والله محد رفع اسعار الارقام الا الشريطية .. ترى محد يدفع

[بازار]

السلام عليكم ورحمة الله ..

اتمنى قرآءة الموضوع بالكامل فيه قصه في الاخيــر ...


من فترة كانت الارقام المميزه ذات سعر ( كنّـا) نقول عنه غالي و(يخسي)

الحين صرنا نقول ياليت شرينا ذاك الوقت وياليت وياليت ..

لحظه .. لحظه .. لحظه .. لحظة

ماذا حدث ! ايش اللي تغيـر ! شالي صار يالربع !

في اقل من شهرين زادت نسبة اسعار الارقام المميزه اكثر من 200% و 300% 400%

حد مستوعب اللي اتكلم عنه .. مثلا كان بـ 150 الف الحين 700 الف !!

والجنون الاكبــر رقم بـ 2 ... 2.5 .. 3 .. 3.5 .. 4 .. 4.5 مليون الخ الخ

حتى لو عندي فلوس واملك ما املك تتوقع بدفع لك قيمة

فيلا او ارض او راس مال مشروع او او او او في رقم !!

وين ادارة المرور وين حماية المستهلك وين منابر الخطباء عن هذا الجهل ..

ياخي انت شنو مخك...

راكب لي سيارة اخر موديل ورقم بذيك القيمة وعايش مرحلة زبو

و رصيدك ١٠.٠٠٠ مافيه .. ياخي انت دخلك محدود خلاص لا زم تراوي الناس ان عندك فلوس!!وانك تاجر !!

وصبغ بيتكم كمل ١٠ سنين ما جددته

والله .. والله .. والله .. والله .. والله .. والله

اللي عنده فلوس ما يدفع على رقم وكلكم تدرون



قصه بسيطه صارت لي شخصيـــا ..


عندي ارقام من فضل الله سبحان من زمان عندي ،، واحد منها ثلاثي xxy

جاني (شريطي) تقهوا وعين خير ،، وعقبها قرب مني وعرض علي ّ

خمس ملايين ريال على الرقم !! فيه رجال يبغيـــه @@

المهم رفضت الفكره جمله وتفصيل ( ارقامي ما ابيعها )

قدر الله وبعد فترة تلاقيت مع احد الاصدقاء المقربين و مع السوالف قالي


"عارض الرقم ويوم عرفت اني اللي باشتري دبّـلت السعر !!@@ "


انصعقت من الموضوع واحنا قاعدين جبنا الشريطي اللي طلع مشهور جدا في ارقام السيارات

بدون ما يدري ان صديقي موجود اصلا على اساس اني موافق بس ابغي اقعد معاه شوي


متى عرضت الرقم عندك ؟ متى طلبت 5 مليون ؟ ومتى ومتى !! كله من تاليف مخ الشريطي


المهم او زبدة الحديث ليش ارتفعت الاسعار !!!!!!!!!!!!!!!!!!!!!!!!

جواب واحد فقط .. محد رفعها الا الشريطيه ... يعني

ما صاروا هل قطر كلللللللهم تجار ويملكون الملاييييييين في شهرين !!

ياخي حتى التجار ما يدفعون هالمبالغ .. قطر صغيره وكل يعرف الثاني

اذكروا لي تاجر شرى رقم بالمبالغ ذي .. في الايام اللي راحت ..

ترى التاجر ما صار تاجر الا بالعقل والتكانه ،، والا لو كان خبل ما كوّن الثروة

ترى في قطر محد يدفع على الارقام ليش !؟ لانهم تكانه مش مجانين

ما اقول ما فيه مجانين .. فيه يشترون وعقب يستحسفون ويرجعون يبيعون بنص السعر ليش !!

مافيه حد يدفع ..



شكرا لكم جميعا وارجوا ان تتكون ثقافة عقلانية لدى الشباب بدال ما هو ضايع بلا هدف


اتمنى من ادارة المرور و حماية المستهلك ان تشوف حل لمثل هالتخلف اللي حاصل

شرط في نقل الارقام المميزة ما يصير نقل الملكية الا بعد سنة من تاريخ اخر نقل . (مثلا)



.

.

[mazag]

ماجت على الارقام ياخوي.الفيكسار 2011 كم كان ب263 الف الحين 305 كم زاد 50 تقريبا على شنو هذا قل مثل
النيسان الي كان ب230 صار 280 الف
العالم صارت تدفع ومعندها مشاكل
والرقم الي يشتريه يقولك الا رقم لا ياكل ولا يشرب ولا بدفع عليه شيء بيتم بالمرور
والحين من التخلف يشوفون رقم الموتر اول شيء مثلا لمبرقيني رقمها عادي يقولون حرام عليها هالرقم. السلطه
بس شتقول رقم رباعي تشتريه ب500 من سنتين يوصلك الحين 80 الف
لومخدرات ولا دوا مصار فيه كذا
ولو الشريطي ماحصل. حد يشتري منه ماخذ الرقم بقيمه عاليه ولونه مايدري في ناس بتاخذ ماشراه اصلا

[mazag]

ونسيت اذكر نقطه توه تقول رقم سياره مميز ويتم باسم راعيه
ز عيل الي صار يعرضلك رقم نقل خاص حق البياكم. وهو مب مميز وب30 الف وب50 الف
والله من 4 اشهر كان عندي جمس 5575.نقل خاص كلمني من شهر رجال اعرفه قالي يبي الرقم ب20 الف بيخلصه قتله من صجك قالي يبه بس لاسف بايع الموتر كنت

[بازار]

جنون الاشخاص و كذب الشريطيه هم اللي وصلونا الى هالحالة

[tawareq]

للاسف مب شريطية الارقام اللي رافعين الاسعار
حتى شريطية العقارات اللي من هب ودب اشتغل بالدلالة سوريين وسودانيين ومصريين وغيرهم من الدلالوة اللي يبيعون العقار على واحد بسعر ويرد ويبيع على واحد ثاني بسعر اعلى لو حصل فايدة لو الف ريال

