ليش يستحي الزوج ان يراه اصحابه يتمشى مع اهله ،ويتصدد عنهم !!

[اسعاف]

ليش يستحي الزوج ان يراه اصحابه يتمشى مع اهله ،ويتصدد عنهم !!؟؟


حتى أصبح من العادات عندنا

ان لا تلقي حتى السلام عليه ما دام مع أهله؟؟

[الإكسير]

واحد مع هله تشتبيه يسوي يسلم على كل واحد يعرفه،،، يخليه هله ويقعد يسلم ويسوالف مع ربعه،،، من السنع انك اذا شفت واحد مع هله مافيه داعي تروح تملغ عليه

[qatara]

يعني وش تبيه يسوي يدق ويا ربعه خشم

ويشرب كرك معاه ومع اهله باحد المطاعم مثلا؟

[الأغر]

ننتظر الجواب يا اسعاف ..منكم نستفيد !

[Dana’1]

مو الكل
زوجي ما يتصدد عادي بس بعد ما يروح او ان الرجال يجئ عشان السلام خصوصا من ربعة الي دوم يشوفهم
مرة او كذا مرة ينعدون على اصابع اليد الوحدة مؤ دايم الي سلم فيها على رجال يعرفة احدهم معلم درسة نسيت باي مرحلة

[فلتة زمانها]

ليش في السفر مايستحي !!

[ولد ازغوى]

انا لاحظت هاي بين المراهقين انهم يتصددون او بالاساس ما يودي هله ويتمشى معاهم اماالزوج ممكن يوديهم لكن ممكن يغمز لصاحبه ان وصل السلام هههههه*

[حسن]

انا زوجتي تقولي انت تفشل ومحد يتمشى معاك ماتخلي حد ماتعرفه وتسلم عليهم اقولها وش ييصير يعني
عيب وولا حرام اتصدد عن الريايل اشوفه ويشوفني واصد لاوالله ماسويها مهب بس قطري لكل هندي بتاني
مصري اي جنسيه تخطر على بالكم

[قناص 787]

ننتظر الجواب يا اسعاف

[ريتويت]

سبحان الله

[hma]

الصراحة اخوي إسعاف أنا مستغرب من موضوعك

مثل ما قالوا الشباب اذا الواحد هله وياه وشاف ربعه شيسوي في رايك؟

لازم يصد لانه مش معقوله ياخذ هله ويروح يسلم ومستحيل يترك هله كل شوي ويسلم على العالم

[.خالد]

عادة بداها رجال نفوسهم مريضة وقلدوهم باقي الرجاجيل ، بعضهم يحسسونك كان الاهل شبهه ... اخبر كنا نسويها يوم ما كان عندنا سالفة ..

[طير حوران]

من الافضل القاء التحيه من بعيد وعدم تجاهل مرور ربعك ولكن في نفس الوقت لازم هم يحترمون وجود اهلك اما انك تصدد فلا ولا ولا 000واما انك تذهب للسلام المباشر وتترك اهلك وتفتح مع ربعك احاديث فلا والف لالالالالا

[Cooki]

ياجماعه الخير الرجال سال ليش الواحد يتصدد عن ربعه ومايسلم عليهم اذا كان مع اهله .. ماقاال يبسط معاهم ويعزمهم على كرك .. افهموا السؤال بعدين ردواا بارك الله فيكم

من وجهه نظري الشخصيه اعتقد بانها ( ظاهره ) تعتمد على الشخص وتفكيره وثقافته ...
وان دلت فانها تدل على ضعف الشخصيه وهشاشه التفكير وعدم الثقه بالنفس او بالاخرين ..

والا واثق الخطااا يمشي ملكا ً بكل مكان وبكل زمان ومع اياً كان...

دمتم بود

[qatara]

ياجماعه الخير الرجال سال ليش الواحد يتصدد عن ربعه ومايسلم عليهم اذا كان مع اهله .. ماقاال يبسط معاهم ويعزمهم على كرك .. افهموا السؤال بعدين ردواا بارك الله فيكم

من وجهه نظري الشخصيه اعتقد بانها ( ظاهره ) تعتمد على الشخص وتفكيره وثقافته ...
وان دلت فانها تدل على ضعف الشخصيه وهشاشه التفكير وعدم الثقه بالنفس او بالاخرين ..

