استفسار بخصوص / جمس سييرا + سفر سلفرادو

[gxr o.z]

السلام عليكم يا اخواني انا ناوي اطلع لي موتر جديد وان شاءالله واحد من هالاثنين - جمس سييرا ولا سلفرادو , اللي ابغيه طبعا غماره وحده فل ابشن وسنقل مالي حاجه للدبل وعندي بعض الاستفسارات بخصوص هالموترين ,هل الموترين متوفرين فالوكاله ولا لازم احجزهم وكم اسعارهم ؟ لأني بأذن الله ناوي على اللي متوفر لو متوفر الجمس خذنا جمس والعكس صحيح
وهل مواصفات السلفرادو فل ابشن غماره نفس مواصفات السييرا فل ابشن غماره ؟ طبعا اللي ابغيهم مكاين 5.3 لتر وشكرا لكم

[qatari 111]

وعليكم السلام
افضللك تاخذ الجمس ويستحسن الدبل لان وقت البيعه الجمس الارغب
واحجز وانتظر شهر او اقل تقريبا
وقبل لا تشتري تأكد هل راح يغيرون شكله
الله يوفقك

[ن.سهيل]

بالتوفيق

انصحك بالجمس ولازم تحجز بس السنقل احتمال تلقاه متوفر لانه غير مرغوب !

الشفر متوفر وفوقها حبة خشم

المواصفات من الداخل نفس الشي مافيه فرق

بس وجه الشفر كنه وجه ( عجوز )

[gxr o.z]

الله يجزاكم خير وانا ابغي اللي متوفر اهم شي فل ابشن وغماره والموتر بيتغير قريب لكن انا ماعندي مشاكل لأن اول موديلات كالعاده فيها بعض المشاكل

[هارودز]

بيتغير شكله 2013

[gxr o.z]

بيتغير شكله 2013



هلا الشيخ والله مثلك سمعت انه بيتغير قريب بس ماعندي مشاكل لأن اول موديلات يكون فيها بعض العيوب المصنعيه

[هارودز]

ليش عبدالغني مايوفر سيارات تندرا

[الشاااهين]

عندي لك جمس غماره 2012 فضي سنغل مايحتاج تحط فيه ريال واحد فيه
دعاميات أماميه +فلتر ريس+ برمجه+ دباب جبسون + حمايه وعازل+دواسات قليت+ غطا بدي

والبرمجه ضمان مدى الحياه واذا تبي ترجعها شركه يرجعونها

ماشي 14000 اذا تبيه كلمني 55355544

[gxr o.z]

يعطيك العافيه يالغالي عرضك جدا مغري بس والله ودي بموتر جديد من الوكاله الله يوفقك وان شاءالله تلاقي شراي

[gxr o.z]

ليش عبدالغني مايوفر سيارات تندرا

والله مادري يالغالي

[mazag]

احلى لون وهو الوحيد الي يجيك طبلونه من داخل بيج اللون السلفر ألرصاصي الفاتح

وبيتغير الشكل شهر 7 سنه 2013 هذا المتوقع

[الشاااهين]

يعطيك العافيه يالغالي عرضك جدا مغري بس والله ودي بموتر جديد من الوكاله الله يوفقك وان شاءالله تلاقي شراي

جعل ربي يوفقك ويسهل أمرك