صج اللي ما حصله شغله اشتغل بالدلالة

دلاله العقارات 0 والسيارات 0 والارقام 0 والحلال

حتى في سوق الخضرة روحوا وشوفوا من سودانيين ومصريين وسوريين وهن وبنغاليين وسيرالنكيين الخ اللي ما عنده شغله حصله شغله في سوق الخضرة
قام واشتغل بالبيع والشراء ياخذله كم صندوق خضرة وفواكه وقام يبيع في السوق

الله يرزق الجميع لكن قاموا يتحكمون في الاسعار في كل شيى للاسف

[بوليد]

الشريطي بالاخير هو تاجر
والتجار موجودين بكل مكان مهب بس السيارات
لكن للاسف الناس صارت تتحسس من كلمة شريطي
واكيد هو بيدور مصلحتة يشتري برخيص ويبيعة غالي
وارتفاع الاسعار هم مالهم دخل فية لانة مثل ماتعرفون الارقام قلت وصار محد ودة يبيع وهاي الشي خلا الارقام ترتفع
لو كان الشريطي لة دخل بالموضوع كان اشترى نص الارقام وجا باعها الحين

والصراحة مهم الواحد يكون عندة رقم مميز لكن بحدود المعقول

والله يوفق الجميع

[بازار]

الشريطي بالاخير هو تاجر
والتجار موجودين بكل مكان مهب بس السيارات
لكن للاسف الناس صارت تتحسس من كلمة شريطي
واكيد هو بيدور مصلحتة يشتري برخيص ويبيعة غالي
وارتفاع الاسعار هم مالهم دخل فية لانة مثل ماتعرفون الارقام قلت وصار محد ودة يبيع وهاي الشي خلا الارقام ترتفع
لو كان الشريطي لة دخل بالموضوع كان اشترى نص الارقام وجا باعها الحين

والصراحة مهم الواحد يكون عندة رقم مميز لكن بحدود المعقول

والله يوفق الجميع



كلامك غير منطقي واتوقع انك تعيش في عالم غريب ما تلتمس في الواقع اللي الكل يعرفه

الدلال والشريطي ( كآآانت ) مهنه شريفه ..

الحين صارت للخبيثين والخبيثات .. الا من رحم ربي


صارت لعبتهم مكشوفه ..

دلا يعرض عليّ ارض بـمليونين تجيني شريطيه عن نفس الارض نفس المخطط بـ ٣ مليون

اللعبه انكشفت


والسالفة موب سالفة تجارة ،،، التجارة انعرفها وانعرف اهلها وانعرف سنعها


اما تزود على كيفك وتحط كلام من مخك ... الرجال ما قاله هذا تسميها تجارة !!

في الاخيرة الضرر على الكل من تضخم وغيره ..

من المستفيد لا وصلت قيمة الارض الفضاء ١٢٠٠ متر مربع ٥ مليون في الشمال

من المستفيد لا وصلت قيمة الفيلا ١٠٠٠ متر مربع اجمالي في ازغوى ١٥ مليون

من المستفيد الشريطي !! التاجر !! انا !! انت !!

تكلم بالعقل لا تتـكلم بمبادئ سخيفة وتربط كل شي مع بعضه تقولي تجاره ما تجارة


اكيد انك ما دخلت في المواضيع عشان كذا ما تحس بجدية الموضوع وما تستشعر انعكاسات المستقبلية


القررررررررررررررريبة جدا



.

[قطر ديلر]

كلامك على العين والرأس وانا بقول شي واحد

لو كل (الشريطية) يخافون الله ومايكذبون ماكان هذا هو الحال

لكن قلتها بنفسك ( إلا من رحم ربي )

[السد]

صارت الارقام مثل اسعار الاراضي

[MLAAS]

يا جماعه محد جبر احد انه يشتري رقم او سياره كشخه

الي زعلان على الارقام ليش انها ارتفعت .. الي رفعها هواه الارقام .. ماتبي تقط فلوسك على رقم روح طيرها في سفره او عطني اياها اذا كانت مثقله عليك هههههه او افتحلك مشروع خيري .. دكان تبيع بسعر التكلفه


والي ماكل نفسه ليش الفكسار وصل 305 .. ولا يهمك اخذ لك كيا ب 70 الف ليش مزعل نفسك ترى كلها سياره توديك وتجيبك .. الاختلاف فالفخامه

[ابوصالح1]

كل واحد له هوايه والارقام هوايه إذا انت زعلان خل الأرقام لهلها وانت خلك مع رقم عادي لاتزعل مأحد معطي حد ببلاش لأكن أقول لك لحق قبل تطير الأرقام.

[مضارب دوسري]

اللي ماعندوش مايلزموش

[بطران وفقير]

اخوي أنا معاك في هالنقطه

بس مثلا اذا عندك رقم مميز وتبي تبيعه وسعره حاليا مثلا بالسوق ١٠٠ الف وعرضته بأعلى سعر ووصلك ١٥٠ الف وانت عارف ان مايسوى الا ١٠٠ الف يعني بتبيعه ب١٠٠ الف؟؟؟ ما اتوقع

الغلطه من اللي يدفع سعر عالي واللي يبي يشتري

يعني لازم كل واحد يفكر قبل مايشتري شي

بالتوفيق

[قرنقووش]

انتظر تطلع ارقام مثلا بكود a b c d بتشوف انهيار في سوق ارقام المواتر نفس ماصار في ارقام التلفونات

[qatari 111]

كل واحد وعقله فراسه .. لا تحرق دمك دام ان محد قرب صوب حلالك ومالك .ز وهاذي هي الدنيا

[بازار]

الله يجزاكم خير على الردود .. البعض منها يلامس الموضوع والبعض الآخر ماخذها نكته

الحمدلله رب العالمين على نعمة العقل والتفكير اللي الله سبحانه رزقه الانسان

لكن الانسان (المغفل) و ( السفيه ) اللي عطّـل نعمة الله سبحانه وصاير يتبع شهوته ونزواته

بعض الردود مادري هل تتصنع الرد او غير مقتنعه بالكلام او بالتوقعات خلال الفترة الجايه بسبب مثل

هالتصرفاته ( الغبيه ) من الشريطيه سواء في العقار او السيارات

رجاء لحد يقول تجارة ..


