مشروع بيحصل نجاح كبير للموطن والمقيم لو يطبق عندنا بقطر

[ثابت]

مشروع بيحصل نجاح كبير للمواطن والمقيم لو يطبق عندنا بقطر

انا فكرت بمشروع حلو لو طبقة الدولة بيحل مشاكل كثيرة

معروف انة كل شهر انت تمول بيتك من مواد غذائية ومواد مستخدمة للمنزل مثل مواد التنظيف وغيرها
وكل شهر نروح الجمعيات نشتري الاغراض هذي وتصل تكلفة المواد اغلبية الي اكثر من 1000 ريال قطري
ليش مثل جمعيات الميرة ماتوفر خدمة التوصيل عبر الانترنت بداخل الدولة
تعمل موقع تدخل فية وتسجل وتحط معلوماتك وعنوان بيتك بيوزر وباسورد ولما تدخل الموقع تحصل كل المواد المعروضة بالتحديث موجودة بالتفاصيل
يعني تدخل على موقع وتختار الاغراض الي تحتاجها وتوصلك حتى باب بيتك وبشرط التوصيل يكون مثل مجاني لو تعداء المبلغ 500 ريال اذا اقل تدفع مبلغ مثل 10 ريال
وكذا راح تنحل مشاكل كثيرة مثل الزحمة بالجمعيات وبتكون خدمة مريحة لكل المواطنين والمقيمين
حتى انة نعلم بعض العوائل قد تكون محتاجة هذي الخدمة لسباب عديدة منها عدم توفر سائق او انشغال رب المنزل

يليت المسؤلين بشركة ميرة يوفرون هالخدمة ومشاء الله عندنا شباب وبنات شاطرين بمجال البرمجة وبني المواقع ما راح يقصرون لو طرح المشروع وحصلوا تحفيز.

[قطري !]

مشروع بيحصل نجاح كبير للمواطن والمقيم لو يطبق عندنا بقطر

انا فكرت بمشروع حلو لو طبقة الدولة بيحل مشاكل كثيرة

معروف انة كل شهر انت تمول بيتك من مواد غذائية ومواد مستخدمة للمنزل مثل مواد التنظيف وغيرها
وكل شهر نروح الجمعيات نشتري الاغراض هذي وتصل تكلفة المواد اغلبية الي اكثر من 1000 ريال قطري
ليش مثل جمعيات الميرة ماتوفر خدمة التوصيل عبر الانترنت بداخل الدولة
تعمل موقع تدخل فية وتسجل وتحط معلوماتك وعنوان بيتك بيوزر وباسورد ولما تدخل الموقع تحصل كل المواد المعروضة بالتحديث موجودة بالتفاصيل
يعني تدخل على موقع وتختار الاغراض الي تحتاجها وتوصلك حتى باب بيتك وبشرط التوصيل يكون مثل مجاني لو تعداء المبلغ 500 ريال اذا اقل تدفع مبلغ مثل 10 ريال
وكذا راح تنحل مشاكل كثيرة مثل الزحمة بالجمعيات وبتكون خدمة مريحة لكل المواطنين والمقيمين
حتى انة نعلم بعض العوائل قد تكون محتاجة هذي الخدمة لسباب عديدة منها عدم توفر سائق او انشغال رب المنزل

يليت المسؤلين بشركة ميرة يوفرون هالخدمة ومشاء الله عندنا شباب وبنات شاطرين بمجال البرمجة وبني المواقع ما راح يقصرون لو طرح المشروع وحصلوا تحفيز.




أخوي ثابت


لعلمك هذا المشروع مطبق في اوروبا في اواخر التسعينات


واعطيك مثال :


ايام الدراسه برا كنا نشتري سيارات من اشخاص اوروبين ونحن مجموعه من الطلبه ... ويتم تسجيل السيارة وتأمينها في بيتنا وحنا جالسين .. شرايك؟؟!!!! ملكية السيارة والتامين توصلك للبيت عبر البريد


وفيه بعض المراكز يتم التسوق منها وانت قاعد في بيتك بواسطة الفيزا



وياليت يطبق عندنا

[قطرية كشخه]

ماشاءالله فكرتك حلووة اخووي .. نتمنى انها تستوي :victory:

حتى ارباح الجمعيه بتزيد بشكل ملحووظ ..
شكلي ببوق فكرتك وبسوي موقع " دكان اون لاين " ههههههه

بس حتى لو صارت ان شاءالله شوف اشلون بيضربون علينا الاسعااار :rolleyes2:

[┋أَجِوَدًيّ┋]

أعتقد هذه الفكرة مطبقة في الكويت

[بوفاطمه]

صحيح اخوي ثابت هذا الشي عندهم من زمان.
ياريت يطبقون عندنا.

