اتقوا الله في عيالنا يالمجلس الاعلى

[فرهود]

في نهاية الفصل الاول نقلتوا طلاب مدرسة الفرقان لمدرسه ورا سوق الحراج قلنا لاحول ولاقوة الا بالله . بدال مانوصل عيالنا للقطه نوديهم نص البلد معا الزحمه كنا ناخذ اقل شي ساعه .

واليوم اتفاجأ بولدي يقول حددوا مقر امتحاناتهم لامتحانات الثانويه العامه في مدرسة اسامه بن زيد في منطقة السيليه ,

ايش هالتخبط والقرارات الارتجاليه بدون تخطيط يعني شسر في اختيار مدارس بعيده فأخر الدنيا للامتحانات .

اذكر قبل كنا نمتحن في نفس المدرسه وكان طاقم التدريس هو الي يتغير . اليوم صار الطلاب كلهم يغيرون مقر امتحانتهم ووين في مدارس تبعد ساعه وساعتين عن مكان المدرسه الاصليه .

ليش وشنهو السبب . متى الطالب يقعدمن رقاده ومتى يراجع الصبح وليش التعقيد كل يوم يضرب الواحد خطوط وينضغط في الزحمه . بدال مانوفر الجو المناسب للطالب نجيب له ولهله الهم والغم .

والي ماعنده دريول شلون بيوصل ولده لهالمسافه ومتى يطلع من البيت عشان يلحق يوصله ويرجع شغله. نرجوكم وقبل وقت طويل من بداية الامتحانات استدركوا الامر وختاروا مناطق مناسبه .

الله ميسرها ونتوا تعقدونها !

متى بتتعلمون ؟ متى بتتعدلون؟ ماكفاكم انتقادات ؟

ماتحسون ؟ ماتستحون ؟:anger1:

[مو مهم]

اذا هذا صحيح
المجلس الاعلئ الى الهاويه

[درر قطر]

والله الي اختشوا ماتوا من زمان أوي على قولة المصريين
المجلس ما عاد له شغلة غير يغيظ الناس ويبط كبودهم والطالب شيء ثانوي بالنسبة لهم

[شموخ]

وراح تشوفون اكثرمن المجلس

[فرهود]

اذا هذا صحيح
المجلس الاعلئ الى الهاويه


للأسف صحيح ومادري ليش هالتعقيد. الله ميسرها ومكثر المدارس مادري ليش معقدينها ومعقدينا معاهم .

[Cooki]

يعني للحين ماستوعبتوا تخبطااات مجلس الخراب الاعلى ...
دائما متميزين .. سلباً

[بصمة قطرية]

لا حول ولا قوة الا بالله ..
مصخوهااااا بصراحة ..

[Rashid554]

الله يعين هالمجلس الاعلى
ان انقلو الطلاب قالو طلابنا وبعيد وووو... الخ
وان انقلو المدرسين مدرسه بعيده زحمه مادري شنو ... الخ