الغاء حفل زفاف

[Bozizoo]

مرحبا بالمجميع
عندي موضوع اتوقع مو موضوع وانما خدمة لي و فائدة للشخص الذي سيتفيد من الخدمة
ماراح اطول عليكم ساشرح لكم
كان مقرر ان يكون حفل زفافي قبل ايام
وطبعا حجزت لتجهيز عرس الحريم في احد محلات تجهيز الافراح المعروفه
ودفعت المبلغ بالكامل
ولظرف خاص و خارج عن ارادتي الغيت العرس .
صاحب المحل تفهم ظرفي ولكن قال لي لايمكن ان يعيد المبلغ ,
ولكن اذا جبت له شخص يحل مكاني بدلا عني سوف يعيد لي المبلغ .
وليس شرط ان يكون نفس المبلغ المدفوع سواء كان اقل ام اكثر.
و لذلك ارجو اذا في احد منكم مقبل على الزواج او يعرف احد بيتزوج ان يخبرني
وله مني شخصيا 10 الاف ريال
(لمزيد من معلومات ارجو ان تكون على الخاص )
تحياتي للجميع

[بصمة قطرية]

الله يسهل أمــورك أخـــوي ..
تصير وايد والحمــدلله تتسهل من رب العالمين ..
الله يسهــل أمــورك ..
و إن شــاء الله تحصــل حد ياخــذ الحجــز ..

[alrheeb2020]

الله يووفقكم ويجمعكم عالخير يااارب ,,

وان شاء الله تحصلين اللي تبغينه

[moh5773]

اخوي ما عليك امر العرس كان تاريخ كم ؟!
والله يوفقك ويسهل عليك

[Bozizoo]

الله يسهل أمــورك أخـــوي ..
تصير وايد والحمــدلله تتسهل من رب العالمين ..
الله يسهــل أمــورك ..
و إن شــاء الله تحصــل حد ياخــذ الحجــز ..

تسلمين اختي

[Bozizoo]

الله يووفقكم ويجمعكم عالخير يااارب ,,

وان شاء الله تحصلين اللي تبغينه

تسلم يالرهيب

[Bozizoo]

اخوي ما عليك امر العرس كان تاريخ كم ؟!
والله يوفقك ويسهل عليك

ممكن تحجز اليوم الي تبيه

[نيساني]

الله يكون في عونك اخوي ويسهل امورك

بالتوفيق

[fhd4]

ما لهم حق ما يرجعون لك المبلغ … وخاصة انهم ما خسروا شي في الاكل وغيره … ورايي تراجع الجهات المختصة لارجاع المبلغ لك …

[خــــالــد]

السلام عليكم


ما لهم حق ما يرجعون لك المبلغ … وخاصة انهم ما خسروا شي في الاكل وغيره … ورايي تراجع الجهات المختصة لارجاع المبلغ لك …

اخوي خل فلوسك عندك وراجع حماية المستهلك بشكل رسمي وكلما استعجلت كان افضل...

والله يكتبلك الخير ان شاءالله من ورا التأجيل

[روح الاطلس]

الله يعوض عليك

[qatara]

عجيبه امر بعض المحلات

خدمه لم تودى لطالبها ليش ما يرجع المبلغ مش مشكله لو خصم منه مبلغ بسيط 5 بلميه

دبل تعطيل او بدل تكاليف نقل لاكن يهف المبلغ ويتشرط طيب واذا مالقيت حد يعني وشو

هل صار المبلغ حلال عليه مثلا

الله يعينك

[Aaziz]

السلام عليكم

لي صديق حجز لعرسه في احد القاعات المعروفه و دفع عربون للقاعه مبلغ مش بسيط و قبل العرس بفتره لا اذكر كم توفى عندهم شخص الله يرحمه . و اظطر ياجل العرس.
راح للقاعه و قالهم باجل رفضو تغيير موعد الحجز و ايضا رفضو اعاده مبلغ العربون و ايضا تفاجا بانهم ياطلبونه بدفع كامل المبلغ .
اصحاب القاعه احالو الموضوع للقضاء و حكم القاضي لصالح صديقي باعاده مبلغ العربون و عدم دفع اي مبلغ للقاعه.

وهو حكم منطقي لبسبب بسيط .. صاحبي ذهب للقاعه في موعد زواجه الاول الذي قام بتاجيله و فعلا كما توقع كانت القاعه محجوزه في ذلك اليوم . بمعنى ان صاحب القاعه كان راح ياخذ مبلغ عرسين في قاعته في ليله واحده .

