** اعلان غريب للقضاء عالعنوسة **

[ضوى]

وانا اتصفح الدليل الشامل التابع لجريدة الراية ص 18 ، شد انتباهي اعلان للقطريين فقط !!!


والاعلان هو بإذن الله القضاء على العنوسة !!!


ج --------


في احد يتزوج بهالطريقة التجارية ؟؟

[R 7 A L]

شلون يعني بيساهمون ويساعدون في المهور

[فلتة زمانها]

شكلها خطابه جديده وقاعده تسوي لنفسها دعايه
ترا وايد بنات يروحون لهم بالخش

[قطرية كشخه]

ليش تجارية ؟!!

يمكن هاي خطابة وتبي الخير ..
وترا في ناس يتزوجون عن طريق الخطابات وسعداء ومرتاحين بحياتهم وهالاعلانات من زمان نشوفها مو توها .. مادري وين المشكلة:secret:

ليش نفترض سوء النية دايما !!

[حسن]

وش يسون بنات يبون الستر الله يستر عليهم

[ضوى]

ليش تجارية ؟!!

يمكن هاي خطابة وتبي الخير ..
وترا في ناس يتزوجون عن طريق الخطابات وسعداء ومرتاحين بحياتهم وهالاعلانات من زمان نشوفها مو توها .. مادري وين المشكلة:secret:

ليش نفترض سوء النية دايما !!

مافي سوء نيةاخوي

قبل كنا نشوف صراحة خطابة وتحط رقمها ، والخطابة تسعى للجميع مش للقطريين فقط :)

محد انتقص من عمل الخطابة عالعكس تماما بس ليش الاعلان ماذكر انها خطابة بصريح العبارة ؟

[ضوى]

شلون يعني بيساهمون ويساعدون في المهور

بالضبط هذا اللي تبادر لذهني

[ضوى]

شكلها خطابه جديده وقاعده تسوي لنفسها دعايه
ترا وايد بنات يروحون لهم بالخش

وليش بالخش اختي ماشوف فيها شي ابدا ، بس ليش ماتقول انها خطابة او خطاب :( بما انه للقطريين وليس القطريات :)

[ضوى]

وش يسون بنات يبون الستر الله يستر عليهم

الله يستر عالبنات كلهم يااااااااااااااااااااااااااااااارب

[لينا]

لا هذا الظاهر الوحده ترسل sms للوسيط

تطلب رجال وتكتب مميزات خياليه

نفس الي يرسل يبي وظيفه

الله يصلح الحال بس

[حبر وقرطاس]

كل من دخل كتب الله يستر عالبنات كنهم طاحوا في مصيبه والريل بيجيب الفرج
لا يبه ما هكذا تورد الابل
قولوا دعوه افضل من هذي
قولوا الله يوفقهم للزوج الصالح ويعطيهم على نيتهم يارب
والاعلان طريقته هي حركه اعلاميه لشد الانتباه وفتح باب للتساؤل من اجل المتابعه والتقصي لنشر الخبر بسرعه ..وباين فيه خير كبير ..بس الله يصلح اللي يشوف للدنيا بمنظار اسود وعلى اساسه يبني تساؤلاته

[بنت امي]

قال تعالى

(وقال ربكم ادعوني استجيب لكم )

ويقول ايضا

(واذا سألك عبادي عني فأني قريب أجيب دعوة الداع اذا دعاني )

:)

[فلتة زمانها]

ضوى من الي بيرضى انه اخته والا بنته تروح لخطابه
شبيقولون هاذي مفجوعه عالزواج والا بايره
والخطابه مسويه اكشن في دعايتها
الله يرزق كل عانس ومطلقه بزوج صالح فالدنيا
واذا مالهم نصيب في الاخره ان شاءالله في الحياه الابديه

[ضوى]

لا هذا الظاهر الوحده ترسل sms للوسيط

تطلب رجال وتكتب مميزات خياليه

نفس الي يرسل يبي وظيفه

الله يصلح الحال بس


لا اختي مب هاي اللي يصير

الامر انها خطابة لكن ماصرحت

[بوخالد911]

اسلوب مبتكر من خطابة جديدة
لشد الانتباه

والله اعلم

[حسن]

