لهالمواصيل وصل البعض؟؟

[pink pearl]

السلام عليكم ورحمة الله وبركاته ،،،،

صبحكم الله بالخير ورضى الرحمن ،،

اليوم صدفة وأنا أفتح إذاعة قطر، حصلت برنامج وطني الحبيب وكان فيه مواطن من أولياء الأمور يتكلم بحرقة عن موضوع الأطفال اللي بالمدارس ،، والله إني سمعته وياريت إني ما سمعته من هول ماصدمني !!!

تخيلوا ياجماعة الخير يقول المستمع(هو مواطن) إنه وهو رايح يجيب أطفاله من المدرسة في وقت الظهر، شاف دريول يشيل أغراض الطفلة وبعدين شال الطفلة وركبها بالسيارة @@ !! يالله لطفك لهالدرجة وصلت في بعض أولياء الأمور هالمواصيل !!!!

وفي بعض الأمور الأخرى اللي سمعتها شخصياً بعضهم ((من الدريولية))يسلمون على الطفل قبل لا يدش المدرسة ويستقبلونه بالأحضان بعد الخروج من المدرسة !!

السؤال اللي يطرح نفسه ؟؟

وين أهاليهم؟ وين الأم - الأب - الخال- العم - الجدة؟؟ المهم أي حد كبير يكون معاهم ؟؟؟
مسؤولية من هذي القضية ؟؟ والله شي تقشعر له الأبدان من المناظر اللي تمر علينا !!
ألم يقل الرسول صلى الله وعليه وسلم: (( كلكم راع وكلكم مسؤول عن رعيته )) ؟!

أنت بكرة بتتحاسب على فلذات أكبادك ؟ هذيلا أبنائك، في شي بالدنيا أهم من ضناك ؟؟؟؟


وهذا جزء منشور من مقال الأخت عائشة الكواري من جريدة الشرق توضح خطورة هالأمر :

http://aisha-alkuwari.net/wp-content/uploads/2010/04/99.jpg


طبعاً ما ننسى إن في الشريحة الأخرى وهم أولياء الأمور اللي مايقصرون مع عيالهم بشي حتى في توصيلهم للمدرسة، وقايمين بواجبهم تجاههم، أقول لهم: جزاكم الله خير وكثر الله من أمثالكم و أسأل الله العلي القدير أن يبارك لهم في ذريتهم ويرزقهم برهم، ويجعلهم من الذرية الصالحة ..

[شبح الصمت]

هذه نهاية ترك الاطفال مع الخدم

صدقوني ليتحاسبون بيتحاسبون عن عيالهم يوم القيامه

حسبي الله ونعم الوكيل

قطعة منك تتركها لشخص ما يقرب لك

الحين الخدامه والدريول صاروا من اهل البيت

ما نقول مالهم حق الاحترام بس في الاول والاخير اهم مش منا

فلازم الحذر والخوف على عيالكم

اتقوا الله

اتقوا الله

[chillis]

للاسف البعض من اولياء الامور اموره طيبه الصبح مثلا الاب يروح دوامه عيزان يوصل عياله والام راقده بفراشها للظهر ما تدري شلبسوا شنو كلوا ولا شنو خذوا معاهم البركه بالخدامه والدريول

ولا الام تشتغل هم عيزانه توصلهم بطريقها بحكم انها ماتتاخر طيب طلعي شوي قبل على الاقل البنات انتي وصليهم بدال الدريول والخدامه سبحان الله ناس تبي عيال وتموت لو عندها طفل مستعده تربيهم بماي العين وناس عندهم عيال مايدرون اشلون عايشين يعورني قلبي لمن مرات اشوف دريول ماخذ بنت عمرها 10 ولا 11 سنه ومرات بدون خدامه يوصلها البيت ماسك ايدها يعبر فيها الشارع وين الام والاب من هالامور

[ضوى]

اليكم ما حدث امام عيني اليوم الساعة 6.30 بالضبط امام مدرسة ابنتي المستقلة الابتدائية :

