتي.
فات الميعاد
لاجل QT
10-05-2012, 04:14 AM
ضيق الله عليهم...انا مايناسبنى غير هالماركتين

المشكلة لو نطلب من برة الشحن غالي ماسوينة شي

حماية المستهلك ...= تفليس المستهلك
أم خـالد
10-05-2012, 08:51 AM
المشكله ان في دكتوره بريطانيه حذرت وحده قطريه راحت تتعالج من بشرتها في مشاكل ولما سالتها ايش نوع البودره اللى تستخدميها ذكرت لها اسمها كانبو اخذو عينه منها ولقو فيها كمية الرصاص بنسبه كبيررررره جدا وحذرتها من استخدامها والبنت عرضت مشكلها في منتدى قطري معرووووف

انتبهو يا بنااااات

مرحبا كازانوفا

كل شي له مضره جات عالمكياج بس على حسب الاستخدام واستخدامي خفيــــف

ويعطيج الف عافيه على التنبيه ماقصرتي
أم خـالد
10-05-2012, 08:53 AM
مشكله الاسعار في قطر ،، اللي وايد مايعرفونها او يقولون ليش او يعرفون السبب ويطنشون

هي ان اجار المحلات اغلى بقطر من برع ،، فمثلا لو لازم يربحون ٥٠ ريال على اللي بينباع ،، وهم يدفعون اكثر على الاجار و على رواتب الموظفين ،، لازم السعر يزيد عندنا عن برع

لان لازم يربحون ،، ولا ليش يفتحون في قطر ؟؟ بس انتو شوفو بمبدا ان على الاقل ماك موجود في الدوحه ونقدر نشتريه حتى لو بسعر اكثر

مرحبا the notebook

يعني الايجار يرتفع والشعب هو اللي يسدد لهم قيمة الايجار !!! على حسابنا حنا !!

ويعطيك الف عافيه ماقصرت :)
أم خـالد
10-05-2012, 08:55 AM
قولي لكل فرع تزورينه انج مارح تشترين من ماك قطر بسبب غلاء الاسعار عشان يرفعون هالكلام للادارة و ينزلون اسعار البضاعة اذا مايبون يخسرون..
و انصحج تشترين من دبي كمية

مرحبا ماريسا :

حسستيني اني لو قلت لهم بتدهور ازمتهم بسبتي هههههههه ولا في بالهم عادي عندهم

وللعلم قلت لهم اللي قلتيه قالولي مافيها مشكله فيكي تاخذيها من مكان غيرنا ان ماحبيتي سعرنا

ويعطيج العافيه ماقصرتي عالمداخله الحلوة :)
وطن
10-05-2012, 08:56 AM
بل بل بل
اول مره زاد 36%.
المره الثانيه زاد 12%
المره الثالثه 11%.
الزياده من اول مره 69% تقريبا.
اذا الزياده عالمية بنقول مستورده بس اذا داخليه هني المشكله.
كنسلوا ماك


الزيادة خليجيا فقط
من الوكيل على حسب علمي
من العام


لكن في العالم لا

عشان جذي قاطعتهم هني وماصرت اخذ منهم

عموما كل شي حتى الكريمات هني اغلى من بره
صرت ما اشتري من هني الا اذا مضطره :(
أم خـالد
10-05-2012, 08:57 AM
توني شارية من السعودية جريماس ب 50 وكانيبو ب 100 .. بصراحه انا ما اشتري من قطر حتى الملابس ..قسم بالله ما الحق ..الفلوووس تروح على التموين حق البيت ولا جيت ابي اشتري شي لي خاص او لعيالي اضطر اسافر عشان اقدر اوفر فلوس اخذ كل اللي ابيه .. البيحامات حقت لاطفال اقل من 45 مافيه ونفس البجامة بالكويت بدينار ونص .. وياليت التجار قطريين اكثرهم اجانب ..جشع غير طبيعي في اسواقنا والمشكله لاحسيب ولا رقيب ..