[Bozizoo]

إخواني خالد وfhd4
تسلمون على المشاركة
بس الواحد مايبي يدخل في مشاكل و متاهات

[بصمة قطرية]

السلام عليكم

لي صديق حجز لعرسه في احد القاعات المعروفه و دفع عربون للقاعه مبلغ مش بسيط و قبل العرس بفتره لا اذكر كم توفى عندهم شخص الله يرحمه . و اظطر ياجل العرس.
راح للقاعه و قالهم باجل رفضو تغيير موعد الحجز و ايضا رفضو اعاده مبلغ العربون و ايضا تفاجا بانهم ياطلبونه بدفع كامل المبلغ .
اصحاب القاعه احالو الموضوع للقضاء و حكم القاضي لصالح صديقي باعاده مبلغ العربون و عدم دفع اي مبلغ للقاعه.

وهو حكم منطقي لبسبب بسيط .. صاحبي ذهب للقاعه في موعد زواجه الاول الذي قام بتاجيله و فعلا كما توقع كانت القاعه محجوزه في ذلك اليوم . بمعنى ان صاحب القاعه كان راح ياخذ مبلغ عرسين في قاعته في ليله واحده .

أصلاً من حق الشخص يأجل و يغير الحجز بالذت اذا كانت الظروف خاصة ..
مثل حالة وفاة ظروف قهرية ..
مب من حقهم يطلبون منه باقي المبلغ ..
و العربون ما يرجع بس يتأجل التاريخ ويتغير ..
هالشي معروف ..
بس دامه قدر ياخذ العربون شي حلو ..

اذكر سنة من السنين واحد من عيالنا انفصل عن زوجته في فترة الملجة قبل موعد الزواج بشهرين تقريباً ..
وكان دافع عربون للقاعه ..
راح كلمهم و قال لهم على ظروفه و انه انفصل و هو دافع مبلغ مش بسيط للعربون ..
تفهموا الوضع وبكل بساطة قالوا لهه شوف حد يبي يحجز القاعه ..
و خله يحدد التاريخ اللي يناسبه وتتفق معاه يعطيك مبلغ العربون و ياخذ الحجز ..
و هذا اللي صار الحمدلله ..

[بصمة قطرية]

إخواني خالد وfhd4
تسلمون على المشاركة
بس الواحد مايبي يدخل في مشاكل و متاهات

اذكر اسم المكان ..
عشان اللي يبي المكان يقدر ياخذ الحجز ..
والله يوفقك ~

[Bozizoo]

اخوي الشهيد
انا موضوعي مع محل تجهيزات الأفراح ليس مع القاعة
شاكر لك مشاركتك

[حسن]

هذا يسمونه نصب واحتيال قولهم رجعو فلوسي ولا برفع عليكم قضيه وباطالبكم بالتعويض عن الضرر
المادي والادبي وتوكل على الله وين عايشين حكم قرقوش

[القائــد]

الله يوفقك اخوي عيب عليهم هذا التصرف ان شاءالله تحصل حد

[دبلوماسية]

ما اشوف فيها نصب ولا احتيال ...
اكيد مايقدر ايرجع المبلغ كامل... لانه هو يدفع حق جهات ثانية مثل الورد ...والمنجرة والورشة ....

الله يساعدكم وتوصلون لحل يرضي الطرفين...ويعوضكم خير

[Bozizoo]

اذكر اسم المكان ..
عشان اللي يبي المكان يقدر ياخذ الحجز ..
والله يوفقك ~

تسلمين اختي
الي يبي اي معلومة اضافية يتواصل معاي على الخاص

[Bozizoo]

هذا يسمونه نصب واحتيال قولهم رجعو فلوسي ولا برفع عليكم قضيه وباطالبكم بالتعويض عن الضرر
المادي والادبي وتوكل على الله وين عايشين حكم قرقوش

ياخي الواحد مايبي مشاكل

[عزووز قطر]

إخواني خالد وfhd4
تسلمون على المشاركة
بس الواحد مايبي يدخل في مشاكل و متاهات

صاروا اصحاب المحلات ينصبون على القطري بسبب طيبتنا ومانبي ندخل في مشاكل !!!

