ممكن استشاره من ذوي الخبره Swimming pool

[برنس قطر]

سلام عليكم ورحمة الله وبركاته
ممكن استشاره بخصوص " برك سباحه في البيت "

عندي بيت ابنيه وفيه بركة سباحه طوالها 6 وعرضها 4 متر
ابيها حق العيال ممكن اعرف وين احسن مكان يعملونها لي للعلم تم حفر الحفره لها
بس مش عارف وين لاحسن
فيه الجبر وفيه رجنسي بس وين لافضل وهل فيه شركات ثانيه
واهم شي بعد صيانه بعد لانتهاء منها .....
ياليت احد يفيدني

[MeMe MoOoON]

بالنسبة للبرك تبي الغالي والكشخه وشي مميز روح ريجنسي
وفي تسعيره للبرك وحسب المواصفات هو يرويك اذا تبي هالمواصفات يكون سعره وسط وفي مواصفات اوكي تكون اغلى حسب الحديد والعوازل ومادري شو

بيحسبونها لك يمكن بحدود بين 100 الف او 150 الف حسب المواصفات وذا تبي مع نوافير واضيف معاها اشياء مميزه يزيد السعر اكثر
عادي يوصل معاك بحدود 300 الف ريال


في شركة الجبر
ريجنسي
شركة النسر بعد نابكو بخط الوكره قبل الدوار
شركة بلو هذي جديده

روح حق شركة الجبر احسن سعره وسط بالنسبة لهم بيحسب لك يمكن 130 الف اتوقع
بس قتلك يعتمد حسب المواصفات


والله يوفقك

[حسن الاحمد]

تدمر يمكن عندهم فرع لبرك السباحة

[ومن الغباء ماقتل]

معقوله هالاسعار؟؟ ، في السعودية سألت عنهم مايوصلون 40 الف وهني 300 الف؟ حسبنا الله ونعم الوكيل

[القلم الصريح]

اذا انت تفهم في امور البنيان مايبيلها شي ، انت تقدر بنفسك تسويها بس لازم تكون فاهم في امور العازل والتصريف

[khaldoon]

اذا انت تفهم في امور البنيان مايبيلها شي ، انت تقدر بنفسك تسويها بس لازم تكون فاهم في امور العازل والتصريف

اخوي ما ينفع يسويها بنفسه لانه فيها شغل مضخات و فلاتر ...يعني مب اي واحد يقدر يضبطها الا مقاول مختص بالبرك



بخصوص طلب راعي الموضوع.....في عندك شركة water master اشتغلت في اللؤلؤة مسابح و برك...تحياتي

[SULTAN1]

الجبر احسن والحجم اللى عندك المفروض ما يتجاوز ٦٥٠٠٠ ريال ،والصيانه عندهم ممتازة

[naklan]

هلا اخوي برنس قطر اخوي ارشح لك شركة تدمر
لبرك السباحة لانهم يصبون الارضية والجدران مرة وحدة
بطرقة الشوت كريت وهي طريقة افضل من اغلب الشركات الي يصبون الارضية
ويعملون ووتربار ويعملون نجارة خشب وبعدين صب الجدران للمسبح :)


وهذي صورتين توضح العمل الاولى طريقة الرش للخرسانة
والثانية بعد الانتها ومساواة المسبح


http://www7.0zz0.com/2012/04/21/19/268853303.jpg (http://www.0zz0.com)


http://www7.0zz0.com/2012/04/21/19/710146027.jpg (http://www.0zz0.com)


ثانياً - فيه طريقتين لعمل المسبح

الاولى المسبح الي ما يتعبى بالكامل بالماي بطريقة الاسكيمر وهو ارخص قليلاً


والطريقة الثانية الي يصل الماي الى اخر حدود المسبح من الاعلى وتشوف له مصارف
بلاستك بجانب البركة لاحتواء الماء الخارج من المسبح وهو يكلف اكثر

لوجود بجانب المسبح خزان تحت الارض من الخرسانة المسلحة وفيه ناس تفضل طريقة
الاسكيمر وناس تفضل طريقة المسبح الي يتعبى كامل :omen2:


وممكن تركب للمسبح سخان لاستمتاع به ايضاً في الشتاء وانا مركب لمسبحي
قيمته حوالي 11000 ريال :victory:
لازم تحدد احتياجك اذا تبي سخان لتركيب كيبل للكهرباء يكون يتحمل تشغيل السخان
لانه قوي ويبي كيبل 35 ملي تقريباً :telephone:

