واخرتها مع المطبات ؟ ؟ ؟

[الـقـنـاص]

بصراحة طفح الكيل كلن قام يحط له مطبة علي كيفة تقول الشارع حق ابوه مايصير الحين اذا ابي اطلع من البيت علشان اوصل الشارع العام لازم امر علي 9 مطبات هذا كلام , الحين وانا اكتب هذا الموضوع قاعدين يرصفون مطبتين اجداد في الشارع الي خلف البيت ابي اعرف ايش الفايدة منها الا مشاكلها اكثر من فايدتها توني من فترة مبدل جانبينات ومقصات للسيارة واكيد السبب هالمطبات

اذا حد بيقول علشان تحد من الحوادث الشارع الي خلف البيت ماقد صار فيه اي حادث وانا ساكن في هالبيت من اكثر من 8 سنين فعلي اي اساس يحطون المطبات :anger1: انا اتكلم عن منطقة المناصير في كل شارع وكل سكة مطبة لاحول ولا قوة الا بالله .

[ولد العديد]

عندنا وعندكم خير ومنطقة المطار يمكن اكثر بعد

[هبوب الكوس]

الله يعينك المطبات مالها حل عندنا محطمين الرقم القياسي بين الدول العالم

ويلومونا ان كل اهل قطر عندهم كروزرات :(

[رجوان]

كسروا سيارتنا منها

[بوخالد911]

اخوي

اللي اعرفه : لو المطبات برغبة من مالك البيت ؛ يتم دفع رسوم من المالك

و

يتم وضع مطبات من المرور عادة نظرا لموقع الشارع وهل يشكل خطورة

هل هو على تقاطع ووووو

[ولي العهد]

عندنا وعندك خير .... تعال ازغوى والخريطيات وشوف شكثر مطبات

[هبوب الكوس]

عندنا وعندك خير .... تعال ازغوى والخريطيات وشوف شكثر مطبات

الجار خاصه عند مدرسة العطيه :(

بس احسن المبزره اكثرو

[abdo222]

المشكله كل مطب غير اخوه,, ما اتوقع في مقايس متبعه لشكل ومقاس المطبات !!

حياك زغوه عند مدرسه اللوسيل وشوف الجبال, قصدي المطبات,,

شفت مطبات حلوه وتخلي السائق يهدي السرعه في بريطانيا "على شكل انترلوك" وممتازه جدا (تشبه الي على مدخل جامعه قطر البنين بس اعلى شوي) ,,

في المعموره في مطب وراه حفره ! ناقص يحطون فيها ماي وتمساح لتفاجأ الناس,,

في الهلال قبل زون سنتر في مطب عجيب,, اشوف سيارات فورويل يحك الموتر فيه !!

في معيذر (من دوار وذيان الى المناصير) تشوف مطب وبعده رادار وبعده مطب في شارع رئيسي, صحيح في مساجد وفي بيوت بس بين كل مطب ومطب تحصل مطب !!

واللسته تطول,,

[الـقـنـاص]

الله يجزاكم خير علي التفاعل السريع وهذا يدل علي ان الكل متاذي منها

والحل كلمت عضو المجلس البلدي قال بنشوف الموضوع يعني دورني كلمت المرور قالو لي مطبات قانونية

بصراحة شي مخزي وغير حضاري بالمره نبي حل نكلم من ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مستثمر 999]

انا احسدك على ال 9 مطبات بصراحه

انا والله يمكن 35 مطبه من بيتي الى الشغل مرورا بمدرسة الاستقلال الثانيويه في السلطه الجديده

يمكن كل 200 متر

[بوخالد2]

والله انا اتمنى يحطو مطبات على شارعنا
صاير شارع سباق و تحفص بالليل
لدرجه ان باص دخلنا علينا المجلس هههههههه
الحمدالله محد بالمجلس ولا كان رايحوا الشياب مع الباص
الله ستر

[راشد محمد]

الله يعين

[MAZEN37]

الحين الموديل. مطبين مب واحد للرايح وللراد علشان البيت في النص

[Abdulraman]

بعض المطبات تكسر السيارات
من كم يوم في الفريج واحد حاط مطبات جنب بيته على حسابه تقول شارع ابوه

[جاري البحث]

الموضه الحين الواحد يبني المطبه قبل لايسكن بيته ههههههههههههه

عمركم شفتو مطبه علئ شكل مثلث

[طلعة الروح]

استغفر الله العظيم .. ظاهرة غير حضارية خصوصا لما تكون المطبة متعوب عليها أكثر من الشارع نفسه
المطبات أما تنحط بصورة مدروسة أو تنشال أفضل وخصوصا بعض المطبات تجيك بدون شي لا ليت ولا عماة عين

[بوخليفة83]

والله ياجماعة انه ماحطو هالمطبات الا عشان بعض الاشكال الزبالة اللي مايعملون حساب شارع تجاري او مسجد او مدرسة كله طاير ومايعمل حساب حد
مع اعترافي انة في اماكن ماتحتاج مطبات لاكن عشان بيت فلان وعلان والمفروض المطبات تكون مدروسة ولها مقاسات معينة مب حزوم وجبال وهضاب وسهول