والا واثق الخطااا يمشي ملكا ً بكل مكان وبكل زمان ومع اياً كان...

دمتم بود

قد نكون لم نفهم سوال اخينا اسعاف

طيب من باب الذوق اساسا لما اشوف اي
صديق لي ومعه اهله ان سلم رددت سلامه
من بعيد وان لم يسلم تفهمت وضعه


ما بيلها علم نفس ودراسات وتحاليل

[Qt.1]

اخوي اسعاف الموضوع مش موضوع شبهه والا مستحهه , الموضوع اصلاا الرجال مع مرته مثلاا ايشوفني ايجيني مع مرته ايوقف معاي ايسلم ها شخبارك بوفلاان شعلومك ومرته معاه مثلا !!! لاا مب عدله الصراحه ماظن احنى مجتمع منفتح لهدرجه انه نوصل لهشي , اخبر هذي سوالف الااجانب مهب سوالفنا (هذا رايي شخصي طبعا) ,,, وكل شخص حر ,,,

[قرنقووش]

إن شفت واحد اعرفه ويا هله اساسا ما ابحلق في ويهه ولا اراقبه .. وان مر جنبي ولمحته ممكن اتصله في وقت لاحق

يمكن بالنسبه لي شي عادي اما بالنسبه له هو مايحب او يتضايق ..
وفي كل الاحوال مابصد ان شافني لكن بعد ما اقزه قز ان مر ويا هله وشوفاته

[STAR]

ياجماعه الخير الرجال سال ليش الواحد يتصدد عن ربعه ومايسلم عليهم اذا كان مع اهله .. ماقاال يبسط معاهم ويعزمهم على كرك .. افهموا السؤال بعدين ردواا بارك الله فيكم

من وجهه نظري الشخصيه اعتقد بانها ( ظاهره ) تعتمد على الشخص وتفكيره وثقافته ...
وان دلت فانها تدل على ضعف الشخصيه وهشاشه التفكير وعدم الثقه بالنفس او بالاخرين ..

والا واثق الخطااا يمشي ملكا ً بكل مكان وبكل زمان ومع اياً كان...

دمتم بود

اتفق معاك 100%

[khaleeji]

الي اذكره قبل لي رحنا السوق مع الوالد وشاف حد يعرفه يسلم عليه من بعيد ويتحفاه بان يقول مساك الله بالخير يافلان

واحيانا يوقف معاه خاصة اذا كان ما شافه من زمان والاهل يبعدون شوي

وهذا الطريقه الي اتبعها والحاصل ان الشباب هالايام اكثرهم يتصدد وخاصة اذا كان منظر زوجته محرج :shy:

[حسن]

اخوي اسعاف الموضوع مش موضوع شبهه والا مستحهه , الموضوع اصلاا الرجال مع مرته مثلاا ايشوفني ايجيني مع مرته ايوقف معاي ايسلم ها شخبارك بوفلاان شعلومك ومرته معاه مثلا !!! لاا مب عدله الصراحه ماظن احنى مجتمع منفتح لهدرجه انه نوصل لهشي , اخبر هذي سوالف الااجانب مهب سوالفنا (هذا رايي شخصي طبعا) ,,, وكل شخص حر ,,,

لا لا مهب هذه الطريقه يابوعبدالله انا ساعات في المجمعات ولا السوق اذا واحد اعرفه وصد
خالص اما اذا جي يسلم اسلم عليه والمره تروح قدام ياتدخل محل تتشرا ولا تنظر قدام هذا
بالنسبه لي وهذا راي

[Aaziz]

ليش يستحي الزوج ان يراه اصحابه يتمشى مع اهله ،ويتصدد عنهم !!؟؟


حتى أصبح من العادات عندنا

ان لا تلقي حتى السلام عليه ما دام مع أهله؟؟

السلام عليكم

الله يهديك و يسامحك ،، اذا هذي من عاداتك فلا تعتقد ان الجميع يتصرفون بنفس الطريقه .


الي اهله يخافون الله في لباسهم فهذا يجعل من وجود الاهل مع الشخص مدعاه للشرف و رفع الرأس لا الخزي .