يالشيخ اتصل على الرقم المجاني لإدارة حماية المستهلك 8005000

او الخط الساخن 44945500

واشرح لهم مشكلتك في الجوال واذا لك حق بتاخذه بإذن الله واللي هناك كلهم شباب وفيهم الخير ويحبون يساعدون أهل قطر

ولا ترضى بأن ينقص عليك من التجار ويضحكون عليك ويستغفلونك

اتصل لهم ولا تتردد واعرف حقك والله يوفقك

[كازانوفا]

ربي يوفقك ان شالله لما يحب ويرضى

[ميلاف]

ابد شوف لي عروس وانا تحت امرك المهر موجود والبيت وباخذ مكان عرسك

[امـ حمد]

الله يسهل امورك اخوي

[راشد محمد]

ما عليك منهم ..ارفع قضية وخذ فلوسك..عيل اللي يلغي يوم العرس الله يعينه

[هامور خرطي]

س: هل وقعت عقد ينص فيه على بند انه لايحق لك المطالبه بالمبلغ حتى لو تم الإلغاء ؟؟

اذا كانت الاجابة (لا) اتصل على صاحب المحل وقول له على اي اساس انت تقرر ماترجع المبلغ ؟
بيقول لك هذا النظام وسياسة المحل ، قول له ماوقعت ولا بينتوا اي سياسه او شي .
وقول له لك حلين (1) ترجع المبلغ كامل بدون اي خصم (2) اشتكي عليك في حماية المستهلك او الشرطة .

[رمح الشمال]

انا أتوقع لو الي حاجز الصاله مش اقطري كان رجعوله فلوسه كاش

[رمح الشمال]

انا أتوقع لو الي حاجز الصاله مش اقطري كان ترجع فلوسه كاشششششششش

[بوخالد2]

امر غريب الزفاف تم الغائه
ليه مايرجع المبلغ ؟

[الصغيره]

افضل شي نعرف اش القانون يقول ونتبعه

ربي يعوضك خير

لو تعرف صاحب الصاله الحقيقي وتتواصل معه افضل من الاداره اللي تستقل الشخص وبس

[الزلزال]

الله يسهل امورك
ليش ماريد فلوسك
وش بيخسر اذا رد فلوسك ؟
كلم راعي المكتب ولا عليك منهم ولا تسكت عن حقك
المفروض يرد فلوسك ولا يخصم ريال
لين مته الاستغلال الي احنا فيه

[عابر سبيل]

الموضوع واضح و هو ان صاحبه
يريد من يحل محله في التعاقد الذي
بينه و بين محل تجهيز العرس او تجهيز
قاعة العرس .. من كوشه الخ الخ الخ...

لذا سيتم نقله للقسم الصحيح
مع تقديرنا للردود المتعاطفة او التي فيها
اقتراحات لتصعيد المواجهة... الا ان الرجل
يقولها بصراحة... انه لا يريد ما يزيد في تأجيج المشكلة

[مو مهم]

يالغالي نصيحه اخويه اقرب مركز شرطه مع الوصل حق العربون
وما عليك من حمايه المستهلك والا غيرها
نص ساعه فلوسك عندك والا الشخص ينسجن ويعرض نيابه
وال ١٠ الف اذا ما تبيها تصدق فيها للمحتاجين مب لناس عندهم خير وتخسر شي ما سويته

[mazag]

روهم العين الحمره غصب عنهم يرجعونه واذا مارجعوه 999 وقولهم. السالفه صارت مع ناس وخذوا فلوسهم قبل يومين من موعد العرس كنسله. ليش اصلا كل شيء جاهز بالمحل من طولات واكسسورات ولوازم العرس ليش شرها مخصوص لك
واذا بتدفع شيء شراه خله يراويك الفواتير. وخذ الاغارض الي شرها

[tiger33]

ممكن التفاصيل ع الخاص

عندي اخوي عرسة بداية 5 الله يكتب اللي فيه خير

ومانبي شي منك يا الغالي

[الفخامة]

ممكن التفاصيل الشيخ على الخاص ..
تاريخ العرس والمحلات اللي تم التجهيز منها والقاعة وكل شئ

وإن شاء الله تتيسر أمورك ..

[غايه الطواش]

العقد شريطه المتعاقدين
اذا موقع علي ورقه مكتوب فيهاالعربون لايسترجع فهو لايسترجع

[الدوسري قطر]

السلام عليكم



اخوي خل فلوسك عندك وراجع حماية المستهلك بشكل رسمي وكلما استعجلت كان افضل...