سيارة فخمة يقف عند بابها الخلفي سائق وأظنه هندي ، ينزل فتاة صغيرة عمرها لا يتجاوز الست سنين صغيرة يمسكها بقوة ويحضنها ويقبلها لتذهب داخل المدرسة وهي تأبى الدخول لا اعرف لماذا ؟ ربما لانها مستجدة ، والسائق ممسكاً بها بكل حنان الاب للاسف اقولها حنان الاب ويعانقها لا اعرف اكان عناق حب ورحمة وشفقة ام عناق خبث وحاجة في نفس يعقوب قضاها ، العناق غير طبيعي خائفة وممكسة به من قميصه لا تريد تركه ولا تريد الدخول للمدرسه ، حتى نزلت من سيارتي وسحبتها بقوة من أحضانه وحاولت اهدئ من ورعها وهي تبكي بصراخ لانني اخذتها من يد السائق ، التفت للسائق ونهرته لماذا تمسك بها هكذا دعها وهو يقول انت ما في شغل ياللا روح !! تخيلوا تجرأ علي ، لم اتركه وابيت ان ارجع البنت له وادخلتها بالقوة للمدرسة وهي تبكي وسلمتها للاخصائية وشرحت لها الوضع وانه لا يجوز للسائق ان يمسك البنت بهذه الطريقة فنحن لا نعلم ما في نفسيته تجاه هذه البريئة التي كان خطأها الوحيد انها ولدت لابوين مجردين من الاحساس والعاطفة ،

طوال اليوم وانا افكر بهذا الموقف ، كيف لام او لاب ان يتركوا طفلة صغيرة مثل هذه في يد سائق لا يتعدى عمره 20او 25 سنة ؟؟ كيف لهم ان يعرفوا انه سوق يحن عليها كطفلة صغيرة ويشفق عليها ام يحن عليها لياخذ غرضه منها ؟؟ فهي طفلة لن تتكلم ولن تخبر احد ، جلست افكر لماذا هي شديدة التعلق به ؟؟ لماذا هذا العناق العميق لشخص لا يمت لها باي صلة قرابة ، كيف أأمن على ابنتي مع سائق اجنبي عنها ؟؟


والله من شدة غيرتي وغضبي اتمنى ان يحرم الله هذه الام وهذا الاب من نعمة الانجاب طوال حياتهما لانهما غير قديرين على التربية وغير مؤهلين للانجاب .


واتمنى من الله العلي القدير ان يحفظ بناتنا وبنات المسلمين اجمعين اللهم امين امين امين

[ضوى]

هالموضوع من خمس سنين ولا صار اي تغير بتفكير وحرص الاباء والامهات على عيالهم للاسف الشديد

[قطرية كشخه]

بس جذي .. عيل شتقول لو اقولك مره شفت بنت عمرها تقريبا 4 سنوات نزلت من السيارة تركض حول السياره يمكن لفت 4 او 5 لفات والله ان الدريول ماتحرك ولا اهتم والخدامه قاطه راسها على الدريشة وراقده ولا سألت .. :anger1:

مب شي يقهههههههههههر وين الام والابو !!!!

واللي يدخن !!
واللي مقعد الدريول يمه وهو اللي يسوق وهله ما يدرون عنه !!

اشبنقوول وشبنخلي ..
:secret:
الله يحفظهم هاللي مالهم ذنب في اهمال اهلهم !