ان كنت تقصد فئة معينه فحدد و فصل في القول ولا تخف من قول الحق

[مو مهم]

بعض الناس اهلهم يكشفوون هم اكثر فئه تستحي
بس وان لله الحمد ما استحي من احد لانهم منقبات
دامك تستحي انهم يشوفون زوجتك ربعك ليش ما تستحي من الغرب
ذكرتني بسالفه بعض البنات الي تتكشف قدام الهندي واذا مر القطري تتغطى
ليش الهندي مب رجال

[hk94]

وينهم هذولا اللي يستحون ؟؟؟؟؟
اجل المتماسكين بالأيادي و قاعدين في القهاوي قدام خلق الله يعني اصدقائهم مايشوفونهم ؟؟؟؟؟؟
الله المستعان

[مشاكل]

شوف اخوي اسعاف
هناك انواع من المتزوجين:
1- نوع يعتبر رد السلام على رفيقه اثناء مرافقته لزوجته عيب وهذا النوع غالبا حديثي العهد بالزواج .
2- نوع يرد السلام او يسلم على رفيقه سلام عابر وسريع وزوجته طبعا تبتعد عنهم بحيث ماتكون قريبه منهم وهذا النوع من الازواج غالبا مايكون قد مضى على زواجه فتره طويله اكسبته الثقه في هله وفي نفسه .
3- نوع مسكين هله كاشفين ومتعدلين ومتزينين ومتعطرين ومتمكيجين اذا شاف حد من ربعه وده الارض تنشق وتبلعه ولايشوفه رفيقه وهو متلبس :)

[نجدي قطري]

أنا عن نفسي أرفع يدي للسلام من بعيد.
محد ينقد على اللي مع أهله ويتشرّه ليش ما يجي يسلّم.
والحمد لله حريمنا منقّبات فما عندنا مشاكل إن حد يقعد يتمقّل فيهم.

[هبوب الكوس]

صراحه الربع هم اللي يتصدون اذا مع الاهل

مره شفت واحد من الربع قلت بسلم عليه من بعيد مره وحده اختفى :rolleyes2:

اللتفت يمين يسار وينه :telephone:

[اسعاف]

مشكورين اخواني على المشاركات

بس انا اقصد حتى مجرد السلام من بعيد ايضا ما يسلم عليه ولو كانت زوجته منقبة

بل كما قال احد الاخوة :انه يختفي عن وجه صاحبه اذا رآه يمشي مع اهله في السوق !!

انا الصراحة : ما اقدر آشوف صديق او زميل عمل او مصلي معاي في المسجد وآتصدد عنه
ان مجرد الاشارة بالسلام من بعيد تكفي
والابتسامة في وجهه ولو من بعيد تكفي (تبسمك في وجه اخيك صدقة)
كما انا الزوجة او الام او البنت ليست عيب او شبهة
اعجبني واحد من المتدينين القطريين قبل كم يوم رايته في اللولو ،لما رأيته نزلت رأسي قلت لعله (ما يحب ) ان يسلم عليه احد وهو بصحبة اهله،فإذا هو يبادر ويناديني باسمي ويمد يديه لي ، (وافشاء السلام سنة من السنن )

طبعا اذا رأيت صاحبي مع زوجته وهي متمكيجة ومخرجة لقذلتها وووو
فهذا بالطبع اتصدد عنه لكي لا (احرجه)خاصة اذا كان من عيلة معروفة

آتذكر لما كنت ادرس في الرياض قبل 30 سنة كنت آشوف الشاب يمشي واهله وراءه بمسافة 20 متر !!ليش عاد؟؟ وهو كل دقيقة ينظر وراءه يريد الاطمئنان على اهله الذين هم وراءه
بل العجب اني رايت النساء هناك يجلسن في الوانيت(البيكمب)في مكان الغنم في الخلف
ومقصورة السيارة فاضية !!!
كل ذلك من باب العيب ؟؟
بل ان الواحد يقول لأصحابه اذا جاب ذكر المرأة يقول : أعزكم الله (حرمة)!!
النساء شقائق الرجال ،كما قال سيد الخلق صلى الله عليه وسلم

[qatara]

لا افراط ولا تفريط

لاكن لا يعني ان نكون انشكاحيين ونسميها حضاريه
وانفتاح

فالحشمه تزيد الوقار حتى وان كانو اهله محتشمين

فاتجنبه برايي بالعكس سيقدر ذالك

[اسعاف]

العجيب ان الزوج والزوجة يتسوقون احيانا ،فترى الزوجة زميلتها في السوق فتتصافح معها وقد تقبلها ،واذا صاحبتها كان معها زوجها ،فان الزوجين يضطران بالسلام على بعض والتعارف ،حتى تكمل الزوجتين سوالفهما الشيقة
لكن لو كان الزوجين زميلين (وزوجتيهما لا يعرفن بعضهما بعضا)فان الزوجين يتصددان عن بعضهم البعض !!

