الى اصحاب الخبره بخصوص شراء منزل [الأرشيف] - منتديات شبكة الأسهم القطرية

مشاهدة النسخة كاملة : الى اصحاب الخبره بخصوص شراء منزل

مرت محمد

22-04-2012, 09:08 AM

لقيت بيت في معيذر عارضه صاحبه للبيع في حدود ثلاث ملايين و200 البيت شعبي وعمره 15 سنه فيه 5 غرف وملحق خارجي وغرفه سائق وخدامه هل يصلح لشرائه ياجماعه والا

غالي لانه في المستقبل ناويين نهده ونبني عليه فيلا فهل القيمه غاليه ولا هاذي اسعار

البيوت خبرتكم ياجماعه البيت قريب لللاهل وابناء العمومه وانا اخترته لانه قريب من بيت

ابوي بس مادري ومحتاره ومتردده بسعره

ضوى

22-04-2012, 09:23 AM

واااايد غالي والارض هناك ماظن تسوى هالقيمة اذا بنقول القيمة في الارض مش في البنيان ، انا مافهم بهالسوالف بس اعرف هالقيمة تجيب لج فيلا بمساحة 600 م او اقل شوي بعين خالد سوبر ديلوكس

مرت محمد

22-04-2012, 09:30 AM

انا بعد اشوفه غالي بس صاحبه يقول انه مخسر فيه مسوي ملس خارجي يطل على الشارع العام وفيه ملاحق

ضوى

22-04-2012, 09:31 AM

انا بعد اشوفه غالي بس صاحبه يقول انه مخسر فيه مسوي ملس خارجي يطل على الشارع العام وفيه ملاحق

اسمه بيت شعبي اختي واذا مسوي ماتوقع يكون بهالسعر ، خاصة انتي ناوية لجدام شوي تهدينه وتبنين من جديد

سلامي للكل

22-04-2012, 09:35 AM

الســلام عليكم ورحمــة الله وبركاته

كم مســاحة الارض . . ؟

وبالتوفيــق

مرت محمد

22-04-2012, 09:47 AM

مسحته 1200

alfahad1

22-04-2012, 09:50 AM

اذا كان الموقع مميز جدا

فممكن ان يصل لهذا السعر ارجوا اهل الخبره ان ينصحوا الاخت

khaldoon

22-04-2012, 09:53 AM

اختي اعتقد انه السعر وايد غالي وخاصه انه بيت شعبي و عمره 15 سنة

لو انا مب غلطان اذكر انه كان المتر وقتها بحدود 750 ريال او اقل....لو غلطان ارجو تصحيح معلوماتي

صحيح انه بيرتفع مع الزمن بس هذا بيت شعبي ...يعني طابق واحد و اعتقد مواصفاته متواضعة جدا و ارتفع سعره اكثر من 3 اضعاف مع الارض

سلامي للكل

22-04-2012, 10:12 AM

دااانة قطر

22-04-2012, 10:15 AM

ممكن أطرح سؤاال ويمكن يفيد الأخت الساائله

هل البيت اللي أشتريه ممكن أطلب عليه إعاادة هدم وبنااء
لأن على حسب علمي وسمعته من نااس حااولوا يهدون بيتهم بس انرفضت المعااامله عااد من وين مدري!!

سلامي للكل

22-04-2012, 12:48 PM

اختــي بخصوص السعــر اشوفه مناسب جداً

وبحسبة بسيطة علشان نكــون واضحيــن معاج

مساحة الارض 1200 والسعـر 3ملاييــن و200 الف

يعني سعــر الفوت يطلع عليكم بـ 247 وهــو جداً مناسب لسعــر السوق الحالي وللمنطقــة

هذا بالاضافة للبيت المبني على الارض

السعــر مناسب وان شاء الله اهل الخبرة مايقصرون بالنصائح

وفاااالج التوفيــق

يرجــى من الاخـوان اصحاب العقارات التجار والدلاليــن واصحاب الخبــرة بان يقــولان رأيهم في موضوع الاخت

فرائي انما هــو تحليل لقيمــة الارض والذي اراه مناسب لسعــر السوق

في انتظــار الاعضــاء الكرام

وبالتوفيــق

دااانة قطر

23-04-2012, 09:21 AM

!!!!

!!!!

معماري قطري

27-04-2012, 04:51 PM

من وجهة نظري لو تقدرين تنزلين السعر إلى 3 ملايين بيكون معقول، وسوق العقار مجهول محد يدري بعد كم يوم كم بترتفع الأراضي أو البيوت أو شبيكون تخطيط المنطقة، أنا حصلت بيت سنة 2003 عظم وعلى ستة أراضي ومقابل فيلاجيو للحين ما خلص بنيانه، البيت كان سعره ذاك الوقت مليونين ومئة ألف ريال، من سنة سمعت أنه وصل 34 مليون تخيلوا

mr. abdulla

06-05-2012, 01:26 PM

مثل ما تفضلوا الاخوان سعر الفوت ب247 ... اجروا البيت لكم سنة.. لجيتوا تهدمون البيت ظهرا المؤجرين ... ارض 1200 حجم ممتاز...

الخبير العقاري

13-05-2012, 06:41 AM

السعر الحقيقي للعقار إذا البيت نظيف ولا يحتاج إلى إعادة هدم لخمس سنوات قدام

أرى أن سعره لايتجاوز 3 مليون لان الارض مساحتها كبيرة

السعر من 2.7 إلى 3 كحد اقصى في الوقت الحالي

وبالتوفيق

غناتي1

13-05-2012, 07:23 AM

موووووفقين

منارة الدوحة

13-05-2012, 07:01 PM

تحملي لان وحده من اهلي اشترت بيت و كانت ناويه تهده و تبنيه لها الحكومة مره ثانية و البيت كان شعبي لكن للأسف اصدمت بردهم ان البيت ملك خاص و رفضوا اعادة البناء هذا ما لز توضيحه

محمد الجفيري

17-05-2012, 08:48 PM

بالتوفيق يا رب