[بوحمد111]

الله المستعان

الله يهديهم ويصلح بالهم

[pink pearl]

هذه نهاية ترك الاطفال مع الخدم

صدقوني ليتحاسبون بيتحاسبون عن عيالهم يوم القيامه

حسبي الله ونعم الوكيل

قطعة منك تتركها لشخص ما يقرب لك

الحين الخدامه والدريول صاروا من اهل البيت

ما نقول مالهم حق الاحترام بس في الاول والاخير اهم مش منا

فلازم الحذر والخوف على عيالكم

اتقوا الله

اتقوا الله



الله يجزاك خير الأخ الفاضل / شبح الصمت على الرد والمشاركة ، و احنا وواجبنا ننبه وإن شاء الله يكون في تغير إيجابي

(( وذكر فإن الذكرى تنفع المؤمنين ))

[pink pearl]

للاسف البعض من اولياء الامور اموره طيبه الصبح مثلا الاب يروح دوامه عيزان يوصل عياله والام راقده بفراشها للظهر ما تدري شلبسوا شنو كلوا ولا شنو خذوا معاهم البركه بالخدامه والدريول

ولا الام تشتغل هم عيزانه توصلهم بطريقها بحكم انها ماتتاخر طيب طلعي شوي قبل على الاقل البنات انتي وصليهم بدال الدريول والخدامه سبحان الله ناس تبي عيال وتموت لو عندها طفل مستعده تربيهم بماي العين وناس عندهم عيال مايدرون اشلون عايشين يعورني قلبي لمن مرات اشوف دريول ماخذ بنت عمرها 10 ولا 11 سنه ومرات بدون خدامه يوصلها البيت ماسك ايدها يعبر فيها الشارع وين الام والاب من هالامور


الله يهديهم - الله يهدديهم - الله يهديهم
مشكورة شيليز هذا اللي بيدنا نسويه ، جزاج الله خير الشيخة على المشاركة

[كلنا قطر 1981]

الله يرحمنا برحمته

[pink pearl]

اليكم ما حدث امام عيني اليوم الساعة 6.30 بالضبط امام مدرسة ابنتي المستقلة الابتدائية :

سيارة فخمة يقف عند بابها الخلفي سائق وأظنه هندي ، ينزل فتاة صغيرة عمرها لا يتجاوز الست سنين صغيرة يمسكها بقوة ويحضنها ويقبلها لتذهب داخل المدرسة وهي تأبى الدخول لا اعرف لماذا ؟ ربما لانها مستجدة ، والسائق ممسكاً بها بكل حنان الاب للاسف اقولها حنان الاب ويعانقها لا اعرف اكان عناق حب ورحمة وشفقة ام عناق خبث وحاجة في نفس يعقوب قضاها ، العناق غير طبيعي خائفة وممكسة به من قميصه لا تريد تركه ولا تريد الدخول للمدرسه ، حتى نزلت من سيارتي وسحبتها بقوة من أحضانه وحاولت اهدئ من ورعها وهي تبكي بصراخ لانني اخذتها من يد السائق ، التفت للسائق ونهرته لماذا تمسك بها هكذا دعها وهو يقول انت ما في شغل ياللا روح !! تخيلوا تجرأ علي ، لم اتركه وابيت ان ارجع البنت له وادخلتها بالقوة للمدرسة وهي تبكي وسلمتها للاخصائية وشرحت لها الوضع وانه لا يجوز للسائق ان يمسك البنت بهذه الطريقة فنحن لا نعلم ما في نفسيته تجاه هذه البريئة التي كان خطأها الوحيد انها ولدت لابوين مجردين من الاحساس والعاطفة ،

طوال اليوم وانا افكر بهذا الموقف ، كيف لام او لاب ان يتركوا طفلة صغيرة مثل هذه في يد سائق لا يتعدى عمره 20او 25 سنة ؟؟ كيف لهم ان يعرفوا انه سوق يحن عليها كطفلة صغيرة ويشفق عليها ام يحن عليها لياخذ غرضه منها ؟؟ فهي طفلة لن تتكلم ولن تخبر احد ، جلست افكر لماذا هي شديدة التعلق به ؟؟ لماذا هذا العناق العميق لشخص لا يمت لها باي صلة قرابة ، كيف أأمن على ابنتي مع سائق اجنبي عنها ؟؟


والله من شدة غيرتي وغضبي اتمنى ان يحرم الله هذه الام وهذا الاب من نعمة الانجاب طوال حياتهما لانهما غير قديرين على التربية وغير مؤهلين للانجاب .