والله يكتبلك الخير ان شاءالله من ورا التأجيل

في العقود يكتبون ان العربون يرجعونه خلال اسبوع فقط

وانت لما تدفع لازم توقع عالشرط هذا

مانقول غير الله كريم

[فهد111]

مش على كيفه والله ودي اروح ادغدغ المحل على راسه

[راجية الرحمة]

ياليت تفاصيل الحجز على الخاص

[ali8.1]

الله يكتب لك اللي فيه الخير ان شالله

[لينا]

الله يوفقك اخوي ويعوضك خير يارب

ويصخر لك الي يساعدك في حل هالمشكله


علي خير وعلي ما تحب وترضي

ما آملك الا الدعاء لك

[اوف ليميت]

لا لا لا

المكتب من حقه يخصم...لان اذا الالغاء صار بفتره قصيره..اذا المكتب خسر على التجهيز والترتيب وجاب الكوشه والاغراض الاخرى الخاصه بالتجهيز ويمكن زينه وورودوتصوير..شوي اتكلف هذي
هذا غير ان المكتب يمكن اعتذر لاشخاص اخرين لانهم كانوا حاطين في بالهم ان عرس الاخ بيتم..ولكن للاسف تكنسل

الحل..انك تستعجل تروح للشرطه

لسببين:

1- يمكن مكتب التجهيزات مابي يعور راسه ويضيع وقت مع الاستدعاءات والشرطه..ويقبل انه يفاوضك عالسعر اللي يرجعه لك..عشان يتفرغون لتجهيزات ثانيه للناس بدل مايتمون يخسرون بسبب تفرغهم للشرطه فقط

2- يمكن والله اعلم..التجهيزات مالتك مش مكتمله كانت..والمكتب الحين يبي يلعب لعبته ويحاول يدبر التجهيزات كلها بسرعه بعد مادرى .. عشان تكون حجته اقوى ضدك .. وتدري بعض المكاتب ذمتهم وسيعه.. ف لاتعطيهم مجال

[مهرة]

الله يعوضك خير ان شاءالله ويمكن تكون خيرة لكم والله يوفقكم ان شاءالله .. والأفضل ماتسكت عن حقك وتطالبهم بالفلوووس توهم ما سووا شي .!!

[محمد الجفيري]

Up up

[الفرحه]

الله يعوضك خير ان شاء الله.

[al-jori]

الله يكتب لك اللي فيه الخير

[al-jori]

الله يعوضك خير يا رب

[Bozizoo]

انا أتوقع لو الي حاجز الصاله مش اقطري كان رجعوله فلوسه كاش

لا فديتك قطري والله
والحجز مب صالة
الحجز تجهيز عرس (كوشه +تجهيز طاولات)

[Bozizoo]

يالغالي نصيحه اخويه اقرب مركز شرطه مع الوصل حق العربون
وما عليك من حمايه المستهلك والا غيرها
نص ساعه فلوسك عندك والا الشخص ينسجن ويعرض نيابه
وال ١٠ الف اذا ما تبيها تصدق فيها للمحتاجين مب لناس عندهم خير وتخسر شي ما سويته

تسلم اخوي على تعاطفك معاي في الموضوع

[Bozizoo]

لا لا لا

المكتب من حقه يخصم...لان اذا الالغاء صار بفتره قصيره..اذا المكتب خسر على التجهيز والترتيب وجاب الكوشه والاغراض الاخرى الخاصه بالتجهيز ويمكن زينه وورودوتصوير..شوي اتكلف هذي
هذا غير ان المكتب يمكن اعتذر لاشخاص اخرين لانهم كانوا حاطين في بالهم ان عرس الاخ بيتم..ولكن للاسف تكنسل

الحل..انك تستعجل تروح للشرطه

لسببين:

1- يمكن مكتب التجهيزات مابي يعور راسه ويضيع وقت مع الاستدعاءات والشرطه..ويقبل انه يفاوضك عالسعر اللي يرجعه لك..عشان يتفرغون لتجهيزات ثانيه للناس بدل مايتمون يخسرون بسبب تفرغهم للشرطه فقط

2- يمكن والله اعلم..التجهيزات مالتك مش مكتمله كانت..والمكتب الحين يبي يلعب لعبته ويحاول يدبر التجهيزات كلها بسرعه بعد مادرى .. عشان تكون حجته اقوى ضدك .. وتدري بعض المكاتب ذمتهم وسيعه.. ف لاتعطيهم مجال