مرحبا الالماس 2005 :

صح كلامج وحمايه المستهلك راقد عالفاضي مسووين هاللجنه ماستفدنا شي

ويعطيج الف عافيه ماقصرتي
أم خـالد
10-05-2012, 08:59 AM
في ماركات زينه مثل ماك. . الوده ما تقدر تستغنى عنها. . حتى لو سعرها مرتفع. . ﻷنها نوعية جيدة وكواليتي.
فات الميعاد

مرحبا فات االميعاد :

انا تعودت عليه وبشرتي ناسبتها هالبودره ماتسبب لي اي مشاكل بس سببت لي مشاكل في الجيب :cry2:

ويعطيج الف عافيه ماقصرتي
أم خـالد
10-05-2012, 09:01 AM
ضيق الله عليهم...انا مايناسبنى غير هالماركتين

المشكلة لو نطلب من برة الشحن غالي ماسوينة شي

حماية المستهلك ...= تفليس المستهلك

مرحبا لاجل qt :

حسبي الله عليهم وعلى هالطمع كل شوي ويزيدون في السعر عادي الاقيه الحين 400

ويعطيج الف عافيه ماقصرتي
أم خـالد
10-05-2012, 09:03 AM
الزيادة خليجيا فقط
من الوكيل على حسب علمي
من العام

لكن في العالم لا

عشان جذي قاطعتهم هني وماصرت اخذ منهم
عموما كل شي حتى الكريمات هني اغلى من بره
صرت ما اشتري من هني الا اذا مضطره :(

مرحبا وطن :

لا الله يسلمج بقطر ويمكن الامارات بس اما السعوديه زادو على سعره الاصلي 15 او 20 ريال لا كثر والسعر سنين ماتغير مب احنا

وش جابرك على المر قال الامر منه :cry2:
كل ماجا ببالي سفر بالسياره اكنسل السالفه واشتري من الدوحه ابرك من تعب السفر :cry2:
وطن
10-05-2012, 09:07 AM
مرحبا وطن :

لا الله يسلمج بقطر ويمكن الامارات بس اما السعوديه زادو على سعره الاصلي 15 او 20 ريال لا كثر والسعر سنين ماتغير مب احنا

وش جابرك على المر قال الامر منه :cry2:
كل ماجا ببالي سفر بالسياره اكنسل السالفه واشتري من الدوحه ابرك من تعب السفر :cry2:

في الامارات قالوا حق اختي ان الاسعار رفعوها وبترتفع في كل الخليج

عن السعودية ماعندي فكرة

تدرين قبل كنت اطلب من ماك عن طريق ارامكس
وكانت عندهم بطاقة مسبقة الدفع على عنوان امريكي يعني يقبلها موقع ماك
وكانت توصل الأشياء
وأرخص بوايد

بعدها وقفوا البطاقه ومادري شصار عليهم رجعوها او لا
غيمة مطر
10-05-2012, 09:19 AM
من صجكم تاخذون من ماك قطر؟؟؟

سوو مثلي وارتااااحو ...

انا اخذ كميه بودره من الموقع واشحنه بارامكس

قيمة الوحده ب98 ريال
وشحنها لبريد ارامكس مجانا
وشحنها من ارامكس للبيت سعره معقول لو وزعته على كل بودره بالشحنه

بتطلع لي كل بودره بالشحن 115 الى 120 ريال

واخذ كميه اخليهم عندي ارخص واريح

وعلى فكره موقع ماك يقبل بطاقات الفيزا والماستر القطريه عادي
وطن
10-05-2012, 09:22 AM
من صجكم تاخذون من ماك قطر؟؟؟

سوو مثلي وارتااااحو ...

انا اخذ كميه بودره من الموقع واشحنه بارامكس

قيمة الوحده ب98 ريال
وشحنها لبريد ارامكس مجانا
وشحنها من ارامكس للبيت سعره معقول لو وزعته على كل بودره بالشحنه

بتطلع لي كل بودره بالشحن 115 الى 120 ريال

واخذ كميه اخليهم عندي ارخص واريح

وعلى فكره موقع ماك يقبل بطاقات الفيزا والماستر القطريه عادي

صج ؟
أخيرااااااا

لان قبل ما كان يقبل

:ok2:
أم خـالد
10-05-2012, 09:51 AM
من صجكم تاخذون من ماك قطر؟؟؟

سوو مثلي وارتااااحو ...
انا اخذ كميه بودره من الموقع واشحنه بارامكس
قيمة الوحده ب98 ريال
وشحنها لبريد ارامكس مجانا
وشحنها من ارامكس للبيت سعره معقول لو وزعته على كل بودره بالشحنه
بتطلع لي كل بودره بالشحن 115 الى 120 ريال
واخذ كميه اخليهم عندي ارخص واريح
وعلى فكره موقع ماك يقبل بطاقات الفيزا والماستر القطريه عادي

مرحبا غيمة مطر :

حلووووو .. شلون الطريقه شاسوي واللي مثل حلاتي ماتعامل بالفيزا شاسوي ؟

ويعطيج الف عافيه ماقصرتي
غيمة مطر
10-05-2012, 10:18 AM
أم خالد..