[لمعة الالماس]

الفكرة حلوة

وفي دول طلبات المطاعم صارت اون لاين والتوصيل للبيت

[chillis]

الخدمه هذي مطبقه بالكويت بحكم ان كل منطقه عندهم فيها جمعيه وكل مسمتلزمات العايله من سباك لين لحام لين سماج لين كهربائي وكله بالتلفون

[ماريسا]

احنا دايماً متأخرين

[abdo222]

الفكره حلوه لبعض الناس,, في بريطانيا "محل تيسكو" عنده الخدمه جربناها ولها عيوبها وميزاتها وتقريبا لكل مشكله حصلوا لها حل,, حاليا عندنا اتصل بالسوبرماركت العادي الي جنب البيت بيجيب لك الي تبيه في اقل من ساعه وبدون خدمه توصيل وتعطيه كاش لين يوصل,,

بس لو سوو خدمه موقع الميره او كارفور هنا من تجربتي اتوقع بتكون هذي العيوب:

1- البضاعه بتوصل لك على الاقل بعد 24 ساعه من الطلب (الميره او كارفور 10 دقايق من السياره من بيتك+ الي بيجيب لك البضاعه اتحدى يدل البيت من اول مره عشان نظام ترقيم البيوت الخرافي عندنا)
(المشكله هذي تصير عند اول توصيله بس, فتعتبر مشكله وجد لها حل)

2- البضاعه الي بتوصل لك لازم تشيك عليها كلها (من حيث النوعيه والكميه) اهي نفس الماركه الي طلبتها (جبنه بوك مب البقره الضاحكه) وحنا متعودين على انواع محدده ما نحب نغيرها
(من حيث تاريخ الانتهاء)
(في حاله عند تطابق طلبك من الي جابوه لك لازم البضاعه تتغير من جهتهم ويجيبون لك البضاعه الصحيحه دايركت)

3- لازم سعر النت يكون ارخص من سعر البضاعه المعروضه عندهم (عمليه جذب للناس انهم يشترون بالنت) "ما اتوقع ينزلون اسعارهم الا بيرفعونها,,

لو تطبق المشروع انا بشتري اونلاين منه كل شيء الا الاكل,,

فمن وجهه نظري الحل للزحمه حق كارفور والميره اهي:

يخلون فرع واحد مفتوح 24 ساعه و كفايه 2 كاونترز مفتوحين عليه بعد ساعه 12,,

[رجل الجزيرة]

الفكره حلوه لبعض الناس,, في بريطانيا "محل تيسكو" عنده الخدمه جربناها ولها عيوبها وميزاتها وتقريبا لكل مشكله حصلوا لها حل,, حاليا عندنا اتصل بالسوبرماركت العادي الي جنب البيت بيجيب لك الي تبيه في اقل من ساعه وبدون خدمه توصيل وتعطيه كاش لين يوصل,,

بس لو سوو خدمه موقع الميره او كارفور هنا من تجربتي اتوقع بتكون هذي العيوب:

1- البضاعه بتوصل لك على الاقل بعد 24 ساعه من الطلب (الميره او كارفور 10 دقايق من السياره من بيتك+ الي بيجيب لك البضاعه اتحدى يدل البيت من اول مره عشان نظام ترقيم البيوت الخرافي عندنا)
(المشكله هذي تصير عند اول توصيله بس, فتعتبر مشكله وجد لها حل)

2- البضاعه الي بتوصل لك لازم تشيك عليها كلها (من حيث النوعيه والكميه) اهي نفس الماركه الي طلبتها (جبنه بوك مب البقره الضاحكه) وحنا متعودين على انواع محدده ما نحب نغيرها
(من حيث تاريخ الانتهاء)
(في حاله عند تطابق طلبك من الي جابوه لك لازم البضاعه تتغير من جهتهم ويجيبون لك البضاعه الصحيحه دايركت)

3- لازم سعر النت يكون ارخص من سعر البضاعه المعروضه عندهم (عمليه جذب للناس انهم يشترون بالنت) "ما اتوقع ينزلون اسعارهم الا بيرفعونها,,

لو تطبق المشروع انا بشتري اونلاين منه كل شيء الا الاكل,,

فمن وجهه نظري الحل للزحمه حق كارفور والميره اهي:

يخلون فرع واحد مفتوح 24 ساعه و كفايه 2 كاونترز مفتوحين عليه بعد ساعه 12,,

على ما أعتقد بتكون البضاعة بكود معين وانت إلي بتختار النوعية وإما عن عنواين البيوت فيمكن أكثر من 60% البيوت عليها ترقيم وإما عن الإنترنت فالمفروض إنهم يخفضون سعر الإنترنت والسرعة فوق الممتازة وإنه ما يكون فيه تقطيع.

الصراحة الفكرة ممتازة، فالسؤال متي يتم التطبيق؟

[abdo222]

على ما أعتقد بتكون البضاعة بكود معين وانت إلي بتختار النوعية وإما عن عنواين البيوت فيمكن أكثر من 60% البيوت عليها ترقيم وإما عن الإنترنت فالمفروض إنهم يخفضون سعر الإنترنت والسرعة فوق الممتازة وإنه ما يكون فيه تقطيع.

