شوفوا ....بين الماضي والحاضر .....وقارنوا ...

[بوغانم995]

طبعاً لاتوجد مقارنه ......في كل الأحوال .......عفويه ...روابط ...مجتمعيه ......حب الجار لجاره .....وحتى صدق النيه ....فريج تجمعه الكلمه ...والأخلاص..في النيه .....لامكياج ...ولا مولاات .....اهل الفريج للفريج .....الله يرحم اول ...وبس


http://im23.gulfup.com/2012-04-22/1335084515631.jpg (http://www.gulfup.com/show/X28gv0679jqkgw)

الموضوع لكم ......

[intesar]

ياحلاة اللي وراهم.. شكلها ما عندهر وقت تحل واجباتها بنص الطريق..
ياحلاة ذيك الأيام..

[بصمة قطرية]

أحلى أيام والله ..
ما في مقارنة بصراحة بين الماضي والحاضر ..
عفوية ..
قلوب بيضة ..
حب الجار ..
الكثير من الصفات الحلوة اللي صرنا نفتقدها ..
ذكرتنا بايام حلوة و ذكريات حلوة عشناها .. :weeping:

[شويهينــه]

الله يرحم ذيك الايام

اليوم الصبح كنا نتكلم في هالموضوع

والحمدلله ترى لحين في ناس بنفس طيبة زمان اول وقلوبهم نظيفه

مشكور بوغانم

[sara jsm]

الحمدلله يارب اني عشت في ذاك الزمن ,,
هايتين في الشوارع وحفي بعد واهالينا متطمنين علينا ,,
نرجع من المدرسه نحل الواجب ومرات نحله في الباص عشان الطلعه تسوي من الظهر ,,
ومن سكه لسكه ,, ونرجع اخر الليل نسبح ونرقد حق المدرسه ,, :o

[qatarshark]

هههههههههههههههههههه
والله الصورة عجيبة
تصدقونون ذكرتني باشياااء وايد
واحلى شي لما تجينا النقصة (طعام الغداء من الجيران)
خصوصا الكاب بو أسد:nice:
ومغطينه بصحن وانت ميت تبي تعرف شنو فيه:anger1:
ما ادري ليش اكل الجيران احلى من اكل البيت:victory:
يمكن لان جبدك لاعت من المينيو اليومي في البيت:tease:
في شي في خاطري ابي اقوله
تعرفون بول الشيطان (العرق لما ينشف وتلاقيه من الصبح مخطط على رقبتك)
وايد فقدناه هالايام (من النظافة)ههههههههههههه

[حليتان*]

مب كفووو الحين اليهال يطلعون فالشارع

اول اعتقد الياهل عمره 4 سنين مسمي الحصى فالفريج هههههههههه

[بوغانم995]

وهذه صورة من زمان اول ......قبل المولات ...وسوق الجبر ........(( جيييت ارناق ....وتعني خلق ملون ...)) يحمله صاحب البضاعه على كتفه ...ويدور في الفرجان يبيع ....رافعاً صوته بهذه الكلمة جييت ارناق .....وأذا سمع صوة يقف ويفتح البضاعه امام الباب ..او في الحوش ...عند الباب ...وتتجمع عنده النسوه ...كبيرهم وصغيرهم ...وخاصه قبل الأعياد .......والله يرحم زمان وأهله .....رحمتاً واسعه ..اللهم آآمين ....وللمتابعه ..سوف انزل ...صوره جديد ..للعكاس ...الذي قال لي الخال أطال الله في عمره ..ان هذه الصوره ...عند أدارة العمل .....التي كانت تجمع الجوازات معها ...في فريج على مأعتقد الجسره .

http://im24.gulfup.com/2012-04-23/1335140650211.jpg (http://www.gulfup.com/show/Xqvlaig0cxf4oc)

وبسسسسسسس

[qatarshark]

http://im24.gulfup.com/2012-04-23/1335140650211.jpg (http://www.gulfup.com/show/Xqvlaig0cxf4oc)


بوغانم
والله ذكرتني هالصورة بالماضي
شوفي الريال الي يبيع كنا نسميه الدوار لانه يدور بالفرجان ويبيع
شفت البقشة الي وراه متروسة خلاقين:nice:
وعنده صندوق خشب ومغطى بالقزاز هاي حق الخراخيش:
مقص - مقراض - مشابيص - حمورة(منيكير) - كريمات الللللللخ
والله ساعات تشوفه يحوس بالفريج والحريم يطرشون عيالهم له علشان يجي البيت
يابلفيت ان الي يبيعه ماركة:tease:
بس الصراحة حياة حلوة

[intesar]

وهذه صورة من زمان اول ......قبل المولات ...وسوق الجبر ........(( جيييت ارناق ....وتعني خلق ملون ...)) يحمله صاحب البضاعه على كتفه ...ويدور في الفرجان يبيع ....رافعاً صوته بهذه الكلمة جييت ارناق .....وأذا سمع صوة يقف ويفتح البضاعه امام الباب ..او في الحوش ...عند الباب ...وتتجمع عنده النسوه ...كبيرهم وصغيرهم ...وخاصه قبل الأعياد .......والله يرحم زمان وأهله .....رحمتاً واسعه ..اللهم آآمين ....وللمتابعه ..سوف انزل ...صوره جديد ..للعكاس ...الذي قال لي الخال أطال الله في عمره ..ان هذه الصوره ...عند أدارة العمل .....التي كانت تجمع الجوازات معها ...في فريج على مأعتقد الجسره .

http://im24.gulfup.com/2012-04-23/1335140650211.jpg (http://www.gulfup.com/show/Xqvlaig0cxf4oc)

وبسسسسسسس


يحلاة الدوار.. كنا نفرح من يجي.. لأن أكيد لنا بعض من ما يحمل ..:nice:

[حسن الاحمد]

هههههههههههههههههههه
والله الصورة عجيبة
تصدقونون ذكرتني باشياااء وايد
واحلى شي لما تجينا النقصة (طعام الغداء من الجيران)
خصوصا الكاب بو أسد:nice:
ومغطينه بصحن وانت ميت تبي تعرف شنو فيه:anger1:
ما ادري ليش اكل الجيران احلى من اكل البيت:victory:
يمكن لان جبدك لاعت من المينيو اليومي في البيت:tease:
في شي في خاطري ابي اقوله
تعرفون بول الشيطان (العرق لما ينشف وتلاقيه من الصبح مخطط على رقبتك)وايد فقدناه هالايام (من النظافة)ههههههههههههه

هههههههههه

[بنت مريخ]

الله خاطري اعرف شصار فيهم الى ف الصوره

[بوغانم995]

هذه الصوره غير ......طبعاً .....غير ..الصوره الأولى في الأحياء ...ام الهذه الصور فتحمل عبق المناطق البعيده عن العاصمه ..وجايه صوره قديمه جداً يمكن..... محمود الصلات ...... ماعنده هذه الصوره ..ويقال في الثلاثينات من القرن الماضي .....حايه غريباً
http://im12.gulfup.com/2012-04-24/1335247560381.jpg (http://www.gulfup.com/show/Xqxpnq0rvyg0g0)

الصراحه بنت امريخ تسأل ايش صار في الذي في الصوره ............اكيد ...دوام الحال من المحال ....ووبسسسسس

[بوغانم995]

ياسلام انظروا للعكاس .....وهو عباره عن كامره من خشب ......وعليها .....غطاء من خلق ...اسود ..اللون ...يجلس الذي يريد صوره أمامه والخلفيه طوفه ...بيضاء ....نو اللوان ....وثاني يوم يأخذا الصوره .....هذا في نهاية الستينات ......وبس

http://im9.gulfup.com/2012-04-25/1335332604181.jpg (http://www.gulfup.com/show/X6qwxh1ycytj3)

اتمنى احد من الهواه في جمع الصور المشاركه .......وأثراء الساحه بصور لم تقدم من قبل ...نفسي نسوي جمعية ..للصور القديمه ..والتي يحتفظ بها ..الأهالي في بيوتهم ...وبسسسس

[محمد الجفيري]

بالفعل الله يرحم ذيك الايام

[tawareq]

الله على ايام الفرجان - الغانم القديم والهتمي وامغولينه وشارع البحارنه وشارع الكهرباء ودوحة الجديده والمنصورة ونجمة والمنتزة ووادي السيل وفريج بن محمود والمطار القديم وبراحة الجفيري والغانم الجديد

كل واحد له ذكريات في الهفرجان والدوارة بالسياكل

الله على ايام السياكل والغلينه والناطوع ولعبة الرين ولعب الكورة في وسط الشارع ولعبة الخشيشة والشراخيات في رمضان
واحلى شي الكباب في رمضان والتشري من الدكان علوش وحلاوة وايس كريم
وبيبان البيوت مشرعة وراحة البال لا مشاكل ولا عوار راس والكل يحب الثاني والكل يسال عن الثاني

ذكريات حلوة

اما الحين كل واحد عنده سيارة وساكن في احلى فلة وكل فلة مجلس خارجي ( ومافي حد ) ووظيفة محترمة وراتب محترم
لكن فقدنا راحة البال ومحد يسأل عن حد - والواحد ما يشوف ربعه الا في عرس ( على السريع ) او في عزاء

لا حول ولا قوة الا بالله العلي العظيم

[tawareq]

صور من الماضي

[tawareq]

ذكريات من الماضي

[tawareq]

وايضا

[tawareq]

----------