لازم تكون عندج بطاقة ائتمان ... لان الموقع هالطريقه الوحيده اللي يقبل فيها الدفع

محد حولج عنده بطاقة ائتمان تعطينه المبلغ وتشترين منها ...؟

والله يعافيج ان شاء الله تاخذينها من النت وتفتكين من ماك قطر
أم خـالد
10-05-2012, 10:38 AM
هلا والله :

عند اهلي مب مشكله بس الطريقه شلون بس احط الرقم وخلاص ؟
the notebook
11-05-2012, 01:20 AM
هلا والله :

عند اهلي مب مشكله بس الطريقه شلون بس احط الرقم وخلاص ؟

الاسم اللي على البطاقه

والرقم

و تاريخ الانتها ،، و 3 ارقام اللي ورا البطاقه
محمد الجفيري
11-05-2012, 01:18 PM
UP up UP

بالتوفيق

جمعة مباركة
تحداني
12-05-2012, 06:41 PM
انا كله في بالي ان الماركات العالميه اسعارها موحده في كل دول العالم مع اختلاف بسيط في سعر العمله بس طلع هالاعتقاد خاطئ .. يا ترى ليش هالفارق الكبير في السعر ؟؟؟ ممكن احد يشرحه لنا



جملكم الله برضاه
sweet qatar
12-05-2012, 10:25 PM
الي يشتغلون هناك نفسية..!!!

اخبرهم يتراكضون وراج اول ما تدشين المحل..



الله يجزيج خير ام خالد نبهتيني على اسعار ماك.. من مدة ما رحت لهم..

ترى مكياج الماركات خصوصا البودرة احسن.. لانه يحتوي على مغذيات للبشرة..

لكن ماك وطقته.. مكياجهم بروفشنال ما يخلي البشرة تتنفس..

صح تغطية بودرة ماك حلوة.. بس ثقيلة.. ممكن تستبدلينها ببيس و اساس وبودرة ماركات..
أم خـالد
14-05-2012, 08:33 AM
انا كله في بالي ان الماركات العالميه اسعارها موحده في كل دول العالم مع اختلاف بسيط في سعر العمله بس طلع هالاعتقاد خاطئ .. يا ترى ليش هالفارق الكبير في السعر ؟؟؟ ممكن احد يشرحه لنا



جملكم الله برضاه

مرحبا تحداني الزمن :

العذر الدايم اختلاف ايجار المحل في قطر اغلى من باقي الدول

هالعذر اللي مزهقنا

ويعطيك الف عافيه ماقصرت
أم خـالد
14-05-2012, 08:39 AM
الي يشتغلون هناك نفسية..!!!

اخبرهم يتراكضون وراج اول ما تدشين المحل..



الله يجزيج خير ام خالد نبهتيني على اسعار ماك.. من مدة ما رحت لهم..

ترى مكياج الماركات خصوصا البودرة احسن.. لانه يحتوي على مغذيات للبشرة..

لكن ماك وطقته.. مكياجهم بروفشنال ما يخلي البشرة تتنفس..

صح تغطية بودرة ماك حلوة.. بس ثقيلة.. ممكن تستبدلينها ببيس و اساس وبودرة ماركات..

مرحبا sweet qatar :

لا انتي اللي تروحين لهم مايجونج الحين ولا يعرضون خدماتهم مثل قبل

ويعطيج الف عافيه ماقصرتي
قطرية فله
18-05-2012, 03:51 PM
ياليت اللي ياخذون كانيبو او ماك او جريماس من السعوديه يعطونا اسامي المحلات اللي هناك

انا وايد احب كانيبوووووو وايد خفيفه ع البشره و تحسينها طبيعيه


وفعلا ملاحظه ارتفاع الاسعار بس شنسوي شر لابد منه
تحداني
20-05-2012, 11:38 AM
مرحبا تحداني الزمن :

العذر الدايم اختلاف ايجار المحل في قطر اغلى من باقي الدول

هالعذر اللي مزهقنا

ويعطيك الف عافيه ماقصرت




الحين يرفعون عليهم الايجار احنه اشعلينا
شي يبط الجبد .. واذا اشتكينا قالوا قاطعوهم
الحين هاذي حاله كل شي انقاطعه