قلت في موضوعي من المستفيد اذا ارتفعت الاسعار الى حد الجنون !!

لازم ننتظر لين يصير هالشي !!

اعتقد الكثير منا يعرف سالفة ( ارتفاع سعر البيض في الارجنتين ) وشلون (ثقافة الشعب)

اجبرت الشركات تنزل السعر واتقدم اعتذار للشعب ويوم للبيض هديه لهم ...

والله مادري شاقول كلام كثير في خاطري اشرحه و اوضحه


لكن خير الكلام ما قل ودل ..

لحد يقول (شوفولنا حل) كان الحل عندكم وانتوا ،، وانتوا اللي سويتوا المشكلة

خمس سنين وتذكروا كلامي ان كنا من الحييـن راح اذكركم ان شاء الله

في العقارات او السيارات


واللي يقول خذ كيا ،، يمكن عقب تتمنى الكيا اخوي الكريم


..

[مضارب دوسري]

هلا اخوي بازار
رجاءا لا تلخبط بين الاساسيات والكماليات
اذا بتتكلم عن اسعار المواد الغذائيه بتفق معاك لان هذا شي من الاساسيات والضروريات

اذا بتتكلم عن العقار بعد بتفق معاك لان في ناس ماعندها بيوت تضمها

بس انت فاتح موضوع في قسم السيارات وتتكلم عن ارتفاع اسعار ارقام السيارات
وعقب حورت الموضوع ودخلت في ارتفاع اسعار الموا الغذائيه
يعني خربطت لين قلت بس

موضوعك يتكلم عن كماليات مثل سياره فخمه ورقم سياره مميز ورقم جوال مميز
هذي الامور تعتبر كماليات
يعني اللي عنده فلوس يشتري واللي ماعنده لا يشتري لانه ماراح يموت اذا ماعنده رقم مميز او سياره فخمه
كل واحد يمد رجوله على قد لحافه
بتقولي اسعار الارقام الثلاثيه كان ب ١٧٠ بقولك هالكلام كان من زمان
الفتره القريبه الماضيه كانب ٣٠٠ و ٤٠٠
ليش ارتفع السعر؟
سوق الارقام مثل البورصه
اذا الطلب اكثر من العرض معناه السهم بيرتفع وبيضرب لمت اب
هذا اللي حصل في سوق الارقام
الطلب كثير والعرض قليل
شوف كم واحد من اللي ايدوا وجهة نظرك في مواضيع ثانيه يطلبون ارقام رباعيه مخربطه ب ٣٠ بس يجي واحد غيره يقو ٣٢ وصار حاليا سعر الرباعي ٣٥ اذا مخربط
ليش ؟
لان العرض شوي والطلب وايد
فهمت النقطه ؟

خلاصة الكلام
في فرق بين اساسيات وبين كماليات
الكماليات للناس اللي عندهم فلوس زايده ويدورون على الكماليات والرفاهيه

اتمنى اتضحت لك الفكره

[مضارب دوسري]

انتظر تطلع ارقام مثلا بكود a b c d بتشوف انهيار في سوق ارقام المواتر نفس ماصار في ارقام التلفونات

ريح راسك اخوي
لان في ناس فوق ما اح يوافقون على هالشي لانه بيخر ب ارقامهم

وانت تشوف بعينك ارقام السيارات حاليا تبدا ب 40 اذا مخربط
واعتقد بدوا ب 41
يعني باقي
42
43
44
45
46
47
48
49
50
لين يوصلون ٦٠ الي ٦٩
وعقب ٧٠
وعقب ٨٠
وعقب٩٠


وهكذا
يعني عقب 15 سنه او 20 سنه يمكن يفكرون بكلامك
او ينزلون ارقام سباعيه وهذا اقرب حل ممكن يسوونه

[الجوكر90]

السلام عليكم
الشموحه اخوي كلامك كلش مب مقنع
سوال يطرح نفسه اشلون الشريطي يرفع السوق
انت جي تقصد ان شعب قطر شعب مغفل ماعنده مشكله يدفعون حتى لو بعدين راح يبيع بخساره
لا سلامتك بقولك شي وحطه فبالك
انت اسال اي شخص يتاجر فالارقام قوله وشو احسن الحين ولا قبل ايام الارقام الرباعيه ب12 و13
والي تتكون من رقمين ب55 الف
راح يقولك قبل لا كنا نشتري شي الحين محد قادر يشتري رقم من الصاير
وبعدين شدخل خلال شهرين الارقام ارتفعت
سلامتك من العام شهر 6 السوق ارتفع شوي وبعدها وقت الزياده العالم فلوسها زادت وكل واحد يبي يكشخ

وبعدين سوال يسدح نفسه اذا مب عاجبك الوضع ياخي ليش تحرق دمك لاتشتري ارقام ترى الا قطعه حديد لا تودي ولا تجيب

وبخصوص رقمك ماعرف رقم رفيجك الي هذاك تم يعرضه اشتك عليه وراح يتبهدل لان عرض شي مب ملكه

انا بقولك شي الارقام راح تصعد وتصعد وتصعد الرباعي راح يوصل سعر خيالي لين ما ينزل قرار وبعدها السوق راح يطيح بس مب الحين السالفه راح اطول

فالنهايه لاتعور راسك يا انك تشتري بسعر السوق او لا تفتكر فالارقام اذا انت مب مقتنع فالسعر مانت مجبور مثل ماقلت لك الا قطعه حديد

