أفضل نوع للصبغ الخارجي

[الحـ قطر ــب]

عندي فله جديدة - شخصية - وابي اصبغها وماعرف شالاصباغ الزينة وفي انواع قريت عنها فالنت مثل كسر الرخام والبروفايل ؛ المطلوب:-

معلومات عن الاصباغ وافضل نوع ( ابي شي يعمر معاي 10 سنين ويكون دوم شكله جديد )

سعر المتر

اسم الشركة اللي تصبغ

ومعلومات عن كسر الرخام والبروفايل

[SULTAN1]

أنصحك تمر على أصباغ همبل طريق سلوى قبل إشارات السوق المركزي،عندهم كل طلبك وتشوف العينات،سواء للجدار الخارجي او الصبغ الداخلي

[naklan]

جوتن جوتاشيلد اكستريم

جوتن تطلق انتاج جديد من عائله الجوتاشيلد ( جوتاشيلد اكستريمx2

هو دهان ذو اساس مائى عالى الاكرليك يمتاز بانه عاكس قوى للحراره واشعه الشمس على الاسطح الخارجيه مما يجعل منزلك من الداخل بارد ولم تصل الحرارة الى جدران من ذلك من الداخل وهذا يساعد على خفض استهلاك المكيفات داخل المنزل او الفندق مما يوفر فى استهلاك الكهرباء وايضا يحافظ على طلاء الجدران من الداخل ويمدها بعمر طويل جوتن جوتاشيلد اكستريم x2الجديد .

نصيحه ....
كلما كان اختيارك فى لون جوتاشيلد اكستريم يميل الى اللون الداكن كلما ما كان فاعليه عكس الحراره اقوى

جوتاشيلد اكستريمx2 ضمان اكثر من 10 سنوات عن تجربه

موفق اخوي :)

[الحـ قطر ــب]

كم سعره وشنو المحلات اللي تنصحون فيها

محد عنده معلومات عن كسر الرخام والبورفايل ؟

[naklan]

كم سعره وشنو المحلات اللي تنصحون فيها

محد عنده معلومات عن كسر الرخام والبورفايل ؟


اخوي المحل يخلط لك الصبغ على الكمبيوتر مع الي تبي سواء مع رمل او كسر
رخام على حسب رغبتك اخوي زياره لاي محل اصباغ جوتن وبتشوف كل شي على الكتلوج
وعلى الطبيعة وتختار على اقتناع وانت مرتاح وسعر الدرام الكبيرحوالي 300 ريال
تشريه وتتفق مع صباغ على اجره عمل الصبغ بالمتر وربي يوفقك

[al asalah]

عندي فله جديدة - شخصية - وابي اصبغها وماعرف شالاصباغ الزينة وفي انواع قريت عنها فالنت مثل كسر الرخام والبروفايل ؛ المطلوب:-

معلومات عن الاصباغ وافضل نوع ( ابي شي يعمر معاي 10 سنين ويكون دوم شكله جديد )

سعر المتر

اسم الشركة اللي تصبغ

ومعلومات عن كسر الرخام والبروفايل

السلام وعليكم ورحمة الله
يالغالي اصبغ الرملي زين ويدوم والله يوفقك واذا بغيت اي خدمه انا حاضر طرشلي على الخاص

[khaldoon]

مثل ما قال اخونا الغالي نكلان

انا انصح بجوتن للخارجي و الداخلي و همبل للداخلي

[ولد العرب]

جوتن جوتاشيلد اكستريم

جوتن تطلق انتاج جديد من عائله الجوتاشيلد ( جوتاشيلد اكستريمx2

هو دهان ذو اساس مائى عالى الاكرليك يمتاز بانه عاكس قوى للحراره واشعه الشمس على الاسطح الخارجيه مما يجعل منزلك من الداخل بارد ولم تصل الحرارة الى جدران من ذلك من الداخل وهذا يساعد على خفض استهلاك المكيفات داخل المنزل او الفندق مما يوفر فى استهلاك الكهرباء وايضا يحافظ على طلاء الجدران من الداخل ويمدها بعمر طويل جوتن جوتاشيلد اكستريم x2الجديد .

نصيحه ....
كلما كان اختيارك فى لون جوتاشيلد اكستريم يميل الى اللون الداكن كلما ما كان فاعليه عكس الحراره اقوى

جوتاشيلد اكستريمx2 ضمان اكثر من 10 سنوات عن تجربه

موفق اخوي :)


اخوي انا ابيه اخذه بس هل يجي منه اشكال مثل رملي ولا بس ناعم وصراحه ماعرف شكله ساعدنا لو بصور من نت

[محمد2009]

السلام عليكم انا انصح بجوتن للخارجي و الداخلي و همبل للداخلي

فيه منهم رملى اذا تبي



اذا تبي صباغ تواصل معاي بالخاص وبالتوفيق

[تحداني]

اذا ودك ابشركه من الطراز الاول " جرب شركه سفاري "
خلف الفردان طريق مستشفى حمد
عندهم شغلات حلوه ومميزه وشغلهم يعيش سنوات وسنوات اذا مب قرون


جملك الله برضاه

[الحـ قطر ــب]

تسلمون عالردود الطيبة وان شاء الله يوفقكم جميعاً

بس نبي الفرق بين

جوتاشيلد العادي - الرملي - جوتاشيلد اكستريم x2 - بروفايل

واللي فهمته من كلامكم ان صبغ كسر الرخام عبارة عن خلط الصبغ الرملي مع حبات كسر الرخام ؟

[الحـ قطر ــب]

للرفع يا حلوين

[ساكن الوجدان]

للرفع

[قدام]

سؤال. لذوي الخبره ....... اشتري الصبغ وادور صباغ أوفر
ولا اشتغل مع شركات الصبغ الصبغ مع الشغل
شكراااا

[شموخ دائم]

,

,


مرحبا


سؤال. لذوي الخبره ....... اشتري الصبغ وادور صباغ أوفر

اخوي الكريم

راح توفر مبلغ ما يتجاوز 20% من القيمه الاجماليه
الصبغ
الرخام
سيراميك

وبنفس الوقت راح تفقد 30% واكثر من جوده الشغل وحسن الفنش واللمسه النهائيه

:)

وتعرف البيت ما يطلع مرتب الا اذا الفنش مرتب

السعر الرخيص يعني تنازلك عن الجوده

وتتحمل نتيجه اختيارك لاتقول خرب الشغل انت اخترت هذا النتيجه بنفسك

نصيحه للصبغ
من الضروري تحذير الصباغ من استخدام (الجبس) وخلطه في المعجون
معضم الصباغين يخلط

والخيار لك

,

,


اخوك


شموخ دائم

[قدام]

شمخ دائم ....... شكر دائم لك. ما تقصر

[الحـ قطر ــب]

اللحين شنو الاحسن

جوتن رملي بو 20 ريال

جوتن اكستريم x 2 بو 25 ريال

جوتن جوتاشيلد متوسط الخشونة مضغوط توب كوت مادري كم سعره بالصبط

[السد]

اللحين شنو الاحسن

جوتن رملي بو 20 ريال

جوتن اكستريم x 2 بو 25 ريال

جوتن جوتاشيلد متوسط الخشونة مضغوط توب كوت مادري كم سعره بالصبط

اللي عرفته الجوتن اكستريم 2 x
يجي سطح سادة
اما الرملي فميزته يخفي عيوب البلاستر
ولكن يجمع تراب

فيه نوع اذا امكن تصبغ ان يصبغ لك صبغ جوتن وهو جاي كطبقة حبيبات

وهناك موقع للجوتن
http://lady.jotun.com/Special-Pages/DownloadsPage.aspx?lang=ar-ae

وموقع آخر
http://www.jotun.com/ME

وهناك ميزة حلوة
يمكنك تطبيق الصبغ ومشاهدته قبل أرض الواقع
http://colouradvisor.jotun.com/countrys/me/

وبالتوفيق

[الحـ قطر ــب]

للرفع