[قرنقووش]

الله لا يهينك كيس اسمنت وماي ورمل وعدل المطبه براحتك لين تحسها مريحه للسياره
وبس الله يسلمك

الله يرحم ايام المطبات الحديد .. اخر الليل عيال الفريج باسكروب وتاير ليوا نسوي لنا درب ونفلع الحدايد فالدرامات تكرمون
نشوفهم ثاني يوم ردوا ركبوهم
قاموا يقطونها فدرامات الفرجان اللي حولنا ..ايام -_-

[وحيد-الشوق]

في المانيا واغلب دول اوروبا ماشفت ولا مطب واذا في قليل جدا جدا وحتى شوراعهم بدون رصيف واحنا كسروا مواترنا كل مطب شكبر مايصير جذي شارع نص كيلو ٤ مطبات ليش العبط ياجماعة

اخس شوارع حقت الدوحة مصر مرتبه احسن منا :)

طفح الكيل :(

[لمعة الالماس]

المفروض تكون المطبات بنفس الحجم وما تكون حاده

وثاني شي وين اللوحات اللي تبين انه في مطبه قريب

اغلب الشوارع الداخلية ما فيها لوحة !!

واذا عشان اليهال ياليت كل شخص يمسك عياله اما نترس الشوارع مطبات مب حل بصراحه الا تكسر السياير خاصة انك لازم تخفف السرعة واحتمال حد يدعمك عند المطبه :(

[عزووز قطر]

والله انا اتمنى يحطو مطبات على شارعنا
صاير شارع سباق و تحفص بالليل
لدرجه ان باص دخلنا علينا المجلس هههههههه
الحمدالله محد بالمجلس ولا كان رايحوا الشياب مع الباص
الله ستر

ليكون بيتكم اللي صوب دوار الريفيرا :secret:

هالحادث ماأنساه والحمدالله ان الله سلمهم

وبخصوص المطبات اتمنى من البلدية فرض غرامة على صاحب البيت اللي يحط مطبة بدون شروط

[snood]

والا تعالوا شوفو المعيذر الجنوبي والشمالي ما تلقى ولا شارع تقريبا بدون عشرات المطبات كانك تسير على ارض جبلية نازل وطالع

[.خالد]

طالما ان المجتمع ما يقدر يمنع طيش الشباب ، فالمطبات هي الحل ، رغم اننا كلنا متلعوزين منها ، في فريجنا اتمني يحطون ١٠٠ مطبه فوق ال٥٠٠ مطبة الموجودة اصلا والسبب البزران اللي اهاليهم يخلونهم يسوقون المواتر ، وانتم عارفين شيسوون هالمراهقين ، وانت مجبور تسكت ما تقدر تشتكي ما تبي تزعل عيال عمك وجيرانك ..

[أخت التفاؤل]

اي صراحة بزيادة .. يعني الشارع يكون قصير وفيه ثلاث مطبات الفرق بين كل واحد والثاني يمكن 500 متر !!

[قرنقووش]

أنا اقول ان هذي مؤامره مثل سالفة البوالين :eek5:
البلدية تحفر حفر .. المواطن صاحب اللاندكروزر يطيح في الحفره ..
الجانبيات والسفايف والمقصات والريش يختربون :eek5:
والمواطن الغلبان يروح يشتري قطع غيار :tease:

فعلا حاجة غريبه في شوارعنا .. مطبات أي كلام والله بدون لا صبغ ولا لوح ولا عين قطو وشغل يدوي صوب مرتفع ونازل وشغل تعبان

عندنا شارع طويل شوي وفيه لفات فرعيه يمين ويسار .. صار حادث بسبب ١ طلع من اللفه بدون مايشوف

الحين بدل لا يحطون قبل اللفه مطبه راحو حطوا ٧ مطبات على الشارع الطويل
ابي اعرف من الساذج اللي يرتب سالفة المطبه ؟

[Eng. khaled]

المشكلة لايوجد لوحة تنبية بوجود المطب وان وجد لايوجد بينهم مسافه كافية لتقليل السرعة.. غير ان اغلب المطبات غير مصبوغة فالنهار صعب تشوفهم شلون فليل!! .. نتمنى من المرور تصبغ المطبات وتحط لوحات تنبية بفلوس المخالفات -_-

[الخزرجي قطر]

الله يعينكم على هذه المطبات
في الحي عندنا مطب واحد عند الروضه

[مشاكل]

الله يزيد المطبات ويبارك في القايمين عليها
خل مواترنا اتكسر ... فالحديد ولا فالبشر
تخيل الشوارع من غير مطبات...صدقني بتشوف البزران المراهقين يتسابقون في كل داعوس وفي كل سكه

[abdo222]

الله يزيد المطبات ويبارك في القايمين عليها
خل مواترنا اتكسر ... فالحديد ولا فالبشر
تخيل الشوارع من غير مطبات...صدقني بتشوف البزران المراهقين يتسابقون في كل داعوس وفي كل سكه

المطبات الجبليه عادي يحطونها !؟ الحل:

1- صبغ المطبات بلون مميز "اصفر احمر بنفسجي" اي شيء يبين مب نفس لون الشارع

2- التأكد من مقايس المطب من جهه الطول والعرض والارتفاع

3- ردم اي حفره تأتي بعد المطب مباشره

4- وضع علامات تحذيريه "امامك مطب" مب (خلفك مطب)

5- استعمال مطبات الانترلوك مب الاسمنتيه

6- عند الانتهاء من صناعه مطب جديد يجب تجربه المطب بسياره صالون

[بوخالد2]

ليكون بيتكم اللي صوب دوار الريفيرا :secret:

هالحادث ماأنساه والحمدالله ان الله سلمهم

وبخصوص المطبات اتمنى من البلدية فرض غرامة على صاحب البيت اللي يحط مطبة بدون شروط

اي صح و الله ستر الحمدالله

[^^^EAGLE^^^]

الله المستعان معيذر الجنوبي كل شارع فيه 3 او خمس مطبات يعني لين توصل للشارع الرئيسي يبيلك نص ساعة حتى تتجاوز المطبات ولين توصل الشغل من زحمة الشوارع يبيلك ساعة وبسبة المطبات كل شهرين يطلع عندك صوت وتخترب الميزانية وتحصل دايما ميزانية الرنغات مختربة ، حالة ما في اسوأ منها ، وتكون ماشي بشارع بآمان الله ، فجأة تحصل الموتور طار ، والسبب انه فجأة وبدون مقدمات تم وضع مطب جديد وبدون اشارة ، وتحصل الطريق بعد المطب كله محفر بسبة انه الموتور يطير ويهبط من الجو بسرعة على المقدمة والسبة عدم قدرة السائق على التعامل حالات الطيران الطارئة بسبب وجود المطبات .






وقد أخبر النبي أن إماطة الأذى عن الطريق من شعب الإيمان وأسباب دخول الجنان، وأنها من



أنواع الصدقة والإحسان، وأن وضع الأذى في الطريق من أعظم الإساءة والعصيان ومن أسباب




اللعنة والخذلان. عن أبي هريرة قال: قال رسول الله صلى الله علية وسلم: { الإيمان بضع



وستون - أو سبعون - شعبة، أعلاها لا إله إلا الله، وأدناها إماطة الأذى عن الطريق، والحياء شعبة



من الإيمان } [رواه مسلم والبخاري وغيرهما].


أين علماؤنا المسلمين من هذا الحديث وما هو التعقيب على وضع المطبات التي اصبحت مضارها اكثر من نفعها ؟

[qatari 111]

المطبات ضروريه للطاييشين .. وللدريوليه اللي يسوق السبربان وهو طاير مليون الله يقطع بليسهم
ولوا بعد يرفعونه شوي يكون اقضل .. لان قدام بيتي فيه مطب والطايشين ما يعترفون فيها يمشي عليها وهو داعس

[Mohammad ALG]

وبعضها مو مصبوغ احيانا الواحد ما ينتبه وتروح عليه خمسة صفر

[مو مهم]

الناس قامت تتشكى من كل شي حتى في الحواري تشتكون انه فيه مطبات
بس جد اذا كانت ع المقايس فهذا صح لك حق تتشكئ
ولا تتشكى في المنتدى عندك اداره التخطيط والسلامه المروريه ورئ محطه الطيبه
اذا حاس ان المواصفات خطاء فمن حقك بتعديل الخطا وياما انزالوا مطبات والسبه المقاييس

[الشيخة شيوخة]

انا كنت اروح الدوام وامر على شارع ام الدوم الى ماوصل الى العمل الى انا فيه امر على 39 مطبه ويوم غيرت مكان عملى صرت امر على 9 مطبات مع العلم مالهم فايده ولما سيارتى تحك في هالمطبه احس قلبي يتقطع :omen2: انا مو بنت امير انا فقيره اذا تكسرت من الى بيشتريلى سياره :omen2: ها قولولى :(

[جرح الزمان]

نفسي اصور لكم هالشارع وتعدوا كم مطب فيه

أرحموا ظهورنا يا بشر ....

[وطن]

مشكلة المطبات انها مو مريحة
في مطبات تجبرك تخفف وتكون مريحه وناعمة على السيارات

يعني الواحد يمر عليها بدون لا يتخضخض
ما قد شفتها الا في محرق في البحرين :(


لكن في مطبات اللهم يا كافي
تقول راكب مطيه :secret:

[تحداني]

:weeping:

:(

[alrheeb2020]

والله زهقونه !!

واكره شي لما مايحطون لافته انه فيه مطبه ,,

تكون ماشي ومستانس اشوي ولا تتفاجأه ب مطبه !!

ماتعرف تضرب بريك ولا تكمل !!

وخاصه المطبه اللي ونت طالع من سوق العلي رايح ل 22 فبراير !!

[بصمة قطرية]

من يتبرع لنا بمطبتين بس .. :weeping:
نخاف على عيالنا الله يحفظهم ..
ودي اشوف موتر ما يسرع .. :(

[سهم عتيج]

بعد المطبة والمطبة صرتوا تبنون .... لنا الله