استفسار... لاهنتوا

[الكنج]

يعطيكم العافية شباب ،،،

امس كنا قاعدين فالمجلس وسوالف شباب ... المهم واحد من الشباب كان عنده شركة مقاولات وعقب باع الشركة .. وانا الحين بديت اسوي الخرايط حق البيت فيقول راعي الشركة من سابق خبرة اني اسوي البيت كمشروع وأسوية ع مراحل وانا اشرف عليه وعلي اشتري المواد فقط واجيب عمالة اهيا اللي تسوي وهو ماراح يقصر وياي يعرف شركات خرسانة وحديد ومصنع طابوق وبجيب ناس تصف طابوق بالاضافة الى بايب فيتر وكهربجي ...الخ

(( بالعربي يقولي جيب فورمان+ استشاراي)) وانت اشتر المواد ..
يقول بالراحة بتوفر مش اقل من 250 الف . بس يبيلها عوار راس وواحد متفرغ .

فما ادري وضحت الفكرة اللي ابي اوصلها لكم & شرايكم فالموضوع ؟

[SULTAN1]

شوف لك شركة معروفه وأبعد عن الصديق والقريب في هذي الامور،اذا تبي تسوي بيت تجاري أخذ بنصيحة رفيجك،تبي بيت لك ولأهلك شوف شوف لك شركة قويه ولها سمعتها في السوق ،والله يوفقكك

[السد]

نصيحة لوجه الله
شوف لك مقاول محترم وراعي ضمير - معادلة صعبة هذه الايام !!
واتفق معاه على عظم + بلاستر + كهرباء + مجاري اعزك الله
وبالتوفيق

[محمد2009]

السلام عليكم اخوي نصيحة اخو في السوق

شوف لك مقاول يبني لك البيت عظم بلاستر وتمديدات كامله للكهرباء والصرف واما التشطيبات انت شطبها وانت اشتر الي تبيه من مواد مثل سراميك ورخام وجرانيت وغيره وشوف لك احد يركبها لك

واذا تبي حد يشطب لك بيتك تواصل معاي بالخاص والله يوفقك

[ولد المنصور]

اتا مع الاخوان وبقووووووه كلامهم صحيح اخذه عظم وشطبه بروووحك ....... وباذن الله بتوفر
وبالتوفيق

[اسم جديد]

والله الشيخ انا مثل قصتك علي المواد وهو عليه شغل اليد بس مثل ماقلت عوار راس يعني بالراحه بيطلع لك شعر ابيض براسك واحتمال تقرع بعد هههههه بس مادري والله استخير

[الكنج]

يعطيكم العافية شباب ع الردود الطيبة ،،، وشكلي بتوكل ع الله وبابني عظم وعقب نشطب براحتنا .

[معماري قطري]

رايي انك تحدد مواصفات البناء كامله وتسوي حساب كميات مفصل بدقة بواسطة إستشاري مختص وتشوف عرض أسعار من عدة شركات مقاولات متدرجة في التصنيف، ولا تذخر جهد في زيارة مكاتب الشركات وملاحظة عدد الإداريين والمهندسين والمختصين فيها حتى تتطمن إن شغلهم بيكون جيد وبيلتزمون، هالأيام يا اخوي بعض المقاولين ياخذون فليساتك ويحطونها في البورصه أول بأول ولا يغطون فيها مشروع ثاني، صدقني فيه شركات كبيرة بتسعر لك أقل من شركات مطموسه، وبعدين بتحصل شركات وايد مب مسعرين لك حساب الكميات على اساس ان حساب الكميات بيربطهم بمواصفات معينة وبكميات معروفة وممكن تسوي بعدين إلغاء أو إضافة على أساس أسعار حساب الكميات، وتربط المقاول ربط تام بالمشروع، ومن خلال حساب الكميات ممكن تشيل بعض البنود اللي تشوف فيها مبالغة من المقاول تخليها عليك وعلى المقاول التركيب والأهم من هذا كله استشاري مشرف على التعاقد وعلى كافة مراحل البناء حتى يكون لك سند هندسي وقانوني في نفس الوقت ...

[زمان]

سلم البيت لشركة مقاولات معتمدة

وخل صاحبك استشاري خاص لك

هذا غير الاستشاري المعتمد

[ميلاف]

يعطيكم العافية شباب ،،،

امس كنا قاعدين فالمجلس وسوالف شباب ... المهم واحد من الشباب كان عنده شركة مقاولات وعقب باع الشركة .. وانا الحين بديت اسوي الخرايط حق البيت فيقول راعي الشركة من سابق خبرة اني اسوي البيت كمشروع وأسوية ع مراحل وانا اشرف عليه وعلي اشتري المواد فقط واجيب عمالة اهيا اللي تسوي وهو ماراح يقصر وياي يعرف شركات خرسانة وحديد ومصنع طابوق وبجيب ناس تصف طابوق بالاضافة الى بايب فيتر وكهربجي ...الخ

(( بالعربي يقولي جيب فورمان+ استشاراي)) وانت اشتر المواد ..
يقول بالراحة بتوفر مش اقل من 250 الف . بس يبيلها عوار راس وواحد متفرغ .

فما ادري وضحت الفكرة اللي ابي اوصلها لكم & شرايكم فالموضوع ؟

الشيخ انا مابي اقولك الا الله يوفقك

ماعليك من كلام الناس ووجع راس وازعاج ومادري شنو

انا بالفعل نفس الكلام الى قاله رفيجك سويته والحمد الله رب العالمين
بيتي سعرته عظم في كذا شركه وقررت اني ابني بنفسي بعد مشوره هل الخير
والله العظيم وباله الرحيم الى يبنون ذيلن اقصد الشركات ماديدورن وين ربي حاشرهم فالبنيان
فتوكل على الله انا الفرق طلع عندي لايقل 250 الف والحمد الله رب العالمين والربع الحين والله يتصلون لي يستفسرون عن بيوتهم ويسألوني والحمد الله كسبت خبره + توفير + كيف التعامل مع العماله
بصراحه انصحك بقوه والسالفه كلهاا بسيطه جدا وعلى فكره اي شي تسويه لازم الاستشاري يشوفه يعني لاتخاف واي استفسار انا حاضر