اشتكيت على الصالون عند حماية المستهلك ولكن ......

[شموع قطريه]

السلام عليكم

.

.

.

.

.

.

من فترة شهرين تقريبا دخلت صالون الرقه اللي في مجمع غرناطه ولقيت عندهم بنات وايد يسوون تشقير للحواحب ..
اللي لفت نظري هو ان العاملات يحطون كريم التشقير براس المشط اللي له عصا طويله مثل هذا
http://jmarle.com/zencart/images/comb.jpg

.. قلت للعامله ليش ماتستخدمون اعواد القطن انظف من عصا المشط اللي تستخدمونه من وحده لي وحده قالت لي الهنديه مافي معلوم .. على طول طلعت وكلمت قسم مراقبة الصالونات وردت علي وحده وشرحت لها اللي شفته وانه خطر على بشرة البنات لانهم يستخدمون نفس العصا لكل الزبونات وقالت ان شاءالله بنتحقق من هالشي .. وامس رحت اشوف هل منعوهم من هالشي ولقيتهم يستخدمون نفس المشط في وضع كريم التشقير ..
يعني بالعربي عندنا المراقبه على الصالونات صفر ..

[راشد محمد]

اتوقع هاليومين بتشوفين الرد؟؟

[أم خـالد]

اما بـ راس المشط ! وانا افكر اروح لهم اليوم هونت مابي اروح

[النجلا]

حبيبتي اصلا اغلب صالونات مجمع غرناطة محد يدري عنهم .. من كم يوم كنت مستعجلة وابي اسوي شعري استشوار وكان جيسيكا زحمة قلت خل اجرب الصالون اللي احذا الرقة .. امانة دشي شوفي المكان اللي يغسلون فيه الشعر هاي بروحه على صوب والا بس شمي ريحة المكان قلبت معدتي لما دخلت .. وفوق كل هاي شغلهم مأساة ..

صاحبة الصالون شكلها من سنين مامرت عليه ..

[روح الاطلس]

توفير :) ماتبي تستخدم اعواد قطن عشان توفر ارخص لها تستخدم راس المشط !! بعدين بذمتج هي جات على هاي وبس؟ اصلا كل شي بالصالونات يستخدم من وحده لوحده .. المشط والاستشوار والميك اب والاسفنجات ومبرد الاظافر .. هل لكل زبونه بتبدل لها المشط او راس الاستشوار او على اقل القليل بتنظفه بعد كل استخدام! طبعاً لا ومستحيل

خليها على الله :)

[مهره]

الله المستعان ياخوفي من زيادة الرواتب وزادت معاه البطالة المقنعة

[اوغاريت]

الظاهر لازم تشتكون على حماية المستهلك نفسهم :)

[طلعة الروح]

انا لو منج أول ماشوفها جايبه راس المشط قومي واصرخي وسوي مشكله كبيرة واخليهم ينادون البوس مالتهم قدام الي يسوى واللي مايسوى (وفهميهم انج موظفه بالبلدية) بهالطريقه يتسنعون صج...ليش لأنهم مايمشون الا بالتهزئ ومرة بعد مرة بيعملون حساب لهالشي..

[M!$s ĀŁ!eN]

لا عيب
هدا رزقهم الله يهداكم
بعيدن التشقير ما نفع الا مع .. شي قاسي
اهم شي ان شغلها نطيف انتي جيبي معاج اغراض طيب
ولا يقصون عليج الببنانيات بنظافتهم الزايد ترا خرابيط
و صالون الرقه ترا بس حق الجواجب والاسعار زينه وش دخل حمايه المستهلك
روحي حنان وجوفي شنو ..
والله نصب وكلام فاضي
الصالون الرقه بمكان صغير وهنود .. وصاحبه الصالون اصلا هنديه وماجره من القطريه الرخصه ..
وكل سنه تعطيها الارباح وش تبي اكثر من جي ..
بس حااااولي اتكلمين بس ما تقطعين رزقهم
وتحياتي ..

[سارونه]

وش تبون بالصالونات ( لا حول ولا قوه الا بالله )

اغلب الصالونات ( حرامية ) الي كان قبل (100) الحين (300) ، كل حاجه زادت بصورة مو طبيعية ولا احد يحاسبهم ابدا ابدا :(

والبلديه مايروحون الا للصالونات الصغار الي لا حول لها ولا قوة - اما الي لها واسطه ورنه مستحيل يعلقون عليها - لانهم عارفين من ماسكها .

التسيب في وضع الصالونات والطريقة الغلط في استعمال المواد هاااي (جريمة) عقوبتها (اغلاق الصالون) ونشره في كل الجرايد الرسمية ، حتى يكون إبراء ذمة لوزارة البلدية من هذا الفعل الشنيع .

الان الكل لازم يبلغ على اي خطأ يحصل في اي صالون كاااان ( ولابد يكون له رادع ) ..

[محمد الجفيري]

لا حول الله

:(