واتمنى من الله العلي القدير ان يحفظ بناتنا وبنات المسلمين اجمعين اللهم امين امين امين

شأقول ؟ شأعبر بس؟؟

والله قهههر، الصراحة من رأيي يكون فيه محاسبة من طرف جمعية حقوق الطفل، على الأقل تعهد - حرمان الأب من الطفل علشان يتأدب - مخالفة ... إلخ
المهم أي شي على الأقل نوقف هالتجاوزات الخطيرة اللي قاعدة تصير لعيالنا :weeping:

الله يحميهم يارب من كل مكروه، جزاج الله خير على تصرفج ياضوى وكثر الله من أمثالج- بارك الله فيج أختي

[nasser_151]

أشكرك أخوي على هالموضوع المنتشر حاليا

للأسف أغلبية الناس صارت تهمل اعيالها مع الخدم في ابسط الأشياء
أب وأم بس بالجواز

وبعدين لما يكبرون اليهال يصرخون ويقولون عقوق الوالدين
أكيد يعق الولد ولا البنت وين يبر , ولا لمن يبر ، ناس ما دروا عنه في صغرهم .

للأسف #واقع

[غايه الطواش]

اختي ضوى اذا انت شفتي طفله انا شفت مراهقه باحد المدارس الاجنبيه التوب ...
والله ان البنت بالسنير سكول وبلبس المدرس في حظن السواق تسوق وهو ماسك السكان من وراها ....صرخت عليهم ,,,وازعجتهم بالهرن ولكن لاحياه لمن تنادي ...ونفس الموقف ثاني يوم صاحبتي شافت نفس البنت ونفس السياره وكانت البنت بنفس الوضعيه ....من اتذكر الموقف يحترق قلبي البنت مو صغيره وشبابها زين ... بحظن السواق ..هالموقف من سنه تقريبا ...

[chillis]

أشكرك أخوي على هالموضوع المنتشر حاليا

للأسف أغلبية الناس صارت تهمل اعيالها مع الخدم في ابسط الأشياء
أب وأم بس بالجواز

وبعدين لما يكبرون اليهال يصرخون ويقولون عقوق الوالدين
أكيد يعق الولد ولا البنت وين يبر , ولا لمن يبر ، ناس ما دروا عنه في صغرهم .

للأسف #واقع

بعض الاباء والامهات اسم بالجواز بس يجيبون عيال ويقطونهم ومثل ما تفضلت ويوم الياهل يكبر يبونه يبرهم اشلون :):victory:

[بو الجوري]

الحمدلله أنا عن نفسي أوصل البنوتات المدرسـه و أنزل معاهم لين الصف :..
و أمهم تجيبهـم من صفوفهـم آخـر الدوام :..

الله المستعان ،، و في ناس ماتقدر تجيب عيالها لظروف العمل :..
لكـن لازم يخلي الخدامه تجيبهم ،، مب الدريول يستقبلهم ههههههه

[ضوى]

اختي ضوى اذا انت شفتي طفله انا شفت مراهقه باحد المدارس الاجنبيه التوب ...
والله ان البنت بالسنير سكول وبلبس المدرس في حظن السواق تسوق وهو ماسك السكان من وراها ....صرخت عليهم ,,,وازعجتهم بالهرن ولكن لاحياه لمن تنادي ...ونفس الموقف ثاني يوم صاحبتي شافت نفس البنت ونفس السياره وكانت البنت بنفس الوضعيه ....من اتذكر الموقف يحترق قلبي البيت مو صغيره وشبابها زين ... بحظن السواق ..هالموقف من سنه تقريبا ...