ضوى من الي بيرضى انه اخته والا بنته تروح لخطابه
شبيقولون هاذي مفجوعه عالزواج والا بايره
والخطابه مسويه اكشن في دعايتها
الله يرزق كل عانس ومطلقه بزوج صالح فالدنيا
واذا مالهم نصيب في الاخره ان شاءالله في الحياه الابديه

اعتقد مافيها شي لو ادور حق بنتي زوج من قريب ولا صديق وعرضت عليه ولا اخ ويشوف
صدق ولا قريب ويبي يتزوج ويعرض عليه
اعرف واحد من هل قطر المعروفين وعنده ثروه بالمليارات وكم مره في مجلسه يقول
اللي يبي يخط من بناتي حياه الله مانرده ولا نبي شي لو بثيابه
يقول الناس يفكروني اني اطلب فلوس ولا يقولون هذا على ثروته اكيد مب ميوز بناته
وكم واحد شفت غيره عرض على لخوي الاصغير
لازال عند بعض العرب صفات وماقف زينه بس خل يظهروون منها بعض الناس الامور بتسير
طيبه وترك الشروط اللي مالهاداعي ابرك

[khaldoon]

الله يفرج هم كل عازب و عازبة و يزوجهم كلهم يااااااااااااااا رب

[فلتة زمانها]

حسن كلامك عدل بس احس انه يقلل من قدر بنته لما يعرضها
لازم نغير نظرتنا :(

[تحداني]

لو كل اخ وكل اخت وكل صديق فكر في الثاني
ماظل عزوبي في الدنيا .. لكن سبحان الله حتى في الزواج حقد وحسد وغل
ويستخسرونها على الناس .. سبحان الله زمن اعوذ بالله من شرور الناس فيه
وزمن البعض الاكثر ما يتمنون الخير لبعض حتى في ان واحد يلقى له بنت ناس
او العكس


ما ادري عن الاعلان الغاليه ضوى
لكن في بنات حدتهم الدنيا وفي شباب صكت فيهم الابواب وما لقوا حد يساعدهم

جملكم الله برضاه

[تحداني]

حسن كلامك عدل بس احس انه يقلل من قدر بنته لما يعرضها
لازم نغير نظرتنا :(




اشلون نغير نظرتنا .. يعني تخيلي اخوج خوش ولد
واخلاق وسمعه طيبه .. وحياته مرتبه وعدله .. ما راح ادورين له بنت الحلال

واذا عندج اخت نفس الشي .. واتعرفين ان صديقه العمر عندها اخ يدور على بنت
ما تعرضين عليها انها تتزوج اختج ..

وين العيب في الموضوع
بالعكس انتي قاعده اتقدمين لها زوج صالح طيب من بيت طيب


جملك الله برضاه

[حسن]

حسن كلامك عدل بس احس انه يقلل من قدر بنته لما يعرضها
لازم نغير نظرتنا :(

ولله ياختي لايقلل من قدرها ولاشي هذه بعض الناس ماخذه المفاهيم غلط
البنت مالها الا الزواج وتكوين اسره وتعيش حياه سعيده مع عيالها شفت واشوف
الكثير من اللي كانو يرفضون المتقدمن لهم بحجه تكمل دراستها والححين لما اشتعل
الراس شيبا تظظرب اخماس واسداس الزواج مايمنع اي حد من شغله ولا تكمل تعليمها

[راشد محمد]

اعتقد مافيها شي لو ادور حق بنتي زوج من قريب ولا صديق وعرضت عليه ولا اخ ويشوف
صدق ولا قريب ويبي يتزوج ويعرض عليه
اعرف واحد من هل قطر المعروفين وعنده ثروه بالمليارات وكم مره في مجلسه يقول
اللي يبي يخط من بناتي حياه الله مانرده ولا نبي شي لو بثيابه
يقول الناس يفكروني اني اطلب فلوس ولا يقولون هذا على ثروته اكيد مب ميوز بناته
وكم واحد شفت غيره عرض على لخوي الاصغير
لازال عند بعض العرب صفات وماقف زينه بس خل يظهروون منها بعض الناس الامور بتسير
طيبه وترك الشروط اللي مالهاداعي ابرك

يعطيك العافية اخوي حسن على الكلام الطيب

[N7eEeS]

حسن كلامك عدل بس احس انه يقلل من قدر بنته لما يعرضها
لازم نغير نظرتنا :(

ماعتقد بالعكس الواحد يعرف بنته ويتمنى لها الرجال اللي فيه خير وماهوب عيب اذا خطب لها.
والله اعرف ناس يملكون الملايين ومزوجين بناتهم ناس عاديين وهم متكفلين بكل شي على اساس يشوفون بناتهم سعيدات والحمد الله على فضله.