:victory:

[فـيـراري قطر]

اخوي تاكد لو الوصل مش مكتوب عليه ان الفلوس ماتنرد تقدر تاخذ فلوسك وانت تضحك

[elders]

متى بلغتهم انو لغيت العرس ؟ يعني كم يوم قبل العرس؟

[CH Engineer]

عطنا التفاصيل
متى الغيت العرس؟
تم تجهيز الكوشه وله لأ؟
الكوشه عنده جاهزه ولا تفصيل خاص لك؟

دام تجهيز وانت الغيت العرس ليش مايرجعون فلوسك؟

اذا العقد يشترط بعدم استرجاع المبلغ
الحل الوحيد انك تقعد فالمحل وأي واحد يبي يحجز خذه على جنب وقوله انا بحجزلك بنفس المبلغ الي عطاك ولك 5000 من عندي

[Bozizoo]

عطنا التفاصيل
متى الغيت العرس؟
تم تجهيز الكوشه وله لأ؟
الكوشه عنده جاهزه ولا تفصيل خاص لك؟

دام تجهيز وانت الغيت العرس ليش مايرجعون فلوسك؟

اذا العقد يشترط بعدم استرجاع المبلغ
الحل الوحيد انك تقعد فالمحل وأي واحد يبي يحجز خذه على جنب وقوله انا بحجزلك بنفس المبلغ الي عطاك ولك 5000 من عندي
اخوي مب له 5000
انا اقول له 10000 عليه بالعافية
والله يبارك له

[راعي 2006]

اخوي بقولك شي ..

فلوسك المفروض تررجع كامله ماعدا مبلغ الحجز المتفق عليه الي هو العربون ..


ومن الاساس ماكان له داعي ان الواحد يدفع المبلغ كامل لان النصابين زادوا وشلون تدفع مبلغ كامل على

شي ماشفته , المهم رص عليهم وقوله انتوا اخصم العربون عالاقل 5000 ريال


مرره كنسلنا صالة احد الفنادق وخذوا علينا العربون ,, ولا خليتها بخاطري قلت له عوضني فيها غرفه لمدة 4 ليالي

والله يوفقك ان شاءالله ويتمم لك على خير

[Bozizoo]

اخوي بقولك شي ..

فلوسك المفروض تررجع كامله ماعدا مبلغ الحجز المتفق عليه الي هو العربون ..


ومن الاساس ماكان له داعي ان الواحد يدفع المبلغ كامل لان النصابين زادوا وشلون تدفع مبلغ كامل على

شي ماشفته , المهم رص عليهم وقوله انتوا اخصم العربون عالاقل 5000 ريال


مرره كنسلنا صالة احد الفنادق وخذوا علينا العربون ,, ولا خليتها بخاطري قلت له عوضني فيها غرفه لمدة 4 ليالي

والله يوفقك ان شاءالله ويتمم لك على خير

انا معاك اخوي في لي تقوله بس عاد مافي فايده من الكلام هذا الحين
المبلغ مدفوع بالكامل

[A-Alansari]

الله يعينك

وهذا احنا هل قطر كله مانبي مشاكل وعوار راس

من رايي اذا انك ماوقعت على عقد والموضوع موضوع كوشه وطاولات يعني كل شي جاهز في المحل مب تفصيل خاص لك

اتصل على حمايه المستهلك واشرح الوضع وشوف شيقولون لك

حتى لو كان ريال لاتخلي احد ياكل حقك

والراي لك

[راعي 2006]

زين اخوي عندي لك حل ثاني وان شاءالله يظبط معاك ..


انت اللغيت العررس صح ؟

اوكي ليش ماتقوله انك اجلت العرس لين اشعار اخرر وانت اكيد الله بيوفقك ومصيرك بتتزوج ان الله كتب

وتخلي الحجز حق المستقبل والموضوع الاول والاخير يرجع لك وانت فاهم ظروفك اكيد ..




>>> متابع ويدور حل مع الرجال :)

[Bozizoo]

الله يعينك

وهذا احنا هل قطر كله مانبي مشاكل وعوار راس

من رايي اذا انك ماوقعت على عقد والموضوع موضوع كوشه وطاولات يعني كل شي جاهز في المحل مب تفصيل خاص لك

اتصل على حمايه المستهلك واشرح الوضع وشوف شيقولون لك

حتى لو كان ريال لاتخلي احد ياكل حقك

والراي لك
اخوي المحل تجهيز كوشه و طاولات

[Bozizoo]

زين اخوي عندي لك حل ثاني وان شاءالله يظبط معاك ..