اخ والله اخ ، عورتي قلبي يا غاية ، حسبنا الله ونعم الوكيل حسبنا الله ونعم الوكيل

[تحداني]

لما اقرى مثل هالقصص الي اتعور القلب
اقول ياااااااااارب طول في عمر امي وابوي .. الي ما قصروا معانه
ولليوم الوالد بالرغم من مرضه .. يقوم من النوم ويتعنى وياخذ اختي من الجامعه
ويردها الجامعه واوقات ينتظر ساعه كامله بسبب تأخير المحاضره بشكل مفاجئ
ويقومنا اذا تأخرنا على الدوام اشوي

حسبي الله ونعم الوكيل على الزوج والزوجه
ناس تتمنى قطعه ياهل .. وناس تقط اعيالها في الشوارع



الله يحفظ هالامانه الي في اعناقهم


جملكم الله برضاه

[فيزيائية]

عند مدرسة بنتي الاعدادية مناظر تشيب
البنات مكتملات الانوثة الشيلة على الكتف واحيانا بلا عباية
ينزل السايق يشيل عنها الشنطة وتركب معاه بمفردها

عند الروضة ....
نفس الكلام يهال مايفهمون بروحهم مع الدريول ...

[nadeemy]

اختي ضوى اذا انت شفتي طفله انا شفت مراهقه باحد المدارس الاجنبيه التوب ...
والله ان البنت بالسنير سكول وبلبس المدرس في حظن السواق تسوق وهو ماسك السكان من وراها ....صرخت عليهم ,,,وازعجتهم بالهرن ولكن لاحياه لمن تنادي ...ونفس الموقف ثاني يوم صاحبتي شافت نفس البنت ونفس السياره وكانت البنت بنفس الوضعيه ....من اتذكر الموقف يحترق قلبي البنت مو صغيره وشبابها زين ... بحظن السواق ..هالموقف من سنه تقريبا ...

بارك الله فيك , وزين الله قدرك وضربت هرن
والله ان بعض المشاركات ترفع الضغط اكثر من الموضوع نفسه
اخي الكريم , اللي انت شفته هذا اسمه تحرش جنسي بالاطفال , وعقوبته في الدول التي تحترم انسانية الانسان لا تقل عن عشر سنوات سجن بدون احتمال اي عفو
يا اخوان ويا اخوات خلونا نترك السلبيه
ايش بتخسر لو وقفت واخذت رقم الاب او الام وشرحت لهم اللي شفته ؟ والله ان لك الاجر من رب العالمين والشكر والامتنان من اهل الطفل , ليش نفترض ان الوالدين سيئين او مهملين ؟ ما نعرف ظروفهم ايش , وبالتاكيد هم مايرضون ذلك لابنائهم
احترامي لك يا اخت ضوى

[لاجل QT]

انا اقط اللوم على الاب بالدرجة الاولى في اهمالة لابنائة وبيتة
والنتائج اللى ممكن تصير بعد ذالك

الاب في نظري هو الاساس والمقوم للاسرة..الاب اللى بيراعى الله في نفسة بيراعي عيالة وبيخاف عليهم..اما اذا العكس على الاسرة السلام

[الدوحه1]

هل "الجهات المختصه" على علم بهالمصيبه؟؟
وهل ينطرون لين "يطيح الفأس بالراس" عشان يتحركون!!!!

[دبلوماسية]

لا حول ولا قوة الا بالله ..

هالموضوع ...يتعبني نفسيا

المسئول الاول والاخير ....الأم ....ولا اعطيها اي عذر ...

[حسن]

بل انتو ماتشوفون شي انا كل يوم اودي واجيب اشوف البلاوي بس الواحد وش يقول وبعدين للاسف نظام
بعض المدارس يحث على ترك العمليه على الخدامات والسواقين
وهناك البلاوي اصلا بس عندنا كلشي مخبى
كله سبه الفلوس والازواج الخدج اللي الله مكثرهم كغثاء السيل

[Rashid554]

بعد قرايتي لكل الردود ماشاء الله اعضاء المنتدى كلهم يودون عيالهم
عيل الدريوليه الي تارسين المدارس حق منو :)

[حسن]

بعد قرايتي لكل الردود ماشاء الله اعضاء المنتدى كلهم يودون عيالهم
عيل الدريوليه الي تارسين المدارس حق منو :)

