مبروك كل شخص في قطر ربح كمارو !

[السكين]

السلام عليكم ورحمة الله وبركاته ..

* مبروك ربحت سيارة كمارو موديل 2012 اتصل على الرقم الفلاني ( دولي طبعاً ) واعرف تفاصيل جائزتك .

* اتصل بوكيل البنك .. الموضوع خاص برصيدك ..ويحط لك رقم ( أيضاً دولي ) .

* أنا فلانة منتظراك ..و .. ( ** جزء من النص مفقود ..) !!

طبعاً الكلام واضح ..كله نصب في نصب .. معقول كل الدوحة توصل لها لها هالمسجات ؟؟

اذا وصلت الشغل كل واحد يسأل الثاني عن مسج البنك ..إذا وصلت البيت ألاقي أختي جاية تقول لي شوف لي البنك متصلين لي !!

الكثير يطنش ..بس بالمقابل الغشم أكثر .. وكثير يتصلوا ..وما ينوبهم غير خسارة الإتصال ,,

من حكم خبرتكم وخبرة ذوي الإختصاص كيف تنتشر هالمسجات ؟ ومن وين جايبين كل الأرقام ؟ و إيش الفايدة ؟ وما هو دور متلقي هالمسجات ؟ هل نطنش ؟ نشكي ؟ لمن نشكي وكيف ؟

بصراحة .. أيام التليفونات الأرضية .. المعاكسات والنمرة غلط كانت أهون من هالنصب وقلة الحيا اللي قاعدة تجينا حالياً !

والا شرايكم ؟؟

[الأغر]

صباح الخير بما ان الساعه 12:30 ليوم الجمعه
لا اخفيك انني ايضا ممن انزعجوا من تلك الرسائل التي تغيض حتى في وقتها.. فتظن انه هاتف هام من احد اقاربك او اصدقائك يطلب الفزعه فتجد هذه الرسائل التافهه .. لا ادري ان كانت كيوتل او فودافون لها المقدرة على السيطره !!

[عبدالعزيز 9]

اي والله سندرونا

[مو مهم]

اليوم وانا في الدوام واحد اتصل فيني ع رقم الدوام (( للعلم رقم مركز شرطه))
قالي اخوي مطرشين لي مسج رابح كمارو
قلت اخوي معاك مركز شرطه ........
جد افتشل الرجال

[المبرمج صلاح]

للاسف اخوي هذه الرسايل انتشرت بكثرة بعد صدور اجهزة الهواتف الذكية
والبرامج اللي ننزلها من الانترنت عليها تقدر تاخد كل الارقام اللي بجوالك
لتضيفها وتصنفها لقاعدة بيانات عملاقة تقدر تبيعها لاي شركة اعلانات او نصب او تكون هي الشركة النصابة والتي تستفيد من هذة الحركة

تخيل كل شخص ترفع الاسماء بجواله الي هذة القاعدة حتي اذا كنت لا تستخدم الجولات الحديثة يكفي شخص واحد فقط من الربع ضايفك عنده ونزل البرنامج وهكذا

كيوتل وفودافون وشركات الاتصالات بريئة من هذا ولا تستطيع ان تفعل شي الا الحجب بعد اكتشاف رقم الشركة النصابة

الله المستعان اخوي

[ROSE 26]

استغفر آلَّـًلْـْہ صج سندروني
وهالمسج آلَِيـŶМـَِ�ـَِومِْ واصلني

وكيل البنك الوطني يعلمك بضرورة الاتصال 0022455201071 مجانا
المشكلة مايكتفون بالمسجات بًًـِْــِْسًًِ مع رنات
>_<

[السكين]

شاكر لكم ردودكم

وانا يجيني هالرقم باستمرار على شكل رنات وللعلم مرات يطول وهو يرن بس ما أرد

008801723409980

[abdo222]

شاكر لكم ردودكم

وانا يجيني هالرقم باستمرار على شكل رنات وللعلم مرات يطول وهو يرن بس ما أرد

008801723409980

رد عليه وخله يسحب من رصيده، انا سويتها كذا مره وما صاروا يتصلون !!

ازعجوني بشكل مب طبيعي !!! المشكله على كرت كيوتل و فودافون ! هبوا بقوه فجأه ،،

واحد متصل على رقم الاهل فتح خط اليمن !! ونفس الشيء نصب ! لين اتصله طلع واحد يفك السحر :secret:

كيوتل وفودافون كشركات يقدرون يمنعون ارقام معينه من الاتصال لداخل قطر، بس الارقام دوم تتغير (يستعملون برامج VOIP الي بالكمبيوتر) فيعطيك ارقام وهميه، فمالها فايده لو كيوتل منعوا الارقام،،

الله المستعان،، اول ما اسمع تلفوني يرن من ارقامهم افتح الخط دايركت

[نجدي قطري]

اليوم وانا في الدوام واحد اتصل فيني ع رقم الدوام (( للعلم رقم مركز شرطه))
قالي اخوي مطرشين لي مسج رابح كمارو
قلت اخوي معاك مركز شرطه ........
جد افتشل الرجال

بصراحة موقف لا يُحسد عليه.

[السكين]

رد عليه وخله يسحب من رصيده، انا سويتها كذا مره وما صاروا يتصلون !!

ازعجوني بشكل مب طبيعي !!! المشكله على كرت كيوتل و فودافون ! هبوا بقوه فجأه ،،

واحد متصل على رقم الاهل فتح خط اليمن !! ونفس الشيء نصب ! لين اتصله طلع واحد يفك السحر :secret:

كيوتل وفودافون كشركات يقدرون يمنعون ارقام معينه من الاتصال لداخل قطر، بس الارقام دوم تتغير (يستعملون برامج voip الي بالكمبيوتر) فيعطيك ارقام وهميه، فمالها فايده لو كيوتل منعوا الارقام،،

الله المستعان،، اول ما اسمع تلفوني يرن من ارقامهم افتح الخط دايركت

والله يا خوي من باب راحة البال بس طلعت أحسن مني خسرتهم هههههههه

شاكر لك اخوي عبدو

[مو مهم]

^^^^^^^
يعني الحكايه من اهل قطر وناس تسوي مغالب والا شعرفه برقم الشرطه

[الصغيره]

المسج جاني

والرساله من رقم داخلي اتصلت عليه قال لم يوضع بالخدمه

يبدا 447153xx ثم حاط اني فزت بالسياره اللي هي كامارو ولمزيد من التفاصيل اتصل 0022455203166
السؤال كيوتل وش مهرتها ؟؟؟؟؟؟؟؟ وليمتى هالاذيه لنا بملكنا وبحلالنا من ناس وراهم بلاوي والرقم اللي جاي منه الرساله ويعتبر داخلي من وراه ؟؟؟؟؟؟

[هدى ورحمه]

السلام عليكم ورحمة الله وبركاته ..

* مبروك ربحت سيارة كمارو موديل 2012 اتصل على الرقم الفلاني ( دولي طبعاً ) واعرف تفاصيل جائزتك .

* اتصل بوكيل البنك .. الموضوع خاص برصيدك ..ويحط لك رقم ( أيضاً دولي ) .

* أنا فلانة منتظراك ..و .. ( ** جزء من النص مفقود ..) !!

طبعاً الكلام واضح ..كله نصب في نصب .. معقول كل الدوحة توصل لها لها هالمسجات ؟؟

اذا وصلت الشغل كل واحد يسأل الثاني عن مسج البنك ..إذا وصلت البيت ألاقي أختي جاية تقول لي شوف لي البنك متصلين لي !!

الكثير يطنش ..بس بالمقابل الغشم أكثر .. وكثير يتصلوا ..وما ينوبهم غير خسارة الإتصال ,,

من حكم خبرتكم وخبرة ذوي الإختصاص كيف تنتشر هالمسجات ؟ ومن وين جايبين كل الأرقام ؟ و إيش الفايدة ؟ وما هو دور متلقي هالمسجات ؟ هل نطنش ؟ نشكي ؟ لمن نشكي وكيف ؟

بصراحة .. أيام التليفونات الأرضية .. المعاكسات والنمرة غلط كانت أهون من هالنصب وقلة الحيا اللي قاعدة تجينا حالياً !

والا شرايكم ؟؟

باركوا لي توني ربحت كمارو توه المسج واصلني على الطاري :nice:

[fhd4]

وانا بعد فزت بكمارو بس الصراحة للحين ما فضيت اروح استلمها …

[بن مسلم]

امس جاني مسج اني فزت بكومارو وايضا جاني مسج حق الدردشه مع البنات علي كيوتل وفودفون ان يجدوا حلا للمصخره هاي لانه في ناس اتصدق وتتصل

[كتكوت الوحش]

صحيح بالامس جاتني هالرساله مرتين وطنشت لهم

[جرح الزمان]

وعليكم السلام ورحمة الله وبركاته

المشكله أني ما أحب الكمارو ... كل شوارعنا مراقبه بالرادار

أتوقع ان ارقامنا توصل لهم من شركات محليه

[جرح الزمان]

باركوا لي توني ربحت كمارو توه المسج واصلني على الطاري :nice:


وانا بعد فزت بكمارو بس الصراحة للحين ما فضيت اروح استلمها …

:rolleyes:

:nop: :nop:

:pic:

[السكين]

الموضوع هذا للتوعية ولاحظت الكثير ما شاء الله عليهم فاهمينهم صح

حالياً ممكن اي شخص يسجل بسكايب او اي برامج اتصال ويختار بدل النك نيم رقم وليكن اوله مفتاح قطر وبعدها اي رقم مميز تختاره ليشكك انه من قطر ، وممكن يختار اسم مثل كيوتل او اتصالات قطر او qnb أو moi وغيرهم ، عربي او انجليزي وممكن يختار اي هيئة حكومية للنصب ولما يرسلها رسالة نصية توصل انها من الدولة او من اشخاص بقطر ... هذا هو الأسلوب المتبع وبهالطريقة توصل للناس رسائل من كيوتل او فودافون او شركات مشهورة وهي تكون من اشخاص عاديين هدفهم التسلية أو النصب او الاحتيال ..

ارجو الانتباه لهذا النقطة ، لانه ممكن تسيء لدولة او لشعب او لشخص ..

[أخت التفاؤل]

أنا ربحت كامارو ههههههههههههههه

[الشيخة شيوخة]

رد عليه وخله يسحب من رصيده، انا سويتها كذا مره وما صاروا يتصلون !!

ازعجوني بشكل مب طبيعي !!! المشكله على كرت كيوتل و فودافون ! هبوا بقوه فجأه ،،

واحد متصل على رقم الاهل فتح خط اليمن !! ونفس الشيء نصب ! لين اتصله طلع واحد يفك السحر :secret:

كيوتل وفودافون كشركات يقدرون يمنعون ارقام معينه من الاتصال لداخل قطر، بس الارقام دوم تتغير (يستعملون برامج VOIP الي بالكمبيوتر) فيعطيك ارقام وهميه، فمالها فايده لو كيوتل منعوا الارقام،،

الله المستعان،، اول ما اسمع تلفوني يرن من ارقامهم افتح الخط دايركت

خلاص بسوى مثلك هم انا تجينى ارقام اذا يسحب من رصيدهم اجل ابي اخسرهم بس الخوف يسحب من رصيدى انا يعنى اخاف عندهم برنامج يسحب منى ولايسحب منهم :telephone::shy:

[جرح الزمان]

الحين وصلتني رسالة وكيل البنك الوطني

يعلمك بضرورة الاتصال وحاط رقم ............. (مجانا)

مصدر الرساله 44+

[قلبي الطيب]

جاني المسج بعد
الله يستر من النصابين

[قرنقووش]

ياخي انت مسكين انا ربحت بنتلي من فتره والظاهر لين اليوم مطربلينها ناطريني استلم الموتر :nice:

[درر قطر]

ما حد يربح في بلادنا غير الهنود والفلبينيين
وبعدين كيوتل ليش ما تتصرف مع هالعصابات ليش ما تتفاهم مع شركات الإتصال في هالدول أكيد يتحملون جزء من المسؤولية

[الشيخة شيوخة]

هذا الرقم الى جانى 44793085+ والرسالة مبروك رقمك ربحك كامارو2012 اتصل مجانا 0022455202166 لاكمال التفاصيل

[bonaser08]

وصلنى نفس المسج

[wadha-qa]

المفروض كيوتل طرشوا مسج تنبيه للناس عن هالسخافات

[مرتبش]

الارقام ممكن من اي مكان
كثير من المحلات تطلب الجوال عشان الدعايات .. لدرجة ان التيسير لحقهم في الموضة

جميع هالمحلات ممكن تبيع هالارقام لجهات اخرى

[Rashid554]

طرشوا لي حتى الحين تقريبا 8 مسجات خلال يومين
لوعو جبدي

[sendarala]

من شوي جاني هذا المسج ( انت على بعد مسافة واحدة لاستلام جائزتك اتصل فورا على 0056322553715 ) سندرونا صراحة لا وعلى الخطين شنسوي معهم ؟؟؟؟

[السكين]

الله يعينكم طلعتوا تجيكم رسايل اكثر مني ههههههههههههه

[noona]

انا مشتغلين علي هالاسبوع والحلو اول مرة قالولي فايز بهمر اتصل وسجل بياناتك وطنشتهم كل يوم يرسلولي مسج هاي اخر فرصة والا بنسحب الجايزة
وبعدين يقولولي انت فزت بكومارو وبعدين رقمك فايز بمدري شنو والاحلى ابنك فايز بهدية اتصل وسج بياناتك ...
والله هاذيلن فللله بكرة بيرسلون مسج وبيقولولي ولد جيرانكم فايز اتصل سجل بيانات اخوك

[السكين]

انا مشتغلين علي هالاسبوع والحلو اول مرة قالولي فايز بهمر اتصل وسجل بياناتك وطنشتهم كل يوم يرسلولي مسج هاي اخر فرصة والا بنسحب الجايزة
وبعدين يقولولي انت فزت بكومارو وبعدين رقمك فايز بمدري شنو والاحلى ابنك فايز بهدية اتصل وسج بياناتك ...
والله هاذيلن فللله بكرة بيرسلون مسج وبيقولولي ولد جيرانكم فايز اتصل سجل بيانات اخوك


طيب الله يخليك لو استلمت السيارتين وعندك رغبة تبيع الهمر كلمني :shy:

[كحيلآن]

صار لهم اسبوع يتصلون علي ما يجيني مسجات بس إتصالات وكل مره رقم مختلف

[بوحمد111]

طنش تعش تنتعش

نصب ونصب ونصب

حسبنا الله عليهم

[ولد العرب]

احد يشتري رقمي ابدا ابدا مافي اي ازعاج ولامسجات ولانصب ولاشي :eek5::eek5:
صدقوني بترتاحون لاتفوتون الفرصه بسرعه اشتروا رقمي هههههههههههههه:nice:

[بوسلمان 2010]

هذا الشي زاد عن حده الصراحة وكيوتل المروض لها سستم معين يمنع التلاعب في المسجات والاتصالات من


هذي الدول لاحول ولا قوة الا باالله

[السكين]

هذا الشي زاد عن حده الصراحة وكيوتل المروض لها سستم معين يمنع التلاعب في المسجات والاتصالات من


هذي الدول لاحول ولا قوة الا باالله

وهذا اللي أقوله لازم يكون فيه فلترة بالنسبة للمسجات اللي تيجي من الإنترنت ، وخاصة اللي يكثر عليها الشكاوي لأنه بعضها يحمل اسم كيوتل او شركة اتصالات وممكن يسيء لهم والناس تصدق انه الشركة اللي قاعدة تنصب عليهم !

الله المستعان ..