افيدوني بخصوص تاشيرت لندن

[عرباوي قطري]

انا عندي تاشيره لمدة خمس سنوات لكن جوازي انتهى وغيرته وصارت التأشيره في الجواز القديم .. كيف الطريقه الحين ؟

[عازف الاورج]

تسافر والجوازين معاك

[السهم الملتهب]

انا عندي تاشيره لمدة خمس سنوات لكن جوازي انتهى وغيرته وصارت التأشيره في الجواز القديم .. كيف الطريقه الحين ؟


من الافضل أنك تروح لبرج الشريف وينقلون لك الفيزا البريطانية من الجواز القديم للجواز

الجديد أضمن لك وعشان بعد ترتاح من شيلتك للجوازين . بس بياخذون منك رسوم بسيطة .

هذا اللي ان أعرفه من زمان وأتصل عليهم يوم الاحد أفضل وأستفسر عن كل شيء .

[قطر العطاء]

تسافر بالجوازين وامورك طيبة .........انا صار لى سنة وانا اسافر واخر مرة الاسبوع اللى فات مسافر بالجوازين......

[حنان الدنيا]

نصيحه خذ الجوازين احسن

لان لما رحت لهم وسالتهم على نفس السالفه قالت لي الموظفه لازم تعبين طلب جديد ورسوم جديده

واجرارءات جديده وقالت لي مب لازم اخذي الجوازين وياج احسن واوفر لج

[عرباوي قطري]

مشكوريين بس فيه سؤال ان الاسم تغيير تم اضافة اسم الفخيذه هل هذا يسبب لي مشاكل اذا باروح في الجوازين

[ولد ازغوى]

انا كنت اسال بخصوص تدبيس الجوازين لتاشيرة الشنغن بس سالت وقالوا ما يصير الا لجواز امريكا
بس اسال افضل عن تاشيرة بريطانيا

[عرباوي قطري]

تسلمووون بسأل وبشوف

[ولد ازغوى]

ياليت تفيدنا

[أخر الدنيا]

خذ الجوازين وامورك طيبة ... انا تقريبا" سنتين وانا اسافر بالجوازين لندن -امريكا

[أخر الدنيا]

مشكوريين بس فيه سؤال ان الاسم تغيير تم اضافة اسم الفخيذه هل هذا يسبب لي مشاكل اذا باروح في الجوازين
لا ما تقدر تسافر لازم تاشيرة جديدة

[عرباوي قطري]

لا ما تقدر تسافر لازم تاشيرة جديدة

أنا رحت للسفارة او عمارة الشريف وشافوا الجواز وقالوا لي عادي تسافر بالموازين مع بعض لان التأشيرة مازالت صالحه

[شمعة الدوحه]

وش لك بالعباله.. اخوي نفس حالتك بس هو تقريبا عشر سنوات ودبس الجواز القديم مع الجديد واموره سهالات ماله داعي تروح السفاره وموب من ثقل الجواز ^_^

[شمعة الدوحه]

مشكوريين بس فيه سؤال ان الاسم تغيير تم اضافة اسم الفخيذه هل هذا يسبب لي مشاكل اذا باروح في الجوازين


في هذي اسأل السفاره احسن عشان ماتتوهق

[alma3ani]

عادي اخوي روح بلجوازين انا نفس الشي انتهى جوازي والفيزة سارية المفعول ورحت فيهم الاثنين والامور تمام مب شرط ادبسهم عادي خلهم ويا بعض لو ماتبي ادبسهم وانا واحد مجرب هشي

[مـــحـــمــد]

دبس الجوازين في بعض ولمورك طيبه
اما بخصوص اضافة الفخيده هاي لازم تسال فيها السفاره عشان مايلعوزونك

[محمد الجفيري]

ان شالله يفيدوك الاعضاء

موفق