وبالتوفيق ان شاء الله

[نشمي 2022]

اخوي عيل شتقول لو كنت مكاني عرضت رقم رباعي لي عقب عيد الفطر بعته ب12 عالمنتدى والله العظيم بعد يومين الريال الي شراه باعه ب19 قدام عيني وعالمنتدى هاي مب اسمه غباء رقم كان معروض ب12 من 3 ايام اليوم الرابع انباع ب19 الف ؟؟؟؟؟؟

بعد عقول البعض من شبابنا لك عليهم

[نشمي 2022]

هلا اخوي بازار
رجاءا لا تلخبط بين الاساسيات والكماليات
اذا بتتكلم عن اسعار المواد الغذائيه بتفق معاك لان هذا شي من الاساسيات والضروريات

اذا بتتكلم عن العقار بعد بتفق معاك لان في ناس ماعندها بيوت تضمها

بس انت فاتح موضوع في قسم السيارات وتتكلم عن ارتفاع اسعار ارقام السيارات
وعقب حورت الموضوع ودخلت في ارتفاع اسعار الموا الغذائيه
يعني خربطت لين قلت بس

موضوعك يتكلم عن كماليات مثل سياره فخمه ورقم سياره مميز ورقم جوال مميز
هذي الامور تعتبر كماليات
يعني اللي عنده فلوس يشتري واللي ماعنده لا يشتري لانه ماراح يموت اذا ماعنده رقم مميز او سياره فخمه
كل واحد يمد رجوله على قد لحافه
بتقولي اسعار الارقام الثلاثيه كان ب ١٧٠ بقولك هالكلام كان من زمان
الفتره القريبه الماضيه كانب ٣٠٠ و ٤٠٠
ليش ارتفع السعر؟
سوق الارقام مثل البورصه
اذا الطلب اكثر من العرض معناه السهم بيرتفع وبيضرب لمت اب
هذا اللي حصل في سوق الارقام
الطلب كثير والعرض قليل
شوف كم واحد من اللي ايدوا وجهة نظرك في مواضيع ثانيه يطلبون ارقام رباعيه مخربطه ب ٣٠ بس يجي واحد غيره يقو ٣٢ وصار حاليا سعر الرباعي ٣٥ اذا مخربط
ليش ؟
لان العرض شوي والطلب وايد
فهمت النقطه ؟

خلاصة الكلام
في فرق بين اساسيات وبين كماليات
الكماليات للناس اللي عندهم فلوس زايده ويدورون على الكماليات والرفاهيه

اتمنى اتضحت لك الفكره

:victory:

[QTR TV]

السلام عليكم
اخوي راعي الموضوع لاتزعل من اراء الشباب الي ردوا عليك في الموضوع ولاتاخذ اسلوب امريكا يا معاي ولا انت عدوي اخوي التجاره بختصار شديد عرض وطلب يعني لا تزايد على الشباب في حب لستقرار القتصادي رد عليك اخونا مضارب دوسري وجزاه الله الف خير في رده لاتخلط بين الاساسيات ولكماليات هذا شي وذاك شي ثاني شتان بينهم
وملاحظ عليك اخوي الي مب معاك في الراي تنعته بتحسس من الموضوع التقصده انه شريطي اخوي معنى كلمة اشريطي يعني يشتري سلعه ارخيصه من شخص ويبيعها باكثر بغض انظر للظروف الي حدت الشخص على البيع يعني اذا مالقى لسلعه طلب ماشراهه وعرضها
لشريطيه انواع وهم غير الدلالوه على قولتك
شتان بينهl بعد لشريطي هو الي يشتري السله بسعر ويبيعها بسعر اغلا يعني يملك الماده المراد يبعها
اما الدلال ف هو شغلة المعارض بس مصغره يعني مايملك السلعه المراد بيعها بل يعرضها الصاحبها وياخذ عمولته فقط لاغير ومن اليجابي بنسبه له ان يزيد سعر السلعه لان نسبته بتزيد
لاكن اسوأل الي يسدح نفسه وينبطح في وسط الموضوع هل ادلال ام لشريطي ام راعي السلعه ام اشاري هو اليرفع سعر السيارات او الارقام ؟
عزيزي الجواب الكل مستفيد الا المشتري فا لكل شي ضريبه وهذي ضريبة الزبوا ولمهايط يعني تبي تكشخ عند لاندمارك او في فيلاجيوا ابلاش مثلان لازم تدفع عشان اناس تكلم عنك وتسير شخص مشهور
اخوي انا فاهم الي تقصده بين السطور الي كتبتها لاكن اوصلت مب بشكل الصحيح
المفروض انك تنصح الشباب للحد من هذي الظاهره السلبيه الي عمت على مجتمعنا في الاونه الاخيره الي هي شراء السيارات بشكل مفرط وارقام بسعار خياليه سوان عنه او ماعنده هذا حرام واسراف ومايجوز لا في الدين ولا اخلاقيان بعد
في النهايه في جمله قالها احد لعضاء اعجبتني ( الي معندوش مايلزموش ) خل الناس تعيش ولا تعم الناس بلغش ترا مب زين عليك ياخوي فيهم الشرفاء الي تامنه على مالك مانقص
اشكرك اخي الكريم على هل موضوع الي اكثر من رائع في وقت لازم انكون فيه على يد وحده لاكن للاسف الناس لاهيه مش منتبهه الله المستعان

[R 7 A L]

اي والله

تخيل واحد قبل شهر يوم كنت ادور للارقام
عارض رقم وكان نتزاود بـ 500 او 1000 جانا واحد وزاد 10.000
مثل هذا علية علامة استفهام
يا انه بزر جاي يلعب
أو انه راعي الرقم بمعرف اخر

لذا يجب على الادارة محاسبة والتحقيق من اصحاب هذه المزايدات الخيالية

[بازار]