انت اللغيت العررس صح ؟

اوكي ليش ماتقوله انك اجلت العرس لين اشعار اخرر وانت اكيد الله بيوفقك ومصيرك بتتزوج ان الله كتب

وتخلي الحجز حق المستقبل والموضوع الاول والاخير يرجع لك وانت فاهم ظروفك


>>> متابع ويدور حل مع الرجال :)

اخوي شوف الخاص

[alma3ani]

اخوي انت اتقول قبل العرس بايام

يعني مالوم المكتب لو رفض كل التجهيزات يبيلها وقت

والي يقول كل شي جاهز اقوله غلطان الموضوع مو طاولات وكراسي

هاي كوشه كامله وكلها تتفصل وزينة طاولات وشراشف امفصله وورد وغيره ومن غير حجز التاريخ

روح اقرب محل واسالهم اذا يقدر ييلك ثاني يوم وشوف شرد عليك دام اتقولون كل شي جاهز

انا ابي اكون منصف قدرالامكان ومتعاطف وياك وايد

بس احمد ربك على الاقتراح الي قالوه المحل غيرهم يقولون لك مالنا علاقه لان انت قبلها بكم يوم

نصيحتي لك الحين انك تتفق معه ان العرس تاجل لين اتشوفلك حد يتزوج ويكون مكانك

او انت تتزوج بلمستقبل مالها حل ثاني

لان بينكم اتفاق وانت الي اخليت في الاتفاق مب هم خصوصا اذا بسبب لهم خساره

واتمنالك كل خير

[النواخذة]

الله يسهل أمــورك أخـــوي ..

[Bozizoo]

اخوي انت اتقول قبل العرس بايام

يعني مالوم المكتب لو رفض كل التجهيزات يبيلها وقت

والي يقول كل شي جاهز اقوله غلطان الموضوع مو طاولات وكراسي

هاي كوشه كامله وكلها تتفصل وزينة طاولات وشراشف امفصله وورد وغيره ومن غير حجز التاريخ

روح اقرب محل واسالهم اذا يقدر ييلك ثاني يوم وشوف شرد عليك دام اتقولون كل شي جاهز

انا ابي اكون منصف قدرالامكان ومتعاطف وياك وايد

بس احمد ربك على الاقتراح الي قالوه المحل غيرهم يقولون لك مالنا علاقه لان انت قبلها بكم يوم

نصيحتي لك الحين انك تتفق معه ان العرس تاجل لين اتشوفلك حد يتزوج ويكون مكانك

او انت تتزوج بلمستقبل مالها حل ثاني

لان بينكم اتفاق وانت الي اخليت في الاتفاق مب هم خصوصا اذا بسبب لهم خساره

واتمنالك كل خير
شاكر اهتمامك

[Bozizoo]

الله يسهل أمــورك أخـــوي ..

وياااااك اخوي

[محمد الجفيري]

بالفعل مالهم حق لازم يرجعوا المبلغ دام ما تكلفوا شي

وانتي لازم ما دفعتي لهم كامل المبلغ والعلم عند الله

موفقه اختي والله وان شالله تحصلين اللي تبغينه

[Bozizoo]

ومازال العرض

[o_85]

طرشلي التفاصيل عالخاص

انا عندي 4 بيتزوجون هالسنه

بعرض عليهم والله كريم ويعوضك خير

[المبرمج صلاح]

http://www.mexat.com/vb/images-cache/5/b/7/d/7/0/9/5b7d7093ff0e6572d22cdaba65fcf0c6.gif
بالتوفيق ان شاء الله

[mr_unknowns]

السلام عليكم

طرشلي رقمك ع الخاص ولا هنت

[Bozizoo]

السلام عليكم

طرشلي رقمك ع الخاص ولا هنت

تم الرد على الخاص الخاص

[فديت عيالي]

بالتوفيق للجميع ان شاء الله

[مشتاقة لقطر]

الله يتمم لك على خير

[Qatarina]

اخوي اذا ممكن ايش اسم المحل على الخاص

[راعي ارقام]

اخوووي شسالفه راجع حماية المستهلك يطلعون الفلوس من عينه النصااب