وبنهم الله يهداك ككم واحد ينعدون على الاصابع الخمس قلت كل المنتدي
الله يسمع منك انهم يودون اعيالهم وانت اولهم الوقت متوفر قبل الدوام
الم\ارس قبل السبع والدوام 7 ونصف

[بو الجوري]

هههههه اخوي راشد كم واحد قال صاروا كل المنتدى ههههههه

ومثل ماقال حسن الدوام ٧ ونص والمدارس قبل ال٧

تصدق حتى يوم كان دوامي ٦ ونص كنت استاذن من الدوام
اني بتاخر ساعه الصبح ؛ عشان اودي البنات :..

الله يعن بس :)

[تاجر كشخة]

لما تموت الغيره والنخوه توقع كل شي من اشباه الرجال

[تاجر كشخة]

الحكومه وفرت باصات بمقاييس الدرجة السياحيه ليش ما يروحون بالباص لييييييش ولا مش من مقامهم

[قطر 88]

لاحول ولا قوة الا بالله ..

شنقول وشنخلي .. صج كنا ومازلنا نشووف العجب .. مو كل شي ينقط ع الخدامة والدريول

والحين متعلمين بس يخلون البنت تطلع مع الدريول وبدون محرم ولاشي .. بنت اعدادية والا اصغر

وبروحهـآآ !! ليش بس .!

الله يهديهم آلجمــييع .. ومانشووف هالمناظر متككرة وآيد ..

حافطكم المولى ..

[الخزرجي قطر]

الله يهديهم ان شاءالله وينتبهون الى عيالهم

[جرح الزمان]

وعليكم السلام ورحمة الله وبركاته

الله يهديهم هالأباء ... بالنسبه لي اشوف انهم

هم الخسرانين وأتمنى انها ما تكون خسارة مزدوجه

لانهم يضيعون احلى ايام من اعمار اطفالهم

وأحلى لحظات ...

يا اخي جرب واحكم بنفسك .. شوف وجه عيالك :)

وانت تقولهم اليوم انا اللي بوديكم المدرسة

جزاك الله خير على حرصك

[ريم 28]

الله يهديهم يارب

انا اولا الوم الام اللي ساكته عن زوجها لازم اتنبه وهذا ابسط شي يسويه لعياله

والوم الاب الللي واثق في السايق والخدامه لن تخسر شي اذا وصلتهم هذا واجبك مهمتك وهذا حقهم عليك والله بيبارك فيك وراح اتحس بسعاده ورضا كل ما وصلتهم


الله يحفظك يا ابوي ويكثر من امثالك يوم كبر كان يغصب اخواني يوصلونا الجامعه كان ما يرضى علينا ابدا استمر يوصلنا حتى لم يستطع ان يسوق حتى وانا في الجامعه يجينا مرات كان هذا همه واذا ما قدر يسوق يجبر احد من اخواني رغم توفر السايق والخدامات

اعطانا كل حقوقنا الله يدخله الجنه من غير حساب يارب جنة الفردوس آآمين

والان كل اللي حوالينا اعيالهم مع خدامات حتى لو اصبيان لا تثقون ابدا ابدا وصلوهم بنفسكم يا اباء

[نورعبدالرحمن]

لحظة ..لحظة خلكم صريحين ولا تغالطون نفسكم
اي موظفة ما تقدر اتجيب اعيالها ..ولو جابتهم مرة ما راح اتكررها مرة ثانية .
انا مش موظفة واروح اجيب بنتي كل ليوم وما في امهات الا اربع او خمس ينعدون على الاصابع
تدرون وين المشكلة مش في الوظيفة لان انتوا الي اخترتوا الوظيفة على اعيالكم
انا مستغربة من الي يسمون نفسهم امهات ؟؟
والله اليهال يعورون القلب لما اروح حق بنتي يلتمون علي ويقعدون اتكلمون معاي كن محد يكلمهم في البيت
وحدة اتقولي تخيليني بنتج قلت لها الماما تشتغل قالت اي
وتسوق بعد
لا يسافرون ويقطون لعيال مع الشغالة ..اقول حق صديقتي اشلون والله ماقدر
قالت لا الشغالة اتحبهم اكثر مني ولا ترضى عليهم
ولما ترجع تقول مادري اشفي ولدي قام اتاْ تاْ في الكلام
خافوا الله فيهم الله حط لنا اولويات في حياتنا
اهم مراحل العمر الخمس سنوات الاولى
بعدهااشتغلي لاحقةعلى الشغل