جملك الله برضاه
قطريه أصيله
20-05-2012, 11:59 AM
مثبت كانيبو حول الـ 400 ريال

الفونديشن حول الـ 300 ريال

الباودر المخملي حول الـ 400 ريال

حرام عليهم
طلعة الروح
20-05-2012, 12:23 PM
الحين يرفعون عليهم الايجار احنه اشعلينا
شي يبط الجبد .. واذا اشتكينا قالوا قاطعوهم
الحين هاذي حاله كل شي انقاطعه


جملك الله برضاه


طول ما البدائل متوفرة ليش ماتقاطعونه
قاطعوه وانتوا تضحكون بعد:)
doha2012
20-05-2012, 04:37 PM
,

واشفيها محلات الحسا .. احلى واكثر جوده

المحددات والبرشر والكحل بكل انواعه والوانه ..والظل


سعر ارخص .. جوده وجميع اللي نحتاج له ,



اللي غير الارواج ولا كل حاجه اخذها مناك اذا رحت .. واذا مارحت استخدم ماكس فاكتور

اما ماك ..وكينبو طغت اسعاره على كل الماركات ..


فيه ماركه في البيت الحديث بس ... واخذها من قزاز ... صح غاليه بس ارواجها ولا احلى ,







,
تحداني
23-05-2012, 01:35 PM
طول ما البدائل متوفرة ليش ماتقاطعونه
قاطعوه وانتوا تضحكون بعد:)



صح البدائل موجوده معاج حق
بس في ناس تعودت على شي معين وتلقى ان هالشي وايد يناسبها
فمن جذي قلت هاي حاله كل شي انقاطعهم عليه



,


فيه ماركه في البيت الحديث بس ... واخذها من قزاز ... صح غاليه بس ارواجها ولا احلى ,



,




ممكن اعرف شسمها ؟؟


جملكم الله برضاه
Princess-style
23-05-2012, 07:10 PM
اصلا كل المحلات رافعه اسعارها بسبت الزياده

يخرب بيتهم فاهمين ان الزياده لهم مو لنا
تحدوهآ آلبشر
24-05-2012, 07:35 AM
ههههههههههه
والله حاله ..
صج الراتب يكسر الخاطر مثل ماقلتوو
doha2012
24-05-2012, 08:27 AM
صح البدائل موجوده معاج حق
بس في ناس تعودت على شي معين وتلقى ان هالشي وايد يناسبها
فمن جذي قلت هاي حاله كل شي انقاطعهم عليه







ممكن اعرف شسمها ؟؟


جملكم الله برضاه



مرحبا تحداني الزمن وصباحك جميل بعون الله ,


اسمها collistar


الوانها ولمعتها حلوه .. حتى المحددات حلوه

من البيت الحديث فرع اللاجون ..




,
яέέⓜ
25-05-2012, 12:29 PM
الحل بسيط
كنسليهم
لو كل وحده شافت الارتفاع بالسعر وكنسلت بيتوبون
بس للاسف انتوا راضين
وتشوفون الزياده وتشترون وانتوا ساكتين
واتجون هنا تشتكون
وش تسوي حمايه المستهلك مقابل سكوتكم انتوا ورضاكم باستغلالهم لكم
أم خـالد
28-05-2012, 10:29 AM
ياليت اللي ياخذون كانيبو او ماك او جريماس من السعوديه يعطونا اسامي المحلات اللي هناك

انا وايد احب كانيبوووووو وايد خفيفه ع البشره و تحسينها طبيعيه


وفعلا ملاحظه ارتفاع الاسعار بس شنسوي شر لابد منه

مرحبا قطرية فله :

دلوني على محل سمه ( يـورك ) في شارع الماجد - الحسا

ويعطيج العافيه على المرور :)
أم خـالد
28-05-2012, 10:34 AM
طول ما البدائل متوفرة ليش ماتقاطعونه
قاطعوه وانتوا تضحكون بعد:)

مانقدر :mad:
أم خـالد
28-05-2012, 10:36 AM
الحل بسيط
كنسليهم
لو كل وحده شافت الارتفاع بالسعر وكنسلت بيتوبون
بس للاسف انتوا راضين
وتشوفون الزياده وتشترون وانتوا ساكتين
واتجون هنا تشتكون
وش تسوي حمايه المستهلك مقابل سكوتكم انتوا ورضاكم باستغلالهم لكم

اذا كل شوي بنسوي مقاطعهو نكنسل الشي ماراح نشتري عمرنا كله ..

