كيوتل

[qatarlands]

السلام عليكم ورحمة الله وبركاته

كيوتل وما ادراك ماكيوتل

ياجماعه الخير بخصوص كيوتل انا الاسبوع الاي طاف كنت مسافر احد الدول الاسكندنافيه
زيارة عمل وانا هناك اول ماتوصل يجيك مسج من كيوتل يعطيك المعلومات الاتصال
يعني مثلا تتصل بقطر الدقيقه 10 ريال
المسج 2.50 تتصل دوله غير قطر 25 ريال
البلاك بيري 55 ريال للميغا واذا شتغل
المهم حاولت اشغل البلاك بيري الا حالته حاله ومايشتغل والخدمه تعبانه وفوق هذه اتصلت كيوتل استفسر عن اسعار البلاك بيري تصدقون قالوا لي حتى لو واحد في اللسته غير صورته بعد ناخذ منك فلوس :eek5: شيء غريب

المهم تميت محتار اشغل ولا اسكر تلفوني واطنش :rolleyes2:
وعاد تذكرت انه عندي كرت سوا سعودي شاريه من المحطه في الاي على طريق الحساء قلت خلني اجربه واشوفه يشتغل او لا
تصدقون ايش العجيب انه يوم ركبت الكرت في التلفون والا شغل وكل الخدمات
وجاني مسج من شركة mtc فيه التسعيره
تخيلوا الفرق تتصل السعوديه 5 ريال مسج 1 تتصل اي دوله 10 ريال
والبلاك بيري يقولون لك حوله على 2g عشان مايصرف
وتخيلوا كان الكرت تعبئه الاي ينباع في المحطه والله وتميت عليه الين رجعت قطر
وعلى فكره بعد مارجعت قالوا لي انه يشتغل في كل العالم فقط لازم يكون فيه 26 ريال حق تفعيل البلاك بيري الشهري وانسى

الموضوع والله ذكرته اول شيء للفايده ثاني شيء الى متى ياكيوتل وانتي تستغلينا هشكل ترى المفروض فيه خدمه افضل واحسن
ولكن ناديت اذ ناديت حياء ولكن لاحياة لمن تنادي

[Charisma]

اسالني انا اللي متبهدل ويا خدماتهم ..
توبة اشغل رقمي القطري برى

[بوحمد111]

مش غريبه على كيوتل وخدماتهم التعبانه وكان شعارهم من كم سنه نبدأ من حيث انتهى الآخرون ولكن الواقع يقول نرجع للخلف والآخرون يتقدمون وفي دول فقيره جدا بالمقارنه مع قطر وخدمات اتصالاتهم متطوره عنا بعشرات السنين

الله المستعان

[qatarlands]

اي والله يالربع خدماتهم من سوء الى اسوء
تدرون مره كنت في غينيا والله انه البلاك بيري شغال في الحدود
وقطر كيوتل لو تروح اللولوه يوم يشتغل ويومين الخدمه تعبانه مادري شسالفه
على ديزل يشتغلون

[khaldoon]

انا مرة واحدة جربت اشغل رقمهم بره البلد و تميت ادفع الفواتير شهرين

مستحيل اعيدها مرة ثانية.....على طول اجيب خط مؤقت من البلد اللي انا فيها و الناس اللي يهمني بقاء الاتصال بيني و بينهم في قطر ارسل لهم الرقم المؤقت و انتهينا

[همر]

الدول الاسكندنافيه.. غينيا.. :eek5:.. شغلني معاك :shy: ترى الكلام عن كويتل ضايع..

[بوخالد911]

أفضل حل تاخذ كرت الدولة اللي انت فيها

ووقف بيانات التجوال الدولي بجهازك : ايقاف

[بوسلمان 2010]

الله الله ياكيوتل لمتى وانتي على هذا الحال ابشرك انا عندي خطين مال الاتصالات السعوديه حق البلاك بيري


والجوال العادي موجودين حق الحلات الطارئه

[maryem]

في 4 أيام وصلت فاتورتي 4000 ريال وعذر كيوتل خدمة الوتس اب..
مع العلم اني قبل مااسافر سددت فاتورتي بالكامل وغير جي قدموا بلاغ وردوا لغوه على كيفهم..
وبعد صكوا علي الخدمة وانا مسافره يعني اللي يدق علي يلقى تلفوني مسكر مب مقطوع..وصكوا الخدمة بعد يوم من تبليغي بالفاتورة..
ويوم رديت الدوحة الا الفاتورة صارت 5400 شلوووون مدري..

[راعي ال VXR]

1- مجرد ما تشترك في خدمة بلاك بيري على خط الفواتير مثلا لمدة شهر وقطعت الخدمة الرسوم تكون شغاله عليك لمدة 3 شهور ...
2- تتكلم ثانيه محسوبه عليك رسوم الدقيقه ...
3-تشغل الرقم ونت خارج البلد فقط تشغيل ليس اتصال لتعرف من المتصل ترجع تنصدم فاتورة مبلغ وقدره ..


اللهم اني اسئلك الرزق الحلال ...

[م. عبدالعزيز]

انا استخدمت البلاك بيري على الرقم السعودي بألمانيا وبالفعل استغرب من كثر استخدامي وفرت عدل!!
اما ربعا برع قطر حدث لا حرج..

[للصبر اخر]

انا مره فتحت خطي بلندن ساعتين بس
انصدمت من الفاتوره
كيووتل خدمتهاا سيئه جدااا

[fhd4]

قاعدة رئيسية ...

ما تطلع من المطار إلا وانت عندك سيم كارد الدولة اللي مسافر لها ...

[abdo222]

بالنسبه للبلاكبيري خارج قطر: المسج الي تستقبله والبييانات الي عندك باللسته يسولها اب ديت "تغير صورهم او حالتهم" كله يعتبر download من الداتا بيس والنت فلازم يسحب عليك رصيد,,

ليش ما تستخدمون كيوتل للتجوال اتوقع 250 ريال للشهر؟ وتاخذ راحتك بالنسبه للبيانات,,

اما المكالمات roamingاتفق وياك, كيوتل اغلى من اي شركه ثانيه ومبالغ فيها بس الزين انهم يقولون لك اسعارهم اول ما تفتح تلفونك في اي بلد,,

بس اسهل شيء عند السفر:
1- توقف خدمه البيانات من التلفون (بلاكبيري اي فون او اي شيء)
2- تستعمله كاستقبال مسجات ومعرفه من يتصل فيك بس,
3- تطلع لك كرت للبلد الي انت فيها وتستخدمه داخلي وخارجي

[الحال مايساعد]

بخصوص فودافون احد جربها؟

[bohilal191]

عن نفسي احول كرت كيوتل على المسج يعني اي احد يتصل يكون مغلق بس يجيني مسج واشتري كرت ادولة اللي انا فيها

[abdo222]

بخصوص فودافون احد جربها؟

جربتهم في دبي - بريطانيا - اليمن - تركيا,, التلفون شغال في كل البلدان تمام التمام,

البلاكبيري في اليمن- تركيا ودبي يصرف كثير (يوم واحد يوصل 100-200 ريال) هذا بدون ما تفتح روابط مجرد شات,,

بلاكبيري في بريطانيا ما يشتغل (2010-2011)

[Rashid554]

ليش ماخذيت خط من الدوله الي انت فيها .. امرك غريب

[الخزرجي قطر]

كيوتل خدماتهم مميزه في استغلال المشتركين ولاتاخذ منهم لاحق ولاباطل

[kuwari]

اي والله ذبحني كيوتل بالامارات

[الـمـحـنـك]

عوايدها كيوتل ماجبت شي جديد من افشل لا افشل عمرهم ماراح يروحون قدام وفوق هذا ماهمتهم سمعتهم اهم شي الربح المادي

[qatarlands]

يا شباب حتى الاي تقول استخدم التجوال الدولي ترى بعد نفس الشيء يحسب عليك
وبعض الدول ماتقدر تاخذ كرت لازم تكون عايش في البلد عشان تاخذ كرت يشغل البلاك بيري

السوال هنا والله مش عشان الفلوس السوال

ليش كل هالاستغلال ومحاوله الاستفاده من القطري الى هذه الدرجه قدم خدمات صح وتاكد انه كل شيء بيجيك

ادخلوا موقع كيوتل للانترنت ونفس الوقت ادخل موقع موبايلي او اس تي سي وشوف الفرق
تقول مثال مع الفارق في التشبيه مثل الهيلكس والكزس

ولكم الشكر

[راعي ال VXR]

بعد هالموضوع ...حتى اعلان كيوتل ع الصفحة الرئيسيه في منتديات الاسهم القطرية اختفى ... الله المستعان

[الحال مايساعد]

بعد هالموضوع ...حتى اعلان كيوتل ع الصفحة الرئيسيه في منتديات الاسهم القطرية اختفى ... الله المستعان

صادوه
:weeping:

[راعي ال VXR]

صادوه
:weeping:

اجر مكالمات دولية من 13 ابريل حتى 31 واحصل على فرصة الفوز بالجائزة الكبرى 250.000الف ريال ستمكنك كل دقيقه اتصال من دخول السحب مرة...

[ابوالكلام]

فل تذهب الى الجحيم كيوتل

[انتر ميلان]

أنا سافرت جدة وقطعوه مرتين في اسبوع ويوم كلمتهم قالوا ان البلاك بيري يحسب 55 ريال للميغا

أوفر طريقة ان الواحد ياخذ جوال ثاني ويحط فيه الرقم القطري لاستقبال المكالمات فقط ... وكرت الدولة اللي هو فيها لاستخدام البلاك بيري ...

[faisalqatar]

أنا سافرت جدة وقطعوه مرتين في اسبوع ويوم كلمتهم قالوا ان البلاك بيري يحسب 55 ريال للميغا

أوفر طريقة ان الواحد ياخذ جوال ثاني ويحط فيه الرقم القطري لاستقبال المكالمات فقط ... وكرت الدولة اللي هو فيها لاستخدام البلاك بيري ...

ممكن اتييب لنا دليل على كلامك؟
شلي يثبت لنا انك صاج

انت بردك هاي قاعد اتشوه سمعة كيوتل و سمعة البلاك بيري

شكرا

[qatarlands]

ممكن اتييب لنا دليل على كلامك؟
شلي يثبت لنا انك صاج

انت بردك هاي قاعد اتشوه سمعة كيوتل و سمعة البلاك بيري

شكرا

مايحتاج يشوه
هذا حال كيوتل هاليومين اصلا

[faisalqatar]

مايحتاج يشوه
هذا حال كيوتل هاليومين اصلا

لا بس اسوي فيه مثل ما سوى في احد الاعضاء

ولا كيوتل فعلا مثل ما قلت