بروشر ماي لغسيل السيارات .. وين ألقاه؟

[قرنقووش]

السلام عليكم ورحمة الله وبركاته

ياجماعة حد يعرف وين يبيعون بروشر ماي حق غسيل السيارات ؟ نفس اللي يستعملونه المغاسل؟

ابي جوده زينه مب مال السوق الصيني استعملناه مرتين واخترب :rolleyes2:
واللي عنده فكره بعد عن مكينه الصابون نفس مالت التيسير .. نفس مكينة الماي بس ترش صابون

اللي عنده فكره ينورنا ومشكورين مقدما:nice:

[مرحبا]

اخوي عندك عند شركه المرزوقي لقطع الغيار مال المسدس قبل أشارت المجنون قتله محل جنبه مال مكائن الغسيل نفس مال المغسله

[qatar.syria]

يا اخوان
انا اريد شراء بروشور ماي حق الحوش والسيارة
ايش الانواع الجيدة في السوق
وكام يكون سعره تقريبا
ارجو الافادة

[قرنقووش]

مرحبا

من اي صوب يعني ؟
يعني وانا جاي من صوب عبدالغني ولا من صوب البنوك ولا من صوب الاصمخ ولا وين بالظبط ؟
وشلون الجوده هل عندك فكره ؟

[قرنقووش]

للرفع للرفع

[بومحمد 00]

شارع الهندسه

محل مرزوق الشملان عندهم ماركه كارتجر الالمانيه مكائن المغاسل كلها من نفس هالماركه

الأسعار تبتدي من ١٠٠٠ وطالع

أنا مأخذ من عندهم وحده مع هوز طويل طلعت علي ب ١٦٠٠ بعد الخصم

استعملها للحوش وغسيل السيارات وحتى حق بعد غسيل درايش البيت

واحيانا لطوفه البيت لا صارت مغبرة

صراحه المكينه جودة وماركه معروفه بالسوق ووكيلها الوحيد شركه مرزوق الشملان

[قرنقووش]

وين مكانها هذي؟
عندهم بروشر صابون ؟ نفس مال التيسير اللي تحط فيه فوطي صابون سائل وهو يخلطه بماي وفيه هوز ويرش

[بوNasser]

وين مكانها هذي؟
عندهم بروشر صابون ؟ نفس مال التيسير اللي تحط فيه فوطي صابون سائل وهو يخلطه بماي وفيه هوز ويرش

من اشارات حفصة رايح شرق
تجيك اشارات بن درهم أو اشارات الفطيم ووكالة السانيو (وكالة الهوندا سابقا) تعداها لا تلف
اللفة الجاية يمين يكون المحل على الزاوية.

معروفة مكاين كيرشر الصفرا من اجود الانواع

http://yardsurfer.com/wp-content/uploads/2010/07/karcher-pressure-washer-parts.jpg

عندنا في الشغل وحدة مثل اللي في الصورة تحت، تسخن الماي لدرجة ممكن تطير الصبغ، وتقبل الصابون والمواد الكيماوية المنظفة، طبعا غالية وما تصلح للاستخدام المنزلي.

http://www.alphapowercleaners.co.uk/images/products/127.jpg

تحياتي لك وللجميع

[قرنقووش]

^


الاولى اوكي
ابي شغل زوين لغسيل السياره فالبيت
عن نفسي زهقت من المغاسل بصراحه قاموا ينصبون بزياده
عيل غسيل ب٣٥ ريال سلامات
لا وتطلع السياره وصخه ويشمخون البدي .. يفركون الموتر بزوليه الله يرج ابليسهم
اشوف البيت افضل وانظف .. شريت فوط وصابون خاص للسياره وبشتري هالمكينه باذن الله وخلهم يولون المغاسل ..