لازم يشوفون لنا حل لهالزيادة التجار تمادو بشكل فضيع واحنا اللي نضيع لا والله مب على حسابنا يتمادون
بصمة قطرية
07-06-2012, 02:49 AM
مرحبا قطرية فله :

دلوني على محل سمه ( يـورك ) في شارع الماجد - الحسا

ويعطيج العافيه على المرور :)

للتصحيح اختي المحل اسمه ( تورك ) في شارع الماجد
كل زباينه بنات قطر :)
في جنبه محل ثاني تبعهم بعد ...
خيالة قطر
07-06-2012, 12:42 PM
اي والله أنا بعد مستغربه

قبل خذت عندهم من ماك فونديشن ب 80

وآخر مره رحت خذت نفسه ب 140
على ماظن

المهم هم مغلينه ؟ مادري شفيهم
المفروض الاشياء القديمه ينزلون من السعر
فرقاك عيد
07-06-2012, 08:22 PM
مساء الورد

ماك رهيب على البشره بس يدمرها وهذا كلام دكتور

اسعار البودرات عند ماك احس من غيره

بس الي صج ماشي بالنصب كينيبو كانت حوالي 80 وبعد فتره 101 حتى انقهر من سالفه الريال الي ماله داعي وطيروها فوق 140 وبعدين 160 والحين نفسها العاديه بحدود اذا مش غلطانه 260 والي فيها حمايه وخرابيط 300 وشوي

من كم يوم قعدت ادور بالسلام ابي اخذ بودره مب قادره كل مااوقف عند وحده واشوف الالوان واسئل عن الاسعار تطلع نار والقهر لاجات تقنعج بشى تحت البودره ويكون سعره 300 او 400 تلوع جبدج وتروحين تدورين غيرها اخر شئ طلعت بدون لااشتري شئ

بشرتي وايد حساسه ومااعرف اي نوع من البودرات الي ضررها اخف من غيرها الي تقدر تفيدنا بنوع ممتاز واخف ضرر ياليت تعلمنا اي نوع
ابوالكلام
08-06-2012, 05:06 AM
تشترون وبعدين تقولون رفع السعر مب اكل هو الا مكياج يعني عن الدلع وطلبوه من برع
طلعة الروح
10-06-2012, 10:12 AM
مانقدر :mad:

غلط تعودين بشرتج على بروداكت واحد
التنويع زين ودايما توقعي انقطاع الماركه من الأسواق
عشان تقدرين تنوعين بسهولة
طلعة الروح
10-06-2012, 10:16 AM
مرحبا تحداني الزمن وصباحك جميل بعون الله ,


اسمها collistar


الوانها ولمعتها حلوه .. حتى المحددات حلوه

من البيت الحديث فرع اللاجون ..




,


collistar ماركه ايطاليه حلوه
أم خـالد
11-06-2012, 08:54 AM
للتصحيح اختي المحل اسمه ( تورك ) في شارع الماجد
كل زباينه بنات قطر :)
في جنبه محل ثاني تبعهم بعد ...

مشكوره على التصحيح :shy:
أم خـالد
11-06-2012, 08:55 AM
اي والله أنا بعد مستغربه

قبل خذت عندهم من ماك فونديشن ب 80

وآخر مره رحت خذت نفسه ب 140
على ماظن

المهم هم مغلينه ؟ مادري شفيهم
المفروض الاشياء القديمه ينزلون من السعر

و ابشرج بعد الغلوس بـ 160 بدال 115 ولين تقولين لها ليش تقولج

النوعيه تغيرت صارت جوده احلى من أبل
أم خـالد
11-06-2012, 08:57 AM
مساء الورد

ماك رهيب على البشره بس يدمرها وهذا كلام دكتور

اسعار البودرات عند ماك احس من غيره

بس الي صج ماشي بالنصب كينيبو كانت حوالي 80 وبعد فتره 101 حتى انقهر من سالفه الريال الي ماله داعي وطيروها فوق 140 وبعدين 160 والحين نفسها العاديه بحدود اذا مش غلطانه 260 والي فيها حمايه وخرابيط 300 وشوي

من كم يوم قعدت ادور بالسلام ابي اخذ بودره مب قادره كل مااوقف عند وحده واشوف الالوان واسئل عن الاسعار تطلع نار والقهر لاجات تقنعج بشى تحت البودره ويكون سعره 300 او 400 تلوع جبدج وتروحين تدورين غيرها اخر شئ طلعت بدون لااشتري شئ