[qatara]

مهب سوق اصبح مجلس

[hma]

لا افراط ولا تفريط

لاكن لا يعني ان نكون انشكاحيين ونسميها حضاريه
وانفتاح

فالحشمه تزيد الوقار حتى وان كانو اهله محتشمين

فاتجنبه برايي بالعكس سيقدر ذالك


:nice:

[خليفـة]

ليش يستحي الزوج ان يراه اصحابه يتمشى مع اهله ،ويتصدد عنهم !!؟؟


حتى أصبح من العادات عندنا

ان لا تلقي حتى السلام عليه ما دام مع أهله؟؟

عادات اهل قطر والخليج بشكل عام
لما احد يشوف واحد يعرفه مع زوجته
يغض الطرف عنه .. وما يبين له اني شفتك
وهذا من باب الأدب واحترام الخصوصيات لهذا الصديق
:)
اما بخصوص مسألة السلام
ان كنت انت لا تمانع ان يسلم عليك احد اصدقائك
وانت مع اهلك حفظكم الله
فغيرك يرفض تلك الفكرة ويستنكرها ايضاً
لانه في هالحاله ما احترم خصوصيتي وخصوصية اهلي

ما باقي الا يجي يسلم خد .. ويسأل عن اخر الأخبار والزوجة واقفة تنتظر السوالف تخلص بينهم

والله يا اخوي اسعاف انا مستغرب منك
تختفي ايام واسابيع
ولما تطلع .. تطلع لنا بموضوع أقل ما يمكن وصفه
انه موضوع مُستنكر ومرفوض من الجميع
مع خالص احترامي لشخصك الكريم طبعا
:)

عموما .. وللتذكير
كلامي اعلاه .. عن القطريين والخليجيين بشكل خاص
اما الأخوة الأعزاء مواطني دول الشام ومصر و و الخ
فهذا أمر طبيعي بينهم بحكم عاداتهم وتقاليدهم الي نحترمها
حتى لو لم تتناسب مع عاداتنا وتقاليدنا في الخليج

خليفــة

[مو مهم]

عادات اهل قطر والخليج بشكل عام
لما احد يشوف واحد يعرفه مع زوجته
يغض الطرف عنه .. وما يبين له اني شفتك
وهذا من باب الأدب واحترام الخصوصيات لهذا الصديق
:)
اما بخصوص مسألة السلام
ان كنت انت لا تمانع ان يسلم عليك احد اصدقائك
وانت مع اهلك حفظكم الله
فغيرك يرفض تلك الفكرة ويستنكرها ايضاً
لانه في هالحاله ما احترم خصوصيتي وخصوصية اهلي

ما باقي الا يجي يسلم خد .. ويسأل عن اخر الأخبار والزوجة واقفة تنتظر السوالف تخلص بينهم

والله يا اخوي اسعاف انا مستغرب منك
تختفي ايام واسابيع
ولما تطلع .. تطلع لنا بموضوع أقل ما يمكن وصفه
انه موضوع مُستنكر ومرفوض من الجميع
مع خالص احترامي لشخصك الكريم طبعا
:)

عموما .. وللتذكير
كلامي اعلاه .. عن القطريين والخليجيين بشكل خاص
اما الأخوة الأعزاء مواطني دول الشام ومصر و و الخ
فهذا أمر طبيعي بينهم بحكم عاداتهم وتقاليدهم الي نحترمها
حتى لو لم تتناسب مع عاداتنا وتقاليدنا في الخليج

خليفــة

اخوي خليفه
لا تقول عادلت وتقاليد لا هذي توها صارت من الستي سنتر وجاي
والدليل للحين كبار السن ربي يحفظهم ويخلهم لنا ذخر نشوفهم بالمجمعات اذا تواجهوا مع بعض يسلمون ع بعض ومرات سلام حار اذا من فتره ما تصادفوا
واقولك يا بو دعيج لا تقول عادات وتقاليد
صارت توها من بدت بناتنا يكشفوون



بل ان الواحد يقول لأصحابه اذا جاب ذكر المرأة يقول : أعزكم الله (حرمة)!!