هلا اخوي بازار
رجاءا لا تلخبط بين الاساسيات والكماليات
اذا بتتكلم عن اسعار المواد الغذائيه بتفق معاك لان هذا شي من الاساسيات والضروريات

اذا بتتكلم عن العقار بعد بتفق معاك لان في ناس ماعندها بيوت تضمها

بس انت فاتح موضوع في قسم السيارات وتتكلم عن ارتفاع اسعار ارقام السيارات
وعقب حورت الموضوع ودخلت في ارتفاع اسعار الموا الغذائيه
يعني خربطت لين قلت بس

موضوعك يتكلم عن كماليات مثل سياره فخمه ورقم سياره مميز ورقم جوال مميز
هذي الامور تعتبر كماليات
يعني اللي عنده فلوس يشتري واللي ماعنده لا يشتري لانه ماراح يموت اذا ماعنده رقم مميز او سياره فخمه
كل واحد يمد رجوله على قد لحافه
بتقولي اسعار الارقام الثلاثيه كان ب ١٧٠ بقولك هالكلام كان من زمان
الفتره القريبه الماضيه كانب ٣٠٠ و ٤٠٠
ليش ارتفع السعر؟
سوق الارقام مثل البورصه
اذا الطلب اكثر من العرض معناه السهم بيرتفع وبيضرب لمت اب
هذا اللي حصل في سوق الارقام
الطلب كثير والعرض قليل
شوف كم واحد من اللي ايدوا وجهة نظرك في مواضيع ثانيه يطلبون ارقام رباعيه مخربطه ب ٣٠ بس يجي واحد غيره يقو ٣٢ وصار حاليا سعر الرباعي ٣٥ اذا مخربط
ليش ؟
لان العرض شوي والطلب وايد
فهمت النقطه ؟

خلاصة الكلام
في فرق بين اساسيات وبين كماليات
الكماليات للناس اللي عندهم فلوس زايده ويدورون على الكماليات والرفاهيه

اتمنى اتضحت لك الفكره





اعتقد انك ماقريت الموضوع بتركيز .. في كلامي كان مثال عن ثقافة المجتمع الارجتيني وقصه ارتفاع البيض الخ الخ .. لكن الله يسلمك ما كنت مركز انت ..

معليه اخوي الكريم يمكن انت فاهم الموضوع اكثر مني .. يمكن انا فاهمه اكثر منك

مافيها شي اذا فكرت شوي معاي بخصوص اللي تقول عنه كماليات و رفاهيه ..

تعرف شي اسمه الارتفاع الكلي للسوق ؟ تعرف شي اسمه الارتفاع المتزامن ؟ الارتفاع التدريجي؟

بالمختصر وبالعامية اذا ارتفع هذا .. هذا يترفع معاه ...
او هذا ما يقدر يرتفع الا اذا ارتفع ذاك قبل

حالات كثيرة جدا جدا .... وانصحك تقرآ في تاريخ اليهود في المانيا خلال فترة هتلر

والابتكارات العجيبه في كيفية الحصول على المال اللي اثر بعد فترة من الزمن في الاقتصاد وطبعا على الناس

اسمحلي لكن كلامي مش من فراغ نفس الرد اللي انت رديت فيه عليه ..

[بازار]

ريح راسك اخوي
لان في ناس فوق ما اح يوافقون على هالشي لانه بيخر ب ارقامهم

وانت تشوف بعينك ارقام السيارات حاليا تبدا ب 40 اذا مخربط
واعتقد بدوا ب 41
يعني باقي
42
43
44
45
46
47
48
49
50
لين يوصلون ٦٠ الي ٦٩
وعقب ٧٠
وعقب ٨٠
وعقب٩٠


وهكذا
يعني عقب 15 سنه او 20 سنه يمكن يفكرون بكلامك
او ينزلون ارقام سباعيه وهذا اقرب حل ممكن يسوونه




هههههههههههههه اخوي الكريم كلامي طلع سليم جدا تشكيلتك بس تبغي ترد وما عندك خلفية

اخوي وصلت الارقام ٤٩٧XXX

خلال ١٥ سنه لين نوصل ٩xxxxxx !!
مادري اخوي على اي اساس تحسب وتقول نتيجة كلامك ..

سنة ٢٠١٠ بدو في توزيع الارقام اللي بدايتها ٤ ،، وخل سنتين فقط وصلوا ٤٩

فيه تزايد كبير حصل طبعا للتركيبة السكانية ... اكيد عندك خبر عنها ..

القراءة زينه اخوي الدوسري شكرا

[بازار]

السلام عليكم
الشموحه اخوي كلامك كلش مب مقنع
سوال يطرح نفسه اشلون الشريطي يرفع السوق
انت جي تقصد ان شعب قطر شعب مغفل ماعنده مشكله يدفعون حتى لو بعدين راح يبيع بخساره
لا سلامتك بقولك شي وحطه فبالك
انت اسال اي شخص يتاجر فالارقام قوله وشو احسن الحين ولا قبل ايام الارقام الرباعيه ب12 و13
والي تتكون من رقمين ب55 الف
راح يقولك قبل لا كنا نشتري شي الحين محد قادر يشتري رقم من الصاير
وبعدين شدخل خلال شهرين الارقام ارتفعت
سلامتك من العام شهر 6 السوق ارتفع شوي وبعدها وقت الزياده العالم فلوسها زادت وكل واحد يبي يكشخ

وبعدين سوال يسدح نفسه اذا مب عاجبك الوضع ياخي ليش تحرق دمك لاتشتري ارقام ترى الا قطعه حديد لا تودي ولا تجيب

وبخصوص رقمك ماعرف رقم رفيجك الي هذاك تم يعرضه اشتك عليه وراح يتبهدل لان عرض شي مب ملكه

انا بقولك شي الارقام راح تصعد وتصعد وتصعد الرباعي راح يوصل سعر خيالي لين ما ينزل قرار وبعدها السوق راح يطيح بس مب الحين السالفه راح اطول

فالنهايه لاتعور راسك يا انك تشتري بسعر السوق او لا تفتكر فالارقام اذا انت مب مقتنع فالسعر مانت مجبور مثل ماقلت لك الا قطعه حديد

وبالتوفيق ان شاء الله




طيب اخوي الجوكر ..