بشرتي وايد حساسه ومااعرف اي نوع من البودرات الي ضررها اخف من غيرها الي تقدر تفيدنا بنوع ممتاز واخف ضرر ياليت تعلمنا اي نوع


مرحبا فرقاك عيد :

جربي ماكس فاكتور زينه للبشره الحساسه وخفيفه ولو انها ماناسبتني كلش

ناسبت اختي بشرتها وايد حساسه مثلج

اما من ناحيه الملاغه لازم عند كل محل لازم تحرجينهم واذا احرجتيهم خيسو النفس معاج
أم خـالد
11-06-2012, 09:02 AM
تشترون وبعدين تقولون رفع السعر مب اكل هو الا مكياج يعني عن الدلع وطلبوه من برع

شنسوي تعودنا على شي معين مانقدر نغيره .. والمحلات لين تشوف اقبال على شي معين تزيد سعره

يعني مثل سيارات التويوتا اول مانزل الشكل الجديد 2008 كان في اعتراض من شباب قطر على الشكل

واخرتها اغلبيه اهل قطر شاريين السياره مع ان السعر اغلى من قبل بس بعد شريتوه

^
^

ادري ماله خص لكن مثال :nice:
الجوري
11-06-2012, 09:04 AM
ضروري ضروري يصعد الموضوع وتتخذ حمايه المستهلك الاجراء اللازم
أم خـالد
11-06-2012, 09:06 AM
غلط تعودين بشرتج على بروداكت واحد
التنويع زين ودايما توقعي انقطاع الماركه من الأسواق
عشان تقدرين تنوعين بسهولة


جربت ديور

جربت شانيل

جربت ماكس فاكتور

ماناسبتني غير ماركة كانيبو و ماك

وشارمل وايد خفيف على الوجه حلو للمناسبات العاديه بس للاعراس لا
أم خـالد
11-06-2012, 09:08 AM
collistar ماركه ايطاليه حلوه

بـ جرب هالماركة بعد احب اجرب كل شي حتى لو جبت العيد :shy:
أم خـالد
11-06-2012, 09:09 AM
ضروري ضروري يصعد الموضوع وتتخذ حمايه المستهلك الاجراء اللازم


صوتنا راااااح واحنا نتكلم ..

يعني لو يقرون هالموضوع بقولون خبر قديم ندور شي جديد
خوخه
11-06-2012, 09:42 AM
الحل ان نروح ناخذ مكياج من بره احسن ..
اذا ملابسنا و كشختنا يا من الامارات او السعوديه ..

خليهم تجارنا يخيسون بـ بضايعهم .. بس المشكله للأسف على قد ما يرفعون الاسعار .. الزباين يشترون عبالهم فشله اذا قلت غالي خلاص ما ابيه ..!
طلعة الروح
11-06-2012, 11:38 AM
بـ جرب هالماركة بعد احب اجرب كل شي حتى لو جبت العيد :shy:

شوفي بالنسبة للفونديشن الليكويد
جربي clarins ماركة زينة من هالناحية وطبية

لكن نفس ماقالوا الاخوات باقي الاشياء من هالماركة وايد اوكي
انا جربت اللبستكز والآيشدوز واللومنيتنق باودر من collistar وايد حلوين
أم خـالد
11-06-2012, 11:53 AM
الحل ان نروح ناخذ مكياج من بره احسن ..
اذا ملابسنا و كشختنا يا من الامارات او السعوديه ..

خليهم تجارنا يخيسون بـ بضايعهم .. بس المشكله للأسف على قد ما يرفعون الاسعار .. الزباين يشترون عبالهم فشله اذا قلت غالي خلاص ما ابيه ..!


هو مب فشله الله يسلمج كسل لا اكثر وعلى حسب اللي بوديج كل اسبوع اسافر بسوي علي منع سفر عقب :nice:
أم خـالد
11-06-2012, 11:56 AM
شوفي بالنسبة للفونديشن الليكويد
جربي clarins ماركة زينة من هالناحية وطبية

لكن نفس ماقالوا الاخوات باقي الاشياء من هالماركة وايد اوكي
انا جربت اللبستكز والآيشدوز واللومنيتنق باودر من collistar وايد حلوين


وين القاهم في لاجون بس ؟

اهم شي في الحر مايخترب ويتشرخ في الوجه ؟
طلعة الروح
12-06-2012, 12:39 PM
وين القاهم في لاجون بس ؟

اهم شي في الحر مايخترب ويتشرخ في الوجه ؟

بالنسبة للكواليستار فيه في الـ Centre
و في ميرش المول...............

