المساعد الشخصي الرقمي

مشاهدة النسخة كاملة : برنامج على البلاك بيري لفضيحة الناس (اين كيوتل)



مضارب دوسري
19-04-2012, 03:59 PM
السلام عليكم

برنامج على البلاك بيري لفضيحة الناس
البرنامج عباره انك تدخل اسم شخص وبعدها تطلع الارقام اللي باسمه كلها
يعني يفضح ارقام الناس واهاليهم
ارجو من كيوتل تشوف حل لهذا البرنامج لان مثل هالبرامج
تساعد في نشر ارقام اهالي الناس
وهذا شي لايقبله عقل ولا منطق

يعني ممكن تشوف رقم واحد من ربعك يتصل علي اهلك

فلتة زمانها
19-04-2012, 04:09 PM
من صجك!!
انزين شسم البرنامج

ريم 28
19-04-2012, 04:12 PM
اخي هذا البرنامج من سنين وفي موقع كيوتل قديم جدا

حتى لو كتبت العائله فقط تظهر لك جميع الاسامي بهذه العائله

مضارب دوسري
19-04-2012, 04:14 PM
البرنامج جديد
وماعوف اسمه لان اسمع الناس تتكلم عنه وانا مابغي اشوفه اواجربه
والبرنامج حديث يعني اي احد عنده ايفون او بلاك بيري
يعني راح ينفضح

MAZEN37
19-04-2012, 04:16 PM
اشوفه احسن من برنامج الي يكشف ....
الله يجملها بالستر
اخر الزمان

Dana’1
19-04-2012, 04:19 PM
^^^
صحيح هي من الخصوصيات،،،بس ماراح ينفضح ولا شي كلن يعرف اهلة وتربيتهم كيف
والرجال يعرف مصاحب من بعد اذا ربعة رجال محد بيتتبع اهلة وارقامهم او عورات المسلمين

سلامي للكل
19-04-2012, 04:22 PM
وعليكـم الســلام ورحمــة الله وبركاته

اخوي على حسب الي قريته وعرفت عن البرنامج ان البرنامج وظيفته انه ممكن تبحث عن اي رقـم ويطلـع لك صاحب الرقم أو ممـكن تكتب فيه اي اسم ويطلـع لك الرقم

كيف يعمــل البرنامج . . ؟

إذا نزلت البرنامج وبعد التثبيت, راح يتم تخزين (سحب) كل جهات الاتصال الموجودة عندك بالاسماء المسجلة ويرفعها للبرنامـج

يعني ممكــن رقم (ك/الاهل) يكون مرفوع في البرنامج وذلك عن طريق الاصدقاء (صديقات الاهل) الي منزلين البرنامج

يعتبــر البرنامج خطيــر

ان شاء الله كيوتل توقف هالبرنامج

الله المستعــان

مضارب دوسري
19-04-2012, 04:24 PM
تسلم اخوي سلامي
هذا اللي سمعته
والله يستر علي المسلمين

سلامي للكل
19-04-2012, 04:25 PM
البرنامج يدعم اجهزة البلاك بيري, والاي فون, والنوكيا, الخ

منابر خالده
19-04-2012, 05:29 PM
برنامج خطير

النهار
19-04-2012, 06:01 PM
اول مره اسمع عنه

Charisma
19-04-2012, 06:41 PM
خلك من البرنامج .. حتى الموقع يعرض لك الارقام : الارضيه + صندوق البريد

وهالشي اعتبره اهمال للخصوصيه بدون استشاره او موافقه من العميل

ولد ازغوى
19-04-2012, 07:17 PM
انت تقصد موبايل سيلف سيرفس
هو نفس فكره ١٨٠ بس اوفر للوقت وبصراحه وايد مفيد وعملي
وضعاف النفوس بيتمون رديين لاخر يوم في عمرهم

حسن
19-04-2012, 07:33 PM
والله ياخوك الحمدلله ماعندي بلاك بيري ولا هوب داش مزاجي وشكثرمن الربع ينصحوني فيه وانه مطنش
لهم عن طيبه الخاطر خذت ايفون وشكثر يطرشون لي على الواتس اب مافتحهم فاضيلهم انه الناس مستخفه
انا رسائل وتهاني خير شر ماطرش
وبخصوص هل البرنامج لوعندي في الجهاز والله مابطله وشبي بذي السوالف وعرفت رقم فلانه ولا فلتانه
يعني خلاص البنات كلش ينطرون ذا العالم تتصلهم صج عالم فاضيه

hma
19-04-2012, 07:35 PM
خلك من البرنامج .. حتى الموقع يعرض لك الارقام : الارضيه + صندوق البريد