اعتقد بيكلفك حوالي 70 الف مع سخان لطريقة السكيمر
وحوالي 100 الف للطريقة الثانيه المسبح الممتلي والله اعلم

اتمنى اني وضحت لك وقدمت ما يفيد
تحياتي اخوي وموفق باذن الله
اخوك/naklan

[مرتبش]

معلومات حلوة
يعطيكم العافية

[برنس قطر]

هلا اخوي برنس قطر اخوي ارشح لك شركة تدمر
لبرك السباحة لانهم يصبون الارضية والجدران مرة وحدة
بطرقة الشوت كريت وهي طريقة افضل من اغلب الشركات الي يصبون الارضية
ويعملون ووتربار ويعملون نجارة خشب وبعدين صب الجدران للمسبح :)


وهذي صورتين توضح العمل الاولى طريقة الرش للخرسانة
والثانية بعد الانتها ومساواة المسبح


http://www7.0zz0.com/2012/04/21/19/268853303.jpg (http://www.0zz0.com)


http://www7.0zz0.com/2012/04/21/19/710146027.jpg (http://www.0zz0.com)


ثانياً - فيه طريقتين لعمل المسبح

الاولى المسبح الي ما يتعبى بالكامل بالماي بطريقة الاسكيمر وهو ارخص قليلاً


والطريقة الثانية الي يصل الماي الى اخر حدود المسبح من الاعلى وتشوف له مصارف
بلاستك بجانب البركة لاحتواء الماء الخارج من المسبح وهو يكلف اكثر

لوجود بجانب المسبح خزان تحت الارض من الخرسانة المسلحة وفيه ناس تفضل طريقة
الاسكيمر وناس تفضل طريقة المسبح الي يتعبى كامل :omen2:


وممكن تركب للمسبح سخان لاستمتاع به ايضاً في الشتاء وانا مركب لمسبحي
قيمته حوالي 11000 ريال :victory:
لازم تحدد احتياجك اذا تبي سخان لتركيب كيبل للكهرباء يكون يتحمل تشغيل السخان
لانه قوي ويبي كيبل 35 ملي تقريباً :telephone:

اعتقد بيكلفك حوالي 70 الف مع سخان لطريقة السكيمر
وحوالي 100 الف للطريقة الثانيه المسبح الممتلي والله اعلم

اتمنى اني وضحت لك وقدمت ما يفيد
تحياتي اخوي وموفق باذن الله
اخوك/naklan

تسلم وماقصرت ممكن اعرف هل تنصحون اضاء في البركة..؟

[khaldoon]

^^^^^

ليش لا....نعم انصحك بالاضاءة ...لابد منها...حلوة الاضاء في البركه خاصة بالليل...تعطي منظر رائع

[همر]

الشيخ انا لبستها المقاول وخليته يسوي لي الحفره والصبيه مع عقد المقاوله..


طبعاً هذي اسهل وارخص طريقه تسوي فيها بركه في البيت..

تروح حق ريجنسي.. عندهم نوع من التلبيس يلبسونه البركه من داخل مادري شيسمونه.. عليه ضمان ويمنع التسرب وقابل للتمدد.. ومكينة تدوير للماي مع فلتر.. الشغل كله بـ45 الف ريال فقط..

بركتي نفس حجم بركتك.. وعقد الصيانه مع ريجنسي 800 ريال في الشهر زيارتين في الاسبوع تنظيف واضافة كلور وكان الله غفوراً رحيما..

لا مضخات ولا غرفة مضخات ولا سبتك تانك ولا تمديدات ولا هم يحزنون..

:nice:

[naklan]

تسلم وماقصرت ممكن اعرف هل تنصحون اضاء في البركة..؟



الله يسلمك يالغالي ونعم انصحك بالاضائة
و3 ليتات كافية لمقاس بركة 4×6







الشيخ انا لبستها المقاول وخليته يسوي لي الحفره والصبيه مع عقد المقاوله..


طبعاً هذي اسهل وارخص طريقه تسوي فيها بركه في البيت..

تروح حق ريجنسي.. عندهم نوع من التلبيس يلبسونه البركه من داخل مادري شيسمونه.. عليه ضمان ويمنع التسرب وقابل للتمدد.. ومكينة تدوير للماي مع فلتر.. الشغل كله بـ45 الف ريال فقط..