انا رديت قبل فتره قريبه ع موضوع في قطر فوتبول وكان ردي ان الرجال كرم امه عننا وجد ارتفع ضغطي منه

[ريم 28]

انا زوجي الحمدلله يخليني في المحل ويرجع للي يعرفه ويسلم (الله يحفظه)

وانا اكون لين الحين اتسوق خخخخ

بس سؤال يطرح نفسه ليه يروح السوق اساسا مع زوجته طالما منحرج يسلم على ربعه يعني كم واحد انت مريت عليه بالسوق جات على رفيقك تسلم عليه

وجهة نظري عاده جديده واتمنى من انها تندثر لان خلاص مشيتوا السوق كله جات على السلام على قولة واحد لا تشرب كرك معاه كلمتين بس وارجع لهلك ومش معقوله كل اللي بالسوق اتعرفهم الحين

[ريم 28]

بل ان الواحد يقول لأصحابه اذا جاب ذكر المرأة يقول : أعزكم الله (حرمة)!!


بخصوص هالجمله من اللي يقولها انا ما اسمعها عندنا الحمدلله

[الصغيره]

اللي يستحي من زوجته مريض نفسسسي

ليه يستحي وش اللي يخليه يستحي شكلها لبسها كاشفه

للاسف البعض باني له شخصيه غير قدام ربعه وبالبيت شخصيه ولما يواجه حد من ربعه يستحي وينشف محله

يذكرني برجال يجي بالمجالس الحريم والحريم والحريم ماينعطون وجه ولا يشلون ولا يحطون ولا تطلعون الحريم ولا تودونهم للسوق ولا المطعم بالاخير صادوه بالسينما مع زوجته ههههههههههههههههههههههههههههههه ربي الحمد لك وحدك

[لاجل QT]

مافيها شي اسعاف

هو مهب خجل من زوجتة..كثر غيرة الزوج وادب الصاحب واحترامة للعادات والتقاليد..مايحب رفيجة يلمح زوجتة او يكون قريب المسافة عند السلام..
الرجل الشرقى مايحب حد يشوف هلة او يحس بوجودهم من باب الغيرة وان احنا تربيا على احترام خصوصيات الاخرين ..السلام يكون اما من بعيد برفع اليد...او يبعد عن هلة قليل للسلام الزوج على صاحبة..وتلقائا تشوف الزوجة ابتعدت من باب الادب والاحترام والخجل

بعد مايصير يجي الصاحب يرتز في النص معاهم او يسلم على زوجتة ..مهب عوايدنا


عادي مافيها شي

[لمعة الالماس]

الافضل يسلمون على بعض من بعيد اما انه يهد زوجته ويروح يسلم على ربعه فشيله

الا اذا كانت الزوجة مشغولة في محل او صلاة او بالالعاب يعني تكون بعيده عن زوجها فما فيها احراج للطرفين

وربعه لاحق عليهم يشوفهم بالدوام او في تجمعات الشباب

وانا اشوف السلام من بعيد فيه خصوصيه للطرفين

[khaleeji]

الاخ خليفه

ولاجل qa

وغيرهم الي يقول مب من عاداتنا ما يصير تقررون العادات بروحكم ترى احنا مثلكم من هل قطر

والي مب من عاداتنا هو ان يتصدد الرجال عن الي يعرفهم في الاماكن العامة مع اني التمس العذر لهم خاصة

اذا كانت ظروفه كما ذكرت في مشاركتي السابقة

[مو مهم]

والله انا حاليا في الدوام سالت ٣ اشخاص وكلن من قبيله مختلفه
انا بدوي وهم حضر
وكلهم قالوا عاادي .. وواحد منهم قال انا متواجه مع واحد وسلمت عليه خد وخليت اهلي بعيد
يعني يا خوي خليفه لا تقول من عادات اهل قطر

[chillis]

ههههه فهموا السوال غلط هو يقصد ان شفت صاحبك في ناس تخشش وتدعس يستحي ربعه يشوفونه مع اهله وفعلا في ناس جذي يستحي من اهله