اما ماركة كلارنس متوفرة في كل المحلات الكبرى....
أم خـالد
18-07-2012, 08:56 AM
قبل سنه شريت بودره ماك 124 ريال و من 6 شهور شريت بودره ماك 169 ريال وعقب شهرين شريت نفس البودر 189 وامس اروح اتفاجىء بسعرها صار 210 ؟
؟

مبرووووك نزلو من سعر الماك والسبب مافي اقبال عليه خف الاقبال والظاهر بدو يخسرون

توني شاريته امس

http://im17.gulfup.com/2012-07-18/1342590882821.jpg
بيتي بوب 23
08-11-2012, 12:34 PM
اشترو من النت بكميات كبيره
منها تجاره ومنها تستخدمينها حقج
كازانوفا
12-11-2012, 07:39 AM
حسبي الله ونعم الوكيل فيهم وباسعارهم
كازانوفا
12-11-2012, 07:40 AM
مبرووووك نزلو من سعر الماك والسبب مافي اقبال عليه خف الاقبال والظاهر بدو يخسرون

توني شاريته امس

http://im17.gulfup.com/2012-07-18/1342590882821.jpg


هههههههههههههههه
يعني بايدهم يعلو وينزلوووووو خخخخخخخخخخخخ
يستاهلو ما جاهم
أم خـالد
12-11-2012, 09:51 AM
اشترو من النت بكميات كبيره
منها تجاره ومنها تستخدمينها حقج

شلون اضمن انه من النت مب تجاري عقب يعتفس ويهي !!
أم خـالد
12-11-2012, 09:54 AM
هههههههههههههههه
يعني بايدهم يعلو وينزلوووووو خخخخخخخخخخخخ
يستاهلو ما جاهم

وعلى فكره سعرهم اقل من هالسعر الماك كان 95 ريال وشوي شوي بدى يرتفع .. لو حمايه المستهلك تصحى شوي من رقادها كان ماشفتي تلاعب في الاسعار
كازانوفا
13-11-2012, 07:25 AM
وعلى فكره سعرهم اقل من هالسعر الماك كان 95 ريال وشوي شوي بدى يرتفع .. لو حمايه المستهلك تصحى شوي من رقادها كان ماشفتي تلاعب في الاسعار

بصراحه يا ام خالد بودرتهم حلوه ولا يعلى عليها
بس بالنسبه ل كانبو من ساعه ما قالت دكتوره المانيه في بريطانيه انه اكثر فونديشن فيه نسبة رصاص تموت الخلايا اللى بالبشره وقفت عنها صارلي اكثر من 5 سنين وانوع بالكريمات والبودرات

الله يكون بالعون
نوار قطر
14-11-2012, 09:14 AM
عمري ماخذت من ماك دووم اخذ غيرلان او سان لوران والاكثر غيرلان واسعارهم غاليه يعني انا خذت بودره وفونديشن وبلاشر طلع علي اقل من ال900 بشوي وبخصم لانهم يعرفوني عطوني خصم بس من فتره وحده امدحت لي ماك قلت بجربها رحت خذت فونديشن وبودره طلعو ال2 اقل من 300 ريال استغربت اسعارهم البودره كانت ب142 او 148 والفونديشن نفس الشي يمكن نوعية البودره الي خذتها تختلف عن الي خذتيها
بصمة قطرية
14-11-2012, 04:35 PM
بصراحه يا ام خالد بودرتهم حلوه ولا يعلى عليها
بس بالنسبه ل كانبو من ساعه ما قالت دكتوره المانيه في بريطانيه انه اكثر فونديشن فيه نسبة رصاص تموت الخلايا اللى بالبشره وقفت عنها صارلي اكثر من 5 سنين وانوع بالكريمات والبودرات

الله يكون بالعون

طول عمري استخدم كانيبو سنين طويلة
والحمدلله ما انضرت بشرتي اللهم لك الحمدو الشكر
بالعكس ماك ثقيل وايد
كلش ما حبيته ،،
يعطي طبقة ثقيلة على البشرة
عكس كانيبو طبيعي و خفيف ،،
كازانوفا
15-11-2012, 08:04 AM
طول عمري استخدم كانيبو سنين طويلة
والحمدلله ما انضرت بشرتي اللهم لك الحمدو الشكر
بالعكس ماك ثقيل وايد
كلش ما حبيته ،،
يعطي طبقة ثقيلة على البشرة
عكس كانيبو طبيعي و خفيف ،،