اقنعنــي لو سمحت بتفسيرك للي صاير ..

ما قلت الشعب مغفل قلت بعض الشباب مجانين ماعنده هدف (سفيه) والدليل الديون عشان الكشخة والسفرات والمواتر والخ الخ .. لا تقص على نفسك انت يمكن اعلم مني بتصرفات الشباب السفيه ... ما اقول عن ( الكل ) اقول البعض ... و فيه شباب ماشاء الله تبارك الله شباب في منتهى التركيز علي المستقبل والابداع الله يوفقهم .

( شخص تاجر ) اذا هذا الشخص اللي صارت معاه السالفة يعتبر من المشهورين .. اقول على الباقي السلام ..

(قطعه حديد وحارق دمي) ههههههههه ادري قطعه حديد وحارق دمي من باب من لم يهمه امر المسلمين ليس منهم ..

( رقمك مادري رقم رفيجك ) هذا واحد من ارقامي اخوي .. ارجع لمواضيع سابقه بتعرف ارقام مواتري ،

(اشتكي عليه) لا اعتقد خسارة السمعه ما تعوض ..

( موب مجبور ) موضوعي موضوع نقاش عن اللي صاير ما طلبت رقم اشتريه


شكرا

[بازار]

السلام عليكم
اخوي راعي الموضوع لاتزعل من اراء الشباب الي ردوا عليك في الموضوع ولاتاخذ اسلوب امريكا يا معاي ولا انت عدوي اخوي التجاره بختصار شديد عرض وطلب يعني لا تزايد على الشباب في حب لستقرار القتصادي رد عليك اخونا مضارب دوسري وجزاه الله الف خير في رده لاتخلط بين الاساسيات ولكماليات هذا شي وذاك شي ثاني شتان بينهم
وملاحظ عليك اخوي الي مب معاك في الراي تنعته بتحسس من الموضوع التقصده انه شريطي اخوي معنى كلمة اشريطي يعني يشتري سلعه ارخيصه من شخص ويبيعها باكثر بغض انظر للظروف الي حدت الشخص على البيع يعني اذا مالقى لسلعه طلب ماشراهه وعرضها
لشريطيه انواع وهم غير الدلالوه على قولتك
شتان بينهl بعد لشريطي هو الي يشتري السله بسعر ويبيعها بسعر اغلا يعني يملك الماده المراد يبعها
اما الدلال ف هو شغلة المعارض بس مصغره يعني مايملك السلعه المراد بيعها بل يعرضها الصاحبها وياخذ عمولته فقط لاغير ومن اليجابي بنسبه له ان يزيد سعر السلعه لان نسبته بتزيد
لاكن اسوأل الي يسدح نفسه وينبطح في وسط الموضوع هل ادلال ام لشريطي ام راعي السلعه ام اشاري هو اليرفع سعر السيارات او الارقام ؟
عزيزي الجواب الكل مستفيد الا المشتري فا لكل شي ضريبه وهذي ضريبة الزبوا ولمهايط يعني تبي تكشخ عند لاندمارك او في فيلاجيوا ابلاش مثلان لازم تدفع عشان اناس تكلم عنك وتسير شخص مشهور
اخوي انا فاهم الي تقصده بين السطور الي كتبتها لاكن اوصلت مب بشكل الصحيح
المفروض انك تنصح الشباب للحد من هذي الظاهره السلبيه الي عمت على مجتمعنا في الاونه الاخيره الي هي شراء السيارات بشكل مفرط وارقام بسعار خياليه سوان عنه او ماعنده هذا حرام واسراف ومايجوز لا في الدين ولا اخلاقيان بعد
في النهايه في جمله قالها احد لعضاء اعجبتني ( الي معندوش مايلزموش ) خل الناس تعيش ولا تعم الناس بلغش ترا مب زين عليك ياخوي فيهم الشرفاء الي تامنه على مالك مانقص
اشكرك اخي الكريم على هل موضوع الي اكثر من رائع في وقت لازم انكون فيه على يد وحده لاكن للاسف الناس لاهيه مش منتبهه الله المستعان




بالمختصر .. انت في وادي والكلام في وادي ..

اشلون معاي ولا انت ضدي !! النقاش الصحيح في مسألةٍ ما يعتمد على قوة الـ ( حُـجَـه ) .. وانا الى الآن اشوف واعذروني محد عارف يناقش ..

اللخبط في كلامي بين اساسيات وكماليت ،، مادري من اللي موب مركز طلعتوا اثنين موب مركزين

اقولك ارتفاع مدروس تقول الشريطي كذا وكذا والدلال كذا وكذا ! فيه حد بيتكلم كلامي وما يعرف من الدلال والشريطي ؟؟؟؟

اقولك ارتفاع ٢٠٠ و ٤٠٠ % الشريطيه هــــــــمّ اللي متسببــين فيه واتقولي انصح الشباب المجانين !! شلون تكلم مجنون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اقولك من مستفيد .. تقولي الكل مستفيد ؟؟ مادري عبيـط اخوي الكريم .. ابغي اشتري بيت قيمة البيت ١٠ مليون ومساحته ١٢٠٠ (مثلا) وماعندي الا راتبي ٢٥ الف .. صح كلامك مستفيد واااااااااااااااااااااااااااااايد

شكرا لك على الاثراء في الرد

[بازار]

اي والله

تخيل واحد قبل شهر يوم كنت ادور للارقام
عارض رقم وكان نتزاود بـ 500 او 1000 جانا واحد وزاد 10.000
مثل هذا علية علامة استفهام
يا انه بزر جاي يلعب
أو انه راعي الرقم بمعرف اخر

لذا يجب على الادارة محاسبة والتحقيق من اصحاب هذه المزايدات الخيالية

هي ماجات على المنتدى شوف برى ...

[MLAAS]

شدعوه ولا رد عاجبك ؟


دام ثقافه البيض عاجبتك يالذيب حاول انك تطبقها فالدوحه :)

اعملك دراسه دام انك تقرا كتب .. ناقش الموضوع مع الناس الفاهمه .. مو مع ناس عبيطه على قولتك او ناس مو مركزه بكلامك

ترى في اقسام في المنتدى للنقاش , وانت فاتح موضوعك في قسم لغته الوحيده هي الفلوس

اذا في شريطي نصب عليك ف اسمحلي القانون لايحمي المغفلين والكل عارف هالشي
او اذا رقمك الي مب عاجبك انه وصلك 5 مليون على قولتك ماعندك مشكله كم يعجبك ؟ 200 الف زينه ؟

اخوي احاول احل مشكلتك لانه ردودك (غبيه/عبيطه) على الاعضاء وانت واحد مو فاتح الموضوع علشان تتناقش .. انت فاتح الموضوع علشان تروينا انك فاهم فالبيض بس

قلتلك شي مب عاجبك فيه له بديل :)

[كتكوت الوحش]

:nice:

[كتكوت الوحش]

:ok:بالتوفيق

[الفاو]

شدعوه ولا رد عاجبك ؟


دام ثقافه البيض عاجبتك يالذيب حاول انك تطبقها فالدوحه :)

اعملك دراسه دام انك تقرا كتب .. ناقش الموضوع مع الناس الفاهمه .. مو مع ناس عبيطه على قولتك او ناس مو مركزه بكلامك

ترى في اقسام في المنتدى للنقاش , وانت فاتح موضوعك في قسم لغته الوحيده هي الفلوس

اذا في شريطي نصب عليك ف اسمحلي القانون لايحمي المغفلين والكل عارف هالشي
او اذا رقمك الي مب عاجبك انه وصلك 5 مليون على قولتك ماعندك مشكله كم يعجبك ؟ 200 الف زينه ؟

اخوي احاول احل مشكلتك لانه ردودك (غبيه/عبيطه) على الاعضاء وانت واحد مو فاتح الموضوع علشان تتناقش .. انت فاتح الموضوع علشان تروينا انك فاهم فالبيض بس

قلتلك شي مب عاجبك فيه له بديل :)

:nice::nice::nice::nice::nice::nice:

[QTR TV]

ههههههههههههههههه الله المستعان

[S A L M A N]

فالنهايه محد جابر الشخص يشتري !!

السوق بيع وشراء

غالي خلاص لحد يشتري .. المشكله يشترون : )

[قطر88]

الله المستعان

كل واحد عقله في راسه ويعرف خلاصه:nice:


والله يوفق الجميع

[سهيمان]

كلامك منطقي ياخوي وعين العقل

والله يكثر امثالك

[بازار]

الحمدلله رب العالمين ان فيه مؤيديـن لكلامي توقعتي ان الوحيد اللي لي وجهة هالنظر

شكرا لكم

[الحـ(درب)ـب]

ياجماعة الخيير

ماله خص الشريطية ولا تجار الأرقام


انا بقولك السالفة ومافيها بالذات على الأرقام الرباعية السلطة لاني احد ملاكها

عدد الأرقام الرباعية 9999 رقم

شيل منها 99 رقم ثنائي + 900 رقم ثلاثي

يبقى عندك 9000 رقم رباعي يالغالي شيل منهم الأرقام المرتبه
مثلا الارقام اللي هي 9955 و 1212 هذا نوع وشيل منهم هالنوع 5262
بإختصار لو شلنا الأرقام الرباعية اللي فيها تشابه برقمين او اكثر

بيبقى عندك النص تقريبا
4500 رقم موجوده بالدوحة

طبعا 3500 عندهم الأرقام من زمان ^_^ ومايفكرون يبيعيون سواء بغالي او رخيص

بيبقى عند حوالي 500 رقم بالسوق يتم المتجارة فيها

انزين ليش ارتفعت الأسعار ؟؟؟؟؟؟؟؟؟؟؟؟؟

لان عيال الثانوية دخلو الشرطة والجيش واشترو سيارات جديدة بارقام بايخه
عمره 19 و 20 سنه وراتبه 20 وماعنده اي التزامات عائلية ولا شي :) مفتل ويبي يكمل افتلاله برقم ربعاي

شنو 50 و 60 و 70 و 100 الف برقم ولا شي مادام مافي اي التزمات عندهم


هذا السبب يالغالي اكثر من 1000 موظف سنويا ومافي الا 500 إلى 1000 رقم بالسوق

زادت اول شي الأرقام الرباعية المتشابهه وبعدين زادت الأرقام السلطه والحين زادت الأرقام الثلاثية ودواليك



---------------------

بالأخير لاتحرق اعصابك على شي مو بيدك

سوق البورصة سوق العقار سوق السيارات سوق الأرقام
يعتمد على العرض والطلب
وهالأيام الطلب اقوى من العرض

وبالأخير :) عند 6630 عندك حد يشتريه بـ100 الف وشاريه ايام زمان بـ 2000 ريال ^_^ هاي الصج بعد اجذب ليش
هههههههههههه حبيت امزح واخليك تروق

وتقبل مروري يالذيب

[بويعقوب]