تسلم يابقراطيسك ورحم الله والديك
بمر عليهم كلهم بشوف شلون بضاعتهم واسعارهم وان شريت بحطلكم التجربه ان الله اراد

[بن غيث]

شارع الهندسة
خذ الهافي ديوتي
سعرها فوق 3500

[الزجاجي]

نصيحه من اخ لا تاخذ الحجم الكبير .. خذ الحجم الصغير سهله الحمل
وغسيل السيارات ما يحتاج هوا قوي للغسيل .. الاصغير وتقطع ايدك فما بالك بالكبيره

انا عندي الثنتين الكبيره والاصغيره .. الكبيره فيها علبه للصابون تتحكم فيها عن طريق عصا اليد والثانيه الاصغيره عاديه بس برشر ماي

[قرنقووش]

بن غيث

تسلم الشيخ

--

الزجاجي

تسلم على النصيحه خالي وانا بعد افكر بالمكينه الصغيره .. اهم شي ترش ماي وعليها ضمان

تسلمون جميعا

[qatar.syria]

اخواني الكرام بالنسبة لماركة كرشر انا وجدتها في كارفور وفي المخازن الكبرى في الحياة البلازا منذ حوالي الشهر

وكان المخازن عارضها بخصم ولكن لا اتذكر السعر ....

السؤال هل نجدها في شارع الهندسة ارخص ام في المولات ارخص ؟؟

[ASK2]

في كارفور في عدة انواع منها كرشر وبوش وكثيره

وفي احجام كثيره

وترا الاسعار اغلب الاحيان تكون ارخص من شركتها

انا خذت الكرشر 2600 مادري 2900 المهم سعرها عند مرزوق الشملان كان 3400

نفس الحجم

[قرنقووش]

بل يالربع حطمتوني ههههههه
توني ماخذ المكينه عاد قالي اصبر لين بكره بنجيب الماركه الثانيه وهي ارخص قلت
فكرت شوي قلت له لا يبه عطني هذي كلهم يمدحونها

خذت k5 ب١٤٥٠ لاتقولون في كارفور ارخص؟ بروح انتحر هههههههه
المهم خذت معاه وايد اشيا من صابون وفوط للسياره واسعارهم حلوه ماركه سوناكس
خذت اغراض من محل بروفشنل فالعزيزيه بصراحه قص علي اللبناني اللي هناك قالي ماستفيد منهم شي وباعني الصابون ب٣٩ وانا ماخذه مم الشملان ب٢٢ يمكن

شكلي بتصل في حماية المستهلك -_-"
المهم عطاني عالمكينه ضمان ٦ شهور
واستخدمتها اليوم والله كرفتها كرف مشغلها من صلاة العشا لين ١٢:٣٠ ربعي كلهم غسلوا مواترهم فالحوش :nice:
فنانه المكينه بصراحه

[qatar.syria]

بل يالربع حطمتوني ههههههه
توني ماخذ المكينه عاد قالي اصبر لين بكره بنجيب الماركه الثانيه وهي ارخص قلت
فكرت شوي قلت له لا يبه عطني هذي كلهم يمدحونها

خذت k5 ب١٤٥٠ لاتقولون في كارفور ارخص؟ بروح انتحر هههههههه
المهم خذت معاه وايد اشيا من صابون وفوط للسياره واسعارهم حلوه ماركه سوناكس
خذت اغراض من محل بروفشنل فالعزيزيه بصراحه قص علي اللبناني اللي هناك قالي ماستفيد منهم شي وباعني الصابون ب٣٩ وانا ماخذه مم الشملان ب٢٢ يمكن

شكلي بتصل في حماية المستهلك -_-"
المهم عطاني عالمكينه ضمان ٦ شهور
واستخدمتها اليوم والله كرفتها كرف مشغلها من صلاة العشا لين ١٢:٣٠ ربعي كلهم غسلوا مواترهم فالحوش :nice:
فنانه المكينه بصراحه

يا سيدي الف مبروك وان شاء الله ما تشوف منها غير كل خير يارب:victory:
وشكلي انا اليوم رايح عندك المساء اغسل موتوري:nice:
:weeping:بس الحوش ما اقدر اجيبه معاي :weeping:

[حسن]

عندك عند مروزق الشملان شارع الهندسه وخذ اللى رقممه 720 كلشلر المانيه الصفره
بتلقى مديرهم اسمه سامي الزرد وقوله انه جايك من طرف حسن وبيسويلك خصم بتحصله مكتبه داخل الكونتر

[قرنقووش]

الشكر لله ثم لاخوي بقراطيسي
رحم الله والديك وخذت المكينه الحمد لله شغل مرتب بصراحه :)
تسلم على نصيحتك والله يجزاك خير ماقصرت

--
قطر سوريا
مايحتاي تتعب نفسك وتييب الحوش معاك .. خذ المكينه جربها عندك :)

--

حسن تسلم
خذتها امس والحمد لله