الي عندهم أطفال حديثي الولادة يعرفون الحليب ابيتاميل

[قطري مفلس]

السلام عليكم

اتعرفون حليب ايبتاميل للأطفال ......79573

طبعا اللي عندهم أطفال حديثي الولاده يعرفونه عدل ...

تبهدلت مع سعره ،، في كل مكان احصل سعر غير عن المكان الثاني


في اللولو ب 33 ريال
في كارفور 34 ريال
في الصيدليات ب 40 ريال
في الميرة ب 39 ريال

طبعا سألت أصحاب المحلات وكل واحد يعطيني رد غريب عجيب ...


حماية المستهلك وينهم ... الرقابة على الاسعار وين ؟؟؟

اتصلت ولا في فايده نفس الشي

يمكن واحد يفكر ويقول بل جات على ريال ولا على ريالين (( اذا سكتنا بتم التمادي ولعب الاسعار على كيف التجار وبتروح علينا ، وتفرق اذا كنت تشتري كيمة وعندك اكثر من ثلاث أطفال ))

هذي بس بضاعة وحده نقطة في بحر من باقي البضايع اللي ماندري عن صحة سعرها

الله المستعان

^_^

[المدريدي]

أي اعرفه في العادي والكمفورت ومعروف ان في الصيدليه اغلى بس جودة الي في الجمعيه افضل

[حسن الاحمد]

انا اشتريه من الميرة‏↳‏

[Riku3]

نفس حليب نان .. كان بسعر وصغروا العبوة وتم نفس السعر وبعدها زادوا السعر وعقبها نقصوا السعر ..

الي يضحك ان كل مكان سعره غير .. واخر مره شريته من جمعية جراند مارت بأقل من سعر الجمعيات @_@ .

[Lollipop]

هاي شي معروف حليب نان ممكن تحصله ب 35 او 37 او 32 ريال

[أنت]

خل القرعاااا ترعااااا

حليب 40

حفاضات الله يعزكم 80 رقم 3

وياخذون تقيم امتياز من حمايت المستهلك

[لينا]

اي عيال خواني يشربونه

تخرعت حسبت فيه شي

بالنسبه لسعره فعلا متغير بين مكان ومكان

زوجات خواني ياخذون من كارفور الجمعيه حقت الاطفال

مره وحده الحليب والحفضات بيبي جوي ممتازه جوده وسعر

بس بعد تطلع الجمعيه غاليه على الاقل 1000 كل واحد


الله يعين صراحه الي عنده ثلاثه فوق بعض وحكومي.

[@الأدعم@]

المفروض حليب الاطفال والحفاظات سعرها واحد ومايتغير

[تحداني]

غريبه وايد
ان في اللولو ارخص من الميره
اخبر الميره تدعمها الدوله .. وتكون عليها رقابه اوسع واكبر


من كل مكان يشفطون فلوسنا
مسكين هالراتب


جملك الله برضاه

[الحال مايساعد]

ان في اللولو ارخص من الميره
اخبر الميره تدعمها الدوله .. وتكون عليها رقابه اوسع واكبر



الميرة من اغلى المجمعات
وحاليا أرخص مجمع "مسكر"

[تحداني]

انا هذا الي كنت اقوله
بس كانوا الناس يعترضون على كلامي ... وصار استفتاء في قسم حمايه المستهلك والبعض الاكثر قال الافضل " الميره "


جملك الله برضاه

[مهرة]

يعطيك العافيه اخوي فعلاً صادق بكلامك هالحليب بالذات وااااايد يلعبووون بسعره وفي محل ستاند بالمرخية يبيعونه 36 وبكل مكان يفرق عن الثاني على كيفهم وخاصة ابتاميل كمفورت حق الحساسية اغلى من العادي مستغلين حاجة بعض الأطفال .. انا تعبت على مالقيت الي يناسب بنوتي لا من سيميلاك ولا بروجرس لين مانصحني الدكتور بحليب الأبتاميل .. وااااايد ممتاز هالحليب .. والله يعينا من التجار ومن سمردحة حماية المستهلك ..

[قطري مفلس]

أختصر لكم الطريق ..... أرخص مكان حصلته يبيعه ( اللولو أكسبريس )) ب 34

قريب من بيت الوالدة وبالصدفة مريت عليه وخذت أغراض البيت وحصلته أرخص واحد ابتاميل ( الكومفورت) علامته ذهبية ... المجمع صغير وموجود في منطقة الناصرية ...

بس ما اعرف اوصف لكم المكان بالضبط ،،

^_^

[بصمة قطرية]

وينهم حماية المستهلك .. !!!
نبيهم مرة يكونون اسم على مسمى ..!!

[الأصيلة]

إلا اخبار ها الحليب زين وتنصحونا فيه لمولودنا الجديد المنتظر...

[مضارب دوسري]

افضل حليب هو نوفالاك صحي جدا وخفيف علي معدة الطفل ومايجيب الامساك
وسعره 29 للعادي
و 35 للامساك

[ولد ازغوى]

انا لاحظت الصيدليه دايما تكون اغلى مب بس في الحليب حتى البامبرز
قمت ما اشتري منها

[@الأدعم@]

افضل حليب سيميلاك ومستشفى النساء والولاده يعطونه للمواليد

[ولد ازغوى]

مافي شي افضل من شي بس فيه انواع تناسب ناسب وانواع ما تناسبهم

سيميلاك ابد ما ناسب عيالي

[الالماس2005]

الله يرحم امهاتنا لاول طبيعي .. نصيحه اللي تقدر ولا هي موظفه عليك بالطبيعي .. الا اذا نشف ..الله يعينك ..انا كنت اساعد ولدي ب نوفولاك ( حليب صناعه فرنسيه )..كان ب 29 وزاد 32 وعقب 35 وافتكيت وقلبته على النيدو وارتحت ..الحين بس مرتين بس يشرب الحليب صبح وبالليل ..

[النواخذة]

لاحول اللة لين متي الاستغلال

[ام مروان]

حتى انا اجيب حليب نالن من الميره اغلى شى احصله فى مسكر ارخص ب4 ريال
حتى حفاضات هيجس بشتريها من مسكر ارخص من الميره ريالين