ياجماعة الخيير

ماله خص الشريطية ولا تجار الأرقام


انا بقولك السالفة ومافيها بالذات على الأرقام الرباعية السلطة لاني احد ملاكها

عدد الأرقام الرباعية 9999 رقم

شيل منها 99 رقم ثنائي + 900 رقم ثلاثي

يبقى عندك 9000 رقم رباعي يالغالي شيل منهم الأرقام المرتبه
مثلا الارقام اللي هي 9955 و 1212 هذا نوع وشيل منهم هالنوع 5262
بإختصار لو شلنا الأرقام الرباعية اللي فيها تشابه برقمين او اكثر

بيبقى عندك النص تقريبا
4500 رقم موجوده بالدوحة

طبعا 3500 عندهم الأرقام من زمان ^_^ ومايفكرون يبيعيون سواء بغالي او رخيص

بيبقى عند حوالي 500 رقم بالسوق يتم المتجارة فيها

انزين ليش ارتفعت الأسعار ؟؟؟؟؟؟؟؟؟؟؟؟؟

لان عيال الثانوية دخلو الشرطة والجيش واشترو سيارات جديدة بارقام بايخه
عمره 19 و 20 سنه وراتبه 20 وماعنده اي التزامات عائلية ولا شي :) مفتل ويبي يكمل افتلاله برقم ربعاي

شنو 50 و 60 و 70 و 100 الف برقم ولا شي مادام مافي اي التزمات عندهم


هذا السبب يالغالي اكثر من 1000 موظف سنويا ومافي الا 500 إلى 1000 رقم بالسوق

زادت اول شي الأرقام الرباعية المتشابهه وبعدين زادت الأرقام السلطه والحين زادت الأرقام الثلاثية ودواليك



---------------------

بالأخير لاتحرق اعصابك على شي مو بيدك

سوق البورصة سوق العقار سوق السيارات سوق الأرقام
يعتمد على العرض والطلب
وهالأيام الطلب اقوى من العرض

وبالأخير :) عند 6630 عندك حد يشتريه بـ100 الف وشاريه ايام زمان بـ 2000 ريال ^_^ هاي الصج بعد اجذب ليش هههههههههههه حبيت امزح واخليك تروق

وتقبل مروري يالذيب

الله يهديك ياخوي ,,

قلبه بيعوره عقب هالكلام :eek5:

[جنيه ذهب]

كلامك غير منطقي واتوقع انك تعيش في عالم غريب ما تلتمس في الواقع اللي الكل يعرفه

الدلال والشريطي ( كآآانت ) مهنه شريفه ..

الحين صارت للخبيثين والخبيثات .. الا من رحم ربي


صارت لعبتهم مكشوفه ..

دلا يعرض عليّ ارض بـمليونين تجيني شريطيه عن نفس الارض نفس المخطط بـ ٣ مليون

اللعبه انكشفت


والسالفة موب سالفة تجارة ،،، التجارة انعرفها وانعرف اهلها وانعرف سنعها


اما تزود على كيفك وتحط كلام من مخك ... الرجال ما قاله هذا تسميها تجارة !!

في الاخيرة الضرر على الكل من تضخم وغيره ..

من المستفيد لا وصلت قيمة الارض الفضاء ١٢٠٠ متر مربع ٥ مليون في الشمال

من المستفيد لا وصلت قيمة الفيلا ١٠٠٠ متر مربع اجمالي في ازغوى ١٥ مليون

من المستفيد الشريطي !! التاجر !! انا !! انت !!

تكلم بالعقل لا تتـكلم بمبادئ سخيفة وتربط كل شي مع بعضه تقولي تجاره ما تجارة


اكيد انك ما دخلت في المواضيع عشان كذا ما تحس بجدية الموضوع وما تستشعر انعكاسات المستقبلية


القررررررررررررررريبة جدا



.


اشكرك على هالكلام وان دل يدل على انك انسان فاهم وواعي

[بازار]

جزاكم الله خير

الهدف والله توعية الناس لا اكثر ولا اقل

[بوحسن50]

والله ياشباب لاحد يشتري خلوهم على طمعهم يرفعون والناس تشتري اكيد راح يطمع ازياده ويرفع بعد

خلوووووهم يرفعون ولا تشترووون منهم مرده راح ينزل السعر شريطي ولا تاجر

[بوجاسم566]

والله الشريطية ضربو علينا في الاسعار

الرباعيـة كانت على ٨ الحين ٢٠

ويمكن اكثـر

[الخارجية]

اعرف مكتب عقار في غزة ادخلت عيوز وفي يدها ملكية ارض في غزة تبغي اتبيع 300.000 الف اللي في المكتب رجال قطري ولد ناس ومحترم وسعر الارض في غزة اللي كانت تبغي اتبيع العيوز سعرها 3000000 يعني لو العيوز راحت مكتب فيه واحد مايخاف الله كان حط 2.700.000

[alwahesh]

للعلم

غزة = مدينة خليفه الجنوبيه غير عن غزة الغزازوه

[الحـ(درب)ـب]

والله الشريطية ضربو علينا في الاسعار

الرباعيـة كانت على ٨ الحين ٢٠

ويمكن اكثـر


عطني رقم رباعي بـ 20 والحين اشتريه ^_^

[بازار]

اتمنى من الجهات المختصه التدخل في الموضوع ...

[راعي القالات]

والله انك صادق بكل كلمه قلتها اخوي بازار

الكل يتساءل عن الاسباب وللحين مافي اجابة مقنعه
١- زيادة الرواتب !
٢- تغيير الرقم للانجليزي

ماقتنعت بهالسببين

لين قبل اسبوع جالس مع شريطي عقارات ماله خيررررر شرررر بالارقام الا ويعرض علي ارقام ! قلت يه! شسالفه؟

قال وايد شريطيه مثلي دشينا بالارقام والحمدلله تدبلت الاسعار

و بعد قال : اعرف واحد شريطي من ربعنا عمره مادش في عالم الارقام ولا يفهم فيها اصلاً والحين عنده ١١ رقم للبيع !

ارزاق ياخوي ودام في مجانين ماتحس بقيمة الريال ترا توقع كل شي