بركتي نفس حجم بركتك.. وعقد الصيانه مع ريجنسي 800 ريال في الشهر زيارتين في الاسبوع تنظيف واضافة كلور وكان الله غفوراً رحيما..

لا مضخات ولا غرفة مضخات ولا سبتك تانك ولا تمديدات ولا هم يحزنون..

:nice:





هلا اخوي همر اولا عقد صيانة البركة في اغلب الشركات لا يتعدا 500 ريال
زيارتين في الاسبوع وثانيا صح طريقة التلبيس رخيصة ولكن ليست اجمل من
المزايكو والمكينة مالت رجنسي شكلها بشع كانها مكينة طراد وتشوه المسبح ولها
ليت واحد في المكينة واذا على عمل سكايمر وفلتر ودينمو لا يتعدا 30 الف ريال
وافضل والدليل اغلب الفنادق والفلل الراقية يستخدمون طريقة المزايكو والسبتك
تانك للبرك ومن ناحيتي اعشق الطريقة التقليدية اجمل واطول عمرا :victory:

[معماري قطري]

سلام عليكم ورحمة الله وبركاته
ممكن استشاره بخصوص " برك سباحه في البيت "

عندي بيت ابنيه وفيه بركة سباحه طوالها 6 وعرضها 4 متر
ابيها حق العيال ممكن اعرف وين احسن مكان يعملونها لي للعلم تم حفر الحفره لها
بس مش عارف وين لاحسن
فيه الجبر وفيه رجنسي بس وين لافضل وهل فيه شركات ثانيه
واهم شي بعد صيانه بعد لانتهاء منها .....
ياليت احد يفيدني


إخوي توني مخلص حوض سباحه في بيتي ما صار لي ست شهور غلطت غلطتك بديت شغلي شهر يمكن 3 وما خلصت الا شهر 10 يعني ما لحقت على الحر ... بس حظي كنت مسوي تغطية سقف شفاف يدخل الشمس ومسوي مراوح شفط وتكييف وتدفئة للماي وللحيز ككل ... الحوض بمعداته كلفني 85000 ومساحته 7متر في 4 والعمق عندك متدرج جزء 1.2 وجزء 1.6 متر ... وتبي نصيحتي خله كله مستوى واحد وعندك من 1.15 إلى 1.25 إرتفاع معقول ومناسب للكل وما بيكون مكلف .. انا عندي التكلفة شاملة فايبر اوبتكس لايت .. إنارة فايبر اوبتكس المتلونه ومتغيره تلقائياً بحدود 11000 ومكينة التسخين ب 24000 والحوض بباقي معداته ب 50000 وبالنسبة لك إذا بتركب سخان الماي وبتسوي عمق معقول بيكون ممكن في حدود 60000 ولتنسى التبليط حوله عليك والحفر والدفان بعد وشوف أحسن شركتين شركة تدمر ومكانهم على الدائري الثالث مع دخلة السفارة الليبية وبعدها بمسافه على اليمين، وشركة جامكو على طريق المطار قريب دوار سلاح الجو عند مديرهم الهندي ووالله يعينك عليهم الكل مشغول وكل شيء طلبيه وبيجيك ضغط ... خلك كول وحط في بالك بتخلص يمكن على آخر الصيف الا إذا تبي تسوي شيء بسيط ممكن يخلص في شهرين

وتدري شالأهم من كل هذا كماليات وتشطيب المنطقة حول الحوض ... يعني جهز مكان حق يكرم القاريء الحمام ولو عندك مساحة وتبي تدلع نفسك عدل سو حمام بخار وبحبح نفسك أكثر شوي بصالة رياضة صغيرة ، وشوي شوي بعد ضيف عليها سونا بحدود 20 إلى 30 الف بس لتاخذ الا سويديه ولا سويسريه ماركة معروفه ولا أمريكية وإبعد عن أي شيء صيني

طبعاً كل هذا يحتاج كهربه كفايه وتخطيط وموافقات ... إن حصلت فرصه باصور الحوض اللي سويته وباحط الصور بس الله يعينني عليمي توني يديد هنيه

[معماري قطري]