[نووون]

]بارك الله فيك , وزين الله قدرك وضربت هرن
والله ان بعض المشاركات ترفع الضغط اكثر من الموضوع نفسه
اخي الكريم , اللي انت شفته هذا اسمه تحرش جنسي بالاطفال , وعقوبته في الدول التي تحترم انسانية الانسان لا تقل عن عشر سنوات سجن بدون احتمال اي عفو
يا اخوان ويا اخوات خلونا نترك السلبيه
ايش بتخسر لو وقفت واخذت رقم الاب او الام وشرحت لهم اللي شفته ؟ والله ان لك الاجر من رب العالمين والشكر والامتنان من اهل الطفل , ليش نفترض ان الوالدين سيئين او مهملين ؟ ما نعرف ظروفهم ايش , وبالتاكيد هم مايرضون ذلك لابنائهم
احترامي[/size] لك يا اخت ضوى


اي تستوي بلاوي عند مدارس البنات .. وسمعت اكثر من ام شافت بعيونها بنات باحضان السواقين والتحرش واضح امام الملا
وفي وحدة هاوشت السايق وخذت منه رقم الام وقالت لها شكان يسوي ببنتها
وللاسف قامت ادفدف واتعذر باعذار باردة تحرق القلب اكثر


مادري مجلس الثقافة والطفولة اش موقفه من هاالتحرشات ؟؟؟؟؟؟

[الصغيره]

ياخواني قسم بالله لو حد بس يراقب عند المدارس لشوف الهول والمنكر

تخيلوا حتى لو معه خدامه والله انه يسرح ويمرح ولا عليه

يا مكثر المواقف ولما تتصل باهل الاطفال يقولون وانتوا اشعليكم منا


بعض الامهات استغفر الله والاباء للاسف البعض مايدري عن عياله ولا بناته الا بعد الطامه

[الصغيره]

لحظة ..لحظة خلكم صريحين ولا تغالطون نفسكم
اي موظفة ما تقدر اتجيب اعيالها ..ولو جابتهم مرة ما راح اتكررها مرة ثانية .
انا مش موظفة واروح اجيب بنتي كل ليوم وما في امهات الا اربع او خمس ينعدون على الاصابع
تدرون وين المشكلة مش في الوظيفة لان انتوا الي اخترتوا الوظيفة على اعيالكم
انا مستغربة من الي يسمون نفسهم امهات ؟؟
والله اليهال يعورون القلب لما اروح حق بنتي يلتمون علي ويقعدون اتكلمون معاي كن محد يكلمهم في البيت
وحدة اتقولي تخيليني بنتج قلت لها الماما تشتغل قالت اي
وتسوق بعد
لا يسافرون ويقطون لعيال مع الشغالة ..اقول حق صديقتي اشلون والله ماقدر
قالت لا الشغالة اتحبهم اكثر مني ولا ترضى عليهم
ولما ترجع تقول مادري اشفي ولدي قام اتاْ تاْ في الكلام
خافوا الله فيهم الله حط لنا اولويات في حياتنا
اهم مراحل العمر الخمس سنوات الاولى
بعدهااشتغلي لاحقةعلى الشغل

لا يشتغلن او لا يجيبن عيال وين بتروح من الله لما يسالها عن الامانه قسم بالله ليسالها الله ويعاقبها هي وزوجها ليه هذي امانه وش ذنب البنات والعيال وكيف بيكون المجتمع وهذولا اطفاله

يارب سترك

[لاجئ عاطفي]