وهالشي اعتبره اهمال للخصوصيه بدون استشاره او موافقه من العميل

من قال من غير موافقة العميل؟

اما شريت الخط قرأت الاوراق اللي وقعت عليها؟

قناص 787
19-04-2012, 07:43 PM
اول مره اسمع به

موجه بحر
19-04-2012, 07:48 PM
اصلا هاي الدليل الاكتروني نفس الدليل الي توزعه كيوتل قبل اذا تبي يحطون رقمك في الدليل بلاش واذا ماتبي يحطونه تدفع ٦٠ ريال

غزلان
19-04-2012, 09:14 PM
اول مره اسمع عن هالموضوع:rolleyes2:

راشد محمد
19-04-2012, 09:20 PM
اول مره اسمع عن هالموضوع

ANONYMOUS
19-04-2012, 09:27 PM
هذا نفس الدليل

طبعا حق تلفونات البيت بس

qatara
19-04-2012, 09:30 PM
بس كما يقال ببعض المنتديات

بان هذا البرنامج يفضح خصوصيات
الي يحطه قبل لا يكون فاضح لخصوصيات الجهات المضافه

غزلان
19-04-2012, 09:36 PM
ياريت حد يشرح لنا عن البرنامج وين يكون موجود وطريقة حذفه اذا ممكن او اغلاقه بدل ما كل حد يروعنا اكثر

روح الاطلس
19-04-2012, 11:25 PM
كل الردود تتكلم عن بر نامج وبرنامج ولا فيه رد انكتب فيه اسم البرنامج!! شنو اسمه طيب ؟؟ ماينفع تنزل تحذير من شي مجهول؟!! ولا نا غلطانه؟

مضارب دوسري
20-04-2012, 12:08 AM
يا اعضاء مش حق تلفون البيت
هذا حق ارقام الجوالات
والي ماقرا الموضوع لا يقعد يتفلسف بدون مايقراه كامل

غزلان
20-04-2012, 12:10 AM
يا اعضاء مش حق تلفون البيت
هذا حق ارقام الجوالات
والي ماقرا الموضوع لا يقعد يتفلسف بدون مايقراه كامل


قرينا الموضوع وفهمنا انه يخص الجولات وانه في لبلاك بري
اسم البرنامج نبي نعرفه وين موجود وشلون نتخلص منه؟

السكين
20-04-2012, 12:16 AM
اصلا هاي الدليل الاكتروني نفس الدليل الي توزعه كيوتل قبل اذا تبي يحطون رقمك في الدليل بلاش واذا ماتبي يحطونه تدفع 60 ريال

مافي شي إسمه تدفع 60 ريال وما ينزل بالدليل

اللي سمعته على لسان موظف بكيوتل انه ( خصوصية ) و ( سرية ) الرقم اللي تدفع له 60 ريال هو إنه أول سنة ( فقط ) ما ينزل بالدليل وبعد هالسنة ينزل بالدليل ..

والله أعلم

solyamalenki
20-04-2012, 12:19 AM
لا حول ولا قوة الا بالله

ROSE 26
20-04-2012, 12:26 AM
كيوتل سوت بلوك عَــلَىْ صفحة البرنامج
http://i.imgur.com/VgU78.jpg
اما بالنسبة للايفون البرنامج فالسيديا يعني مايصير الا بالجلبريك

ROSE 26
20-04-2012, 12:29 AM
بـِْــِْس ڤــــيۓِ نوع مـِْט المتصفحات ماينفع معاها بلوك ( الافا)
يعني عادي يبطل
كيوتل ماتقدر تسوي لها بلوك

احب قطر
20-04-2012, 12:41 AM
البرنامج يأخذ من الأرقام المخزنة عندك ويحطها حق الناس ويأخذ من الناس ويحطها لك ، وبها لطريقة تتم مشاركة المعلومات

المبرمج صلاح
20-04-2012, 12:46 AM
للاسف اخوي هذه الرسايل انتشرت بكثرة بعد صدور اجهزة الهواتف الذكية
والبرامج اللي ننزلها من الانترنت عليها تقدر تاخد كل الارقام اللي بجوالك
لتضيفها وتصنفها لقاعدة بيانات عملاقة تقدر تبيعها لاي شركة اعلانات او نصب او تكون هي الشركة النصابة والتي تستفيد من هذة الحركة

تخيل كل شخص ترفع الاسماء بجواله الي هذة القاعدة حتي اذا كنت لا تستخدم الجولات الحديثة يكفي شخص واحد فقط من الربع ضايفك عنده ونزل البرنامج وهكذا

كيوتل وفودافون وشركات الاتصالات بريئة من هذا ولا تستطيع ان تفعل شي الا الحجب بعد اكتشاف رقم الشركة النصابة

الله المستعان اخوي
*

*

الزلزال
20-04-2012, 12:51 AM
الي يعيش ياما حيشووووف

ROSE 26
20-04-2012, 01:24 AM
ياريت حد يشرح لنا عن البرنامج وين يكون موجود وطريقة حذفه اذا ممكن او اغلاقه بدل ما كل حد يروعنا اكثر





كل الردود تتكلم عن بر نامج وبرنامج ولا فيه رد انكتب فيه اسم البرنامج!! شنو اسمه طيب ؟؟ ماينفع تنزل تحذير من شي مجهول؟!! ولا نا غلطانه؟



توني سويت بحث عَــلَىْ البرنامج وهاي اُلليٍُـُۓِ فهمته..
البرنامج اسمه نمبر بوك / number book
واهو يقوم برفع اسماء الاتصال اُلليٍُـُۓِ بالتلفون الى الدومين مال البرنامج طبعا اُلليٍُـُۓِ ينزل البرنامج تكون الاسماء مرفوعة فالدومين

كيوتل بلكت ع الصفحة الرئيسية للبرنامج
لكن للاسف ڤــــيۓِ ناس منزلة بروابط ثانية للتحميل غير الصفحة الرئيسة
فاللي منزلين البرنامج
اذا بحثت عَــلَىْ رقم معين راح يظهر اسمه اذا الرقم مرفوع بالدومين
او اذا بحثت عَــلَىْ الاسم راح يظهر الرقم لهالاسم طبعا للي رقمه مرفوع

فكل الحرص ٱڼ محد ينزل البرنامج حتـے مايكون رقمه محفوظ فالدومين
والله يحفظنا مـِْט گــ ̯͡ـلْ شر

ROSE 26
20-04-2012, 01:32 AM
شكرا لصاحب الموضوع ع التنبيه
جزاك آلَّـًلْـْہ خير ..~

abdo222
20-04-2012, 01:43 AM
كيوتل ما يحطون رقم اي حد الا بموافقته ،، حنا رقمنا مب موجود لاننا وقعنا "لا نرغب"
والبرنامج ما يدخل لسجل الهاتف حق تلفونك ولا يقدر اصلا، السكيورتي سستم حق السرتيفيكت "شهاده البرنامج" ما تسمع له يدخل لبيانات سجل الهاتف،،

روح اشتري دليل الهاتف ويجي وياه سي دي فيه كل اسامي الناس الي مسجلين اساميهم في الدليل (ارقام الهواتف الارضيه بس)

ROSE 26
20-04-2012, 01:46 AM
صور البرنامج
http://i.imgur.com/nXVUn.jpg

http://i.imgur.com/7cA0p.jpg

H B A
20-04-2012, 02:04 AM
@@ والناس مستانسه وتنشر اسم البرنامج ليش !!

انا نزلته وجربته وشغال


واسامي ناس وايد حصلت


والفضيحه ان لو تحط اسم

يطلع لك كذا شخص تحت هالاسم !!

HADi
20-04-2012, 02:55 AM
كيوتل ملها علاقه في الموضوع

البرنامج فكرته مجرد تنزيله يقوم بسحب الاسماء الموجوده عنك وينشرها

للكل

كيوتل مايصوم سوت بلوك على موقع البرنامج على شان تحمي الناس الي يجهلون وظيفته ونزلونه واهم بنفس الوقت مايدرون انهم ينشرون الاسماء الي عندهم

ريم 28
20-04-2012, 05:33 AM
شكرا على التنبيه

جزاكم الله خير

كلاسيكي
20-04-2012, 05:43 AM
لو الموضوع ينمسح يكون افضل والاخت rose26 ماشاءالله كنك تشجعين الناس انهم ينزلون البرنامج قبل تحرير ردج ,والاخ صاحب الموضوع انت غلطت انك كتبت الموضوع اساسا ..كل ممنوع مرغوب حاليا وحب الفضول راح يكون موجود عند الاغلبيه

ROSE 26
20-04-2012, 10:04 AM
لو الموضوع ينمسح يكون افضل والاخت rose26 ماشاءالله كنك تشجعين الناس انهم ينزلون البرنامج قبل تحرير ردج ,والاخ صاحب الموضوع انت غلطت انك كتبت الموضوع اساسا ..كل ممنوع مرغوب حاليا وحب الفضول راح يكون موجود عند الاغلبيه


سبحان آلَّـًلْـْہ عرفت نيتي بعـْْ♡ـْْد اني اشجع الناس تنزله!!
يعني اذا الواحد شرح عن البرنامج وحط اسمه علشان الناس تاخذ الحذر منه
وماتنزله صرنا مستانسين ونبي ننشره!
واذا بينتشر ماراح ينتشر عن طريق هالموضوع بينشر بالبرودكستات
اوردي منتشر بين اصحاب البي البي
لان اُلليٍُـُۓِ عنده ايفون مايدري عن هالبرنامج وانا وحده منهم

وانا ماعرفت البرنامج الا مـِْט هالموضوع وبحثت عنه علشان اعرف عنه واخذ الحذر وافيد معاي خواتي اُلليٍُـُۓِ سالو ومحد رد عليهم روح الاطلس وغزلان وغيرهم اُلليٍُـُۓِ ينزلون البرنامج بدون مايعرفون عنه قبل!

واشكر صاحب الموضوع ع تنبيه لنا

monatee
20-04-2012, 10:18 AM
سؤاااااال! !!!!!!!

مثل مافهمت ان الارقام تنسحب من فلان ويقدر يشوفها فلان

بس كيف البرنامج يجيب الرقم بالاسم والعيلة بعد؟ اكيد الاغلب مايسجل الاسم الصحيح

مثلا سحب البرنامج رقم مسجل بأسم حمود

وشخص ثاني بحث بأسم محمد وجابلة البرنامج الاسم كامل (محمد بن فلان الفلاني ) !!!! اشلووون
*

Dawn
20-04-2012, 10:43 AM
وين الفضيحه في البرنامج .. وصلت الصفحه 5 وما فهمت السالفه ..:rolleyes2:

احلام الدوحة
20-04-2012, 01:13 PM
بعد تنزيل البرنامج اتضح مايلي:

بعض ارقام الجوالات لاتظهر الاسماء مثلا قمت بوضع جوالي طلع اسمي وقمت بوضع رقم الوالدة لم يظهر الاسم مع انه مسجل باسمي بس ماطلع اسمي.

ثانيا قمت بوضع رقم شقيق بنت خالتي ونفرض اسمه علي واسم بنت خالتي نفرض امل فظهر الاسم brother amal هاي الشي اللي مافهمته مع ان رقم بنت خالتي وشقيقها ليسوا في لستت ارقامي المسجلة

R 7 A L
20-04-2012, 01:29 PM
:omg:

سحقاً لمن اخترع هذا البرنامج


الحين كل الناس بتعرف اني مخزن رقم ( الحار والبارد - الدجاج الحار - الكروان - كنتاكي - تيك اوي - وغيرها :weeping: )
وانا قايل لهم اني محارب للمطاعم ( الوجبات السريعه )
:rolleyes2:



وافضيحتاه

روح الاطلس
20-04-2012, 01:42 PM
مشكورة اختي روز ماقصرتي الحين اكتمل الموضوع وفهمنا من شنو التحذير

ماعندي فكرة مسبقة عن البرنامج حتى اهلي اللي عندهم بي بي مايعرفونه بس بعد هالتنبيه ان شاء الله محد يغلط وينزله محد قاصر ازعاجات


ولو اني الا الان ما استوعبت فكرته كامله :)

bohilal191
20-04-2012, 06:58 PM
قامت كيوتل مشكوره بحظر الموقع ولكن فودافون الى الآن الموقع مفتوح ولكن عند تحميل البرنامج لايعمل فشكرا لكم

يراعٌ فراتي
21-04-2012, 12:01 AM
والطامة الكبرى كيوتل تسوي له بلوك بس على مشتركي الهواتف و خدمة الاي دي اس ال

واعتقد انه شغال على مشتركي ال ام بي ال اس

البرنامج شغال ويمكن تنزيله زي الحلاوة

وبالنسبة لي لقيت رقمي ورقم بعض الاشخاص من العائلة

وتم التحايل على البرنامج ولله الحمد وتم حذف الاسماء

يراعٌ فراتي
21-04-2012, 12:07 AM
البرنامج ما يطلع الارقام اللي باسمك

البرنامج بختصار يقوم بسحب الاسماء والارقام المخزنة في جوال اي شخص ينزله

ويقوم برفعها على سيرفر البرنامج

ويتيح لاي شخص عنده البرنامج يبحث عن رقم او اسم

وحظك اذا حد مخزن رقمك ونزل البرنامج راح يكون رقمك على السيرفر


وياليت الحريم ينتبهون

فكرة البرنامج حلوة بس انتهاك خصوصية بحت

غزلان
21-04-2012, 12:08 AM
البرنامج ما يطلع الارقام اللي باسمك

البرنامج بختصار يقوم بسحب الاسماء والارقام المخزنة في جوال اي شخص ينزله

ويقوم برفعها على سيرفر البرنامج

ويتيح لاي شخص عنده البرنامج يبحث عن رقم او اسم

وحظك اذا حد مخزن رقمك ونزل البرنامج راح يكون رقمك على السيرفر


وياليت الحريم ينتبهون

فكرة البرنامج حلوة بس انتهاك خصوصية بحت


طيب اخوي كيف ننتبه
انا ماعرف اذا الى ضايفتهم منزلين البرنامج او لا:rolleyes2:

غزلان
21-04-2012, 12:09 AM
قامت كيوتل مشكوره بحظر الموقع ولكن فودافون الى الآن الموقع مفتوح ولكن عند تحميل البرنامج لايعمل فشكرا لكم


يعني نطمن انا بالسيفتي:telephone:

يراعٌ فراتي
21-04-2012, 12:59 AM
حتى لو تم حضر البرنامج

اللي عنده ونزله عادي يقدر يشغله

يعني هم بس حدو من انتشاره

خليفـة
21-04-2012, 01:12 AM
السلام عليكم

برنامج على البلاك بيري لفضيحة الناس
البرنامج عباره انك تدخل اسم شخص وبعدها تطلع الارقام اللي باسمه كلها
يعني يفضح ارقام الناس واهاليهم
ارجو من كيوتل تشوف حل لهذا البرنامج لان مثل هالبرامج
تساعد في نشر ارقام اهالي الناس
وهذا شي لايقبله عقل ولا منطق

يعني ممكن تشوف رقم واحد من ربعك يتصل علي اهلك

اعتقد اخوي انك تقصد موزاييك دليل الهاتف في قطر
اخوي هذي خدمة ممتازة تقدمها كيوتل لمشتركيها
حتى يوفرون على نفسهم عناء الأتصال بكيوتل لمعرفة الرقم المطلوب
وللعلم اخوي هالخدمة تشمل الشركات والمحلات والفنادق والمؤسسات والوزارات الخ الخ
وحسب علمي انها موجوده الخدمة الحين على سي دي تاخذه من كيوتل .. وتقدر
من خلال السي دي معرفة رقم أي جهة مطلوبة
وكيوتل ما قصرت في حل المشكلة عن طريق الرقم السري
وهو انك تطلب وضع رقمك الخاص بأسمك كرقم سري لا يتم اظهار في أي من الخدمات الي ذكرتها .. وذلك بمقابل مادري تدفعه عند بداية حجز الرقم حسب علمي
وسع خاطرك اخوي .. البرنامج مفيد وانا شخصيا مستفيد منه وموفر علي التعب كثيراً
وما اشوف ان أسم : برنامج للفضيحة يناسب لهالخدمة الطيبة
تقبل مروري .. ويعطيك العافية يالغالي

خليفــة

R 7 A L
21-04-2012, 01:40 AM
اعتقد اخوي انك تقصد موزاييك دليل الهاتف في قطر
اخوي هذي خدمة ممتازة تقدمها كيوتل لمشتركيها
حتى يوفرون على نفسهم عناء الأتصال بكيوتل لمعرفة الرقم المطلوب
وللعلم اخوي هالخدمة تشمل الشركات والمحلات والفنادق والمؤسسات والوزارات الخ الخ
وحسب علمي انها موجوده الخدمة الحين على سي دي تاخذه من كيوتل .. وتقدر
من خلال السي دي معرفة رقم أي جهة مطلوبة
وكيوتل ما قصرت في حل المشكلة عن طريق الرقم السري
وهو انك تطلب وضع رقمك الخاص بأسمك كرقم سري لا يتم اظهار في أي من الخدمات الي ذكرتها .. وذلك بمقابل مادري تدفعه عند بداية حجز الرقم حسب علمي
وسع خاطرك اخوي .. البرنامج مفيد وانا شخصيا مستفيد منه وموفر علي التعب كثيراً
وما اشوف ان أسم : برنامج للفضيحة يناسب لهالخدمة الطيبة
تقبل مروري .. ويعطيك العافية يالغالي

خليفــة



ممكن توضح لنا شوي
ترى الاستيعاب مو ذاك الزود

يعني لو البرنامج عندي وبغيت اطلع بياناتك اقدر ؟

يراعٌ فراتي
21-04-2012, 10:11 AM
اخوي خليفة البرنامج اللي تقصده
هاي دليل هاتف عادي فيه هواتف ارضية

اما اللي نتكلم عليه
برنامج يحط اسماء الناس بدون علمهم على النت

جوالات ارضي فاكسات

وازيدك من الشعر بيت

تختار اي دولة وتبحث عن اي رقم

يعني فضايح على مستوى دولي

bohilal191
21-04-2012, 11:43 AM
حتى لو تم حضر البرنامج

اللي عنده ونزله عادي يقدر يشغله

يعني هم بس حدو من انتشاره


مايشتغل انا مجرب البرنامج عقب حظر كيوتل وفودافون ماشتغل البرنامج

بوخالد911
21-04-2012, 07:10 PM
اول مرة اعرف


حولوا رقمكم وخلووه سري

:)

مسفر2
22-04-2012, 06:16 AM
كل يوم برنامج جديد

يالله سترك من الــجاي

بوسلمان 2010
22-04-2012, 07:33 AM
لاحول ولا قوة الا باالله

BIG-VEGA
22-04-2012, 07:57 AM
السلام عليكم

برنامج على البلاك بيري لفضيحة الناس
البرنامج عباره انك تدخل اسم شخص وبعدها تطلع الارقام اللي باسمه كلها
يعني يفضح ارقام الناس واهاليهم
ارجو من كيوتل تشوف حل لهذا البرنامج لان مثل هالبرامج
تساعد في نشر ارقام اهالي الناس
وهذا شي لايقبله عقل ولا منطق

يعني ممكن تشوف رقم واحد من ربعك يتصل علي اهلك

ياخوي من الجهل

الناس تنزل من غير ماتقراء

بس سمعمو من فلان ولا علان ان البرامج يطلع ارقام الي معاك وتراكضوا عليه ... مايدرون ان البرنامج راح يعمل فيهم نفس الشي

الخبيث مايجيب الا الخبيث

لاحد ينزل شي مايحتاجه او ان هدفه فضيحه الناس

بو الجوري
22-04-2012, 09:26 AM
أنا ماقريت كل الردود لكـن زبدة البرنامج هو :

إنه يخزن الأرقام اللي في جوالك على البرنامج ،،
و كل من منزل البرنامج بتتخزن أرقامه فالبرنامج :..

يعني
مثلا أنا بحط خالد المريخي فالبحث
إذا حد منزل البرنامج و عنده رقم مخزن بإسم خالد المريخي بيطلعلي :..

و مثلا لو حطيت رقم 6600000 وواحد منزل البرنامج و مخزن هالرقم بيطلع هو مخزنه بإسم من :)


أمس مثلا كنت محتاج كهربائي و حطيت ( كهربائي ) و طلع لي كذا رقم :)
هههههههههههههههه ما إتصلت فيهم لكـن قلت فلّه

eXpert*
22-04-2012, 09:42 AM
الحمدلله أن ما ينزل على الأيفون الإ بالسيديا .

شكلي باخذ لي جوال نوكيا للأرقام المهمة . الأيفون صار يشكك الواحد.

ترى فكرة البرنامج خطرة ،، أرقامك تكون مرفوعة للسيرفر ومعروضة للجميع .

الله يستر علي أمة محمد .

الـخـالـدي
22-04-2012, 09:47 AM
شخبار كيوتل .. ؟

ftaqatar
22-04-2012, 12:02 PM
صباح الخير

مشكلتنا اي برنامج نشوفه نحمله في الاجهزه بدون ما نتأكد من تفاصيله بس نقراء العنوان وعلى طول تحميل :victory:

والدليل ان البرنامج مب موثوق فيه البرنامج موجود في السيديا و غير موجود في الاب ستور

وكيوتل مع تحفظي عليها :telephone: بس ويش دخلها في برامج موجوده في النت

ودمتم بكل خير

درر قطر
22-04-2012, 12:44 PM
الله يستر علينا ايش يستفيدون لما ينتهكون خصوصية الناس

قطري مفلس
22-04-2012, 12:51 PM
ممكن حد بس يوضح لنا .... على الأقل شسم البرنامج ..... واحد يقول لنا وش سلبياته وايجابياته

اسمحوولي يااخواني ترى انا شوي قديم ، يعني مالحقت على هالتطور ، لكن الحذر واجب ، ورانا أجيال نربيهم

الله يستر علينا أجمعين

^_^

مونس
22-04-2012, 01:02 PM
من خبرتي في كيوتل انه مايطلع اسامي الاشخاص........... بس فقط حق المحلات والمطاعم والمستشفيات اما الاسامي صعبه

BARBICAN
22-04-2012, 01:15 PM
بسم الله الرحمن الرحيم

اول شى لازم يكون في توضيح للموضوع ، لان الاعضاء دخلوا اكثر من سالفه في نفس الموضوع

بالنسبة لـ موقع كيوتل اللي يشبه دليل كيوتل , فهو برنامج عادي تقدر من خلاله تسوي بحث على ارقام افراد او شركات

يعني حتى لو البرنامج مانزلوه كيوتل ، الدليل موجود في افرع كيوتل

الشى الثاني اللي يتكلمون عنه الاعضاء اللي هو برنامج اذا نزلته يبين لك اسم المتصل

سواء انت ضايفه بالاسماء عندك او لا ، فكرة البرنامج انك اذا نزلته ياخذ كل الكونتاكت عندك ويسوي لهم كوبي في السيرفير عنده على شكل قاعدة بيانات

وكل واحد ينزل البرنامج ياخذ من عنده البيانات ويحتفظ فيها

مثال !

انا منزل البرنامج ، وعندي رقم واحد مسجل باسم محمد

واحد ثاني منزل البرنامج ، ومسجل رقم محمد باسم ابو عبدالله

لما يتصل لي محمد يبين عندي محمد يتصل بك وتحت يكتب بو عبدالله !!

مع اني مب مخزنه باسم ابو عبدالله

مثال ثاني !

جاك اتصال من رقم غريب وانت ماتعرف راعيه , اذا احد منزل البرنامج ومخزن رقم هالشخص راح يطلع لك اسمه



طبعا مب كل الاسماء يتعرف عليها ، لان مب كل الناس منزلين البرنامج ولا كل الاشخاص اللي عندك في الكونتاكت يعرفون ناس منزلين البرنامج


هذا تحليلي للموضوع

ودمتم بخير

الحجاجي
22-04-2012, 01:25 PM
فكرته مثل فكرة أي برنامج يسوي مشاركــــة للأسماء على السيرفر

لكن عيبه أنه يخلي هالبيانات متاحه للكل ..


الغلط مننا ..

من الناس اللي نزلو البرنامج ..


فمثلاُ لو شخص عنده في جهات الأتصال 250 أسم

من ضمنهم اصدقائه واهله ومحلات ..


راح يتم رفع هالأسماء كلها للسيرفر الخاص بالبرنامج

وتصبح هالـ 250 متاحه للبقية مستخدمين البرنامج

من دون ذنب لهم ولا يدرون اصلاً ..

والغلط على اللي نزل البرنامج من البداية ..


وأنا أعتبر هالشيء خيانه للأمانـــــــــــة ..


لأنه بصراحه أي رقم أو اسم في جهات الأتصال
انا مسئول عنهم وعلى خصوصية عدم نشرهم ...

فإذا كنت سبب في نشرهم سواء عن طريق هالبرنامج
أو غيره ..

فأكون بهالطريقة خنت الثقة ..


الله يستر على الجميع ..

تحداني
22-04-2012, 01:31 PM
الآيفون براءه من هالموضوع ولا لا ؟؟


جملكم الله برضاه

تحداني
22-04-2012, 01:33 PM
الحمدلله أن ما ينزل على الأيفون الإ بالسيديا .

شكلي باخذ لي جوال نوكيا للأرقام المهمة . الأيفون صار يشكك الواحد.

ترى فكرة البرنامج خطرة ،، أرقامك تكون مرفوعة للسيرفر ومعروضة للجميع .

الله يستر علي أمة محمد .



الآيفون براءه من هالموضوع ولا لا ؟؟


جملكم الله برضاه




توني انتبه
احنه قلنالهم البلاك بيري فيه وفيه ازعلوا
الحين يودوا ..

الحمد لله الايفون لا .. انا اقول هالتلفون محترم واول مره الامريكان يسون شي محترم
ويخدم البشريه ولا هم بالعاده ساس البلى وفالحين في الدمار الله يدمر مخهم


جملك الله برضاه

الحجاجي
22-04-2012, 01:43 PM
توني انتبه
احنه قلنالهم البلاك بيري فيه وفيه ازعلوا
الحين يودوا ..

الحمد لله الايفون لا .. انا اقول هالتلفون محترم واول مره الامريكان يسون شي محترم
ويخدم البشريه ولا هم بالعاده ساس البلى وفالحين في الدمار الله يدمر مخهم


جملك الله برضاه


بالعكس ...
أي برنامج دائماً ما يكون له اهداف جميلة ..

وفكرة المشاركة في أي برنامج دائماً هادفة .. لأن المشاركة تساعد الناس في تبادل المعلومات ..


هالبرنامج مثله مثل أي برنامج مشاركة
( برامج ، افلام ، صور ، معلومات ، الخ ) ..


لكن المشكلــــــــــــة فينا أحــنا ..

المشكلة في كل شخص نزله بغرض انه يبي يعرف ارقام الناس
وما انتبه أن البرنامج بيرفع كل جهات الأتصال اللي عنده للأنترنت ..



هالبرنامج فكرته مثل برامج ثانية
اذا انا عندي رقم محل أفضله وارشحه لغيري في مجال معين
احطه للناس اللي حابه توصل له ..

وهالشيء دايمن احنا نسويه
مثلاً اذا ابغي حـداد اسال الشباب تعرفون رقم حـداد زين .. الخ ..


لكن استغلالنا للبرنامج كيف ..


ذكرني هالبرنامج بموقع
www.wikimapia.com

فكرته بسيطة هو انه نوصف الأماكن في العالم

مثلاً أعرف نادي ، او شاطىء أو بر أو جبال الخ

وأحب اوصفها للناس اللي يبحثون عن نفس الأهتمامات

الحين لو ندخل نشوف
نحصل حد حاط بيتنا .. شارعنا .. اشياء تضحك ..


/

عالعموم

/

المطلوب الحين توعية وتحذير كل الموجودين معانا في قوائم الأتصال

بعدم تنزيل هالبرنامج نهائياً ..


ومطلوب من الأخوان اللي نزلوه يشرحون كيفية حـذف الأسماء من الموقع ..


وشكراً

تحداني
22-04-2012, 01:49 PM
الحجاجي

الغرب البعض الاكثر منهم ما نبي انقول كلهم يوظفون التكنلوجيا لصالحهم
والبعض الاخر لا مثلنا ..لدوافع فضوليه او تدميريه او دماريه ..

وفي مشكله ثانيه نعاني منها مع ضجه التكنلوجيا الحاصله
الكل يتمنى يكون عنده اجدد شي .. احدث شي .. ينزل له اكثر من برنامج
يسوي له اكاونت في كل مكان يفتح ايقونات مب عارفها والجهل في الشي واضح وايد عند ناس كثيره

حلو انشوف التكنلوجيا الجديده لكن الاجمل ان نتعرف على كل شي في الجهاز عشان نقدر نستغله او نحمي نفسنا منه .. مب بس تعال ادفع واشتري

اليوم من خلال صوره تضعها يستطيع الاخر ان يحدد اين تسكن .. وفي اي شارع .. وانت من اي منطقه .. واسمك .. وووو ..

الحذر ضروري
ومب كل شي مكتوب عليه " داون لودنج " نقول له اوكي


جزاك الله كل خير
وجزى صاحب الموضوع كل خير
وجزى كل من شارك وخدم وساعد وحذر كل خير

جملكم الله جميعا برضاه

الحجاجي
22-04-2012, 02:01 PM
الحجاجي

الغرب البعض الاكثر منهم ما نبي انقول كلهم يوظفون التكنلوجيا لصالحهم
والبعض الاخر لا مثلنا ..لدوافع فضوليه او تدميريه او دماريه ..

وفي مشكله ثانيه نعاني منها مع ضجه التكنلوجيا الحاصله
الكل يتمنى يكون عنده اجدد شي .. احدث شي .. ينزل له اكثر من برنامج
يسوي له اكاونت في كل مكان يفتح ايقونات مب عارفها والجهل في الشي واضح وايد عند ناس كثيره

حلو انشوف التكنلوجيا الجديده لكن الاجمل ان نتعرف على كل شي في الجهاز عشان نقدر نستغله او نحمي نفسنا منه .. مب بس تعال ادفع واشتري

اليوم من خلال صوره تضعها يستطيع الاخر ان يحدد اين تسكن .. وفي اي شارع .. وانت من اي منطقه .. واسمك .. وووو ..

الحذر ضروري
ومب كل شي مكتوب عليه " داون لودنج " نقول له اوكي


جزاك الله كل خير
وجزى صاحب الموضوع كل خير
وجزى كل من شارك وخدم وساعد وحذر كل خير

جملكم الله جميعا برضاه


ويجــزاك الخير اختي ..


للاســـف بعد متابعتي للموضوع ..

الموقع ملك لشخص وليس شركة ( يعني مب رسمي )

حاط في موقعه الرئيسي ايميل جي ميل gmail

والدومين مسجله بشكل مخفي ( عشان محد يقدر يتعرف عليه )

بالعادة الشركات والمؤسسات ما تسوي هالشيء ..


/ حاولت اشوف طريقة لحذف الأسماء من السيرفر ولكن مافيه حالياً ..


الله يستر على كل شخص قام بتنزيله ..
ونشر أرقام الناس اللي عنده ..



كل الود

bohilal191
22-04-2012, 11:12 PM
للأسف البرنامج يعمل على بعض الاماكن اللي فيها الواي فاي مفتوح والبرنامج خطير وايد اكتب اسم اي شخص تطلع ارقام كثير باسم هذا الشخص الحلو مايبين اسم العائلة بس الاسم الاول يعني اذا كتبت احمد تطلع كل الارقام اللي مسجلين باسم احمد بدون اسم العائلة