المساعد الشخصي الرقمي

مشاهدة النسخة كاملة : الي شباب قطر في امريكا او الي زار امريكا



مخطط قطري
19-04-2012, 05:39 PM
يالربع ابي ارخص شبكه اتصال على قطر
سمعت انه في امريكا اكثر من 25 شركه اتصال
فحبذا لو حد يفيدنا عن ارخص شبكه اتصال على قطر
مثال في بريطانيا ليبرا ارخص شي وفي شركه ارخص بعد من او2 وفودافون واورنج بس ناسيها
سالت واحد من الربع هناك قالي يستخدم برامج في الايفون مثل الفيبر وغيرها اذا بقا يتصل في قطر
بس انا ابي شبكه اتصال يليت حد يفيدنا وشكرا لكم مقدما....

Qatari In Us
19-04-2012, 05:44 PM
في شركة اسمها سمارت فون رخيصه مابتكلفك واجد مثل تي موبل كل الشباب يستخدمونها تدخل على موقعهم وتشتري مثل كرت مسبق الدفع وبعدين تتصل على رقم الشركة وتدخل الرقم اللي تبيه

بس مشكلته مب اتصال دايركت لازم تتصل برقم الشركة وبعدين تتصل بالرقم اللي تبيه

اذا تبي تفاصيل اكثر كلمني عالخاص اخوي ومابقصر وياك

حقيقه
19-04-2012, 11:39 PM
تي موبايل حلوه

Aaziz
19-04-2012, 11:48 PM
السلام عليكم

اتصل على 9544310366

بيرد عليك واحد عربي قول له ابي اشترك وياكم على رقم جوالي بياخذ 50 دولار و بينحسب لك 55 دولار كهديه . و بيعطيك رقم تلفون خاص فيك انت فقط تتصل عليه كل مابغيت تكلم الدوحه

و الطريقه بعد الاشتراك وياهم كالتالي

1- تتصل على الرقم المخصص لك (بيعطونك اياه بعد ماتشترك)
2- تطلع لك رساله صوتيه لاختيار اللغة المفضله 3 للعربي و 1 للنجليزي
3- تضغط رقم 1 للاتصال بالدوله الي تبيها و بيقولك دخل الرقم الي بتتصل له
4- طريقه الاتصال للدوحه تضغط 011 بعدها 974 مباشره .. يعني لو رقم جوال بتتصل له بيكون كالتالي
011974558#####

هذي ارخص طريقه للاتصال في الدوحه بدون برامج و الشركه هذي ثقه و اتعامل معاهم من فتره طويله لدرجه اني خليتهم يسوون اضافه رصيد اوتوماتيكي كل ماخلص رصيدي

حاليا جربت اتصل على جوال في قطر عشان تعرف الحسبه في رصيدي 19.73 دولار عطاني 129 دقيقه

الزجاجي
20-04-2012, 12:03 AM
للاتصال الداخلي في امريكا كنت استعمل Simple mobile مكالمات في امريكا بالمجان وانترنت مفتوح ومسجات لكل العالم بالمجان (عقبال كيوتل !! ) بس عليك الاشتراك الشهري
وللاتصال لقطر كنت استعمل شركتين الاولى نسيت رقمهم واسم شركتهم والثانيه Boss revolution
اما من قطر لامريكا استعمل برنامج magic jack على الايباد والايفون موجود

ANONYMOUS
20-04-2012, 01:19 PM
سكايب رهيب ليش ماتجربونه

حقيقه
20-04-2012, 07:43 PM
اهم شيء شركه مشهوره تحمل. لانه يمكن يحققون معاك إذا شكو برقمك

R 7 A L
20-04-2012, 08:21 PM
لما كنت في امريكا كنت استخدم تي موبايل
60 دولار شهرياً
تشمل الانترنت والبلاك بيري والرسائل sms دولياً والمكالمات الداخلية مجانية
وكنت اعبي 250 للمكالمات الدولية

بس Simple mobile ارخص
40 دولار شهرياً
مكالمات داخلية مجانية بالاضافة الى الرسائل




فية شركات كثيرة بعضها تتعامل بالفيزا بس ماينصح بها ماتدري يمكن تصير قرصنة او سرقة عن طريقهم



بالاخير
المكالمات الدولية لو 1000 دولار شهرياً لمكالمة الاهل ماهيب خسارة


بالتوفيق