تسلم وماقصرت ممكن اعرف هل تنصحون اضاء في البركة..؟


الشيخ الإضاءَة ضرورية وعندك الجديد في الإضاءة نوعية الإل اي دي led

وهي شوي غالية لكن تعمر فترة أطول وإضاءتها أحلى، ولا تنسى خل يركبون لك سويتش يدوي بدال التماتيك عشان ما تحترق اللمبات سرعه ، وعندك إضاءة ثانية اللي هي الفايبراوبتكس .. بتكلفك حق داير الحوض حوالي 10000 ريال .. بس انا اغتشيت وخذت سمك قليل للكيبل .. انت حاول تاخذ سمك يعطيك إضاءة أقوى وتنوع ألوان أكثر ... وهذي يركبونها فوق سطح الماي وتحت حافة الحجر اللي يتركب في طرف الحوض وتخلي انعكاس النور والألوان على الماي وحول المنطقة حلو وتعطي جو للمكان

[الاسكافي]

الشيخ الإضاءَة ضرورية وعندك الجديد في الإضاءة نوعية الإل اي دي led

وهي شوي غالية لكن تعمر فترة أطول وإضاءتها أحلى، ولا تنسى خل يركبون لك سويتش يدوي بدال التماتيك عشان ما تحترق اللمبات سرعه ، وعندك إضاءة ثانية اللي هي الفايبراوبتكس .. بتكلفك حق داير الحوض حوالي 10000 ريال .. بس انا اغتشيت وخذت سمك قليل للكيبل .. انت حاول تاخذ سمك يعطيك إضاءة أقوى وتنوع ألوان أكثر ... وهذي يركبونها فوق سطح الماي وتحت حافة الحجر اللي يتركب في طرف الحوض وتخلي انعكاس النور والألوان على الماي وحول المنطقة حلو وتعطي جو للمكان

اي الشركات اللي عندها اضاءات الفايبر اوبتك في الدوحة وكيف اسعارها واذا تركيبها سهل ممكن طلبها من الانترنت وتركيبها؟
وهل ممكن اركبها بعد استكمال وتشغيل البركة

[معماري قطري]

اي الشركات اللي عندها اضاءات الفايبر اوبتك في الدوحة وكيف اسعارها واذا تركيبها سهل ممكن طلبها من الانترنت وتركيبها؟
وهل ممكن اركبها بعد استكمال وتشغيل البركة


انا الله يسلمك ركبت لي شركة تدمر وهي شغلة لازم تأسس لها بس أتوقع لها حلول لأن المفروض ينحط جهاز الإضاءة داخل غرفة الفلتر وعندي علقناه على حايط غرفة الفلتر بإرتفاع متر ونص تقريباً، وبعدين يحتاج تمديد بايب تحت أرضية الممر حول البرجه وبحيث يدخل على جانب البرجه تقريباً بإرتفاع 5 سم فوق سطح الماي علشان يعطيك انعكاس النور، وهذا الفايبراوبتكس عبارة عن حبل بلاستيكي ويتركب في قاعدة بلاستيكية وتتحرك فيه الإنارة وتتغير بألوان متعددة منها الأحمر والبنفسجي والوردي والأبيض والأصفر والأزرق والأخضر وغيرهم، وأكيد فيه نوعيات ثانية وأرخص وطريقة تركيبها تختلف وحتى ممكن تخليها على السور بإرتفاع 20 سم أو حسب ما تحب وبتعطي تغيير جو للمكان كله.

شوف انا رايي تسئل أخصائيين الإضاءَة أكيد بتحصل نوعيات أحسن وبتكلفه يمكن أقل وانا عندي طول سلك الفايبر اوبتكس كان حول 32 متر وسمكه تقريباً 12 ملم، ويوم جاني الجهاز قريت الكتلوج حصلت فيه أنواع بسمك أكبر وتعطي إنارة شوي أقوى، ويجي معاه جهاز لتبديل الألوان والعرض كبير شوي يعني بحجم هارددسك كمبيوتر كبير، وتدمر يتعاملون مع ماركة أسترا أظن سويسريه، وكلفني مع التركيب حول 11 الف ريال.

إذا لك حاجة لترتيب مكانك وإقتراح أي إضافة انا مستعد ومستعد أخليك تشوف حوض السباحة عندي والإضافات عليه ... انا جهزته بحيث تقدر تسبح أي وقت 24 ساعه في اليوم و365 يوم في السنة .. يعني تكييف وتدفئة وسقف شفاف يدخل الشمس، وباب ينفتح على الصالة وصراحة إكتسبت خبرة كافية من زمان من مشاركتي في تصميم عدد من أحواض السباحة الشبه أولمبية 50 متر في 25 متر، ومنها حوض داخلي مع نادي من طابقين، ومستعد لمساعدة أي واحد ناوي يبني حوض سباحة وبالتوفيق لك وللجميع إن شاء الله