سوف تندثر?

[BO.ABDULLA]

السلام عليكم حبيت اطرح موضوع عن المأكولات الشعبية فهناك عدة أنواع منها مثلاً ( الهريس ، والجريش ، والمضروبة ، العصيدة ، اللقيمات ، القشيد ، الخبيص ) ماكولات كثيرة ماتحضرني كلها ألان .
من عقب ما كانوا أمهاتنا الله يطول بعمارهم إن شالله يتفننون في طبخها، لا ويتنافسون في الفريج عليها.
وألحين ماراح تلقون نفس هالمأكولات إلا في سوق واقف ومب أكيد يمكن بعد؟؟
السوال ليش بعض الحريم هالايام مايطبخون هالمأكولات وصار الاعتماد على الخدم ؟
هل هو عدم الرغبة في الطبخ أم إن الزمن تغير وأصبح الاعتماد على المأكولات الخارجية أو كما نقول ( فاست فود )
موضع للنقاش وابداء الرأي و بعض النصائح للبنات .

[ضوى]

الهريس والجريش والمضروبة والقشيد واللقيمات للحين نسويها في البيت

[بنت مريخ]

الهريس تقريبا كل خميس نسويه

[abdo222]

العصيد والهريس واللقيمات والمضروبه ناكل وحده منهم مره بالاسبوع على الاقل,, للحين الوجبات هذي موجوده, واحيانا الجيران الله يحفظهم يطرشون لنا منها,,

[intesar]

الهريس والجريش والمضروبة والقشيد واللقيمات للحين نسويها في البيت

نعم للحين..

[ALKASER]

أي اليوم غدانا مضروبة في البيت!

[ابوالكلام]

مستمرة والحمدلله

[Mohammed2]

نعم الى الان مستمره

لكن كاتب الموضوع يقصد ان ممكن هذه الاكلات تختفي شوي شوي مع مرور الزمن
والسبب ان محد بيكون عنده العلم في طبخها

[قطرية فله]

لا ان شاء الله ما تندثر

يا زينها هالاكلات و الله و يا حلووها

احسن من الفاست فوود و هالوجبات السريعه :((

[غايه الطواش]

لحد الان نسويها فالبيت بس بصراحه ماحب الا اللقيمات اما باقي الاكلات ...
ثقيله ع المعده ....

[chillis]

والله للحين نسويها بالبيوت وموجوده ما ندثرت وماراح تندثر ان شاء الله لان معودين العيال على اكلها ويحبونها :)

[ماريسا]

أكلات مشبعة بالدهون و الاملاح و السكر و السموم و كلها تجيب الامراض يفضل تناولها في المناسبات فقط

[قلبي الطيب]

بس في رمضان هريس ولقيمات أما الباقي لا

[دااانة قطر]

من فترة لفتره لااازم نسوي المروقوقه والمضروبه
الهريس في المنااسباات
في اشيااي ثاانيه متى ماشتهينا