[بوحمد111]

الله يرزق بناتنا الازواج الصالحين

وشغلة الخطابه موجوده من زمان ولكن في هذا العنوان اسلوب مبتكر وجديد والله يسوي اللي فيه الخير والصلاح ويزوج كل بنت طموحة بتكوين اسره ومن بعدها الاستقرار والحياة حلوه بحلوها ومرها

تحياتي

[فيزيائية]

الله يزوج بناتنا الأزواج الصالحين
وابناءنا الزوجات الصالحات

[لاجل QT]

وين نص الاعلان...؟؟

زين يمكن جهة توي دورات او محاضرات ؟؟؟

[الصغيره]

المشكله ان اللي حاطين الاعلان اسماءهم ما دل قطريين ام ........ وابو...... مدري من معطيهم تصريح ههههههههههه

[امـ حمد]

الله يستر على بناتنا وبنات المسلمين

[الشيخة شيوخة]

وش يسوووووون لان الى حواليهم مايسووون خير يعنى الصديقه لما يكون عندهاصديقه او معاها في العمل وتعرف انها عانس او مطلقه وتعرف ان هناك شخص يدور مره ويمكن يطلب منهم يدورون له بس يتجاهلون ويقلووون مالنا خص يدور بنفسه علشان كذا يلجاون للخطابه والله يابخت من وفق راسين بالحلال بس الخطابه هدفها الربح المادى لويكون عن طريق المحاكم الشرعيه يكون فيه مكتب خاص لمثل هذا الموضوع كان افضل وبلاش يعنى بدون فلوس

[ضوى]

الله يوفق كل بنت ويرزقها الزوج الصالح ان شاء الله

[حسن]

وش يسوووووون لان الى حواليهم مايسووون خير يعنى الصديقه لما يكون عندهاصديقه او معاها في العمل وتعرف انها عانس او مطلقه وتعرف ان هناك شخص يدور مره ويمكن يطلب منهم يدورون له بس يتجاهلون ويقلووون مالنا خص يدور بنفسه علشان كذا يلجاون للخطابه والله يابخت من وفق راسين بالحلال بس الخطابه هدفها الربح المادى لويكون عن طريق المحاكم الشرعيه يكون فيه مكتب خاص لمثل هذا الموضوع كان افضل وبلاش يعنى بدون فلوس


عزالله صدقتي للاسف الكثير من البنات عندنا يتجنبون المساعده لبني جنسهم
تقولين كره وحقد مابين ذا النسوان الله يهديكم بس تعلمتو ودبرتو

[chillis]

هههههههه ضحكني الموضوع صراحه لا حول ولا قوة الا بالله

[ضوى]

عزالله صدقتي للاسف الكثير من البنات عندنا يتجنبون المساعده لبني جنسهم
تقولين كره وحقد مابين ذا النسوان الله يهديكم بس تعلمتو ودبرتو

ليش تسميه حقد وكره اخوي حسن ؟؟؟

ليش ماتسميه حرص انه مايكون شي خطأ بالموضوع ؟ يعين اوفق بين اثنين ولو صار خلاف بينهم بيقولون كله منج انتي السبب صح والا لا ؟

[مسفر2]

ماجابوووووا طاري المسيار في الاعلان ,,؟

اذا له طاري عطوني الرقم

[تحداني]

ليش تسميه حقد وكره اخوي حسن ؟؟؟

ليش ماتسميه حرص انه مايكون شي خطأ بالموضوع ؟ يعين اوفق بين اثنين ولو صار خلاف بينهم بيقولون كله منج انتي السبب صح والا لا ؟




صباح الخير على الجميع

الغاليه " ضوى " لا تكون انطباعاتج ابهالطريقه على من يوفق راسين بالحلال
نجاح الزواج او فشله " بيد رب العالمين " والانسان الي يسعى للخير
رب العالمين بإذن الله راح يوفقه فيه
احزن وايد لما القى بنات بيئتهم بسيطه في العلاقات الاحتماعيه ومن اسره محدوده .. وما ايعرفون وايد ناس .. وما تلقى صديقه ولا زميله ولا جاره تسعى لها

ايش المانع اسعى لبنت جاري .. وايش المانع ادور لولد صديقتي
وايش المانع زميلاتي في العمل لو اعرف ناس ما ارشحهم
زمان الوالده تقول ماكانوا يرضون بنت تكون قاعده في البيت بدون زواج
حتى المطلقه والارمله مستحيل تتم بدون زوج

هالايام البنات اكثروا ابشكل خيالي .. وعدوا الثلاثين .. ولاحد درى عنهم
الزواج حق من حقوق الانسان .. ومطلب للجميع .. وحلو الوحده تسعى للخير
وحلو اكثر ان يكتمل السعي بزواج

انا زوجه اخوي رشحتها لنا وحده من البنات ..
وعندنا بنات دوروا حق بنات

لو كل وحده شلت الانانيه من داخلها وانا ما اقصدج والله ما تمت بنت مب متزوجه
وفي كثير من الشباب ما عندهم الا شروط عاديه وممكن يتنازلون عنها لو جى الخيار من اهلهم ومن معارفهم


جملك الله برضاه

[الهاجري 2]

ليش تجارية ؟!!

يمكن هاي خطابة وتبي الخير ..
وترا في ناس يتزوجون عن طريق الخطابات وسعداء ومرتاحين بحياتهم وهالاعلانات من زمان نشوفها مو توها .. مادري وين المشكلة:secret:

ليش نفترض سوء النية دايما !!

سوء النيه ولا سوء واقف هههههه :secret:

سوري حبيت اعطي موضوعك نكهه حلوه ولكن هذي طريقة تجاريه والناس ارزاقها بيد رب العالمين وصح هذي طريقه قديمه :)

اسف عالاطاله :shy:

[حسن]

ليش تسميه حقد وكره اخوي حسن ؟؟؟

ليش ماتسميه حرص انه مايكون شي خطأ بالموضوع ؟ يعين اوفق بين اثنين ولو صار خلاف بينهم بيقولون كله منج انتي السبب صح والا لا ؟

يمكن خاني التعبير ويمكن من اللي اشوفه من الكثير من الناس صار مايبي يساعد حتى في امور فيها اجركبير وصار البعض يتهرب من اي شي ليش ماكان المجتمع القطري بهل الطريقه يوم كان الفقر هو السائد
اما الحين يوم الناس زاد الخير عندها قلت بركتها هذا مايحز في النفس
وصارو الحريم حساسات الى درجه ماخبرناها من قبل
يمكن كان ردي قاسي وابيه يقون قاسي في بعض الاحيان مهب من نذاله
الا من حبي لهم وخوفي عليهم وانا رجل ولما اشوف بعض التصرفات
اللى ماتجوزلنا لازم نغيرها ومهب عيب انا استفدت الكثير من امثالك وغيرك
ولكم الشكر ولا اكابر ولا انكر
وعلى فكره لما قريت موضوع خليفه بخصوص المدير هل هو مره ولا رجل
استغربت من المدافعين اللي في كل موضوع عن النساء
انهم خذلوها ويبون رجل
مادري ليش الكثير متاقضين حتى من بنو جنسكم ماتبونها هذا اللي قهرني
انه كرجل ويمكن ردي كان على هذا الاساس
اتمني ان الخير للجميع وهذا ماعروفو به عيال نفيع والزمان مايغيرنا
وانا اويد كلام تحداني ومعاها في كل اللى قالته واشكرها الشكر الكثير
على ارائها القيمه في جميع المواضيع
والله يكثرمن امثالها وامثالك وهذا راي يكون يمكن يكون خطا ويمكن يكون صح

[مثمن معتمد]

المفروض الدولة تدعم التعدد للقضاء على العنوسة