ايش نسوي يا بصمه قالولنا يمين رحنا يمين
قالولونا يسار رحنا يساااار

امعه طلعنا باخر حلقه :nice:

سبحان الله كل شي يفرق من شخص للثاني بس انا بعدت عنها لانها من وحده ثقه
Cooki
26-11-2012, 04:56 PM
... بودرة ماك كانت ب120
وشيكت العلبه الجديده اليوم فاتحتها 148 بس
مادري متى شريتها يمكن من 6 شهور .. واذا الحين 200 وشوي
يخرب بيت العدووو .. صج اللي قاصين علينا

حسبي الله عليهم
نوفة قطر
23-12-2012, 09:07 AM
اي مو احنا في قطر قاعدين على كنز ناخذ منه ومايخلص !

انا عيبي اشتري وما اجيك اذا السعر اختلف والا لا .. بس شكلي عقب ماقريت مواضيع هالقسم ببدا احاسب واشوف

حتى بودي شوب قبل كم يوم كنت رايحه اشتري واسولف مع اللي تبيع قالت لي قبل شوي عندي زبونه بحرينيه ادور الكريم الفلاني لان مخلص فالبحرين ويوم حصلته شرت واحد بس لان محلنا اهني اغلى من المحل فالبحرين

فتحت عيني الا تقول اي بس الكواليتي نفس الشيء :eek5: يعني زادت الطين بله

دام نفس الكواليتي ليش عندنا فقطر اغلى ؟

-
أم محمد 90
29-01-2013, 11:16 AM
اخبر شهر 8 رحت اشتري باودر قالت لي اليوم اخر يووووم من بكرة بنرفع الاسعار اشتري كل ماتحتاجينه !
لؤلؤ و مرجان
29-01-2013, 07:27 PM
شوفوا سعرها في موقع امازون واحكموا بنفسكم!!!!
http://www.amazon.com/s/?_encoding=UTF8&camp=1789&creative=390957&field-brandtextbin=M.A.C&linkCode=ur2&node=3760911&tag=210110-20
اناقه
29-01-2013, 08:32 PM
الحل هو المقاطعة

دام انكم محتجين ليش تشترون احقروهم خل يخسرون يومين و يتعلمون الادب.

و اشترو البراند من برع لان اللي قاعدين يسوونه نصب في نصب
أم خـالد
20-02-2013, 01:22 PM
... بودرة ماك كانت ب120
وشيكت العلبه الجديده اليوم فاتحتها 148 بس
مادري متى شريتها يمكن من 6 شهور .. واذا الحين 200 وشوي
يخرب بيت العدووو .. صج اللي قاصين علينا

حسبي الله عليهم

مرحبا اختي :)

سعر ماك ثابت لين الحين ماتغير من يوم ماشتكوو عليه رجع سعره لـ 142

لكن كانيبووو حدث ولا حرج يرفعون على كيفهم وينزلون على كيفهم
أم خـالد
20-02-2013, 01:24 PM
الحل هو المقاطعة

دام انكم محتجين ليش تشترون احقروهم خل يخسرون يومين و يتعلمون الادب.

و اشترو البراند من برع لان اللي قاعدين يسوونه نصب في نصب

اختي انا ماعندي مشكله لو اشتريه من برى لكن لا قدر الله صار بوجهج شي

شلون بتشتكين على محل خارجي !!! لكن بـ قطر تقدرين تاخذين حقج وانا صارلي هالشي والحمدلله التهاب بسيط

بس تعالجت منه على حساب المحل في افضل مستشفى للجلديه وهم اللي دلوني عليه عشان ماينفضحون :)
باراكودا
08-03-2013, 08:12 PM
خذي من السعودية كمية تكفيج خمس سنوات .
الدمعه
21-03-2013, 04:38 PM
من حوالي سنه أو أكثر وانا مقاطعه ماك ،،،

كان مكياجهم من أحسن مايكون فجأة صار وجهي يحسس منه كأني شاريه شي تقليد ،،،

والعلبه كانت جديده بس مادري شكيت في المنتج حسيته تقليد من تايلند :secret: