مشروع مطابخ إيطالية الصنع

[طالع بن نازل]

السلام عليكم ،،،،،
ايش رايكم يا جماعة في مشروع مطابخ إيطالية ، تكون صناعة إيطالية
من شركة معروفة في ايطاليا وافتح لها فرع في الدوحة .

هل تعتقدون ان الناس في الدوحة راح تقبل على هالنوع من المطابخ وان كان
السعر أغلى شوي من المطابخ الموجودة في الدوحة.

يا ريت لو حد عنده محل او خبرة في هذا المشروع يفيدنا .

[شموخ دائم]

,

,


مرحبا

اخوي الكريم

السوق القطري الان فيه 3 فئات

1- التجاري للبيوت والتي للايجار او البيع ويجيبون لها ارخص المطابخ
صيني او من الحساء او من نجمه

2- فئه متوسطه بيوت بنك التنميه شارع سلوى

3 - فئه تبحث عن الجوده والجمال وما يهمها السعر بقدر التميز


الثلاث فئات فيهم منافسه بالسوق ومنافسه كبيره

صنف نفسك في اي فئه بتشتغل وحدد هدفك لفئه معينه
اذا تحس راح تقدم شي جديد وشي منافس وفيه ميزه عن غيره
راح تتميز وتكسب لك حصه بالسوق
او راح تكون ( تقليدي ) وتدخل بالمنافسه وتتعب

,

,

اخوك

شموخ دائم

[بن غيث]

قبل لا تفكر انك تفتح فرع وتكلف نفسك
حاول تقدم المنتج على مشاريع قيد التنفيذ او تحت الانشاء
واذا كنت تفكر انك تأخذ وكالة ماركة
حاول انك تأخذ كبداية موزع معتمد ويكون لك الاولوية في الوكالة
اذا شفت الموضوع مجدي معاك افتح معرض وتوكل على الله
والسالفة كلها علاقات ومصالح
واذا حاب اتعرف اكثر
عن المطابخ الايطاليه وامكانية تسويقها
ممكن تراسلني ع الخاص
وان شاء الله اقدر افيدك

[طالع بن نازل]

اخوي شموخ دايم شاكرلك تواصلك...

[طالع بن نازل]

قبل لا تفكر انك تفتح فرع وتكلف نفسك
حاول تقدم المنتج على مشاريع قيد التنفيذ او تحت الانشاء
واذا كنت تفكر انك تأخذ وكالة ماركة
حاول انك تأخذ كبداية موزع معتمد ويكون لك الاولوية في الوكالة
اذا شفت الموضوع مجدي معاك افتح معرض وتوكل على الله
والسالفة كلها علاقات ومصالح
واذا حاب اتعرف اكثر
عن المطابخ الايطاليه وامكانية تسويقها
ممكن تراسلني ع الخاص
وان شاء الله اقدر افيدك

الله يعطيك العافية بن غيث ,وشاكرلك نصايحك.