الصراحة الفكرة ممتازة، فالسؤال متي يتم التطبيق؟

فكرة الكود المعين على البضاعه فكره ممتازه ما شاءالله عليك :victory: فما بيكون في خربطه بالنوعيه والكميه,,

بالنسبه للسعر قصدي سعر البضاعه "في النت" مقارنة بسعر البضاعه "في المحل",, اكيد الحين 99.99% من بيوت الدوحه فيها نت,

[Dana’1]

الفكرة حلوة وناجحة بإذن الله بحكم انها مجربة في دول اخرى ،،،بس بشرط اذا طبقوها عدل ،،اما اذا بيلعوزن الموااطن وينقعونة مثل كروة لا خلهم مكانهم واحنا بإذن الله بنوصل لهم
وبنقزر الاغراض المهمة من الدكــان ما يقصرون حقيق الدكاكين


ملكية السيارة والتامين توصلك للبيت عبر البريد
صادق ابوي يقول كنت اجدد الليسن وغيرة من الامور توصل بالبريد،،واظن انها ايام السبعينات عالثمانينات بأمريكا او بريطانيا ناسية بالضبط
حتى الحليب اليومي عند الباب واي ملاحظة على طوووول يستجيبون في حلها ناااس تعرف قيمة الوقت والانسان وشلون تكسب احترام الناس لها

[ماريسا]

أنا مع فكرة يخلون جمعية مفتوحة 24 ساعة

[طويل الرمح]

يا ريال خلهم يسوون فكرة المحاسب الشخصي اول بعدين يطبقون الاونلاين

المحاسب الشخصي كمبيوتر تحاسب انت بنفسك يسوي سكان للبار كود و تدفع بالبطاقة

[كلنا قطر 1981]

والله فكرة ممتازه اخوي ثابت

اتمنى انهم يطبقونا عندنا

كل الشكر و التويق لك بالافكار الطيبه :victory:

[الكاسب]

شركة خاصة في منطقة الأحساء طبقت هذا الموضوع.. ونجح...تتصل بهم تملي عليهم حاجياتك يسجلونها سريع ومن ثم سريع للمجمع ومن ثم لباب بيتك بالأغراض والفاتورة...ولاتدفع ريالا زيادة فوق قيمة الأغراض.حيث أن هذه الشركة تأخذ نسبة معينة أو خصما من المجمع.

ومن أول مرة يصلون إليك يتم ترقيم منزلك برقم خاص بهم..ليسهل الوصول إليه في المرة القادمة.

يعطونك موعد للوصول...لو تأخر السائق...لاتدفع ريالا واحدا وخذ أغراضك.

أعرف صاحبها ولدينا فكرة لعمل ذلك المشروع في قطر.

[ابوالكلام]

الفكره حلوه لبعض الناس,, في بريطانيا "محل تيسكو" عنده الخدمه جربناها ولها عيوبها وميزاتها وتقريبا لكل مشكله حصلوا لها حل,, حاليا عندنا اتصل بالسوبرماركت العادي الي جنب البيت بيجيب لك الي تبيه في اقل من ساعه وبدون خدمه توصيل وتعطيه كاش لين يوصل,,

بس لو سوو خدمه موقع الميره او كارفور هنا من تجربتي اتوقع بتكون هذي العيوب:

1- البضاعه بتوصل لك على الاقل بعد 24 ساعه من الطلب (الميره او كارفور 10 دقايق من السياره من بيتك+ الي بيجيب لك البضاعه اتحدى يدل البيت من اول مره عشان نظام ترقيم البيوت الخرافي عندنا)
(المشكله هذي تصير عند اول توصيله بس, فتعتبر مشكله وجد لها حل)

2- البضاعه الي بتوصل لك لازم تشيك عليها كلها (من حيث النوعيه والكميه) اهي نفس الماركه الي طلبتها (جبنه بوك مب البقره الضاحكه) وحنا متعودين على انواع محدده ما نحب نغيرها
(من حيث تاريخ الانتهاء)
(في حاله عند تطابق طلبك من الي جابوه لك لازم البضاعه تتغير من جهتهم ويجيبون لك البضاعه الصحيحه دايركت)

3- لازم سعر النت يكون ارخص من سعر البضاعه المعروضه عندهم (عمليه جذب للناس انهم يشترون بالنت) "ما اتوقع ينزلون اسعارهم الا بيرفعونها,,

لو تطبق المشروع انا بشتري اونلاين منه كل شيء الا الاكل,,

فمن وجهه نظري الحل للزحمه حق كارفور والميره اهي:

يخلون فرع واحد مفتوح 24 ساعه و كفايه 2 كاونترز مفتوحين عليه بعد ساعه 12,,

انا معاك شكرًا