[BoAzozz]

الموضوع بسيط جدا

يعني انا اذا لقيت حد اعرفه اسلم من بعيد
(شخبارك يا فلان .. عساك طيب) واذا بعيد اسلم باليد

صحيح في ناس اذا شفتهم مع اهلهم يعتفس وتصيده حاله نفسيه ويتصدد غصب ههههههههه
بس عادي احاول ابعد عنه لا يستوي فيه شي

تحياتي

[تحداني]

اللي يستحي من زوجته مريض نفسسسي

ليه يستحي وش اللي يخليه يستحي شكلها لبسها كاشفه

للاسف البعض باني له شخصيه غير قدام ربعه وبالبيت شخصيه ولما يواجه حد من ربعه يستحي وينشف محله

يذكرني برجال يجي بالمجالس الحريم والحريم والحريم ماينعطون وجه ولا يشلون ولا يحطون ولا تطلعون الحريم ولا تودونهم للسوق ولا المطعم بالاخير صادوه بالسينما مع زوجته ههههههههههههههههههههههههههههههه ربي الحمد لك وحدك


ههههه فهموا السوال غلط هو يقصد ان شفت صاحبك في ناس تخشش وتدعس يستحي ربعه يشوفونه مع اهله وفعلا في ناس جذي يستحي من اهله




اظاهر بالفعل البعض الاكثر ما افهموا السؤال .. ودخلوا لنا مليون سالفه في سالفه


الي يستحي يطلع وربعه يشوفونه مع زوجته او امه او خواته هذا ما يستحي على وجهه وانسان ابد مب طبيعي
هذيلن تاج راس ربعك وتاج راس كل واحد اتعرفه ..
وهم على العين والراس الواحد ان طلع مع اهله طلع معاهم لانهم اهله مب لانهم حبيباته وبنات ما يعرف من وين جايبهم

لبسهم ماهو لبس غريب ما متعود عليه
وكشفهم لوجهم او تغطيه وجهم ما صار شي غريب ايضا في اللحظه الي كانوا معاك فيه



وشكلهم ولبسهم وطريقتهم الخارجيه اذا كانت اتفشل ومنحرج منه المفروض يكون هالشي موجود قدام الغريب وقدام ربعك



اما عن السلام فكل واحد وطريقته
واحد يقرب منك ويسلم عليك والمره او الاخت او الام من نفسها بتروح المحل الافلاني

ومنهم يأشر عليك من بعيد
ومنهم يتصل على طول ويسلم عليك ويتعذر


ما اعتقد انها معادله رياضيه صعبه




جملكم الله برضاه

[الشيخة شيوخة]

كلها عقد مالها داعى

[qatari 111]

الله يعينا على بعض الاعضاء اللي مب فاهمه المقصد من الموضوع
المهم .. على حسب اهله اذا كانوا متبرجين وشاف حد من ربعه راح يستحي .. والغريب انه مايستحي من رب العالمين ولا من البشر اللي حوليه ..

وبعدين ويش الفرق من الناس اللي حوليه وربعه .. يعني هذولا مب ارجال وربعه ارجال .
واحد اشر لك وسلم عليك رد السلام بمثلها .. دام ان اهلك حاشمين نفسهم ونقاب وعبايه وسيعه .

ولحد يألف يقول عاداتنا وتقاليدنا .. حددالعادات والتقاليد حق نفسك

[دااانة قطر]

شوف اخوي اسعاف
هناك انواع من المتزوجين:
1- نوع يعتبر رد السلام على رفيقه اثناء مرافقته لزوجته عيب وهذا النوع غالبا حديثي العهد بالزواج .
2- نوع يرد السلام او يسلم على رفيقه سلام عابر وسريع وزوجته طبعا تبتعد عنهم بحيث ماتكون قريبه منهم وهذا النوع من الازواج غالبا مايكون قد مضى على زواجه فتره طويله اكسبته الثقه في هله وفي نفسه .
3- نوع مسكين هله كاشفين ومتعدلين ومتزينين ومتعطرين ومتمكيجين اذا شاف حد من ربعه وده الارض تنشق وتبلعه ولايشوفه رفيقه وهو متلبس :)


:nice::nice::nice: