قرض بنك التنمية

[شيخ القبيلة]

السلام عليكم ورحمة الله وبركاته
أخواني واخواتي الكرام
بالنسبة لقرض بنك التنمية هل في اخبار عن زيادة القرض اكثر من مليون وميتين الف
اللي عنده اخبار اكيدة لايبخل علينا وشكراً .:)

[رجوان]

سمعت انه موضوع دراسه للآن وماطبقوه وللتاكيد اتصل على بنك التنمية

[كراج فورملا1]

نتمنى نسمع اخبار حلوه من مصدر موثوق منه

[شموخ دائم]

,

,


مرحبا


اخوي الكريم

مافي شي رسمي نهائيا وكل الكلام مجرد اشاعات
والاحسن الانسان يخطط لبيته على القرض الحالي بدون زياده
صحيح الانسان يتمنى الاحسن بس الامنيات في علم الغيب
ياريت كل المقبلين على البناء انهم يخططون على المليون ومئتين
تجنبا للمشاكل

وانا بداخلي اتمنى يزيدون الشباب يستاهلون كل خير


بالتوفيق لك

,

,


اخوك

شموخ دائم

[بوخالد911]

لا زيادة حتى الساعة

والله يوفقكم

[Abdulraman]

انا سألتهم وقالوا مافي شي جانا بخصوص هذا الخبر وقلتلهم اذا زادوا القرض هل انا معاهم علما باني خذت الدفعه الثانيه من القرض قالوا نعم اذا صدر القرار تكون من ضمنهم

[alwahesh]

ان شاء الله في زياده 600 الف شرط اجمالي الاقساط ما تتجاوز 75 % من الاساسي والاجتماعيه

بما فها الفيزا والماستر والشيكات الشخصيه

وشهر 6 ان شاء الله مع الميزانيه الجديده للدوله

[PGR]

ان شاء الله في زياده 600 الف شرط اجمالي الاقساط ما تتجاوز 75 % من الاساسي والاجتماعيه

بما فها الفيزا والماستر والشيكات الشخصيه

وشهر 6 ان شاء الله مع الميزانيه الجديده للدوله

مصدرك اخوي من وين ؟

[.خالد]

اتمنى لا ، حتى لا تزيد الاسعار ويتبهدل فيها الاجيال الجاية ...
التوفير المدروس هو الحل ... والله يرزق الجميع ..