والله محد جاب الدريولية والخدامات الا الحريم ..!!!
المفروض المدرسة تمنع تسليم اي طالب او طالبة الا بوجود ولي الامر نفسه سواء ام او اب مثل المراكز الصحيه اللي ترفض تطعيم الاطفال الا بحضور الام او الاب شخصيا واي طفل يجي برفقة خادمة يرفض تطعيمه

[chillis]

والله محد جاب الدريولية والخدامات الا الحريم ..!!!
المفروض المدرسة تمنع تسليم اي طالب او طالبة الا بوجود ولي الامر نفسه سواء ام او اب مثل المراكز الصحيه اللي ترفض تطعيم الاطفال الا بحضور الام او الاب شخصيا واي طفل يجي برفقة خادمة يرفض تطعيمه

انت تعرف لو سوا هالقانون محد بياكلها الا الحريم لان اغلب الي يودون عيالهم ويجيبونهم الحريم مهب الريايل وبعدين الرجال ماله كلمه بيته ان قالت المره دريول وخدامه قالها لبيه خله يكون هو رجل البنت مهب هي :( :secret:

[قطرية فله]

حسبي الله ونعم الوكيل

و ما نقول غير الله المستعان ....

[R 7 A L]

السلام عليكم ورحمة الله وبركاته ،،،،

صبحكم الله بالخير ورضى الرحمن ،،

اليوم صدفة وأنا أفتح إذاعة قطر، حصلت برنامج وطني الحبيب وكان فيه مواطن من أولياء الأمور يتكلم بحرقة عن موضوع الأطفال اللي بالمدارس ،، والله إني سمعته وياريت إني ما سمعته من هول ماصدمني !!!

تخيلوا ياجماعة الخير يقول المستمع(هو مواطن) إنه وهو رايح يجيب أطفاله من المدرسة في وقت الظهر، شاف دريول يشيل أغراض الطفلة وبعدين شال الطفلة وركبها بالسيارة @@ !! يالله لطفك لهالدرجة وصلت في بعض أولياء الأمور هالمواصيل !!!!

وفي بعض الأمور الأخرى اللي سمعتها شخصياً بعضهم ((من الدريولية))يسلمون على الطفل قبل لا يدش المدرسة ويستقبلونه بالأحضان بعد الخروج من المدرسة !!

السؤال اللي يطرح نفسه ؟؟

وين أهاليهم؟ وين الأم - الأب - الخال- العم - الجدة؟؟ المهم أي حد كبير يكون معاهم ؟؟؟
مسؤولية من هذي القضية ؟؟ والله شي تقشعر له الأبدان من المناظر اللي تمر علينا !!
ألم يقل الرسول صلى الله وعليه وسلم: (( كلكم راع وكلكم مسؤول عن رعيته )) ؟!

أنت بكرة بتتحاسب على فلذات أكبادك ؟ هذيلا أبنائك، في شي بالدنيا أهم من ضناك ؟؟؟؟


وهذا جزء منشور من مقال الأخت عائشة الكواري من جريدة الشرق توضح خطورة هالأمر :

http://aisha-alkuwari.net/wp-content/uploads/2010/04/99.jpg


طبعاً ما ننسى إن في الشريحة الأخرى وهم أولياء الأمور اللي مايقصرون مع عيالهم بشي حتى في توصيلهم للمدرسة، وقايمين بواجبهم تجاههم، أقول لهم: جزاكم الله خير وكثر الله من أمثالكم و أسأل الله العلي القدير أن يبارك لهم في ذريتهم ويرزقهم برهم، ويجعلهم من الذرية الصالحة ..








مشهد يومي أشوفه عند مدرسة البنات الابتدائية

حتى ان الدريول مايحرك الا بعد مايتأكد ان البنت دشت المدرسه مع بعض القبل والبوسات الهوائية :anger1:
والتوديع

[ثابت]

المفروض المدرسة ترفض استقبال طالب او طالبة من غير اولياء الامر او الباص المخصص للمدرسة